Fatta la xe

Sì , credo che stia andando malamente , al Polo Nord le robe stà ciapando una brutta piega . Anzi diria tante brutte pieghe !!

Lassù no se pol più parlar de avvenimenti politici ma de sfacciate imposizioni de idee con l'unico obbiettivo de tirarghelo in tel cul a tutti , amici e nemici !!

Silverio dopo aver messo el cul in caldo con un poche de leggi ad oc , adesso el straparla de antichi eroi come sè fussi farina del suo sacco !

Ma no basta lui!! Xè anche un vecio rincoionì e con un battaglion de scheletri nell'armeron che spuda sentenze !

El novo personaggio ,novo per modo de dir , el sè ciama Franco Picon . El iera tempo indrio a capo del Polo Nord , alla carica suprema , comunque in pasta tutta la vita con la politica.

Sè parlava adirittura che el gavessi fatto fora un suo superior , tal Moretto , per beccarghe el posto e magnarghe la marenda!

Come savemo , Silver xè stà iutà da una potente famiglia per far sù la fabbrica de batterie , però quella gente no iera propio onesta , qualche volta i scantinava un poco. Cussì la pulia del Polo gaveva deciso de crear un
corpo speciale per combatter stì sporcaccioni.
I due più impizzai per stò lavor iera Falchetto e Tacuin , due giudici rampanti con i ovi grossi e ssai competenti.

Certamente i gaveva fatto un bon lavor , visto che per distrigarse de lori la suddetta famiglia gà sbusà adirittura un'autostrada , i gà impinì el buso col tritolo e cò se passà Falchetto in auto ,i gà fatto saltar mezza isola de Tridà !!

Anche a Tacuin stessa sorte , solo che per lui no i gà nanche scavà el buso , tutto all'aria aperta !!

Quela volta a Silverio ghe piaseva andar a caval , però nol capiva niente de bestie e allora un amico de la famiglia curava le stalle, pian pian xè vignù fora che el guardacavai gaveva a cossa far coi scavadori del buso e con i plen air !

Adesso che el pol saltar pei letti dei altri , che nissun pol più toccarlo Silver gà deciso de riabilitar sia el guardacavai che tutta la famiglia. Come?

Disendo che sia Falchetto che Tacuin i gaveva ragion , ma che i seguiva el metodo sbaglià !!

Xe tardi e gò sonno ma su questo tornerò .

Br1

COSSA XE' STA' ROBA ??

1° - El cul de un asino coi denti ?

2° - Un pene con le sopracilie ?

3° - Un discendente de Bagonghi ?

4° - Un mio ex compagno de manicomio ?

5° - Una bavosa ( o striga o lepusa ) con la cravatta ?

6° - Assolutamente niente ?


Solo risposte intelligenti !!

No servi impegnarse troppo , no val la pena !!

Br1

... ne la foto intiera... se vedeva benissimo... ma i ga pubblicà solo un toco...
in realtà... più sotto... xe due assenteisti che ghe cava un pochi de strazzacavei che ghe se gaveva tacà su le bale mentre el spiava el suo capo nel parco de arcore...
L'espresion... denota chiaramente el dolor dovudo all'operazion... misto ala goduria de aver messo al lavoro due pericolosi sfaccendati.

Cicio

Al polo xè ancora freddo, la popolazion xè sempre rincoionida e Silver viaggia alla grande !!

Guardando quel che el fà , nella mia condizion de straniero , resto impressionà !

Lui gà fatto sparir de colpo tutte le scovazze che impestava mezzo Polo, anche grazie alla teoria de spander la merda per tutta la cusina ma comunque adesso le scovazze non xè più !

La flotta de slitte " Alipolo " iera nei casini de tanti anni, pareva adirittura che la dovessi serar , colpa de quei che comandava prima de Silverio. Lui in dò e dò quattro gà sistemà la question, el gà capì che no serviva mantignir i cani per zuccar e i omini per guidar , cussì el gà molà i cani in autostrada e le slitte li zucca i omini che anche le guida ! Xè l'ovo de colombo ma nissun gaveva mai pensà in stò modo!

