L'ANGELO CUSTODE

Ve racconto questa storia.
Venerdì l'altro iero a casa la mattina e come me capita in questi casi (due volte per settimana circa) me preparo per andar in palestra. Mi vado alla WebFit in scalo Legnami.
Alle 9 esso de casa e monto sul motorin. Me infilo zo per via Pascoli poi fazo lo svincolo per via D'Azeglio e infine zo per via Foscolo.
Me fermo al semaforo e poi un pezzetin de via Oriani fino al successivo semaforo prima de arrivar in Barriera.
Al verde me immeto su per via Madonnina e rivo fino in cima e me fermo al successivo semaforo con piazza Sansovino.
Scatta de novo el verde e vado a sinistra; prima de imboccar la galleria San Vito supero una cinquecento che andava come una camoma e percoro el tunel a circa 60 km/h. Esso fora della galleria e fazo la curva de via Alberti in piena. Quando son a circa 5 metri dal semaforo, sempre alla solita andatura, vedo vegnir fora da destra de via San Marco una BMW in piena anche ela. Freno de botto per evitar la collisino e me fermo alla fine delle striche pedonali, quasi in mezo all'incrocio a un metro da dove gavesi rischiado de darghela. La BMW, che probabilmente gaveva l'arancion (per quel la correva) xe passada senza toccarme.
Guardo el mio semaforo e infatti iera ancora rosso!
Non lo so perchè non go considerado el semaforo, fazo quella strada almeno una volta al giorno; probabilmente perchè con l'età capita queste cose, se se rincojonisi, se diventa più distrati o i pensieri prendi el sopravento sulla realtà, fato stà che, con i pie piantadi per tera, qualsi in mezo ala strada, me son reso conto che se gavesi superado la cinquecento più veloce o inveze de passar la galleria a 60 km/h la gavesi percorsa a 61, adeso non saria qui a scriverve.
Speso go pensado e anche trattado (forsi anche su questo forum) quanto effimera sia la nostra essitenza e quanto le nostre vite sia il risultato de infiniti e insignificanti episodi messi uno vicin all'altro.
Se solo se pensa a una collision tra due macchine e a quante stupide e piccole coincidenze se devi metter insieme, da entrambe le parti, affinchè cio se verifichi, vien i brividi. Persone che percorri in macchina centinaia de chilometri per andar incontro alla morte scontrandose con un altra; magari se alla partenza, zercando de accender el motor, a uno ghe fossi cascade le ciavi de man, gavessi ritardado quei 5 secondi che ghe gavssi fatto mancar l'appuntamento con quella morte.
Cussì me xe capitado a mi e in quel momento go sentì che el mio Angelo Custode me ga zucà per i cavei quel tanto per farme ritardar de un metro l'appuntamento con quell'incrocio.
Quando, dopo la palestra, son andà a ritirar le risposte della risonanza magnetica, che me fazo ogni anno in testa pe veder se "certe macie" xe sempre stabili, go pensa che se el mio angioleto me gavessi salvà dalla morte per farme arrivar a Catinara e per farme sentir dir che gavevo la sclerosi multipla, saria stà un bel testa de cazzo; ma in realtà lui non lo xe e credo che il me voli ben. Infatti iero sicuro che tutto iera a posto e cussì xe stà e voi sarè costreti a sopportarme ancora per tanti anni.
Mi lo ciamo Angelo Custode, come me ga insegnado i preti, ma non nego che podessi esse i miei zii che me ga cressudo e che me amava come un fio, oppur mio papà o il mio gatto Evinrude che dell'aldilà i me ga da una man. Insomma qualchedun xe stà e mi penso de aver el cul de gaverlo.

Dàrghe un nome ad un Angelo Custode pòl esser impegnativo.

Un poco dipendi dalla qualità dell’intervento messo in atto dal protettore alato e un poco xè dovù a quanta vòia gà uno de creder nel soprannaturale.

Mì considero sovrumano zà el fatto che un aereo svoli …anche sè el fenomeno vien giustificà da un impressionante consumo de cherosene e questo dovessi bastàr per renderme più pìo .

