Fatta la xe

Di scorregge fu provetto il gibboso Rigoletto
scorreggiava Butterfly aspettando i marinai
e il sospir della Traviata fù un gran peto a schippettata.

Di scorregge vasta gamma seppe offrire il melodramma
in concerto quei miasmi accendevan entusiasmi
e spegneva i parassiti che non erano graditi.

Con i peti già Mascagni sopprimeva topi e ragni
mentre invece Doninzetti tramortiva solo insetti
emulato da Puccini che uccideva i moscerini.

Era il peto dell'Aida micidiale insetticida
fecer strage di ogni mosca le scorregge della Tosca
e annientate senza trucco fur le pulci dal Nabucco.

Pur la Scienza s'è fregiata d'onorevole ventata
così ieri come oggi senza mezzo o con appoggi
la ricerca ha sempre avuto vento in poppa urlante o muto.

Strofinandosi al magnete scoreggiava già Talete
Tutti quanti ormai sappiamo che Pitagora da Samo
le faceva con la crema dimostrando il suo teorema.

Nella vasca a Siracusa senza chiedere mai scusa
le faceva anche Archimede , sollevando un solo piede
e gridando: " Gente all'erta , anche questa è una scoperta"

Quando il re gli diè in affitto le piramidi d'Egitto
per studiar la geometria , forse preso da euforia
dal didietro emise Euclide una tossica anidride.

Convogliava nei cannelli ogni peto il Torricelli
e alla propria beneamata, quell'arietta riciclata,
ben compressa col mercurio , le spediva come augurio.

Fù Galvani in riva al mare un bel dì a paralizzare,
scaricando vento immane, le zampette delle rane,
che in pozzette soleggiate scoreggiavano beate.

Un'elettrica raccolta di scorregge fece Volta
e ,contatele poi tutte, lunghe, corte, belle e brutte
le rimise tosto in fila per da carica alla pila.

Queste nobili memorie sono peti non son storie
e nessun se n'abbia a male nè mi dica ch'è triviale
se noi pure qualche volta le facciamo a briglia sciolta.

Voi pulzelle più educate che le fate soffocate
e talvolta un pò farcite , non sentitevi inibite
Non è indegna di una Reggia qualsivoglia vil scoreggia.

Aria lieve o aria spessa, liberata se repressa,
pur difronte un concistoro , può donar giusto ristoro


Alla fin d'ogni fatica ,checchè dunque se ne dica
di rispetto mai non manca , chi in tal modo si rinfranca.
Perciò è logico e prescritto , che scorreggi il sottoscritto


Fine

Br1

Bra-Br1, taco solo stà zonta trovada intel net

Scorreggiò Napoleone
sotto il rombo del cannone.
"La battaglia non si perda!"
E Cambronne rispose: "Merda!"
ch'è la cosa più sicura
se di mezzo è la paura.

(all'ancora)


ciao
Pet

Dopo la poesia ,ristoratrice, forsi se pol tornar a parlar de Polo Nord.

I me gà ditto che esisti anche un Polo Sud !
Su questo , mi gò dei forti dubbi.
Forsi ,una volta!
Adesso, se el xe, xe un Polo Sud fantasma, anzi , l'ombra de un fantasma.
Stà de fatto che el Polo Nord , geograficamente, xe sora el Polo Sud e che el Polo Sud stà sotto, ma ssai sotto.
Quà no centra Darwin, almeno spero, xe una situazion universale! ndemo vanti!

Come in tutti i Poli de stò mondo, anche lassù ,i gà fatto le elezioni.

Naturalmente se trattava de elezioni alla grande, chi che vinzeva comandava tutto!

Fina quel momento comandava un branco de bestie che vigniva da tutto l'emisfero.

La maggioranza iera del Polo Ovest e del Polo Est, se contava anche un pochi del Polo Sud , ma i iera pochi e tutti mona.

Sù al Polo Nord zà conossemo Claudio e tutti quei che gà avù a che far con lui fina desso, però al momento delle votazioni , ecco che spunta altri personaggi.

El più importante in assoluto xe Silverio , de NordZaule.

Un bestion de dò metri, 80 cm de spalle , una cavelada fina el cul , nera come el carbon!
(Sandokan ,in confronto , xe un povero mona )

Silverio se gà fatto da solo, senza l'aiuto de nissun.
Fin de picio , dai lego ai mattoni , dai mattoni al cemento e cussi avanti , fina a costruir un negozio de batterie.