La roba impressionante xè che lui trova le soluzioni a tutti i problemi , el gà fatto sparir tutta la delinquenza organizzada che lassù iera una vera piaga , el gà trovà subito i veri colpevoli e li gà serai tutti nei CPT e cussì no se senti parlar più de mafia o camorra

Adesso pareria che el gà la soluzion anche per un problemin tra le più potenti Nazioni del mondo che stà per far guerra! Giusto ieri el gà ditto che lunedì el risolverà la question!

Diseme voi se questi no sè pol considerar miracoli !

Ecco se prima iero titubante , adesso son convinto che el sopranaturale esisti !!

Br1

fabio de grandis ha scritto:... ne la foto intiera... se vedeva benissimo... ma i ga pubblicà solo un toco...
in realtà... più sotto... xe due assenteisti che ghe cava un pochi de strazzacavei che ghe se gaveva tacà su le bale mentre el spiava el suo capo nel parco de arcore...
L'espresion... denota chiaramente el dolor dovudo all'operazion... misto ala goduria de aver messo al lavoro due pericolosi sfaccendati.

Cicio

Dove iera tacai i strazzacavei ????

Br1

Su le bale!!! ... el spiava in bosco... ma per star piu' comodo... el se gaveva messo nudo!!

Cicio

P.S. stasera provero' a darte una ciamada...

Silvan , taiandoghe le orece a tutte le mule che'l creava , oramai el gaveva tanta de quella polvere magica che el podeva dirse onnipotente.

Zurlì , gaveva rivà a fregarghe un poca de stà polvere , però tignindola in cassetin zò nel buso, col caldo e la spuzza , la gaveva perso un poche de proprietà , disemo che iera una seconda scelta . El rivava anche lui a crear qualcossa ,ma mai come Silvan !

Praticamente lori due iera i più potenti de tutti , Silvan iera etero e ghè piaseva divertirse, Zurlì iera sempre stà gay e sempre carigo de rancori !

No i saria mai più andai d'accordo !!!

Dopo la salita de Abele sull'albero anche el mondo cambiava rapidamente.
La television ancora no iera e Adamo e Caino ghe dava dentro a tutta forza , nasseva fioi drio man e cominciava a vignir sù villaggi , paesi e tante tribù .
Tutti i òmini lavorava , le donne partoriva e l'umanità cresseva .

Sù un giornal trovà in edicola a Edengarden , Silvan gaveva letto che tutta stà gente podeva esser un novo mercato che sè apri e che gavendo testa e savendo giostrarse , saria stà possibile sfruttar tutta stà energia umana a propio profitto !!

Con un iòz de polvere Silvan crea l'ingordigia.
L'ingordigia xè quella roba che no te fà mai sentir sazio , più che te gà , più te volessim gaver , par strano che lui zà essendo onnipotente gabbi bisogno de diventar ingordo , però xè cussì , no sò perchè!

Certo che per raggirar i umani el gaveva bisogno de un aiuto. In giardin iera zento babette bellissime , de tutti i colori , creade però col solo scopo de far felice el suo birillo e no le iera adatte a far politica, almeno per el momento !!
De crear un novo mas'cio nanche parlar !! Ancora adesso el gaveva certi brusori.
La soluzion saria de trovar qualchidun fra i òmini della terra e metter sù una società !
Sì , ma chi ??

Adamo e Caino o i lavora o i tromba , Abele xè passà dai simioti ai gorilla e desso el gà el cul più grande della testa !

L'unica roba xè metter un annuncio sul Mercatino !



Br1

Tra i tanti che rispondi all'annuncio , el mago scegli un certo Abramo , de Ur in Bassa Mesopotamia.
El commercia in vacche , come i Bonanza , el xè sposà con Sara , bella gnoccona e sporcacciona , el se porta drio un nipote de nome Lot , ex tossico e zogatolo de Sara

Al colloquio vien fora che sù moglie no pol gaver fioi , cussì el vien subito scelto , sia perchè el xè un mezzo tartaifel , sia perchè con Sara sè pol andar lissi e a Silvan la ghe piasi ssai !

