Fatta la xe

In attesa de chiarimenti da parte dei vari amministratori... esternero' su questo topic...

El fatto che i preti e tuta la loro genia me stia PREPOTENTEMENTE SUL CAZZO... no credo sia una novita' per nissun... fatto ulteriormente accuido dalla lettura del libro VATICANO SPA che consiglio vivamente a tutti i osservanti..

Ma oggi, dopo la notizia dell'annunciato ricorso della gelmina alla sentenza del TAR che metti a posto almeno un poco l'invadenza dei pedofili vestidi de nero... no posso piu' esimerme da un post che gavevo in pectore za' de due giorni....


... alora... la CEI ga' avu' tanto de ridir su la sentenza del TAR motivando el suo risentimento col fatto che " el cristianesimo fa' parte de la cultura dei taliani".... ANCA MAGNAR LA MONA!!!! ma non per questo i lo insegna a scola!!!

de la serie: visto che l'ingresso nelle migliaia de ciese che infesta l'italia (senza pagar l'ICI) xe' gratis e come CIS Miami no le chiudi mai... se uno senti el bisogno de saverghene de piu'... pol andarghe in qualsiasi momento... senza farse fraccassar i zebedei durante le ore de scola che podessi esser impiegade sicuramente in maniera piu' proficua.

ma tant e'... la potenza del stato piu' piccolo del mondo... xe' come le vie del signore... INFINITA!!


cicio

El spazio riservà al culto , xè sempre al suo posto.
Nissun commento sulla pirola " the day after " ?






Giordano

Finida la decade, ricomincia el processo .
Milan xè stà lavà con l'acido fenico , per tutti i dieci giorni , cussì el pol presentarse in tribunal senza el domopak e anzi fazzendose apprezzar per le scorezze al mentolo !
Col giudice , iera sentai el notaio , el vescovo e anche el cantastorie . El panocer gaveva tirà pacco ,per non comprometterse !

Bon - comincia el giudice - Stupido mezzosì-mezzonò , te son disposto a rinnegar el passato , el presente e anche el futuro , sia tuo che per le generazioni che gaverà la sfiga de discender da tì ?
Te giuri , davanti a stò tribunal , che non te proverà mai a procrear con coccodrilli o altri che non sia de Santa Maria Che Longa ! e de difender le nostre idee , anche se pol sembrar delle grandi cagade?

Giuro - disi Milan - Rinnego tutto , rinnego anche de esser mì stesso ! Prometto che al massimo mè farò qualche manovella e che mè accoppierò solo con i miì novi paesani , .. poh.. i coccodrilli xè duri e permalosi !

- Allora ,- sentenzia el giudice - per diventar paesan de serie 'C' , te devi impegnarte a far proselitismo tra i tùi simili 'DeLà' , convinzerli che 'DeQuà' xè ssai meio e portarli a lavorar a 'Santa Maria Che Longa!' . El comun , el vescovo e anche i notabili xè disposti a darve una baracca riscaldada e con i servizi esterni .
Se , tutta la marmàia che te seguirà nella steppa , sè comporterà ben , cominceremo a costruir i borghi !
Adesso và fora dei coioni che stà finindo l'effetto dell'acido fenico !! Via ...via !!
La seduta è tolta , tutti a trombar sulla riva sinistra !!!! -

L'abiuro , flaccido e da qualche ora spuzzolente Figlio di Iorio , sè avvia sulla strada che lo riporterà a Črni Kal.

-Mì sarò el Mosè per quei sfigai 'DeLà' , li porterò a viver nella steppa . Invezze de passar el Mar Rosso , attraverseremo el Rio Ospo , senza far tanti danni !
L'importante xè che i longhisti gà accettà de darne asilo , per quanto riguarda el lavor .....vederemo ! -

Quando Milan giungi a Črni Kal , el scopri de esser diventà orfano.
Iorio iera stà lincià dai paesani per aver sbaglià un 5+1 e Bruna iera dada per dispersa in una gita della parrocchia a monte Corned Beef !

Senza più legami nel minuscolo paese , el novello Mosè comincia a girar tutte le terre 'DeLà', tignindo comizi , conferenze e distribuindo gadget ,come panoce e fiaschette mignon de acido fenico.
La sua campagna de reclutamento iera basada sul dir e non dir .
Per esempio , nol parlava mai e poi mai del lavor che li stava spetando , enfatizzando invezze sulle comodità dei cessi in casa , dei caloriferi e della grandiosa disponibilità del magico acido , capace de rimover el malodorante marchio de fabbrica!!
Anche i racconti delle notti a 'Che Longa!' , gaveva portà tantissime adesioni alla carovana de migranti !

