Fatta la xe

No me ricordavo più dove... ma a la fine go trovà!!!

Grazie lo stesso...

Cicio

Ogni tanto Silvan se sentiva agità , ghe succedeva de solito col guardava Adamo, stò mulo nudo che girava pel giardin ghe procurava un turbamento , forsi anche più de un turbamento.

Per dirla tutta , un dò , tre volte el ghe gaveva fatto al mulo ,quel che tempo indrio ,Zurlì ghe gaveva fatto a lui ! Tanto Adamo ignorava el sesso per cui nanche nol se rabiava.

Iera bel ....sì , ma mancava qualcossa!
Iera come bever una birra svampida , passa la sede ma senza el gusto!

Una sera in edicola, el ciol un pochi de giornai , in mezzo iera un per de quei che oggi xe per soli adulti.
Sfogliando ,ghe casca l'ocio sulle fotografie de una certa Eva Orlowsky , subito qualcossa non gà quadrà!
El ciama Adamo , lo fà star in pìe davanti de lui e col giornal in man el comincia a far paragoni.

- Eva gà i cavei longhi e Adamo curti , no cambia quasi niente
- Lui gà el petto lisso , ela lo gà ssai sgionfo , meio sgionfo.
- El bunigolo xe al stesso posto , però sotto Eva no gà niente inveze Adamo gà tacà una specie de ossocollo
e un sacco con drento dò ovi come quei delle oche , che spreco de polvere magica!
- Per dedrio i xe simili , forsi meio Eva.

Voltando le pagine , el scopri che Eva , là , qualcossa la gaveva , no niente , disemo ' quasi niente' .

El manda via Adamo, pensando al spreco de polvere e al 'quasi niente' el và a dormir.
Quela notte el dormi malamente , el se insogna de stà Orlowsky , el suda , el devi dormir sulla schena .
Nei giorni che vien , el pensier và sempre a quelle fotografie , el tien anche el giornal sotto el cusin !

- Ah se gavessi un poca de polverina , inveze de consumarla tutta per Adamo , podessi, far sù un'altra creatura come la Orw.. Oky.. bon come Eva!

Guardando Adamo che stava dormindo sotto una fighera , ghe vien l'idea !
El se avvicina , el verzi el victorinox , con un colpo solo el ghe taia un'orecia e col toco in man el scampa a serarse nel gazebo , intanto quel'altro zigava come Polifemo coi ghe gà messo el dedo nell'ocio!
El metti l'orecia a sugarse sul gas , la pesta nel mortaio , fatta la polverina magica riciclada!
Sempre serà drento , cussì Adamo nol vedi cossa el combina , Silvan tira la polvere, Sin Sala Bin, el guarda la fotografia , el paginon centrale....

Eccola...ecco Eva !!!

Bella , tanto desiderada , finalmente la xe rivada e de carne!!!!
Lui metti la man là , là de 'quasi niente' e subito el se illumina , el capissi tutto !!!
El diventa rosso , el se agita , ecco cossa mancava , ecco el gas per la birra !!!!!!
Oltretutto la mula saveva come moverse , cussì i xe restai serai nel gazebo per più de otto giorni.

Al nono giorno , Eva vien fora della tenda e la se trova davanti Adamo , la lo scruta dalla testa ai pìe , co la xe rivada a metà , la urla:

- Bellissimo !!! Tutto per mi!!!!
E la se butta per abbracciarlo.

- Vien subito quà!- tuona Silvan , la becca pel collo , la strasina de novo dentro e ssai incazzà el ghe disi:
- Guai a ti se te parli de sesso con Adamo !! Lui xe e devi restar ingnorante de stè robe! El pol diventar pericolosissimo , anche perchè gò doprà troppa polverina!!

Eva zerca de spiegarghe che no xe vero , purtroppo i gà differenti punti de vista , vedendo anche un'ombra de panico nei oci de Silvan , la se rassegna:
- Và ben , no ghe dirò niente!

Cussì , Adamo resta ignorante , Silvan passa le giornade con Eva e tutto và ben.


Br1

Zurlì , nonostante la punizion ,gà sempre quella tendenza !
Cucando tra le frasche , el vedi Adamo in giardin e subito se ghe impira i corni!

-Ehi.. bel giovinotto !!

Adamo stropandose el naso , el se avvicina e cussì i due comincia a ciacolar , Zurlì se fà contar tutto quel che succedi a Edengarden e cò xe ora de tornar nel buso , el pensa :

- Se me la zogo ben , me ingroppo el marcantonio senza orecia e che combino un gran remitur dentro al giardin , cussì Silvan se impara a maltrattarme!

La mattina dopo el se presenta sul bordo del giardin , el se gà anche lavà , cussì cò riva Adamo , no servi che el se tappi el naso.