Assunto Abramo con contratto de sei mesi , dopo gaver passà un per de orette con Sara sotto el gazebo , Silvan li manda in Palestina a convinzer tutti , òmini e donne , che lui xè el capo e che tutti devi lavorar per lui !

El nostro procacciatore comincia a lavorar , però la zona de competenza no iera un gran chè anzi , no pioveva mai e la gente iera tutta disgraziada.
Allora decision repentina e vincente : - Tutti in Egitto !!! Là xè i faraoni , i soldi , le grandi costruzioni , spiagge e raid nel deserto , sicuro combinemo qualcossa !!

Pena rivai ,el faraon òcia la mula e ghe fà intender al nostro Abramo che qualche affar xè possibile combinarlo.
Capì le robe al volo , el nostro fà subito passar Sara per sù sorella, cussì la faccia xè salva e i affari và vanti.

A ogni colpo , el faraon , ghè regala qualche armenta o qualche toco de oro , cussì lui sè fà la pila e pian pian el diventa un personaggio importante.
Podeva durar per sempre ma el lavor per Silvan iera fermo e lui xè stava incazzando !
Con indosso una bala cattiva , el mago ghe manda un sms al faraon , disendoghe che Sara xè la moglie e no la sorella de Abramo , che lui xè un magnaccion e che Lot xè un paracul tossico e ritardà !

El capo egizian sè incazza de brutto , però Sara xè cussì brava che el decidi de mandarli via ma de lassarghe tutti regali !

Tornando in Palestina , i gà tante de quelle vacche che i devi adirittura separarle in due mandrie, una per Abramo e una per quel fenomeno de Lot.
Quando i riva la gente sè inchina davanti Abramo :
- Stò mato xè propio figon ! Quà noi no batemo ciodo e lui invezze torna straricco !!

Eh sì , l'ignoranza del popolo giogava in favor de Silvan , i miseri no gaveva ancora capì quanto potere economico stà sconto sotto le cotole delle donne e continuava a creder che tutto quel benessere rivava dalla sola protezion del mago !!

Pensando al rinnovo del contratto e zercando de metter de parte qualcossa , Lot vien mandà con la sua mandria vizin la città de Sodoma , per moltiplicar le armente e per tignir el tesoretto lontan delle tasse , invezze el zio e Sara resta in Palestina .

Ovviamente el mulo con un muccio de bori in scarsela e con una città de nome Sodoma vizin casa , gà comincià subito a scantinar !! In un per de mesi el gà combinà tanti de quei casini che Abramo , oramai ricco e potente , ghè tocca a far guerra con quei de Sodoma e anche con quei de Gomorra , per salvar quel mona de Lot dai debiti !!

Sistemade le faccende militari ,rompendo culi a Gomorra ma no a Sodoma (per definizion !), Abramo gaveva ancora un cruzio , nol gaveva eredi !
Tutti i soldi ingrumai nel tempo ris'ciava de andar dispersi , anche el rispetto per Silvan iera in pericolo se nissun andava avanti dopo de lui !
Oramai Sara iera vecia e l'unico a poderlo iutar restava Silvan , suo capo e anche suo amico !
El và a trovarlo a Edengarden e dopo gaver magnà e bevù come mussi , l'affronta el problema che tanto lo tormenta :
- Te capissì , mi gò bisogno de un erede , sinò come femo a portar avanti el discorso della tua supremazia?

- Scolta Abramo, ti prova a darghe un poche de pompade , se no succedi niente , te mando qualchidun con una roba che sò mi e te vedi che risolvemo !!

El torna a casa , el sè incocona de viagra e col zuffolo in piria 24 su 24 comincia a darghe zò !

La povera Sara , alla sua età , pol starghe drio un per de ore al giorno , no de più , cussì l'iperteso monta anche sora de Agar , una colf colorada e precaria !

Dopo un mese : Sara 0 - Agar 1 !!
Esatto , la colf iera incinta e la moglie no!