Cussì in tempo a qualche mese , l'alacre Milan , gaveva ingrumà diverse migliaia de 'mezziSì e mezziNò' , e alla testa de quella masnada , el cominciava el viaggio che doveva portarli nel cuor della steppa...là nel profondo Nord !

Una mattina de Febbraio , sui bastioni de Palma Nova de Majorka , vigniva dà l'allarme !

- Aiuto ! Alle armi ! Aiuto ! Stà rivando le locuste !!

A Palma , la difesa e la gestion della città , iera in man de un caporal . Lui decideva chi podeva lavorar e chi no , chi doveva far i turni de notte e in più el guava tutte quelle che ghè piaseva !
Richiamà da quei urli , dal caporalato vien fora un gigante de dò metri, con le man come badili , la testa come un televisor e un 52 de pìe .
Iera sior Primo !

- Cos'tè zìghi ..insempià ! , No te sà che le locuste và torno solo d'estate ! Guarda meio...mona!!

La vedetta mettendose i ociai ,scruta la steppa e subito replica:

- Xè vero ! no xè cavallette , xè òmini , ma xè troppi per esser i Bisiachi !

A quel punto sior Primo andava sul bastion per sincerarse de quel che nasseva , anche perchè la vedetta iera in terapia coi alcolisti anonimi e tutti saveva che la USL ghè passava anche el metadone !

- Orpo de Bacco - esclamava el gigante - ma xè una moltitudine de strazzoni , presto , tutti pronti a respinger quelle orde , fora i coccodrilli e prepareve a svodar i bucai zò pel muro !

In quel momento , la folla de 'mezziSì e mezziNò' sè fermava sotto le mura della città stellata , proprio davanti alla porta Sud.
Milan vigniva vanti con una canovazza bianca in zima al manigo del mocio , fermandose sul bordo del fossato el sè preparava a parlar.

Armà de un pirio de stalla ,per usarlo come un amplificator , Milan comincia a parlar:

- Popolani e zotici de Palma , mì son Milan 'Il Figlio di Iorio' e tutti questi xè i miì simili. Stemo andando a 'Santa Maria Che Longa!' , per prestar la nostra opera e ricever in cambio la patente de steppaiòi de terza categoria !
Verzè el porton che attraversando la città femo ssai prima !

A quelle parole , un brusio de malumor gà percorso tutta la massa che seguiva Milan :

- Mi no gò mai prestà gnente ! Nanche a mia mare! Immaginemose se ghè dago qualcossa a stì quà !!

- La nostra opera ? Ma se nissùn sà cantar !!

- Fin che xè de ricever và ben ,ma de dàr ....no sè parla !!

Questi iera i commenti nelle file dei 'mezziSì e mezziNò'.

Intanto sulle mura ,Primo stava pissando nel fossato , zercando de beccar i coccodrilli sulla testa , quando el gà finì , el rispondi :

- Col ..zzo che faremo entrar in città quella maniga de pedociosi !
Faremo cussì ; lasserè a Palma trezento mule , le più belle e giovani e anche zento muli , sempre giovani , cossa volè , anche nella steppa la carne xè debole!
In cambio , noi vè lasseremo far el giro promettendo de no spudarve e de no svodar i bucai !

Quei 'DeLà' gaveva tutti el carattere simile a Milan, tirai, menefreghisti, egoisti e un poco creduloni .
Senza nanche pensar , i gaveva buttà fora dei ranghi la muleria e cussì i podeva continuar el viaggio senza metter la man in scarsela !

Schifai dalla scarsa dignità dei pellegrini , i palmajorkesi sè gà sentì in diritto de non rispettar i patti e quindi Milan e i sùi seguaci gà fatto el giro delle mura sotto una piova de stronzi e pissade mirade.
Poco mal , no i gaveva speso niente !

Palma , pagherà caro , in futuro , quel sciagurato scambio !

Dopo qulche giorno , la carovana spuzzolente , sia per colpa dei bifolchi de Palma, sia per el marchio de fabbrica, giungeva in vista de 'Santa Maria Che Longa!' , citta promessa , ricettacolo de tutte le deviazioni dell'animo umano e formidabile baluardo delle panoce !

Vedendo rivar tutta quella truppa, i notabili della città xè andai in confusion!

- Mamma mia - diseva el giudice - altro che una baracca , quà bisogna costruirghene mille e più !
E con tutta stà genìa, che probabilmente usa cagar come noi, el povero Ludrio diventerà un pozzo nero semovente !

- Ma no ..sior giudice - interveniva el vescovo - Questi xè differenti , questi vien 'DeLà' non 'DeZò' !!
..zzo , xè una bella differenza !!
Tutti sà che quei 'DeLà' , no magna e no caga per non spender !!