-Ciao Adamo , come và , vedo che te son de novo solo.

- Cossa te vol , Eva e Silvan i stà sempre a mugolar e a zigar dentro el gazebo , mi là no posso entrar , cussì giro a svodo pel giardin.

I comincia parlando del più e del meno , fina cò Zurlì porta el discorso dove che voleva lui !

- Ma ti , caro Adamo , te sà a cossa servi quel sbrindolo che te gà là davanti ?

- Sicuro , xe el tubo per l'acqua !

- Ma no! Insempià! Quel xe un ordegno multifunzione ! Adesso te spiego!

E Zurlì ghe conta tutto , come che se lo dopera , tutte le varie modalità d'uso , le varie finalità , insomma tutto quel che bisogna saver !

Adamo lo scolta e capissi che Silvan no ghe la gaveva contada tutta.
Pò , el fatto della multifunzion , iera una gran bella scoperta !

El saluda Zurlì e subito el decidi de provar la novità!
El và fora del gazebo , el speta che Silvan cominci a ronchizzar , el se prepara come ghe gà dito Zurlì , e alla fine el ciama fora Eva .

Quando , vignindo fora , la mula vedi Adamo in quel stato , la resta un momento perplessa:

- Mamma mia che roba !! Però , pensando ben , mi gò promesso de no dir , non de no far , se Adamo xe cussì , vol dir che el sà tutto e mi son a posto!
E adesso chi me ferma più ??

Con le spiegazioni de Zurlì e con la pratica de Eva , i due se ingropa e i taca a far falische !!!

I fà tanto ghetto che Silvan se dismisia e col vedi cossa che nassi el resta de stucco , anzi col vedi Adamo in quel quela condizion , ghe becca vero timor panico !

El corri a pozarse con la schena contro el muro e dopo el comincia a zigar :

- Cossa fè?? Sè matti?? E ti Eva , te gavevi promesso e adesso inveze te gà sveià el mostro!

Eva vol spiegarghe che no xe colpa sua e che no la gà dito niente , ma oramai Silvan xe in preda al terror e nol vol sentir ragioni !

- Ve punirò come meritè

Primo: Ve butto fora de Edengarden , anche per salvar la mia incolumità !

Secondo: L'ossocollo e 'quasi niente' servirà per procrear e no per zogarse ,ogni volta che li doprerè Eva resterà incinta e la gaverà mal de panza !

Terzo: Adamo doverà lavorar come un muss e precario , per mantignir tutti i fioi che Eva farà

Quarto: Ben ve stà!

I due , mogi mogi , i stà ndando via , quando i xe vizin el cancel , Silvan urla :

- Fermi !!! Gò avù un ripensamento ! Visto che son restà senza polverina magica , gò deciso che Eva resterà quà , con mi , fina cò no me stufo , allora ghe taierò un'orecia e la poderà raggiunger Adamo!
Fina quel momento , el mal de panza ghe vegnerà a lui , ogni volta che el doverà andar in gabinetto!
E adesso ,Adamo và via de quà , alè fur di balls !!!!

Adamo se avvia , demoralizzà , però el pensa - Magari podeva andar pezzo !-

El Misero no saveva che drio el canton , lo spetava Zurlì .........zà pronto!

Fine
Br1

Da aprile no guardo più la television!

Me piasi più legger sulla lanterna magica, trovo una notizia , cambio una decina de fonti , qualche volta trovo una che me piasi , magari la metto tra i preferiti e magari el giorno dopo la scancello!

Naturalmente , el mio xe un comportamento criticabile , son total loss per tutte le corbellerie mondane , no saverò mai chi che xe montà sora questa o quel (in senso biblico , leggi gossip ).

Ogni tanto , andando a lavorar , me casca l'ocio sulle locandine del "Il Piccolo" , un giornal che i fà quà , vizin casa mia , de un per de giorni leggio de un certo Brunetta , venezian , non alto , non bel.

Quel che disi l'articolo del giornal , no posso dirvelo , no lo gò mai compra , però con la scheda tv che gò messo sul pc ogni tanto vado a guardar le televisioni del Polo Nord, niente de speciale , solo otto canai , tutti bastanza freddini, e anche là xe uno che però se ciama Brunetto.

Al Polo le robe và diversamente de quà , lassù comanda Silverio Da Zaule, grande conduttor , grande per modo de dir , vizin de lui governa sempre Berto che gà el fio mezzo mona che no riva a diplomarse ,
dopo vien Frane , altro stranetto, el gà distrutto un partito per farse fotografar con le mudande sgionfe vizin una mula giovane e dopo , tutti i leccherle de turno.
Tra sti piombi , ogni tanto, uno se metti in mostra, adesso xe el turno de una specie de mostriciattolo , un cagainacqua alto giusto un metro.
El rispondi al nome de 'Brunetto' , per capirse el xe tanto repellente che i musati scampa via!
El suo passato , lo gò zà contà , niente de bel!
El xe carigo de astio , tutta la vita guardà se non con schifo , sicuramente con commiserazion !
In nissun modo presentabile , zà a scola tutti lo remenava , sempre a tirar sù la testa per far veder che el xe più alto de quel maledetto metro!
Se el voleva incontrarse con una femmina el doveva pagar , ma no la tariffa normale , quella doppia !!
Nanche le lucciole del Polo , gaveva tanto stomigo!