Come savè , al Polo no xe corrente , cussì chi che voleva scoltar le partide per radio , doveva comprar le pile
là de lui.

Pian pianin , el mulo gà ingrumà un pochi de soldi, ma iera sempre pochi per metter sù un negozio in ordine.

A quel tempo , su tutto el Polo , comandava un certo Pattino, vecio campion de slalom, che conosseva un poco tutti , almeno quei tutti che serviva a star ben e che conosseva anche el papà de Silverio.

Per capir meio, bisogna saver che el papà de Silverio vendeva libri riciclai della biblioteca de una famiglia importante , assai importante, amica anche de Pattino .

Silverio xe ndà de Pattino per veder se iera possibile ingrandir el negozio.
Col xe rivà , cussì el ghe gà ditto:
-S- Bon giorno sior Pattino, vedo che la gà appetito

-P- No , non xe appetito, xe usuale spazzolar la ciotola!

-S- La scolti sior Pattino, mi me serviria un aiuto per ingrandir la mia bottega de batterie !

-P- Dove xe el problema ? Mi te affitto quanta banchisa che te vol! Basta che ghe sia un rientro per mi e per la famiglia.

Inutile contar come che i se gà messo d'accordo. L'importante xe che adesso al Polo Nord , le batterie le vendi solo Silverio.




(Per tutte le Simie : questa la sarà longa , anche perche vado zò a brazzo, sò dove rivar ma xe tante tentazioni sul cammino, quando comincio a romper le balle , fermeme)

Br1

Lassù , al Polo, i gà fatto una legge , la legge dei vasi comunicanti, per cui chi che parla de politica ,devi darghe la pari opportunità all'avversario, cussì xe tutti al stesso livel.

Anche se no gavemo ancora conossù tutti i amici de Silverio, rispettando stà legge , andemo a veder qualchidun del Polo Sud.

Quà no trovemo grandi personalità, anzi no saria nanche de parlarne , comunque almeno un per andemo a conosserli:

El capo muta xe Water, un ocialin col mus de mona e misantropo, lui al contrario de Silver nol gà mai lavorà.
Assai el parla , el critica ,però el xe rivà a esser capovillaggio solo perchè el conoseva un altro paraculo , cesotto pentì, che gaveva un certo peso politico, un tal Prada.

Trovemo in stò zuff anche Faust ,che no xe parente del dottor , ma anche lui ghe piasi i patti. Però ,al contrario del dottor , lui fà i patti per sparir prima e no per durar in eterno. El gà distrutto tutta la sua famiglia, el disi una roba e dopo el fà un'altra , anzi nol fà niente. Naturalmente nanche lui gà mai lavorà !

Dopo xe Cadin, noto farabutto, sposà con una filibustiera del Polo Ovest, el gà sempre imbroià tutti quei che ghè capitava. Unico suo merito xe quel de aver perfezionà l'arte del doppio giogo o voltagabbana, Dopo de lui , quasi la totalità dei maggiorenti qualche volta stà a Sud e qualche volta stà a Nord, dipendi.

Uno ,un pel più dritto, almeno cussì i disi, xe Del Piero, lui gà lavorà in questura, dopo el xe ndà farghe i pulisi a quei sbagliai, el stava andando in disgrazia e cussì el se gà messo a far politica. De tutto el mazzo xe l'unico che no se gà ancora beccà una denuncia. Però no se sà mai, visto che zà se parla mal del fradel.

Come vedemo anche al Sud xe un bel ghetto.

Se pò consideremo che; i pinguini giovani pol andar in acqua per magnar solo a tempi determinati, i pinguini vecci , quei che riva, i devi pescar per tutti ,ma xe sempre meno pesse, la faccenda la se fà complicata.

Comunque xe stade fatte le elezioni!

Gà vinto Silverio e i sui amici : Frane e Berto.

Quando i gà comincià a far propaganda , con lori iera anche Piero Bordel, ma el gà tirà el cul indrio, per paura de far la fine de Pattino.

Br1

Pattino , iera finì malamente per colpa de Del Piero.

Stò Piero, col lavorava ancora in questura, el se gaveva inventà un sistema novo per beccar i manigoldi colle man intel sacco.
El scoltava cossa che i se diseva per telefono.
Scolta oggi , scolta domani, xe saltà fora tuti i pastrocci che combinava quei che iera al comando.
Quando el gà finì de scoltar , el gaveva tutte le prove per serar in un igloo per sempre, più de qualchidun.
Allora Pattino che propio mona no iera , el xe filà in un posto più caldo a vender datteri, portandose drio una montagna de batterie!