- Però - osservava el notaio - vedo che i gà la bocca e anche i denti , a cossa pol servirghe se no per magnar ?

- Ma per difenderse e salvar la proprietà ! - sè affrettava el vescovo che gaveva nasà un enorme bacino de frequentatori per la sua attività ,con relativo aumento delle entrate.

- Ma sì .. sicuro ! Poh al massimo ghè daremo qualche panocia e castagne ( che strenzi ) cussì el fiume sarà salvo e lori sarà sazi ! - appoggiava el panocer , incredulo davanti a tanta manovalanza !

Tutta la carovana de 'mezziSì e mezziNò' sè iera accampada nella periferia della città , spetando che sè avveri le promesse de Milan 'Il Figlio di Iorio'

Milan sè stava preparando all'incontro con i maggiorenti della città , el futuro de tutti quei sfigài che el sè portava drìo , dipendeva da quella riuniòn .
Ben ricordando i consigli del povero Iorio , el gaveva fatto distribuìr in tutto l'accampamento enormi quantità de mentine , valda , polo , anche tubetti de mentadent per far i panini !
L'essenza mentosa doveva conquistar l'opinion pubblica della steppa , fazzendo dimenticar el terribile odor de scài ,marchio de fabbrica dell'assembramento pien de pulisi !
Tutti gaveva l'ordine de respirar solo col cul e mai alzar i brazzi .

Dentro al carro dei capi-migranti , un biroć con due coppie de manzi grigiastri , enormi e con i cornazzi lunghissimi ,
el 'Figlio di Iorio' sè vestiva con le strazze ingrumade tra i 'mezziSì-mezziNò' .
Con lui stava i rappresentanti della carovana : uno dal mar , uno dai campi , uno dalla collina e nissun dalla montagna , in quanto 'DeLà' esisteva un unico monte e anche quel pien de antenne !

-Bon - fà Milan - semo pronti per el dibattito, voi steme sempre vizìn e non stè mai parlar , al massimo deghe aria al cul . Quando parlerò mì , doverè far 'Sì' con la testa , quando parlerà un steppaiòl , doverè far 'Nò' ! -

Dopo quaranta minuti de prove, tutti e tre i rappresentanti gaveva capì e allora con Milan davanti , la delegaziòn lassava el campo per andar in città , ..in municipio !

Il Figlio di Iorio gaveva un aspetto curioso e al stesso tempo emblematico.
Una giacca grigia , più picia de due misure, braghe 'principe di galles' cangianti con riflessi beige , camisa bianca con el collo imbottonà , senza cravatta , calze curte e bianche con sandali per andar in acqua , de gomma blù.
Cavèi a scartazzetta e sulla sbessola tre tochetti de giornal, per stropar i tài de falzetto nel farse la barba.
I altri tre sè presentava più o meno sul stesso stile , due sotto la giacchetta portava la canottiera , tutti senza calze e sùi pie ..zavatte col dedo .

Annunciài , prima dall'odor de sudor e dopo da una guardia municipal , i quattro scantinài entrava nella sala del consiglio de 'Santa Maria Che Longa!' , dove zà sè trovava tutto el gotha dalla città.

El primo a ciòr la parola xè el giudice:

- Carissimi emarginai e tanfànti 'mezziSì-mezziNò' , adesso che vè vedo de vizìn , me fè ancora più stomigo!
Mesi fà , gavemo molà el vostro capobanda con l'impegno de portarne un pochi de mone per ingrumar le panoce.
Adesso , el rinnegato e abiuro Milan , sè presenta con una maniga de disgraziai ,spuzzoni e sgradevoli alla vista , molto , ma molto superiore al numero che a noi nè servi !
Chi ..zzo me spiega cossa stà succedendo ??

-Maestà giudice - rispondi Milan e i tre comincia a far 'Sì' con la testa - mì gò fatto quel che me gavè chiesto !
Son tornà 'DeLà' portando el vostro messaggio , ossia : case col cesso dentro , con i caloriferi e tanto acido fenico per farne sparir el marchio de fabbrica !
Questo in cambio de un lavor . Ma nissun gà mai parlà de ingrumar panoce o de far fadìga ! Mì intendevo , in qualche ente , banca o assicurazion ! Impiegati , custodi , al massimo guardiani , ma de fadìga no sè parla!!
Poh .. quà nè offrì una baracca col condoto fora , dove xè i borghi che gavevi promesso ! -

A quel punto , sè alza el notaio :

- Caro , ma pur sempre inferiore Milan, gò scoltà i tùi spropositi e posso dir che te son ancora più stronzo de quel che pensavo. Come te pol pensar che noi mandemo a ingrumar panoce i nostri compaesani per metter voi al suo posto!
Xè un'eresia !
Voi lassè el vostro paese perchè non capì un ..zzo della lingua e nanche dei numeri !
Credè ,forsi ,che nella steppa esisti un'altra algebra ?
Credè ,che se noi parlemo in dialetto , poderè capir quel che disemo?
No..mai!! E lo digo mì che son notaio!
Allora , và via de quà , mignattoso scarto de no sò che specie , e portite drio quella massa de merdaioi !