Adesso , fazendo non se sà che imbroi , el xe rivà a comandar i dipendenti pubblici Nordpolesi !
Podè immaginarve la soddisfazion del malformà! Tutti stì normali sotto de lui! Anche le normale!

Primo passo verso la celebrità :

Tutti i mii dipendenti che non se senti ben , gà diritto a una visita medica obbligatoria per constatar el stato de salute !
Tanto i dottori che corri per le case , non li pago mi!

Secondo passo verso i problemi:

Quei mii dipendenti che stà veramente mal , riceverà un sussidio pari al normale stipendio , però decurtà de un terzo!

Adesso feme far dò conti e magari dopo se sentimo!

Gran fortuna viver in quà e no al Polo Nord !


Br1

Lassù ,sempre al Polo , un grande problema per le famiglie xe le scovazze!

Fina qualche tempo fà , se ingrumava muci e muci de rumenta nelle vie dei villaggi.
Nissun saveva come risolver el problema.

Una mattina , el fio de Berto, anche se nol xe tanto sveio , el gà trovà la soluzion!

Lui sporca sempre in bucal , giorni fà el bucal iera pien , allora el mulo lo gà svodà per tutta la cusina e cussì el bucal xe tornà svodo!

Ditto fatto , tutte le scovazze dei villaggi xe stade buttade in giro pel Polo, cussì le vie xe nete!

A Newton ghe xe cascà el pomo in testa , el rampollo gà ribaltà la merda ... comunque soluzioni!!


Br1

A 90° de latitudo , de solito fà ssai fredo!
Tutti savemo che el fredo strenzi , strenzi de più le parti molli !! Se ve buttè in acqua ai topolini in febbraio e dopo ve guardè nelle mudande , capirè de cossa che parlo !

Là , in alto , xe la stessa roba , bisogna anche pensar che zone molli , no xe solo l'affar cinese ma anche , per esempio , el zervel .

Darwin , me riferiso all'originale , lui saveva che l'evoluzion , su al Polo , portava a ridimensionar le parti molli , per via del fredo , me iera sempre el zurlo che sfidava le leggi naturali !

Con el zervel ridotto e con un priapismo congenito , Berto ghe vanzava sempre de esagerar , una sera dopo gaver fatto baldoria coi amici , el gà volù far una dorada sotto el pak!

Cò i lo gà tirà fora el iera duro come un baccalà!

Al fìo , Enzino , che se vè ricordè xe quel che gà spanto la merda per la casa , visto el pare in quela condizion , ghe xe vignuda un'altra ideona!!

El gà impizzà el generator , el gà tacà i due fili sul dedo del iazzà e dopo el gà dà corrente !!

Berto saltava per la banchisa come un simiotto , alla fine de stò turbiòn , ghe sè gaveva impirà i cavei , el parlava malamente , el dedo-presa iera restà duro e dritto , però ghe iera passà quel maledeto priapismo .Definitivamente !!

Naturalmente , Enzino xe diventà l'idolo sia per el pare ,sia pei amici che gaveva assistì all'impresa !

Gavendo smerdà la casa e mezzo fulminà el genitor , tutta la tribù gà deciso che meritava mandarlo a scola!

Quà , comincia i dolori!!

Al Polo Nord , per via della riduzion de parti molli , noi gà insegnanti , cioè quei che insegna xe tutti pinguini ,
quindi i vien tutti dall' Antartide !

Enzino prova a studiar , el sè anche impegna , ma xe ssai fadiga (maledeto Darwin).
El riva finalmente al primo esame , ma no và ben , el perdi l'anno e anche el diploma.

Berto sè incazza , xe mai possibile che mio fìo no rivi a finir scola?
Provemo de un'altra parte !

Lo manda in una scola de pinguini Aureolatis , razza ssai convinta e ssai corruttibile !
Passa un'anno e anche quà i lo boccia!!

- Ma come anche voi , dopo tutti i pessi che ve gò mandà , tutte le multe che ve gò fatto cavar ????
- Quà no xe mio fio che xe lofio , xe voi che sè cattivi !!
- Bisogna che sia cambià el sistema : Voi pinguini , tutti , andè a remengo , zò in Antartide e quassù a scola insegnerà le nostre foche e i nostri trichechi , anche col problema delle parti molli , i sarà sicuro meio de voi!