Tornemo ai giorni nostri.

In tanti lassù , ghe piasessi vender batterie , ma Silverio gà tutto el mercato in man.
Allora , un poco per bisogno , un poco per invidia, qualchidun fà girar vose che Silverio xe disonesto.
Cussì magari i lo ficca intun igloo e subito se verzi el mercato.

La situazion , se assai diversa de quando Pattino xe filà.

Silverio xe Capo Nord, el comanda tutti , orsi, pinguini, foche e trichechi. Visto che nanche lui xe mona,
el primo ordine xe de scancellar tutte le pendenze giudiziarie , de proibir la machinetta per scoltar le telefonade, e che tutti devi darghe del mona a Water.

L'ultima ordinanza xe quella che trova tutti d'accordo, per le altre xe qualche protesta , ma credo che se risolverà tutto senza problemi.

Br1

..........te pol scometerghe la tua ultima camisa neta!!! stavolta el xe un misto de cativeria e disperazion... o 'l risolvi... o le paga tute in una volta... e son sicuro che 'l risolvi!!!
Ma chi che me sta veramente suico....joni... xe alfano!!! Un mona de guera che fino a ieri nisun conoseva... e che adesso con fiero cipiglio ne aspergi de cazade mostruose!!!

Auguri!!!

Cicio

Grazie Cicio, me piasessi sai aprofondir sto ..zzo de Afono!
Te prego de darme una man almeno con lui, mi gò sentì solo qualche chiacchera.

Sà come che và le robe, uno se ferma , el fà el punto nave, el se guarda in giro , soto e sora, de quà e de là , tergiversa , perdona, giustifica, assolvi ,......ma sempre de merda se tratta.

Zerco de far un antologia de tutta la damer che gò visto , vedo e vederò. Sò che xe impossibile, ma almeno qualche aneddoto ,forsi rivo a contarlo, con un poca de ironia e qualche metafa.

Magari se sveia anche qualchidun altro, con un episodio polare e cussì se crea un novo giogo 'sparatutto'.
Chi ciapa , ciapa. Chi capissi , capissi.

Scometo una mia camisa qualunque ( scure non le gò ,per via della forfora) convinto che la dritta sia bona.

Ciao Br1

Dunque , dove iero rivà?

Me par che no gavevo ancora parlà dei compagni de campagna de Silverio.

Frane.

Frane xe un amico de Silver, ma solo qualche volta. El xe a capo de una tribù de foche scure , ma ssai scure.
El gà inscuminzià de fiol , anche lui , el iera allievo de Alguardante, condottiero de vecia razza, convinto e irremovibile baluardo della socialità.

Nel stesso periodo che al Polo Sud comandava Paperetto, un imbranà , rincoionì, senza un grammo de intelligenza, el nostro Frane diventava capo de una tribù bastanza importante, su al Nord.
Una tribù che gaveva perso el suo capo naturale, ossia Alguardante, e che zercava de tornar ai veci fasti.
Tutte le foche scure iera altere, convinte de star unide e cussì de poder far grandi imprese.
Inveze Frane no ierà cussì pompà, anzi el gà diviso la tribù in due o tre branchi.

Zà quà se capiva che el mulo no iera propio una tigre, in più cò Silverio gà deciso de diventar Capo Nord ,
Frane se gà accodà subito senza nianche pensar. Anzi , el gà disfà la tribù che ghe iera restada , el xe diventà un secondo de macchina e cussì el xe ancora desso.

Un altro compagno de Silver xe Berto.

Berto.

Questo xe un personaggio particolare. Nissun sa de dove che'l riva. In principio la gaveva con tutti , dopo solo con quei dei villaggi vicini. El gà un priapismo congenito che ghe gà procurà un problema ai cavei.
El fà anche parte de una compagnia de ignorantoni che vivi fra i monti e i pensa de esser irlandesi.
Su de lui ,tanti gà scritto, per cui no me par el caso de perder tempo anche mi.


Gò zercà de presentar el quadro dei maggiorenti dell'emisfero , certo non xe tutti , ma questi bisognava citarli.

D'ora in poi scriverò solo su fatti del giorno, el problema sarà trovar quel più importante, ma sinceramente no me intaressa un gran chè!