El vescovo , tutto rosso e preoccupà per come và le robe , fà el motto de time-out e urla:

- Mì propongo de discuter la question tra de noi , senza stì quattro merdosi davanti , propongo una sospension del dibattito e riprendemo tra dieci giorni !-

-Va ben - decidi el giudice - che le guardie butti in strada i quattro cazzoni e noi andemo sulla riva sinistra a far lavorar el pisinòrum !

Cussì , i quattro migranti torna in accampamento con le balle girade e i steppaiòi và a far bagordi !

Mentre i notabili sè scadenava , el vescovo...tramava !
El sior prelato gaveva mandà in mezzo alla carovana dei migranti , tutti i chierichetti per sondar la situazion.
Dall'indagine vigniva fora che tutti i strazzoni iera disposti , ogni domenica mattina , a metter un soldin nel sacchetto del nonzolo . In cambio , i voleva una casa e la patente de steppaiòi de terza classe.
Considerando che nissun paesan de 'Santa Maria Che Longa!' , in quel sacco no gaveva mai messo niente (preferindo magnarse i bori sulla riva sinistra!) , per l'azienda clericale sè presentava una grossa opportunità de guadagno !

Anche Milan non stava con le man in man !
Sacrificando la virtù de tre o quattro putele , scelte tra le meno spuzzolenti , il Figlio di Iorio gaveva corrotto un dei chierichetti ,che se impegnava a riferir tutto quel che nasseva in consiglio comunal , far la spia..insomma !

Prima riunion del consiglio , a porte chiuse e senza osservatori esterni .

- Bisogna star ssai attenti - comincia el giudice - fora della città sè gà formà una tendopoli con migliaia de mezziSì-mezziNò e fazzendo un dò conti quei là xè più numerosi de noi !
Mì diria de mandarli via tutti e subito , prima che cominci a spuzzar tutta la steppa !

- In effetti - disi el panocer - stà marmaia no gà nissuna intenzion de lavorar nei campi , pecà , sarìa stada una bona occasion , ma penso che sìa meio scazzarli via , tanto più che gò dei accordi con quei 'DeZò' ,pronti a mandarme centinaia de tuttiNò , basta trovar i gommoni !

- Anche mì la vedo cussì! - intervien el notaio - Podeva esser la volta bona per mandar a fan'culo quei cazzabale de 'Che Longa!' , ma stà nova bassa-forza , credo che pol portar più mal che ben!
Anzi ,gò paura che se li tignimo quà , i xè capaci de piantar menta invezze de panoce !
Xè meio cavarseli dei coioni , prima che i sè organizzi in qualche 'unione' o qualche partito !

A quel punto , ciol la parola el cantastorie , visibilmente incazzà :

- Gò zà avù modo de dirve che mì son el portavoce de pàpi , lui me gà mandà quà con un ordine preciso , quindi xè inutile che alzè la cresta e volè far de testa vostra!
Dovè ,per forza, accettar i migranti , accomodarli dove che vè par , darghe stè ..zzo de patenti , distribuir un pochi de televisori , e dopo qualche mese de trasmissioni , li farè anche votar !
Cussì gà deciso papàci e cussì doverè far ! -

Xè giusto !! - incalza el vescovo che vedeva una possibilità de ingrumar i soldini - Quei là fora , xè tante anime in zerca de una possibilità , i gà bisogno de aiuto e , noi che podemo , dovemo accettarli e istruirli .
Tociandoli nell'acido fenico ,ghè porteremo via el marchio de fabbrica e dopo , per le nostre contrade , sentiremo odor de menta , invezze che quelle brutte scorezze de polenta e renga !! -

I notabili , no iera dei veri leoni , anzi xè più consono dir : ' cagoni e paraculi '.
El giudice sè alza e malvolentieri el sentenzia :

- El consiglio comunal , gà deciso all'unanimità , de equiparar i strazzoni là fora ai steppaiòi de terza classe .
Considerando che nella steppa , fino ad oggi ,esisteva solo due classi de cittadini , i cazzoni resterà sempre inferiori a tutti noi .
In quanto alle case , decidemo che và benissimo le tende che i sè gà portà drio e allora niente borghi !
Che una guardia municipal vadi a ciamar el Figlio di Iorio , per firmar l'accordo ! -