Ragionando alla svelta , Abramo decidi che el fio de Agar sarà el suo erede ,anche perche dopo tutto quel viagra el devi pitturar el bagno , però el picio xè scurotto e tutti lo gavessi ciolto pel cul !
Quà vien fora el genio !!!!!
Presentandolo alla tribù , el disi:

- Ismaele , questo sarà el suo nome , xè sì un bastardo ma per la legge de Silvan lui poderà esser mio sucessor a tutti i effetti !!

La tribù resta muta , anzi una domanda :

- Quala xè la legge de Silvan ?

- La legge de Silvan xe quela che disi : " Tutti farà parte della tribù protetta da Silvan dopo la cerimonia del taio dell'usel "

Gelo in piazza , qualche donetta sè metti a pianzer , i muli giovani fila via correndo, insomma stupor e anche un poco de panico !

Un ragionier , suo leccherle , lo tira in fianco e parlandoghe nell'orecia el ghe disi:

- Forsi te gà esagerà , penso sia ssai pochi quei che vol taiarse el toco per farghe piazzer a Silvan !
Se propio te vol pestar là , forsi saria meio qualcossa de meno drastico , cossa sò , taiarghe una bala?
Zerca de rinviar l'annuncio cussì sè la studiemo !

Allora Abramo sè alza disendo:
- Scuseme , son imbriago , l'esatto testo della legge ve lo dirò doman !!

Nel stesso tempo che Abramo fazzeva figure de mona a iosa , Sara iera ssai rabiada per esser stada messa de parte e un dopopranzo la và de Silvan a zercar conforto.

- Cara mia , bastava che te vegni prima , scoltime ben , alza la cotola e quando che te butto stà polvere sulla frizza , pensa de restar incinta e disi forte sin sala bin !

Sù el sipario , zò le mudande , sora la polvere , sin sala bin e fur di bals!!!!

La torna a casa , la butta otto pirole de viagra nel Martini Rosso , la sè distira sul letto e la slarga le gambe!!

In quela riva el marì col ragionier , i sè impinisi dò biceri de vermouth e i sè senta per capir come vignirghe fora con stà ..zzo de legge.
Sara sè alza per serar la porta della camera ,xè troppo tardi , i la gà zà vista !!!
Tutti due gà zà metabolizza la materia blù , i fà impression , anche el ragionier leccherle ( chi gavessi mai ditto!!) xè in piena , i la becca pei brazzi e per le gambe , i la smaca sul letto e comincia un carosello de due ore con urli , zighi , latrati e grufolamenti, un vero circo !!!

Quando finissi l'effetto delle pirole , instupididi e senza fià, i stà distirai per terra come mone, allora sia Abramo che Sara sè accorzi che al ragionier ghe pica qualcossa , là sulla zima del sbrindolo !
Anche se el iera mezzo imbriago e col cuor in gola per la galoppada Abramo gaveva sempre l'ocio sveio!
- Ecco come che faremo !!!
No taieremo tutto ma solo quela pelanda ! Senza usel xè caligo ,ma senza quela covertela tutto funziona lo stesso e comporta pochissimo sacrificio !!
La cerimonia sè ciamerà Circo incision , visto che l'idea xè scaturida in un momento de grande circo , ghe la faremo solo ai fioi mas'ci giovanissimi , cussì no i perdi giornade utili nell'età giusta !

Opportunismo , Sintesi e Lungimiranza , queste xè tre doti che al nostro Abramo non ghe fà difetto !!

El giorno dopo , davanti tutto el clan , vien annunciada la legge , Ismaele vien scalpà , la gente accetta , anche se non sè nota un grande entusiasmo .

El povero Ismaele , con la perdita del cappuccio , diventa membro della tribù e anche erede diretto de Abramo.

... mi me auguro veramente che no sia cussi'.. ma me sorgi comunque el dubbio...
rileggendo el fermento in queste pagine... de soli do tre mesi fa... me vien spontaneo de confrontarlo col "silenzio" de le ultime setimane... che sia solo l'effeto ferie prolungato??

Speremo... vederemo comunque doman de sera in chat... certo che dal mio lontano e privilegiato osservatorio... te sorgi el dubbio che sia un danno collaterale de la cura "zio silvio"...