Br1

Per star sempre in pie, bisogna qualche volta iutarse.

Penso che tra i quattro mone che scrivi quà drento e i cinque che leggi , nissun sia un delinquente per nascita.

Adesso le robe stà cambiando. No digo che bisogna diventar farabutti, però in certe occasioni se pol approffittar.

Osservemo cossa che nassi lassù, al Polo Nord.

Se un barabba qualsiasi, la gà combinada nel stesso momento che anche Silverio ne gà fatta una...bon, el xe perdonà!
Sì ,Sì el xe perdonà, xe una nova legge ,fresca de stì giorni .
Bisogna esser sempre informai !! Quando che el Capo Nord o uno dei seguaci, fà un reato , xe el momento de combinar de cotte e de crude, rubar , imbroiar , trombar de foravia , guidar imbriaghi , drogarse come mussi , tanto no ne pol succeder niente.

Chi che comanda lassù, intendo tutta la troupe, i le combina de tutti i colori , però no i xe furbi , e cussì i vien pizzigai !!!

Allora i gà inventa stò sistema novo.

Una volta se diseva : " Fatta la legge trovato l'inganno ".

Adesso lassù se disi : " Brutta la legge facciamola nuova ".

Gavè capì ? Stè sempre attenti , quando che un de lori fà una cagada , deghe drento a tutta forza , tanto el farabutto de turno cambierà la legge e voi sarè perdonai!!

Br1

Ora locale 12.42.... ZULU... 10.42... 32 gradi all'ombra la temperatura, 13 gradi alcolici... la bottiglia di prosecco appena finita... i gamberoni sono stati contenti della loro fine gloriosa...

Indossati jeans corti... ciabattine... costume (da bagno non da batman)... adesso prendo cane ed un paio di amici...
e vado al fiume... c'e una specie di piscina naturale... 150 x 40 metri... con un acqua cristallina ed un fondale degradante dove penso mi immergero' a fare l'imitazione del coccodrillo.

Relazionero' al mio ritorno... dopo il gelato... naturalmente!!!


Cicio

Siiiiiilviooooooo............. Angeliiiiiinoooooo.......... no ve go' gnanca pel cul!!!!!

acqua perfetta e zero gente... sai sai figo... go nuda col can una mezz'oretta bona!!!

Do fragole col limon e vin dolce e un bel gelaton al vicino centro commerciale ga completà el pomeriggio...

vederemo cosa far co fa scuro...
Cicio

Popolo merdoso, schifosi vigliacchi, bandierette, imbroioni, mafiosi, pecore quando servi ma sempre eroi quando i xe in tanti. Gran brutta gente !!

Questa xe una tribù del Polo, anche se tutto el polo se vergogna de lori.

I gà la prerogativa de esser bravi, ma xe remore ataviche, la cialtroneria xe la vera prerogativa de stà genia.

I xe nati per forza, dopo tre tentativi finalmente xe stà l'union. Geneticamente furbi, ladri e farabutti.

I se andai a pregar la carità per tutto el mondo, Canada, Australia, Svizzera e Germania .

Morti de fame , senza dignità , i gà subì tutte le angherie possibili, solo per poder sopravviver.

Adesso che i stà un pel meio, nel senso che solo uno su due non gà fame .. i se senti figoni!

I discendenti de stà malarazza se permetti de decider chi che và ben e chi no, chi xe de razza e chi no !

I se la becca con i più disgraziai , quei che no pol difenderse, quei differenti , quei come i antenati !!

Ben venga la differenza , se la normalità xe cussì idiota e ignorante.

No xe bel ! .....no no.

Br1

sara che xe estate e tire' tardi la sera.... sara' che ve ste preparando per le ferie... ma a parte ciacio... me par che qua xe sparidi tuti!!!
sare' miga afondai sabato scorso no??

Cicio

Trieste novembre 1955.

Mi son nato da tre mesi. Cammino , gò la barba , porto i ociai. Son alto un metro e ottanta , peso 78 chili,
e me fazzo de magnar solo.

Tutto questo, pol sembrar impossibile, invezze xe propio cussì. Quella volta iera de moda , i esperimenti nucleari in atmosfera, per tutto el globo , tutti quei che podeva ,tirava ste bombe. El perchè non lo sò.

Stà de fatto , chi che nasseva tra el '50 e '56 , gaveva ricevù ,zà in panza de mama, un casin de radiazioni.