El chierichetto , prevedendo un'abbuffata de frizza , iera corso al campo de Milan ,portando la notizia dell'arrivo delle patenti per tutti.
La felicità nella carovana iera alle stelle , i mezziSì-mezziNò i magnava e i beveva le bottiglie che i gaveva sconto , i trombava senza gommin , se sentiva dir :
- Ghè la gavemo fatta , basta lavorar in stalla !
- Mì creo un ente solo per noi e assumo almeno la metà dei miì amici !
- Sì...sì e prima o dopo diventeremo paroni de tutto , alla faccia dei steppaiòi de merda !!
- Diventeremo tanto forti ,che un giorno torneremo DeLà e sè cioleremo le case che gavemo dovù abbandonar !!

Nella sala deL consiglio comunal , intanto , el cantastorie sè gaveva sentà sulla poltrona del presidente , scazzando via el giudice , el vescovo scomunicava el panocer e anche el notaio e le guardie municipali sè preparava a giurar fedeltà solo che a pàpi !
Tutto d'un colpo , sè spalanca la porta della sala e vien dentro correndo un ometto tutto agità zigando :

- Fermi ..fermi tutti , dovè scoltarme ..prima de far qualche cazzada !!! -

Quel ometo iera el direttor della banca de Palma Nova de Majorka !

Mettendose a sentar in mezzo alla sala , per farse sentir de tutti , el direttor , sbavando pel nervoso ,annunciava :

- Vè porto due notizie importanti , una bella e una brutta .
Comincerò con la bella :
Pàpi , a furia de darghe zò , sè gà becca el 'scolo nero' !!
Adesso el xè in fìn de vita su un'isola , el gà zà perso tutti i cavei !
A Roma , el governatorato , xè andà con el cul per aria e tutti fà quel ..zzo che i vòl !!

- Questa xè proprio una bella notizia - esclamava el giudice guardando el cantastorie come el gatto fà col sorzo - adesso dìsi quella brutta ! -

- Ve ricordè dei quattrozento giovani - continuava l'ometto - quei che el caporal de Palma gà volù come pedaggio per far passar la carovana dei strani migranti ?
Bon , quella muleria adesso xè diventada parona della città stellata !
Distribuindo busi e luganighe , i sè gà accoppià con tutti quei che podeva tornar utili , anche coi coccodrilli !!
E cussì , con atti falsài e certificati veri , la malefica combricola sè gà impossessà della città , e dopo aver buttà fora i paesani nativi , i sè gà serà dentro , godendosela alla grande !
Adesso anche ai gatti ghè spuzzà i scài !
Povera Palma ! -

Gelo e brividi nella sala del consiglio comunal !
Tutti i longhisti resta senza parole !!

- Ahimè - comincia el giudice - la situazion xè a dir poco ..scabrosa !!
I strani migranti oltre a esser tantissimi , i xè anche cattivi come la peste! Se ghè gira le balle , i xè boni de far un solo boccon ..... de noi e delle panoce !! -

-Vedemo de no perder la calma !- fà el notaio - Quel de Palma xè un caso isolà e dentro la nostra città , in stò momento , non gavemo nissun strano ! Sarà nostro compito difender le mura dall'invasion dei mezziSì-mezziNò !
Propongo de sigillar le porte e metterghe la cintura de castità alle mogli ...per prevenir l'imbastardimento ! -

-No! - intervien el panocèr - Bisogna trovar una soluzion drastica e definitiva !
I strani , xè troppo numerosi e anche pieni de astio , bisogna far alleanze con i popoli che vivi intorno alla steppa !
Penso sìa giusto mandar dei ambasciatori a Treteste e a Sporchezia , grandi città con grandi eserciti e grandi flotte !
Son sicuro che di fronte a una disgrazia compagna ,.. i vicini nè darà una man !-

A quel punto sè alza el cantastorie :

-Come podè ignorar i ordini de papi ?
Sè matti ??
Lui gà ditto de ciorli dentro e de trattarli come sè devi !
Tutte stè ciàcole xè fora posto , degne de gente senza fede !!

El cantastorie no gaveva ancora finì de parlar , quando un messo de Palma ghè portava notizie al giudice !
Notizie , ....ditte in orecia !!!!

Alzandose e gonfiandose el petto , el giudice tàca :

-Me vien comunicà in stò momento che papi xè morto !
Consumà dal scolo nero e da tutte quelle malattie che sè pol ciàpar coll'usel , el capo dei capi xè n'dà a sburtar radicio !
Poscia :
Mì torno a sentarme sulla mia carega !
El sior cantastorie sarà impiccà per le balle nel piazzal dei bus , finchè strappo non sopraggiunga !
A quel stronzon del vescovo , ghè faremo cento clisteri de acido fenico,... inutile impiccarlo per i coioni , xè meio mantignir un bon rapporto con el cielo !
Manderemo i messi comunali a Treteste e a Sporchezia , troveremo un accordo per cavarse dalle balote stì ..zzo de strani mezziSì-mezziNò !
Viva la longa e fanculo i pedociosi !