Certo xe.. che per uno o altro motivo... semo restai solo mi e br1 che ancora... ogni tanto scivi qualcosa... e, a dirla tuta... piu' Bruno che mi...

A domani...

Cicio

Certo che el forum no frìzzi, però bisogna pensar che tutti quei che scriveva un per de mesi fà , gà una certa età ! Mi , non leggendo el Piccolo no son informà , però penso che podessi esserse verificada qualche dipartita !! Oddìo più che naturale , anche sè saria un grande dispiazzer perder qualche simia !!!

Naturalmente scherzavo!!!!!!!!!!!!!!!!!!!!!

Sicuramente i stronzoni no sè gà ancora ripreso dalla pausa estiva , uno sò che parti adesso per le ferie ,
quindi niente moria ,solo paraculismo e attaccamento alla trasmission delle Veline !!
Del resto sè no te gà voia , cossa ..zzo te scrivi ??

Vedemo come và el briffing de doman de sera, caso mai sè telefonemo. ( eh eh eh )

Br1 , el misantropo.

Dimenticavo : W Zorro !!!

Un tempo iero infatuà da Robin Hood , ma adesso el me stà sui ovi ,no sò perchè e visto che anche dopo vecio , gò bisogno dell' amico immaginario , gò scelto Zorro !

Giusto per capirse , va ben ?

Br1

Dopo sei settimane , Sara no stà tanto ben !
La gà nausea , la panza sgionfa e sè ghè gà indurì le tette , nel senso che invezze che sotto adesso le ghè riva sora le scarpe !
La và del dotor e la ghè spiega :

- La me capìssi sior dotor , mi gò fatto una cura miracolosa e penso che tutti stì disturbi sìa dovùi alla gravidanza !

El dotor Domus , zotto e insofferente , el pensa subito a un ictus ! Ma dopo el vien convinto dal gonfior della panza a visitarla.

- Cara la mia siora , penso che mettendo un tubo nel dedrìo rivemo a far vignìr fora tutta quell'aria che la gà !
Però , saria meio che la sè allontani dal villaggio e che per l'operazion la sè rangi sola.
Come la pol pensar de restar incinta a novanta anni ?
La sua "quasi niente" xè come un bottin delle scovazze , no xè possibile che cressi qualcossa là dentro!!

El tanèco , iera testardo de suo e in più , nol saveva niente della visita de Sara al mago onnipotente !
Cussì , el ghè conza in man un metro de tubo dalmine e la manda in periferia .

El giorno dopo , la vecia torna. La camina malamente e pozandose sul tubo,tutto sporco de merda !

- Ecco la vedi dotor che la panza xè ancora sgionfa ? Gò messo el tubo quasi fina in fondo e no xè vignù fora nanche un àlito (per fortuna , disemo noi ) in più adesso gò el problema de cusirme el dedrìo !!

El là metti sulla barella , el ciol l'ago col fil e con calma el comicia a farghe trenta punti sul cul.

Col xè a metà lavor , el senti una vose vignìr fora de un de quei busi !! Messa la maschera antigas , el sè avvicina e la vose sè fà distinta !

- Ostia ( n.d.a. sè pol dir visto che el cristianesimo xè ancora de inventarlo ) ara che in stà panza xè qualchidun sul serio !!!

El corri a ciòr un pirio , lo metti dove che un tempo doveva trovarse un bunigolo , el poza sora l'orecia e subito el senti uno che canta !!

- Signora Sara , a dispetto de quel orror che sè vedi de fora , la sua "quasi niente" funziona ancora e posso confermar che la xè gravida !!

Sara xè raggiante , finalmente pregna , la pol tornar al suo posto vizin de Abramo e la ghè darà un erede super legittimo e de sangue puro , altro che quel mezzo simioto de Ismaele , fio della serva !!!

Dopo averghe ficcà el tubo in tel zek a Domus , per vendicarse dell'inutile e dolorosa prova dell'aria ,la torna a casa per darghe la miracolosa notizia al marì.

Br1

http://bavaglio.dolmedia.tv/


... femo qualcosa anche noi?? comincemo con Illy o con di piazza?