Le radiazioni , non xe cattive , cussì xe diseva e xe disi ancora, le pol esser al massimo ' fastidiose'.

A mi, la me xe andada ancora ben, me ricordo de Brunetto che iera ssai più malmesso.

El mulo vigniva da Venezia, el iera alto giusto un metro , le gambe curte , la testa grande , ma ssai grande ,
i brazzi magri e anche curti , le man iera impressionanti, come quele de un fiol de quattro anni.

El gaveva la panza sgionfa e col pissava el stava sentà, come le mule.

El voleva imbarcarse sul 'Toscana' per zercar fortuna in Australia, visto che quà no iera più posto nanche pei triestini, podè immaginarve per un venezian senza carte de sfollato.

Col xe rivà sottobordo , el comissario lo gà visto e subito el gà ordinà de sparar su quella brutta bestia.

Per fortuna , Trieste iera italiana da più de un anno, allora xe rivai i carabinieri , i gà messo Brunetto in un bidon delle scovazze e i lo gà portà in division ' Particolari ' sù a S. Giovanni , istituto statale.

Là iero anche mi !!

Iero mi , 6 furlani de Faedis , tutti col capel verde e una piuma sora , lori pensava de esser indiani!
Gavevimo anche tre istriani che pensava de esser dalmati e i baiava tutto el giorno.

Bon , cò xe rivà Brunetto, el se gà subito innamorà della infermiera, impiegata statale, certa Jole de Montuzza, bella , due tette come angurie , alta , snella e soprattutto ghe piaseva viver.

Al primo approccio la ghe gà spiegà a Brunetto che no xe el caso . Al secondo la ghe gà ditto che non se podeva , al terzo la xe stada diretta e la voleva calarlo zò pel cesso.

Brunetto xe stà assai infastidì ,da stò comportamento, dopo qualche giorno , el xe filà dal centro.

Me xe stà ditto che el se gà imbarcà su un gommon , per andar in Canada.

Al momento dell'imbarco, el gà fatto un giuramento:

"Quando che tornerò , ghe roperò le balle a tutte le femmine statali, zà che son anche i masc'i, non sò a cossa pol servirme le femmine , ma cò torno me vendicherò"

Me par che el sia tornà , ma no son sicuro.

Br1

Nel dopoguerra , come tutti sà , se gà compiù l'esodo dall'Istria e dalla Dalmazia.

Tra tutti i posti che gà accolto stà gente , senza un bel in scarsela , iera anche Aviano.

Quela volta , i comuni de Pordenon , de S.Quirino e de Aviano ,gà messo a disposizion , dei profughi , a prezzo irrisorio e a fondo perduto , una intiera frazion che se ciamava 'Le Villotte'.

Ogni famiglia gà ricevù : Una casa de due piani , un fienil con sotto le stalle , decine de ettari de terren coltivabile con vide e frutteto. ( ancora adesso le vie gà i nomi de cittadine istriane come ,via Pirano.)

I profughi no parlava la stessa lingua dei autoctoni , però col tempo i se gà integrà e a loro volta i xe diventai autoctoni anche lori.

Adesso xe passai sessanta anni e leggio sul giornal che le genti de Aviano , non vol ospitar 150 stranieri in attesa de rifugio politico. Anzi i ghe gà dito de tuto al chierico che se gà offerto de ospitar stì stranieri.
I lo gà anche minaccià !

El reverendo se riferisi a leggi internazionali e a leggi cristiane .

Cossa ghe combina i parrocchiani ?
I xe incadena in comun e i dichiara :
1)' Non semo razzisti'
2) 'Se i esuli vien ospitai in canonica , li brusemo come quei del Ku Kux Klan .'

Al Don ,ghe gira le balotte , el và in television e là el ripeti el gesto de Cristo contro i mercanti nel tempio :

'Brutti parassiti , se inveze de 150 disgraziai , rivava 200 piloti americani , magari gialli o neri ,sicuro cattivi come la peste , però col tacuin pien de dollari , ghe buttavi i tappedi rossi! '

Mi son ateo , però stò chierico me incuriosisi e cussì ghe gò scritto una lettera.