Cussì finiva la riunion a Santa Maria Che Longa !

La scomparsa de papi e la conseguente dissoluzion del governatorato de Roma , doveva esser l'inizio delle disgarazie per il Figlio di Iorio e tutti i sùi simili !

Nella tendopoli , iera stà organizzà un sinodo permanente per monitorar la situazion e tutte le notizie che portava el chierichetto spiòn , vigniva discusse e valutade.
El momento iera grave e tutti la vedeva nera , anzi el chierichetto vedeva tante nere !

- Stemo calmi - continuava a ripeter Milan - Lassemo che le robe vadi per el suo verso . Ricordemose che semo in tanti e anche se papi xè n'dà per le sue , vegnerà un altro al suo posto che apprezzerà i nostri voti !
Bisogna gaver fiducia e allegria ! -

I strani , però , gaveva capì che el Figlio di Iorio sè rampigava pei specci e diventava sempre più bugiardo !

Intanto , uno dei messi comunai , mandai dal giudice , rivava a Treteste !

Ai confini meridionali della steppa , verso est , tacà al confin con " DeLà" , sorgeva Treteste .
Sul lato nord de una grande baia , la città iera una meraviglia !

Palazzi de cinque o sei piani , le strade lastricade , un porto gigantesco , tram , autobus , la luce sulle vie , acqua corrente e cessi in tutte le case , la sè presentava come un paradiso .

Unico neo , podeva esser la presenza de un villaggio senza nome sul lato sud della baia , avanguardia dei mezziSì-mezziNò scampai da "DeLà" tempo indrio , ma i bravi tretestini gaveva costruì tre grandi dighe per tignir lontan quei strani e cussì , a parte quel lazzareto , la città podeva ritenerse uno dei più bei posti al mondo !

El messo bifolco girava per le strade Tretestine come un imbriago !
Insempià da tutte quelle luci , le vetrine , el traffico , ghè pareva de viver in un sogno !

- Ostia , mì pensavo che el 'bengòdi' fussi a "Che Longa!" ma devo ricrederme! Quà xè el centro del mondo , el punto de raccolta universale per i sbevazzoni e i puttanieri !!
Devo assolutamente portar el messaggio del consiglio comunal al podestà della città e subito dopo farò domanda de asilo politico e vegno a star quà per sempre !!-

Cussì fantasticando , el contadin imboccava la via Foschiatti !!

Dopo tre giorni , con la testa pesante e senza un bel in scarsela , el vizioso longhista sè presentava al podestà de Treteste .
El capo della città gaveva un aspetto imponente e deciso , vestì all'ultima moda el riceveva el misero steppaiol in una sala piena de quadri , specci e lampadari de cristallo . Per terra tappedi persiani e un frigo-bar con vetrine e camerieri.

--Allora , cossa pol voler de mì un sgrafaterra della steppa ??

- Son quà per incarico del giudice de "Santa Maria Che Longa !" , son vignù a chieder l'aiuto dei Tretestini per risolver un problema de migrazion !-

--..zzo , chi pol esser cussì mona de migrar in quella merda de posto ?? - domandava el podestà.

- Eppur ..gavemo davanti le mura del paese una masnada de mezziSì-mezziNò che pretendi de diventar cittadini della steppa . I strani xè partidi da "DeLà" e xè curioso che non li gavè visti passar !!- replicava el messo , infastidì dall'accenno del podestà sulla merdosità dei longhisti .

--A dir la verità , tempo fà , quei sfigai dell'altipiano , nè gaveva segnalà una spuzza tremenda che gà durà qualche giorno , forsi iera la scìa che i strani sè lassava drìo . Comunque no iera un problema de noi Tretestini ma più per quei strazzoni fora-porta ! .......Bah !!!- terminava là el podestà.

L'agreste messo , sè stava innervosindo , el sè sentiva come ciolto pel cul .

- Allora , capo dei Tretestini , cossa devo dirghe al giudice de "Che Longa!" ?? -

-- Voi rurali , gavè bisogno de una man per cavarve dei coioni stì ..zzo de strani mezziSì-mezziNò e noi cittadini , una volta tanto, zercheremo de iutarve , ma a certe condizioni !!
A Treteste vìgi la Niccoliana legge del tre !
La legge disi che per ogni azion corrispondi tre reazioni uguali e congrue !
Per mandar tre battaglioni de alabardieri in quella merda de steppa ,.... mì vòio :

1° che tutto el vin del Collio sìa portà a Treteste senza pagar el dazio e a un prezzo simbolico , suggerisso 0,50€ !