Br1

mi credo che per risolver sto problema de berto se poderia far un lodo ad personam e visto che per legge da oggi no se pol più condannar el vecio claus e co. se poderia far una legge che no se pol bociar i fioi dei soliti noti del polo e no ghe vedo gnente de mal a sto punto.
che cul che noi no vivemo in sto paese del polo.

s.

e meno mal che de noi... se trova sabbia in abbondanza... e prima che la cominci a scarsegiar... credo che un pochi de sacheti su le finestre, al posto dei gerani... no sia una cativa idea...

Cicio

P.S. ciao Sergio!!! benormeggiato!!!

Un ex nautico DOC come mi... che cantava e canta l'inno dei sommergibilisti... che xe costretto a leger l'unità per trovar almeno un po' de dissenso nel devastante panorama italiano????!!!

Incredibile.... l'unità!!!!!!!!! proprio quela che go sempre ciolto pel cul con la famosa barzeletta: PIOVE!!! .... compagno... L'unità NON LO DICE!!!

Veramente no go più parole... ma son curioso de veder a che livel riverà la mia adrenalina, quando tra qualche ora legero' che NAPOLITANO... comunista DOC da sempre... lui e la moglie... firmerà la legge!!!!

El ne costa una barca de soldi... el ga de far solo do robe: garante dela democrazia e rispetto de la costituzion.... secondo voi quala el fa mejo????

Bon... vado a vomitar.... spero che nel frattempo i approvi un dercreto urgente per trombarme la moglie... almeno ela se divertirà un poco...

Cicio

Ben pensada , bravo Cicio
Mi provo a partir , chissà indò che rivo!

Br1

Nei tempi passati , tutto el Polo , iera governà da un Re!

El Re podeva far tutto e anche più de tutto.
Mai lavorar , el beveva , el magnava el montava sora tutte le mule che ghe piaseva , anche se le iera mogli o fidanzade de altri!

Cò nasseva un fìo suo , nanche lui gavessi mai lavorà , el podeva gozzovigliar a maca!

Se inveze el fìo lo fazzeva la Regina , el iera destinà a diventar Re , spetando che crepi el pare.

Col Re sempre libero de impegni e con praticamente tutte le babette a disposizion , podè immaginar quanta muleria che girava!

Col gà comincià a no capir più niente , el sovrano gà deciso de far un poco de ordine.

El fìo della Regina sarà sempre ciamà ' Gigi ' e cussì i sui fìoi e i fìoi dei sui fìoi , per distinguerli ghe sarà ficcà un numero vizin el nome .

Tutti quei che xè nati per el solazzo del Re , i sè ciamerà ' Nobili ' , in onor del Comandante , e anche lori no doverà mai lavorar! ( della tenda rossa , parleremo in un'altra fiaba)

Quei altri , che non gà mai avù el Re a trombar per casa , i sè ciamerà Terzo Stato o anche popolani , in quanto sicuramente i gà la moglie brutta!
Perciò i doverà lavorar come mussi per mantignir i Nobili nel lusso e i zercherà de sopravviver con quel che vanzerà , se vanzerà !

Quella del Polo sè stada sempre gente semplice , anche per via del freddo ,l'evoluzion e la riduzion dei tessuti molli ! L'unico dissenso xe stà per el scarso apprezzamento verso le mogli .

Anche le Regine godeva dei stessi privilegi dei consorti , per cui le iera sempre imbriaghe e cò le iera pregne , i feti sè becava dei scurloni niente mal. Ogni tanto nasseva uno mezzo mona , altre volte quasi normale , comunque traverso le generazioni , restava traccia dei stravizi !

Dopo Gigi I , II , III , IV .....rivemo a Gigi XVI !
Che combinazion !!! Savevi che nella 'Smorfia napoletana' el 16 vol dir " buso dedrio " ?

Continuemo, Gigi XVI iera de vederlo !!
El gà somatizzà tutte le tare dei sui avi! El xè la showroom delle imbriagadure dei antenati ! El gà anche un gropo sul pistacio , fin dalla nascita !
Con le babe, xè un fià ciodi ,ma el sè diverti comunque , le sue vere specialità xè magnar e ancora più bever!

Una mattina , dopo aver bevù una fiasca de Fernet , con el stomigo sottosora e la bocca amara come el fiel,
el và sul pergolo zigando:
- Voi popolani e merdaioi ! D'ora in avanti al posto del pan magnerè solo pastine col dobos , inveze de minerale ,beverè acqua col zucchero e al posto del vin , vermuth dolze !!!

Tra el popolo che lo scoltava , iera anche tre amici : Muro , Robi e Dente, due precari e un disoccupà , tutti tre diabetici !!