Ogi xe bel e sol... credo che fra un poco ciogo ANCHE el can... e vado a far bagno in fiume!!!
Ve dago anche le coordinate esatte... cussì chi che vol... con google earth... pol veder dove che son... ovviamente xe mejo meter prima bacau... per portarse in zona...
46°39' 53".19 N 26°50'20".74 E dove che fazo el bagno
46°34'46".47 N 26°54'55".37 E el mio ufficio...
46°33'45".72 N 26°54'42".52 E casa mia
speto i commenti....
Cicio

All'inizio dei tempi , el mondo iera ssai diverso de come lo vedemo desso!

Sempre penombra , nissuna pianta, poca acqua e quella poca salada, la terra arsa e nell'aria un fortissimo odor de merda.
In stò brutto posto viveva solo due trovatelli, Silvan e Zurlì , nissun gà mai capì da dove i rivava.
I iera amici e tutti e due gaveva un grande sogno, quel de diventar famosi prestigiatori.
I se allenava con le carte , i se imbroiava un col'altro , i fazeva sparir un coniglio in pochi minuti.

Però i restava sempre aspiranti.

Per disegno divino o per un caso qualsiasi, un giorno Silvan , girando a svodo come al solito, el trova per terra una scatola de latta , piena de una polverina colorada. Sul covercio iera scritto ' Sin Sala Bin'.

Pensando tra sè che podessi esser detersivo , el leggi el covercio e ghe casca un fià de polvere per terra.

Ecco che là , per terra , se materializza una savonetta !

-Ostia - pensa el Nostro - Che sia polvere magica ? Peta che provo de novo.

Pensando un panin de salame ,el butta la polvere ,el disi Sin Sala Bin e subito compari una bighetta col ungherese.

- Magia!! Ecco cossa che xe ! Vera polverina magica !
Altro che illusionista o prestigiator come Zurlì , con questa mi divento un vero mago !

El giorno dopo l'incontra Zurlì

- Vien quà Zurlì , ara cossa gò imparà ieri fazendo esercizi de illusionismo

- Te gà rivà a far tornar el coniglio?

- No , meio , dimme una roba che te piasessi adesso , in stò momento!

- Ma , no sò , magari una bella giornada de sol !

Silvan pensa , tira la polverina , Sin Sala Bin, ecco che và via la penombra , vien el sol , ciel limpido, temperatura 24°, umidità 56% , lieve brezza dal quarto quadrante - maestro , visibilità buona.

- zzo ma te son diventà propio bravo , scolta , te rivassi a trovar un poca de acqua che no sia salada e
magari anche mandar via stà spuzza de merda ?

Una pensadina , un poca de polverina , un Sin Sala Bin e subito sgorga due sorgenti , una de Fiuggi e una de Radenska, come de incanto svanisi anche el tanfo.

Zurlì xe tutto agità, el gà capì che coi poteri de Silvan , xe possibile sistemarse alla grande!

- Te sà cossà gò sempre desiderà ? De viver in un bel giardin!

Silvan se metti de impegno, el pensa come un danà , fin cò ghe vien mal de testa, el fruga un mucio de polvere , el resta anche rauco per tutti quei ..zzo de Sin Sala Bin, ma alla fine, el gà creà un giardin che xe una meraviglia!
Alberi de tutte le qualità, piscine naturali , laghetti artificiali , tantissime bestie , fontane de vin , gazebi col condizionator , torrenti de birra , anche un'edicola e per finir tanti frigoriferi pieni de ogni ben d'Iddio!

Zurlì , entusiasta de tutto stò bengodi , el battezza stò posto " Edengarden " , anche perchè 'Santamaria che longa' no ghe piaseva a Silvan.

Dopo nanche sette giorni , tutto xe cambià e i due amici finalmente pol riposarse!

Passa un pochi de mesi, Silvan e Zurlì stà benissimo, i zoga a carte,sempre imbroiando, i magna e i bevi , i passeggia , i leggi i fumetti , i discuti de filosofia , insomma i xe senza pensieri !

Solo una sensazion , da parte de Silvan , un senso de fastidio , de un pochi de giorni Zurlì se comporta in modo strano.
El se gà taià i pei delle gambe , el se pittura le onge e qualche volta anche i oci.

Lori no xe vestidi e Silvan se gà accorto , più de una volta , che el suo amico ghe guardava , con insistenza,
el cirulin e anche el dedrio.

Ad aumentar el fastidio , iera el fatto che ogni tanto Zurlì slongava le man e lo toccava propio là !!

Fatalità o disegno divino , la spiegazion al cambiamento de Zurlì la xe rivada una mattina, cussì de colpo ,
come un fulmine a ciel sereno!