Cicio

I due signori quà sora , el primo xè quel in mezzo ai dò fenomeni , oggi i gà dimostrà quanto sè pol esser criticabili anche dai òmini delle caverne !

El Capo de tutti disi una roba , el leccherle disi un'altra !

Certo non son un estimator del leccherle ma quel che el zerca de contrabbandar per verità , xè un pelìn fora misura , anche per un popolo de ...........

Quel' altro , personalmente, non lò gò mai podù veder, da sempre !
Lui parla de storia , ma nol gà tanta covinzion !

Xè inutile , qualunque verzi bocca , perdemo punti ! (intendo noi col pass talian !)

Br1

Ecco quà !!!

Penso che sìa l'occasion magica per usar i nostri programmi de foto ritocco !!!!!

Titolo: " el Niente e la concubina "

Obbiettivo :

1) Trovarghe un aggettivo alla badante del Ministro.

2) Scoprir fino a che punto la tàca a vomitar.

3) Con Correl o Photoshop ,tirarghe via le braghe al malformà e scoprir se xè vero el luogo comune sui nani !

4) Mandar la foto con o senza ritocco a tutti i amici che vivi all'estero , per chieder asilo politico !

L'occasion xè ghiotta , spero che altre simie usi la foto per commentarla !!

Bravo Ser !!

Br1

Sentida la novità , Abramo corri del dotor Domus per veder se iera possibile un aborto terapeutico !

- Dotor , la zerchi de capìr , mia moglie xè ssai vecia ,cossa pol vignir fora de quela mumia ?

- EH , caro mio , te dovevi pensarghe prima !!
Altro che andar in giro a predicar quele monade che te conta Silvan!
Se invezze de scoltarlo lui e andar in libera , te passavi in apoteka e te compravi i goldoni , adesso no te sè trovavi in stà brutta situazion !
Comunque mi no posso far niente , non xè stada ancora inventada l'amniocentesi per capir cos'chè xè la dentro e coi sistemi che gavemo oggigiorno , per interromper la gravidanza , tua moglie no podessi sopravviver !

- Ma , almeno provar ?!?!

- Te capissi che se la buttemo zò per la Scala dei Giganti , la vecia rìva in fondo a tochetti ! No e pò no !
Spera che la crepi prima de partorir , mi no te posso iùtar!

Ssai avilì , Abramo pensa de andar de Silvan per farse dar una man .

Col rìva a Edengarden , el trova el mago onnipotente imbriago alla grande ,sotto un gazebo che el sè rodola con una stangona bionda, pena creada de nome Ilona!
Quando el gà finì tutte le posizioni del protocollo , finalmente lo fà avvicinar :

- Carissimo rappresentante , come xè ? Te vedo muffo , te gà forsi qualche problema ?

- Capo , son ssai preoccupà! Mia moglie xè incinta , però la xè troppo vecia per far fìoi e gò paura che vegni fora una merda !

- No stà a pensarghe , forsi tù moglie no tè gà ditto niente , ma in stà gravidanza la gò iùtada mi personalmente , quindi và a casa e stà seren che tutto andarà benon !!

Confuso e incasinà Abramo torna verso casa , le parole del capo ,anche se el iera imbriago , ghe gà alleggerì el cuor.

Arriva el giorno che vien alla luce el fìo de Sara !
Nissun gà mai capì se el xè nato per davanti o per dedrio , fatto stà che el xè vignù fora ancora pèzzo de quel che Abramo paventava , deforme e trequarti mona !!!

Rinforzada la sua posizion , gavendo fatto un fìo mas'cio (per modo de dir) Sara obbliga sù marì a buttar fora dela porta la colf Agar e anche el fìo Ismaele, alè nel deserto , fora delle balle ! Adesso l'unico vero erede legittimo xè quel de sangue puro !!

Quando Abramo lo vedi per la prima volta , ghe missia el stomigo e subito el decidi de disfarse de quella merda!
Lo ficca intùn sacco , ciolta la manera el sè incammina fora del villaggio!