Tornando a casa tutti incazzai , i commenta :
- Ciò se ndemo drio de lui ne toca far debiti per cior l'insulina!
- Te gà voia , tre giorni de quela dieta e ndemo tutti a sburtar radicio !
- Mi diria de darghe una fracada a stò ..zzo de Re !
- Te gà ragion , domani sera andemo de lui e magari colle brute lo femo ragionar !

La sera dopo , tutti in iperglicemia , i riva a casa de Gigi XVI.
- Brutto scarto de dinastia ,ma cossa te gà in quela testa ? - Cussì disendo Robi ghe ciapa la testa e comincia a scantinarla. El scassa tanto forte che la ghe resta in man !
- Ostia , fatta la xè e desso? - fà Muro
- Desso buttemo tutto in scovazze e filemo - disi Dente
Robi stava guardando dentro la testa e subito li ferma - Spetè , guardè quà , el Re gaveva la testa svoda , due cagade de cocal e un per de mosche morte ! Se lui , con stà testa , rivava a comandar tantomeio podemo farlo noi , mi diria de ingrumar un pochi de amici , becar tutti i Nobili e disvidarghe la testa !
Cussì sè liberemo dei paraculi , lavoreremo de meno , no servi aumentar la dose de insulina e poderemo dormir tranquilli , senza che nissun vegni a pomparne la moglie!

Cussì xè stà fatto !! Iera el 1789.

Br1
-

el più bel riassunto per immagini dell'itaglia de ogi!!!

Cicio

http://www.voglioscendere.ilcannocchiale.it/

Lodo :

Decisione emessa da arbitri autorizzati dalle parti a decidere , secondo una valutazione equitativa degli interessi in conflitto , su materie che per legge non siano sottratte all'autonomia privata e a transizioni.

Il lodo dev'essere deliberato a maggioranza degli arbitri. Una volta dichiarato esecutivo con decreto del Pretore , il lodo ha effetto di sentenza.

...Br1

Al Polo , rivar a piazzar un loden , iera problematico !

Tutti de solito, preferiva el capoto o el trenc , el loden iera una via de mezzo , come una scappatoia per spender meno e far lo stesso bella figura ! Xe più facile de portar de un capoto e più durevole de un trenc , ma i Nordpolesi questo no lo saveva !!!

Quel pena dito , no centra niente con la question che volevo contar , iera una semplice metafa !

Polo Nord , 2004 , freddo !!

Un signor , isolan , nel senso che el vien de un'isola , no un esule , de nome Meccano , el se trova con Silverio , per bever dò birre , amico de marenda insomma , Silver ghe spiega che el suo vero obiettivo xè de aver i poteri che prima del 1789 gaveva el Re !

-Te capissì Meccano , quela volta el Re fazeva lavorar i mone quasi senza pagarli , lui e i sui amici no lavorava per niente e in più i viveva nel gran lusso ! Questo son quasi rivà a realizzarlo , grazie al fredo e all'evoluzion , però quel che me premeva de più , iera el diritto de trombar le babe dei altri !

- Caro mio - ghe disi Meccano - Quei là fora, i sè sì insempiai , ma a nissun ghe piasi farse guar la moglie e de trovarse el letto tutto scagazzà!

Silverio sè incazza e lo manda via! - Se no te son bon per questo , và a cagar che ciamo sior Schifosi !!

Anche Schifosi xe isolan e come Meccano, xè amico de quela famiglia che tanto gà iutà Silver in principio!

Sempre le birre , stessa domanda e quasi stessa risposta , però con un consiglio .

- Amico mio , stì mone gà ancora troppo zervel per farte far quel che te vol , mi spetteria un inverno ssai ma ssai fredo e quando che el zervel sè ghe strenzi ancora ,riprovar ! E ricordite de tignir la bareta in testa!

Mandà a remengo anche Schifosi , Silver sè metti la bareta e comincia a spetar !!

Polo Nord , 2008 , freddissimo , anzi super freddissimo !!

Una sera , a caccia de lucciole , Silverio vedi un con la bareta in testa - Orca - el pensa - ara un'altro isolan!

- La scolti , giovinotto , forsi anche lei la vien dall'isola Tridà ?
- Sì , de cossa la gà capì ?
- Per via della bareta ! Sicuro la gà consiglià el signor Schifosi !
- Certo , lo conosso ben , sè pol dir che semo della stessa famiglia !!
Silverio resta come folgorà , el pensa - Tre isolani , no esuli , l'isola de Tridà , xé la legge del Tre !!

- Che piazzer trovarla sior isolan , come posso ciamarla ?
- Me ciamo Tafano .
- Come , ..Tafano ? ma no xè una bestiazza che ciucia el sangue alle armente?
- Se xè per quel , anche ai mone !! Ma questo xè el mio nome.
- La vol sior Tafano che sè bevemo un dò birre e ghe propongo una question ?