2° che tutti i abitanti della steppa sottoscrivi un documento dove i dichiara de preferir la merda al pan !

3° che mai più un steppaiol vegnerà a viver nella nostra città , corrompendo la razza e lavorando sottocosto !

Adesso fà sù le strazze e torna nella stalla del tuo giudice a riferir ! ale op !! --

Senza bori e con el morale nei calcagni , l'agricolo messo cominciava el ritorno nelle steppa.

- Certo che stì cittadini xè proprio stronzi ! Cossa ghè costava darme l'asilo politico ??? Mah , sarà colpa de tutta stà acqua che circonda la città , tanta e inutile visto che la xè salada ! Altro che el Ludrio !!! -

Nel frattempo che el miserabile zavattava per Barcola , l'altro messo longhista arrivava a Sporchezia .

Nei anni passai , una famiglia della steppa iera stada allontanada con la forza perchè i sè rifiutava de doperar el cesso ,... smerdando tutte le strade !
Vagando verso ovest ,el nucleo de scagazzoni , gaveva trovà una palude sul mar e a quel punto , al capo famiglia , un certo sior Doge , ghè vien la grande idea !

- Noi sè fermemo quà ! Costruiremo una palafitta e per cagar basterà metter el cul fora della finestra ! Non smerderemo le strade e l'acqua porterà via tutto ! -

In effetti , iera una brillante idea , niente rimproveri per i cagoni disubbidienti , nissuna spesa per le fognadure e nissun tanfo fastidioso dai pozzi neri !

In brevissimo tempo , attratti dal bonus fognario , altri abitanti della steppa rivava nella palude per farse una palafitta e in pochi anni , sorgeva ' Sporchezia ' la spuzzolentissima !

Però.... come el lettor più accorto gaverà zà capì , i steppaioi non iera dei veri fulmini de guera !

Più propensi al gallo piuttosto che all'orologio , alla vanga piuttosto che ai libri , i zotici no saveva niente de effemeridi o de fasi lunari !
Lori iera abituai al fiume che , de solito , và sempre de una parte !

Cussì , risparmiando sulla lunghezza dei pai , ad ogni alta marea el villaggio vigniva sommerso da un mar de merda !
La stessa che iera piovuda dalle finestre !
Per spostarse nella melma , i gaveva costruì delle barche tutte storte e nere ( bianche sarìa stà troppo de mona !)
e davanti alla prua i ghè metteva un rastrel , per ricordar le origini agricole del conducente !

Su una de stè barche trovemo el messo longhista che andava de sior Doge per chieder aiuto a risolver el fastidioso problema dei mezziSì-mezziNò .

- Scolta ,sior barcaiol , ma quà xè sempre stà spuzza ? -

-- No , non xè sempre cussì .
Te devi saver che giorni fà gavemo fatto la festa della sardella , però fazzeva ssai caldo e i pessi xè n'dai de mal , cussì el giorno dopo , mezzo villaggio gaveva le coliche e adesso per colpa della marea e del scirocco , xè tornà tutto indrio !!!
No star a preoccuparte , sior bifolco , semo presto rivai a casa de Doge ! --

La palafitta de sior Doge iera grandissima , tutta de piera e davanti alla porta el gaveva messo due leoni finti .
Le scale de entrata dava su una grande piazza , piena de colombi che magnava i stronzi più grossi lassai dal flusso della bassa marea .
Tutto el palazzo iera pien de deodoranti ma per sicurezza , in ogni stanza sè trovava una piantina de menta , mettendo due foie nei busi del naso , spariva i measmi che vigniva de fora !

Giunto al cospetto de sior Doge , el comunal longhista gaveva riferì tutta la faccenda dei strani vignudi da "DeLà"
e domandava l'aiuto della ' Spuzzolentissima ' .
Dopo aver scoltà , senza interromper , tutta la manfrina , el vecio cagon impenitente rispondeva :

--Noi , in pochi anni , semo diventai 'gente di mare' , anche se ogni tanto xè un mar pien de merda , ciò non togli che la nostra xè oramai una razza superiore a voi sgrafaterra e ignoranti steppaioi !!
Ben me ricordo i urli e le bastonade per convinzerme a sentarme sul condoto ! E ancora me brusa l'espulsion dal mio tugurio !!
Però , el tempo e un vantaggioso accordo ,pol cancellar le ferite !
Posso mandar una flotta de duecento barche sù per el Ludrio.
Ogni barca con dodici lagunari o paludosi , come che te vol ciamarli , armai de remi , pagaie , volighe e gramparele !
Contro quei strazzoni de mezziSì-mezziNò , sarà un giochetto facile e anche se i nè fonda qualche barca ...beata l'ora ...le xè cussì brutte che no le posso veder !
In cambio de stà spedizion , mì voio :

1) che tutto el vin del Collio sia portà a Sporchezia , senza dazio e a prezzo de favor , consiglio 0,50€

2) che sìa costruì un muro per separar la steppa dalla palude , per impedir ai steppaioi de vignir tra le palafitte a scagazzar nel nostro mar che xè zà messo malamente e a ciavarne le babe imbastardindo la razza de noi 'gente di mare' !