Ma come bèn te sà , mio caro Genio , mì vivo nella miscredenza, e mè piàsi darghe una spiegaziòn logica a tutti i eventi più o meno simpatici che mè capita durante stò periodo sulla Terra per cui el nome del mio angelo podessi esser irriverente.

Sò che la parola ‘logica’ pòl fàr de rider quando la vièn fora dalla mia bocca , ma zèrcherò de render almeno un poco razionale el mio pensiero.

1)Prima delle 9 de mattina no bisogna bever superalcolici , sò benissimo che la Razza Valligiana usa consumar el caffè con un’abbondante dose de ‘Acqua di Fuoco’ ma bisogna anche ricordar che in val Canale i semafori non esisti e che i abitanti per andar a ritirar le risposte dei esami in ospedal i usa el treno.
Anche perchè el personàl delle Usl senti l'odor dei sbevazzoni a distanza , come i sbirri .
L’autista del treno, de solito prima delle 9, bevi capuccino e brios , generalmente conossi i colori.... per cui quando la lampadina xè rossa el sé ferma.

E Tì , non tè vivi in val Canale !

2) Ormai dell’antica famiglia originaria sòn rimasto solo mì , visto che anche Nello xè trapassà l’altra settimana , però questo no gà evità de ritrovarme con un’influenza terribile che mè costrigi ad ingurgitàr certe pastiglie disgustose e credo anche inutili , privandome dell’aperitivo con el sionista in partenza
Per cui , o i miei punti d'appoggio nell’oltretomba xè indolenti o el siamese stà ancora fazzèndo el corso di volo per trasformarse in Custode.

3) Son contento per el proprietario della BMW che non sé gà visto distrutto l’auto nella collision con un gigante furlan ipernervoso che invezze de fàr la costataziòn amichevole lo gavessi anche maltrattà.
Son ancora più contento che la risposta del laboratorio sìa stada liberatoria e mè chiedo , visto che ormai tè gà una eccellente body-guard perché non combinemo una mattada ..appena che gaverò superà stà crisi de colera ?

4) Servìva vèrzer un altro topic ..visto che né gavevimo zà pochi ?

5) Tarvisio Centrale xè chiusa ! Doveremo pensar qualcossa tipo Ugovizza o Pontebba.

5) e perchè non Resiutta?
4) cussì come lo go verto lo sero!
3) basta che se organizzemo
2) i angeli vola un po più alti per principio.
1) Le tue certezze sui macchinisti dei treni xe quasi commoventi, e se dopo magari scampo a un deragliamento cosa te me disi?

Genio


CHIUDO UFFICIALMENTE IL TOPIC

... xè spesso mejo de due in meno.... de conseguenze me schiero per el mantenimento de questo post, l'argomento me sembra molto stimolante... e credo che nei prossimi giorni, gavero' senz'altro qualcosa da postar... sempre chè el mio angelo custode resti attivo... domani son in aereo!!!

cicio

"Trovo intollerabile la vostra mancanza di fede."
Frase pertinente, a mio avviso, ma in che film i ga dito sta frase?

Longhi ha scritto:"Trovo intollerabile la vostra mancanza di fede."
Frase pertinente, a mio avviso, ma in che film i ga dito sta frase?

Me arendo!

Mì credo che sìa el film “Comete Spaziali” .

La frase vièn pronunciada dal putativo Giuseppe quando i quattro Magi ghè porta oppio , absenzio e birre al fìo addottivo .

Per esser sicuro dovessi riguardar el film , ma mè ricordo che subito dopo Giuseppe vien fatto stàr zitto da Melchiorre che minaccia de rivelar una sua presunta relaziòn con uno dei arcangeli ,.... mè pàr Raffaele o Raffaello .

Gò indovinà ?




Forsi gà ragiòn Cicio , meio ùn de più che due de meno .

adeso che te me ga fato ricordar iera Raffaello!!

Con el ‘Papa all’Università’ gavemo trovà el topic adatto per scriver sulle avventure dei chierici e dei prelati.