Solite birre , solita domanda e molto diversa la risposta :

-Con stò fredo , i mone quà fora , gà el zervel come la cacca de una mosca , noi ndemo de un pretor amico mio, paghemo un pochi de arbitri , tanto lei gavendo la squadra de balon , la sà zà chi e come , depositemo la senteza e fatta la xè !
I xè tutti rincoionidi , cossa la vol che ghe intaressi se lei la ghe flomba le babe !!!

Gà funzionà , da un per de giorni , Silverio pastrocia per i letti de tutti !!!

Br1

Silverio gà sempre vissù in mezzo ai farabutti , da quando el gà comincià a caminar !

Adesso el xè diventà Caponord e per rivar a farse elegger , el gà dovù tirarse drio quel sonà de Berto e quel paracul de Frane . Naturalmente per rivar cussì in alto , lo gà iutà ssai anche la famiglia , anzi tutte e quattro : La famiglia dell' isola , quella della punta , quella del tacco e quella de mezzacosta .

Sotto de lori tre , lavora un mucio de leccherle , gavemo conossù Brunetto , Tafano e conosseremo altri ancora , tutti là a far casini !

El primo compito affidà a stì lecchini , xè stà de coverzer i movimenti delle famiglie , infatti no sè senti più parlar de lore . Cussì sù tutti i giornai e le tv de lassù , vien fora che i Nordpolesi xè poveri per colpa de un pochi de zingani , i pericoli per le strade xè causa dei vampiri rivai dalla Carpazia e che Water xè comunista !!
De colpo no sè senti più parlar delle più grosse tribù a delinquere del globo !!

La colpa de tutti i disastri la gà i neri che vien dal mar !!!

Semo in tempo de letargo , metà popolazion del Polo xè per le sue , xè el momento de far qualche legge .. ,
come dir ..sottobanco !!
Silverio ciama Frane e Berto , uno iera in ferie con una muletta , quando che'l riva el sè giusta ancora la mina , quel'altro ormai xè andà , el ghe mostra el dedo-presa a tutti , el và disendo che se el trova el tappo , el fà affondar tutta la banchisa !

Bon , insomma ,un paranoico, un con mezzalonga e un disturbà forte , e cossa i fà ??

I fà una legge che tocca i nordregionali !!!

Ma mi digo!!! Toccar quei , xè un suicidio politico !

El nordregionale iera una bestia intoccabile , anni fà gà provà a romperghe le balle un balordo , un caffeinomane e come previsto el xè andà a ciapar cefali !!!!

Al 21 de Luglio , i mati gà sonà el tam tam , assemblea straordinaria , relativo corteo con slogan e minaccie a quella schifezza de Brunetto !

Gò dito Nordregionali e 21 Luglio !!!!

Se lori xè rivai a stò punto , credo che in autunno sarà de rider !!

Br1

una volta... fino a pochi ani fa'... grazie anche ale temperature rigide... i Nordpolesi i se faseva i soldi soli... tondini de iazo col muso de silverio... e co mancava... ale'... stampa!!! ma de qualche ano... coi venti caldi che vien de l'europa... i soldini de iazo no xe piu' boni... i se squaia... e per stampar quei de la Europa... xe qualche cazzetto in piu'!!!

gran cojoni con ste nove tecnologie...

e quindi... co vegnera' l'autuno... e servira' soldini per comprarse le castagne... e i guanti (per cavarle dal fogo)... bisognera' studiar qualcosa de novo... par che anca berto ga capi' che i nordpolesi... no xe ancora pronti per capir che tuti i soldini li ga' rubai i neri che vien del'africa...

...vederemo...

Cicio

Giorni fà gò incontrà un conoscente.
Come xè , come no xè , quanto tempo che no sè vedemo e bon insomma , quel che sè pol conversar con un che te conossi ma che non xè un amico.
Semo cascai a parlar de ferie , lui me domanda dove e cossa e mi :

- Stò anno restemo quà , andemo un poco in Istria.

-Ah , no andè lontan , pecà !

-Perchè pecà ? Faremo un pochi de bagni , speremo sol e forsi qualche bella pescada !

-Ecco appunto !

- Appunto cossa??

-Cò te becchi un pesse , no te fà passion? L'amo che lo sbusa , el sangue , prima de morir xè una gran brutta agonia , solo per un poco de divertimento , senza parlar de quei poveri vermi che te fà a tochi , anche quei sè la vedi brutta. Poh ti te gà anche un gatto in casa , no te pensi che sia bestie anche quele sottoacqua ??

Son restà un attimo a pensar , a cercar de pensar !!

- Mah ,te sà , credo che sia perchè i pessi no sè lamenta , i stà zitti , po xè creature a sangue freddo , penso che no i senti nanche el dolor !