Sara zerca el picio in giro per casa e no trovandolo , la ghè domanda al ragionier lèccherle :

- Dove xè mio fìo ?

- Mah .. no saveria , gò visto Abramo metterlo intùn sacco a ndar via.

La vecia che no sentiva niente - Ah lo gà ciamà Isacco !! Bon meio cussì , mi torno a dormir !

Abramo col sacco in spalla , cammina chè te cammina , el riva rente el muro de Edengarden.

- Bon , quà và ben ,son bastanza lontan del paese , fazzo a tocchi stò mostro e cussì Agar pol tornar , che me insogno del suo cul ogni notte !!

El metti el sformà sul muro , l'alza la manera e in quel sè senti :

- Brutto mona , cossa te stà fazzendo ?
Te vol smerdarme tutto el muretto ?
E pò , cossa xè quella porcheria che te tignivi nel sacco?

- Ciao Silvan , scusime , magari dopo el muro te lo pituravo , ma come te vedi ,questo xè el fìo mio e de Sara, solo che le robe no xè andade come te gavevi ditto e xè nata stà merda !!

Colpì nell'orgoglio el mago onnipotente replica:

- Mamma mia !! Ma el xè impressionante! Scolta , lassimelo quà , provo a refarlo, no prometto niente e mal che vadi lo butto nel laghetto , senza scagazzar el muro !!

El deluso papà torna a casa solo , col riva sulla porta el trova Sara che ghe domanda :

- Dove xè Isacco ?

- Chi xè Isacco ?

- Ma nostro fìo , no te lo gà ciamà cussì ?

Oramai , anche lui rincoionì e sotto stress:

Sì..sì..Isacco.... Isacco lo gò mandà in colonia, coi altri fìoi ,el dovessi tornar frà un mese !!

Sempre più sorda e per non far veder che no la gà capì niente , Sara sorridi e la torna in letto!

Sù , nel giardin , Silvan consuma chili e chili de polvere magica ,el gà zà buttà el pargolo nel lago un per de volte ma quel , come tutti i stronzi ,tornava sempre a galla.
Senza vose per tutti i 'sin sala bin' e col granfo sul brazzo per buttar la polverina , Silvan el mago onnipotente fà ciamar Abramo !

- Scolta, più de cussì no posso far , portite via stò scarto de umanità e và farte ciavar tì e tù moglie !

Disemo che el iera un fià migliorà , nell'aspetto , ma el restava sempre strambo !!

Presentà, non senza pernacchie, a tutto el villaggio, Isacco diventava a tutti i effetti sucessor de Abramo e in cul a Ismaele , che praticamente el iera stà Circo inciso per niente !!

Br1

... a che ora che mi me sveio per farte gli...

A U G U R I!!! ... di buon compleanno!!!

Sara' una giornada de birette co i amici?? ...o una frustrante giornada de meditazion sul tempo che passa?
.. o forse una precisa ricerca per veder quanto manca a farse tornar i schei dell'INPS?

Sia quel che sia... (consiglierei la prima)... ancora auguri !!!

cicio

P.S. saro' a casa dal 2 al 7 ottobre!!!

Sapime dir come che te se senti cusì vecio..... che me preparo !!!!!!
Mi me toca tra qualche giorno....solo che mi sarò tuta la vita indeciso (Bilancia) e ti tuta la vita Vergine......
.......ma chi te la cazza a ti !!!!!!!!!!!!!
AUGURISSIMI !
PS: mi ghe go vietà a tuti quei che conoso de ricordarse del mio compleanno, 50 iera za tropi, 52 un esagerazion e 53........no voio gnanche sentir sto numero !!!!!

... anche ogi go riva' a veder el tg1 de le 20... ma devo dir che stago diventando braveto... vomita' poco poco senza gnanca sporcar el divano!!!

Bon... in efetti xe certe robe dificili che ancora no rivo capir... robe tecniche per adetti ai lavori... per esempio... col disi che i consensi a sto governo xe pari al 70% (unico al mondo.. disi lui)... xe una de le solite cazade... o l'alzaimer ghe fa creder de eser in Corea del nord??