Con ‘Angelo Custode’ podemo andar oltre alle miserie terrene del vicario e dei suoi reggipalle , affrontando la question teologica in modo scientifico , ravanando direttamente sui antichi scritti senza dover passar per le interpretazioni , spesso accomodanti , che né propina el clero.

Proprio con l’argomento Angeli poderemo fàr chiarezza sulla struttura gerarchica nel Regno dei Cieli e comprender i compiti dei vari personaggi chè nei secoli dei secoli gà portà el vaticano a gestir una marea de fedeli sìa in ciesa che in banca.

Naturalmente , cercheremo de trattar l’argomento con delicatezza , evitando de urtàr la sensibilità de chi in stè baggianate credi ancora.

Non sarà semplice ma …sicuramente divertente !

Mahh!|!! mi conosevo AngelMule che iera un bellissiomo sito Web con i link ai file Donkey de tutti i film quei veri no i soliti pornazzi che te trovi de solito quando te cerchi qualche film novo. Chi che smanetta de quelle parti sà cosa che digo.
Purtoppo i lo gà blinda su segnalazion della SIAE con una scusa anche cul.

però pensandoghe ben, tutti noi nella vita gavemo avudo sicuramente delle esperienze paranormali de qualche tipo che no se spiegava in maniera scientifica. E tutti in qualche momento della vita gavemo sfiorado questo confin fra realtà e ????
Penseghe ben e vederè che gò ragion.
Bel questo topic paranolmale speremo de raccoglier sti famosi X -files.

x-files n°1
qualchedun sà perchè alieni con delle astronavi intergallattiche mille volte più evoludi de noi vien sulla terra e che cazzo i fà??

I " CROP CIRCLES"



s

I Alieni vièn sulla Terra per ciòrse l'oro .

Vien spiègà benissimo in "Cowboys e Aliens"

Xè morto Angelmule ma el mulo funziona ancora, sìa col primo che col secondo tempo.

e comunque voio precisar che mi son un buon gattolico e "trovo intollerabile la mancanza di fede"

Sandro ..dìghe qualcossa a stò stronzo !
Nol credi in niente , el spùttana i gatti ( perchè el xè allergico ) e in più el credi de esser Dart Fener.
Non tè pòl lassar che el distruggi cussì un topic neonato .
Cossa el gà bevù ieri in mezzo all'estero ?

se ad ogni intervento ga bevù un bicer devi esser stà duro forte!!

Sandro siccome te son un amico vero farò per ti quel che no go mai fatto per nissun .Dimme el giorno della settimana che te son nato e mi te dirò come se ciama el tuo Angelo custode (o spirito guida) e te insegnerò anche come metterte in contatto con lui. Ma ovviamente solo per far del ben.

intanto te allego un mandala tibetan che te sarà sicuramente utile.






s

Oggi xè l'11 de Marzò del 2012 a.d. e oggi ..Sandro celebra el compleanno , mio fiozzo Stefano celebra el compleanno e anche mia suocera Raffaella celebra el compleanno.

All' 11 de Marzò bisogna celebrar almeno Tre compleanni , altrimenti Vincenzo sè incàzza!

Nonostante la mia semi-infermità causada da una influenza perniciosa e replicante , durante i festeggiamenti per la suocera gò avù l'opportunità de farghe alzar i calici ai commensali per un brindisi alla salute della Simia ,forse sconosciuta ai presenti ma sempre presente nei miei pensieri.
(Gavemo brindà con un cabernet-sauvignon de Spessa , invezze per la suocera e per el fiozzo gavemo usà un merlot de Rocca Bernarda).

Quindi ..tanti auguri Sandro , che tutto continui come tì tè gà impostà , xè sempre un grande piacere starte vicin .

Visto che stò tuo novo topic stà stuzzigando anche el vulcanico Sergio , disemo che l'angelo custode de mia suocera sè ciàma Ha...., dipendi da G.....e proteggi tutti quei che non pòl in nissùn modo esser ipocriti.