- Sì , sì , và ben , te gà ragion !! Se sentimo.

Col xè ndà via col sorrisetto sul muso , me son innervosì , coda de paia , rampigarse sui speci , tutte robe fastidiose.
Lui no diventerà mai mio amico e mi resterò quel stronzo che son !!!

Unica morale xè che femo tutto quel che ne intaressa , anche savendo che pol esser una porcheria , fina coi altri stà zitti , quando i ne ciapa in fallo , semo disposti a tutto pur de no passar de mona.
Naturalmente parlo per mi e altri due o tre .

Br1

Dunque... stamatina, in una domenica de scazzamento... decido de andar a darghe un'ociada a l'ennesimo centro commerciale che i ga verto a Bacau... giretto all'hipermarket, come al solito fraca' de ingigeni che se affanna a comprar tuto quel che no ghe servi...
a un certo punto digo: speta che ghe demo un'ociada al banco del pesse... convinto de trovar come al solito schifezze de acqua dolce in mezo a qualche carpa... e inveze...

wowowowowowow!!! 2 chili e due de scorpena in ottimo sato de conservazion... diria quasi fresca... ciamo l'addetto.. ghe digo de netarmela... e scopro con mia grande meraviglia che, non solo el la neta a la grande... ma non 'l se sponzi gnanca coi spini... passo alla cassa... 6 (sei) euro???!!!!! do telefonade... e nel giro de meza ora son za casa de un amico che gentilmente ... meti a disposizion forno e patate... fioi che storia.... a le due e mezza... iero za sul divano!!! fra scorpena, patate, crostin nel sughetto... e naturalmente qualche bicer... con 34 gradi fora... cossa dovevo far??


Cicio

Desso mi vado via , ma resta i militari in giro per città , zerchè de no abbronzarve troppo , pol finir malamente !!


Br1

..... i militari in citta'... come a Kabul!!!! wowowowow!!!
chissa' se i ne dara' anca ciocolata e chewingum....

desso si che silverio pol andar in ferie... vicenza a posto... finanziaria approvata e esercito za in strada... e chi pol piu' lamentarse....

Vai silvio.... vai!!!!! bruciali tutti!!!


Cicio

Ciao a tutti , mi son tornà stanotte, finide le ferie de agosto ,son pronto a spetar quelle de nadal!

Certo che gò trovà el forum un pel svodin , tutti ancora via??? Gò visto anche che gavemo cento e un iscritto , come i cani bianchi e neri , magari tra tanta gente troveremo qualchidun che sè gà imparà a scriver con la tastiera!

In stì giorni oltre che pescar come un demonio , gò letto una montagna de giornai , anche qualche foresto , cussì credo che no mancherà material per inpinir sia "ho letto ,ho ascoltato " che "no guanto".

Credo , adesso che son davanti alla lanterna magica, che andarò un poco avanti con la Genesis. Quel che me imbarazza un poco xè la storia zà scritta da altri , quella per capirse che conta in giro B16. Se parla de incesto , assassinio anzi fratricidio, tutte robe punibili per legge , eppur su questo se fonda la storia dell'omo secondo lori.
Mah , mi la metto a modo mio divertindome de più e senza istigar nissun a far porcherie.

Br1

Adamo , dopo aver passà un mese nel buso spuzzolente con Zurlì , un giorno el riva a scampar.
Visto che de Silvan nol podeva tornar, el gà comincià a girar pel mondo in zerca de una sistemazion.

La situazion iera ssai cambiada da quando i due aspiranti maghi girava a svodo. Col vento le piante de Edengarden gaveva mandà semenze per tutto, iera filade un mucio de bestie e cussì la terra iera diventada più ospitale , restava solo un poca de spuzza de merda nell'aria.

Cussì Adamo , col cul come una brenta e guardandose sempre in torno per paura de Zurlì, el gaveva trovà un bosco e là el decideva de farse una casa.
El nostro culorotto , gaveva visto un per de simie che viveva sull'albero vizin de casa , al primo sguardo le podeva far un poco de senso ma guardandole ben , una gaveva le tette come Eva e là sotto se intuiva che la podeva gaver una 'quasi niente'.

Con la scusa de far amicizia col vicinato, una sera l'invita a zena la coppia de simie, el prepara una griglia de banane e ciacolando del più e del meno , el se accorzi che la simia con le tette ghe fissa sempre el sbrindolo.
Lui gà un ricordo vago de 'quasi niente' però anche quel vago ghe basta per buttar fora de casa el simioto e incalmarse con la simiotta!
- Mamma mia che bel ! Mille volte meio che solo !! Un milion de volte meio che con Zurlì in schena!!!