Comunque come abbondantemente previsto in tempi non sospetti.. (vedi i post de luglio) l'alitalia connection se sta trasformando in un gran casin... che figo!!! una vera libidine.. sul serio!! solo l'idea che forsi domani matina me sveiero' legendo che FANTOZZI (la copia) porta i libri in tribunal... me da un senso de gioia profonda!!! Ma ve imagin e' che casin che ghe pianta i dipendenti a roma e a milan... tuti i aroplani z0' e file interminabili de pasegeri (PAGANTI!!!) incazai come giaguari!!! STRAFIGO!!!!! voio proprio veder che cazzo che ghe contera' silverio a quela vasta platea de cerebrolesi (70%) che ancora lo scolta tramite la sua protesi Emilio Fido.

Sicuramente xe tuti comunisti!!!... come del resto i giudici inglesi del processo mills!!

Sara' veramente un bel autunno... speremo che rivi presto anche una voce dalla consulta a proposito del lodo alfano... no vedo l'ora!!!

Ciao muleria... vado a dormir...pien de speranze per el radioso futuro che incombi sui taliani!!!


Cicio

Comincia a bruzarte el culo??? dai su... fane un altro miracolo... camina su le acque... stupisine ancora con efetti speciali...
ma te ga idea de che libidine suprema provo mentre guardo in diretta l'evoluzion de la tua mitica soluzion per alitalia??

e lora gran cazzone??? desso cossa femo?? mandemo i cariarmati a fiumicino o comincemo con malpensa??... no malpensa no xe bel... che dopo quel cerebroleso de umberto se incazza...

go un idea... mandemo tuti i esuberi a napoli a spostar le scovaze de una via al'altra!!! magari se gavemo culo i tui giornalisti leccaculi no se acorzi de gnente!!!

Dai silvio... su... no farte vignir el mal de testa... che se no dopo... a la carfagna... ghe toca far un fadigon per fartelo alzar... e magari ghe scampa qualche altra telefonada imbarazzante co le sue amiche...

Sa cossa... femo cussì... prova a far anca ti come benito... chiedighe ai taliani de donar l'oro alla patria!!! Visto che i xe cussì mone de comprar i bilgietti alitalia e dormir in aeroporto (dopo eserghe rivai a pie)... magari funziona!!!

Dai su... ancora un picolo sforzo e forsi rivemo portar i taliani a la guera civile... cussì te mandi i tui fedelissimi, te copi un pochi de comunisti... e dopo con quei che resta te se fa l'italia su misura!!! wowowowowow!!! che figo!!!

Divertite... gonade rinsecchita!!!

cicio

Pirotecnico , sintetico , pungente e sempre portator de verità inconfutabili !!

Le tue righe dà un'esatta descrizion de quel che stà succedendo , unico appunto che farìa, xè sulla possibilità de una guerra civile , troppo fantastica !

Questi non ragiona sul viver reale , i vivi virtualmente, no i pensa .

El talian medio ,leggi ma no capissì, el scolta ma nol ragiona , el xè mona!
El gà paura de tutto, xè moltiplicade le agenzie per servizi de sicurezza , porte blindade , telecamere per ogni canton e tutto per colpa de qualche zingano !!

Ara cos'chè i fà con la Costituzion! E nissun sè ga acorto de niente , tutti ciapaì a scazzar i rom da via Flavia !

No, no credo che gente compagna sià in grado de reagir !

Sempre un grandissimo piacere leggerti e penso che stò autunno gaveremo tante occasioni per frugar i tasti del pc , pd.

Ciao Br1

e za là xe casin... voio dir co penso...
podessi verzer un altro topic... dedicà esclusivamente a scriverghe letterine a chi che ne par... no so voi... ma a mi me piasi un casin rivolgerme direttamente a sti rottinculo... certo che co ghe scrivevo a mastella sul suo blog... iera ancora mejo... ma come disi sempre un mio amico noto segaiolo... chi si accontenta... gode!!!

cicio

p.s. speto l'ok..

Mi tornerò al polo ,cussì posso offender chiunque, tanto xè tutto frutto della mia mente alterada !

Br1