Anche mì tè mando come regalo virtuale un tappedo ..chissà che nol sìa volante !?

i disi che se un omo pol vantar de aver almeno 3 o 4 amici veri pol considerarse fortunado. Mi son un omo Super Fortunado perchè oltre ad averne più de 3 o 4 li go anche sai coccoli.
Grazie de cuor, anche mi ve go sempre nei miei pensieri e nel mio cuor. Grazie anche a Ferdi che me ga mandà un SMS altrettanto coccolo.
Il tappedo spero che fazi volar in alto il mio spirito e il manda zercherò de posizionarlo come salvaschermo.
Grazie amici.

PS. credo che l'11 marzo del 1954 iera un giovedì

Auguri Genio, detto Sandro.

PS: ghe la gho fatta per una manciada de minuti ma ghe la gho fatta: ghe tenivo a farte i auguri.

ciao fra'

son rivà tardi per farte gli auguri..(Auguroni comunque), ma in tempo per farte una domanda... le donne dei pesci... tutte le donne dei pesci... gà una vera mania per scarpe e borsette, se le trovassi un armadio adeguato le tegneria a casa qualche centinaio de questi oggetti; ti, come rappresentante maschile del stesso segno... de cossa te se impinaria la casa?

cicio

P.S. atenzion a la risposta... xè anca fioi che leggi sto post!!

Tappedi ?

Donne dei pesci ovviamente! Una la go za, e piena de borse e scarpe, cussì podessi risparmiar nel numero de accessori che saria interscambiabili.

Ciacio ha scritto:Con el ‘Papa all’Università’ gavemo trovà el topic adatto per scriver sulle avventure dei chierici e dei prelati.

Con ‘Angelo Custode’ podemo andar oltre alle miserie terrene del vicario e dei suoi reggipalle , affrontando la question teologica in modo scientifico , ravanando direttamente sui antichi scritti senza dover passar per le interpretazioni , spesso accomodanti , che né propina el clero.

Proprio con l’argomento Angeli poderemo fàr chiarezza sulla struttura gerarchica nel Regno dei Cieli e comprender i compiti dei vari personaggi chè nei secoli dei secoli gà portà el vaticano a gestir una marea de fedeli sìa in ciesa che in banca.

Naturalmente , cercheremo de trattar l’argomento con delicatezza , evitando de urtàr la sensibilità de chi in stè baggianate credi ancora.

Non sarà semplice ma …sicuramente divertente !