Insomma Adamo xè appagà , ormai la simia dormi in letto con lui e la resta anche incinta !
El primo fio vien fora brutto e peloso , anche ssai selvadigo tanto che pena lassada verta la finestra el fila sui alberi e mai più visto!
Gavendo letto su "Focus", quando el iera nel giardin , el sè ricorda della teoria de Darwin che in pratica disi:
-Quel che vien dopo xè sempre meio de quel de prima-
Ovviamente stà legge val solo per la procreazion!!!
Cussì ,daghe daghe, dopo aver popolà el bosco de simioti, finalmente nassi uno che ghe somiglia a lui , senza tanti pei , bel de veder e con tutte le robe al posto giusto. Questo no zerca de scampar , anzi el iuta Adamo a lavorar in orto , el parla ben , el magna con piron e cortel , insomma un figurin !
- Questo lo tegno e ghe dago anche un nome , lo ciamerò Caino !!

Anche sù a Edengarden le robe iera cambiade , Eva gaveva fatto due fioi con Silvan , un mas'cio de nome Abele e una femmina de nome Dorina .
La mula Eva la iera un poco passadina e Silvan ghe gaveva zà taià tutte due orece procurandose cussì una dose de polverina magica che bastava per crear un harem !
Difatti una mattina ,sveiandose dopo una bala cattiva , el vecio decidi de buttar fora tutti e tre , cussì ,tanto per cambiar compagnia

- Ale , andè via de quà , fè sù le strazze e andè a star con Adamo che mi me creo un per de scurotte come quele che gò visto sul giornal de l'altro ieri !

Ditto , fatto , i tre xè rivai a casa de Adamo.

Grande meraviglia e felicità per tutti ! Eva iera tutta contenta de riveder Adamo , lui de trovar la 'quasi niente' con pochissimi pei intorno , Dorina de veder Caino che ghe assomigliava al pare anche in quel posto , lui de trovar la mula bella come el sol , anche Abele iera contento de incontrar sia Adamo sia Caino con quei due ordegni giganti , sì perchè anche Abele gaveva el diffettin de Zurlì !!!

Insomma un gran bel star , buttada fora la simia , mamma de Caino e cambiai i linzioi , Eva sè iera sistemada in camera con Adamo , i due fradei in cameretta e Caino in garas.

I tre muli andava daccordo , i sè la pascolava ben che mai , Adamo doveva lavorar in orto per mantignir tutta la banda , ma de sera el vigniva ripagà da Eva in maniera formidabile , ssai ma ssai meio della simia!

-Anche se Silvan me gà buttà fora del giardin e Zurlì me gà fatto quel che el me gà fatto , adesso vivo ben lo stesso , mi con mio fio , Eva coi sui , semo propio una tribù felice !!

E passa altro tempo, Silvan le gà fatte de tutti i colori , una nera nera , una marron e rizza , una bianca e bionda , anche una rossa e una gialla , tutte femmine mai più un mas'cio.

Zurlì girava intorno la casa de Adamo , visto che a Edengarden per lui no iera più niente de interessante ,
però se rivava Adamo o Caino , el filava come un levro perchè adesso tutti due girava con bastoni de cornial e una volta che i lo gà beccà vizin de casa i lo gà incarrigà de botte che el gà dovù star una settimana in letto , zò nel buso !
El iera ssai atrratto da Abele e qualche volta i gaveva combinà qualcossa insieme ma el mulo iera innamorà de Caino e nol vedeva altro che lui!

Caino gaveva una grande attrazion per Dorina e la mula ricambiava alla grande , pena che la podeva la andava de lui in garas e là i sè rodolava per ore e ore , con Abele fora che ciccava !

Per ingraziarse el mulo , Zurlì decidi de spiegarghe el trucco della savonetta:

-Caro Abele ,te devi spetar el momento giusto ,quando Caino và a farse la doccia el sè lava la testa, allora el savon ghe và nei oci , a quel punto te rivi ti de corsa e zà pronto , pena che el se cucia ..zac e fatta la xè !

Disemo che el consiglio saria stà bon ma no tigniva conto de tutti i simioti ,fradei de Caino , che viveva nel bosco . Infatti un giorno che Abele stava appostà spetando che rivi Caino , vedendo quel cul bianco tra i fraschi tutte le simie xe andade fora con la testa e le sè gà butta a pesse sora el povero mulo!

Xè stà un remitur de più de un'ora ma alla fine , dopo aver provà ventidue simioti , Abele gà deciso de andar a viver sui alberi e de lassar in pase Caino !

Cussì , pian pianin, tra Adamo con Eva e Caino con Dorina gà comincià a popolarse el mondo!


Br1

... sabato pomeriggio... dopo un volo abbastanza stressante con un aroplan che no me piasi per gnente... un scaldabagno del 1983 nolegià de una compagnia curtiosa.

Comunque el pilota... più vecio dell'aereo... iera bravo e el ga fato un ateraggio figon!!!

Cicio