Silvan stava lavandose sotto la cascata , el se gà cucià per ingrumar la savonetta ( prima creazion , remember ?) senza accorzerse che per de drio rivava Zurlì , de corsa , tutto ingallà ,con la lingua de fora , rosso in viso , e anche de un'altra parte !

Xe stà un attimo!!!

In quel attimo Silvan perdeva la vitù , Zurlì segnava per sempre el suo destin e l'Umanità assimilava el concetto del Ben e quel che fà Mal.

Silvan coi oci fora della testa e con el cul in fiamme , più che zigar el gà tuonà:

- Brutto schifoso , che mal che te me gà fatto! Desso te la fazzo pagar !

- Chi che el buso ferisi , nel buso finissi !!

Zurlì iera sentà , là per terra con un sorriso ebete sul muso e nanche no lo scoltava.

Ciolta la polverina , onzendose colla nivea , Silvan crea , fora del giardin , un buso !
Un buso profondo , un pozzo nero , alto otto livei , in fondo del buso la camera de letto per Zurlì ,caldissima e con un incredibile spuzzon de merda.
Non pago , Silvan , ghe fà ancora un per de angherie:

- Che al posto dei pìe , te cressi due zoccoli , cussì la gente te senti quando te rivi per dedrio !!
Che sulla testa te cressi i corni cussì per gusto mio!

In stò modo xe nati i primi due partiti , le due prime squadre de balon , i furbi e i mone ecc. ecc.

Manca ancora qualcossa , magari più avanti

Br1

considerazion o complimento... xe sempree un gran piazer leger le tue storie!!! no savessi come dir meio... te scrivi in un modo accattivante!!!

... e coi poli??? nissuna novità??

Cicio

Grazie Cicio , me sento ancora più confuso del solito!

Br1

...azz... se piovi... ne la gavè mandada tuta qua... e dir che solo ieri iera belissimo... sol e 34 gradi... pensa che in do giorni, son diventà ancora più nero che su la foto del sito... che iera del mio compleanno de due ani fa...

ma ogi piovi... pecà... ghe gavevo promesso a Duca (el mio can) che ogi 'ndavimo insieme sul fiume...a nudar... che ghe piasi un casin...el xe restà un poco mal... diria come deluso... ma a la fine el ga capì che no xe colpa mia...

go profità per dirghe che i ga previsto bruto anca per domani... ma giovedì se sarà bel... recuperemo sicuro.

Bon... speto che cessi..(nel senso che no piovi più ) e vado a casa a farme un chiletto de tegoline... bone le tegoline... col aio e pomidoro...

Ve contero' piu tardi se le iera bone...

Cicio

Chissà perchè, mi me iero fatto tutta un'altra idea del bagnetto in Romania!

Br1

Passa i anni, Zurlì ogni tanto fà un giro intorno Edengarden ma le bestie del giardin , sentindo la spuzza che el se porta drio , le se metti a far ghetto , cussì lui torna nel suo buso.

Silvan xe là , in giardin , solo , el leggi i fumetti ma nol pol più zogar a carte , al massimo un solitario ma no xe gusto a imbroiar.
El iera abituà a far dò ciacole con Zurlì e desso el se trovava a parlar solo:

-Bisogna che me invento qualcossa , stavo cussì ben prima che Zurlì daghi de matto !

De ciamarlo indrio no se parla. No voio mai più sentirme el cul come un vulcano !

Me se restada solo un poca de polverina , quasi quasi la dopero per far su un novo amico.
Stavolta però devo star ssai attento , che el sia bel , bon , bravo , che el sappi zogar a carte , che el sia un bon conversator , ma assolutamente el devi ignorar tutto quel che riguarda el sesso!
Cussì poderò dormir tranquillo.

Polverina , pensadina , Sin Sala Bin e salta fora un giovinotto de un metro e novanta , moro , oci verdi , due spalle come un armeron , forsi un poco abbondantin là , sotto la panza.
El sà zogar a carte ma no l'imbroia , informà su tutto meno che sul sesso.
Un bel personaggio e un'ottima compagnia. Lo gà ciamà ' Adamo ' come el cantante.

Adesso la situazion xe perfetta , tutto va' a gonfie vele !


Br1

Xe una mia impresion... o tuta la storia e le foto de b16 xe stade rimosse?? zercavo in particolar quel passo della genesi che parlava de noè e la vite...

qualchidun sa dirme perchè che no lo trovo più??

Cicio