Dopo l'apprezzada parentesi festaiola de cui ringrazio tutti nuovamente, volessi ritornar a bomba sulla proposta de Ciacio, mio grande mèntore. La considerazione che go de lui non me impedissi de mover, ogni tanto qualche critica, che più che convinzer gli altri, ga la funzion de insinuar dei dubbi nei miei pensieri. Devo dir che partir con delle idee preconcette nei confronti dei dogmi della ciesa me sembra un limite, in quanto, a mio modo de veder, originade proprio da tutto ciò che de sacrosanto (notasi l'aggettivo) e terreno xe stado scritto in "papa all'università la sapienza". Non metter in discussion i propri convincimenti pol risultar limitante in quanto non significa necessariamente rinunciarge ma semmai rafforzarli. Tutto quel che savemo sulle religioni ne xe stado riportado, tramandado e inculcado dall'omo e l'omo, se sa, xe fallibile, corruttibile, interessado, avido e quanto xe de più brutto sulla faccia della terra. Ma se l'omo xe la causa delle cose brutte chi xe el fautore de quele belle? Se fussi l'omo stesso allora perchè non considerar l'ipotesi che tutto quel che ne xe stado tramandado non gabbi origini "nobili". E se non xe stà l'omo ma un extraterreste allora perchè definirlo malamante. In fin dei conti in tutte le culture e in tutte le razze esisti qualcosa che podemo definir religioso o sacro o exrtra terreno. Questo pol aver un senso non necessariamente negativo! Se invece consideremo l'omo de fede un diverso, anche un po mona forse sbagliemo; non xe forse proprio in questi casi che dovessimo cercar de capirlo e comprenderlo e accettarlo senza darghe del baggiano o del babbeo tout court. Parlemo poi de coerenza; se ogniuno de noi ga determinati ideali xe giusto che li porti avanti e che combatti per vederli un giorno creser e diffonderse in tutto el genere umano. Me riferisso a valori quali la libertà, el rispetto, l'onestà, la difesa dei più deboli, l'amor verso el prossimo e verso el proprio simile. Ebbene questi valori devi esser sempre presenti e sempre anteposti ad ogni ragionamento e ogni sviluppo ideologico, altrimenti non xe più credibili ma rappresenta solo un alibi per giustificar le proprie debolezze e la propria incapacità de comprender e perdonar chi sbaglia.
Per concluder questo piccolo breve assaggio, cominciado e poi interrotto almeno 3 o 4 volte in questi ultimi giorni, volevo dir che non xe mio interesse convincer chi che sia sull'esistenza del padreterno e dei sui arcangeli e sulla bontà dei principi della chiesa (qualunque essa sia) ma solo esprimer l'opinione che se i presupposti che porterà a queste discussioni non xe liberi da pre-convincimenti, allora rischiemo de far diventar tutto una farsa, una malcelada burla senza possibilità de replica.
Ultimissima cosa per dir che xe vero che bisogna comprender, perdonar e accettar coloro i quali sbaia, ma la ciesa, quella fata de papi, cardinali e preti, quela xe secoli ormai che ga esaurido tuti i bonus; ergo, fata salva qualche misera e umile eccezzion, per quanto me riguarda se podesi brusarli tutti perchè esisti un limite anche al perdono e all'accettazion.

... forsi podessi contravvenir ai miei principi e dir la mia su un argomento cosi' intimo e delicato.

Chissa', magari essendo la mia posizion, equidistante dai due principali interlocutori * d questo argomento, no sia mai che esci qualcosa de interessante.

Partiria da un esempio plebeo... Sicuramente anche el Popolo della Liberta' (vigilata) ga' nel suo statuto valori fondamentali come liberta', giustizia e rispetto per el prossimo, ma nel momento stesso che de questi valori me parla el nano, gasparri o alfano, me par evidente che tutta la casetta crolla e quindi pur rimanendo l'induscussa validita' dei concetti espressi, pol andar affanculo el PDL per intero; e personalmente no me interessa una mazza se dentro ghe iera anche delle persone valide... el fatto stesso che le ghe sia dentro le squalifica di per se.

Ora... senza andar a ravanar nei tempi dell'inquisizion, periodo che nisun de noi ga' vissu', me par che anche nei ultimi trenta ani all'ombra del cupolone sia passai tanti nani, gasparri e alfani (spero de no doverve far i nomi) e no me par de ricordar gnanche uno drio robuste sbarre de acciaio a scontar i suoi misfatti...
Quindi, cosi' come nell'esempio del PDL me chiedo... come xe' possibile che davanti a tante indelebili ignomigne uno possa continuare a professarse della stessa fede? Ignoranza? paura? sottomissione? Da tempo go' smesso de cercar una risposta... e son convinto che no ghe sia una risposta... xe' cosi' e basta!!! cio' non togli che me fa strano...

cicio

* No me sento ne credente ne ateo, ma nutro una profonda fede e fiducia in qualcuno che considero el mio pastore da sempre... fiducia che devo dir... MAI nella mia vita xe' vignuda meno anche se son conscio del fatto che no so... se davanti ai leoni troveria la forza de non rinnegarlo. Vojo anche contarve una piccola (ma significativa) cosa che me xe' successa lunedi scorso...
Un mio amico da cui sicuramente non me la aspettavo, me ga' stupido insistendo molto per farme accetar in dono una medaglietta della Madonna che el gaveva ciolto in ciesa la domenica precedente... una medaietta insignificante... probabilmente de alluminio stampa... di fronte alla sua insistenza e colto alla sprovvista la go' ciolta....

...... la go' ancora in scarsela!!!!!!!!