3) che tutti i cittadini de Sporchezia possi andar nei casini de 'Che Longa!' a gratis , visto che el nostro casin servi per tutto altro !

Adesso firma el contratto e dopo te farò portar da una nostra barca fina in quella stalla del tù paese !--

El messo , in quanto comunal quindi per definzion 'bamboccione , assenteista e parassita' firmava el documento e in gran furia el montava sulla barca nera per allontanarse al più presto da quella fetida palude

Per fatal combinazion , i due messi rivava a 'Santa Maria Che Longa!' nel stesso momento.
Uno da est e l'altro da ovest , i comunai sè incontrava nella piazza del municipio , dove in un canton sè trovava ancora el capestro con impiccà el sacchetto del cantastorie , efficace monito per chi pensava de beccarghe la carega al giudice !!

Trattai come eroi , i due messi riferiva davanti al consiglio comunal i risultati delle ambascerie nelle città de Treteste e de Sporchezia .
Adesso , informai dei fatti , i notabili cominciava la discussion sulle future azioni .
El giudice , come al solito ,iera el più deciso :

- Con l'aiuto de Treteste e Sporchezia , credo che podemo zà dichiarar conclusa l'emergenza dei strani quà fora .
Son convinto che podemo cominciar a massacrarli zà doman de mattina !

- Quel che me infastidisi de più - sè lamentava el panocer - xè el disinteresse dei novi alleati per le nostre coltivazioni!
Tutti vol el vin e nissun le panoce !! Che gavemo sbaglià qualcossa ??

- Bale ferme - interveniva el notaio - Quà bisogna ragionar in base ai fatti !
In stò momento gavemo un trattato firmà che nè impegna con sior Doge de Sporchezia e questo gà la precedenza su tutto !
Coi Tretestini non gavemo firma un bel niente e mi diria de lassar in sospeso ogni accordo , anche perche son sicuro che el podestà Tretestin nè frega !!
La flotta de Sporchezia starà zà risalindo el Ludrio e la sarà quà tra un'per de giorni.
Spetemo a veder come la sè risolvi con i strani e dopo decideremo se domandar aiuto ai cittadini del sud-est.
..........Gò come un presagio che quel vin nè porterà sfiga ! I lo vol in troppi !!!
Zà xè longhi con i bisontini delle colline a farse dar un poco per noi ! Immaginemose che baruffe per ciorghelo tutto !

A quel punto el giudice sentenziava :

- Và ben , faremo cussì , spetemo che rivi i cagainacqua , che i sè bastoni coi mezziSì-mezziNò e dopo ghè faremo el muro e ghè daremo i buoni per i casini sulla riva sinistra . Per el vin ...vederemo , magari proveremo a strucar le panoce ....ah.ah.ah. !
La seduta xè tolta , andemo tutti a ciavar !!

Dal fondo della sala , quel spiòn de chierichetto gaveva scoltà tutto e mentre i notabili andava a farse el bidè lui correva al campo del Figlio di Iorio a riferir le novità , zà immaginandose una indigestion de figa !!

Entrando nella tenda del sinodo permanente , el religioso nonchè libidinoso delator sè meravigliava nel veder sentà vizin de Milan el suo superior , el vescovo !!

- Capo , cossa la fà quà ??

--Eh..caro mio .. dopo el trentaduesimo clistero gò deciso de cambiar bandiera e son vignù a rifugiarme con i strani migranti ! Xè meio la spuzza de scài che andarsene lentamente zò pel cesso !

Impaziente de ricever la ricompensa e de metter in lavor el 'saltimpanza' , el chierichetto riferiva al sinodo tutti i discorsi dei notabili longhisti .

- Orpo de bacco , la situazion xè ssai più grave de quel che pensavo - esclamava Milan Il Figlio di Iorio - quando riverà la flotta , quei cagoni nè farà un cul come una brenta !

-- Magari se zercassimo de corromper i palustri dandoghe qualche soldin ? - azzardava uno dei presenti .

Nol gaveva nanche finì de parlar che i mezziSì-mezziNò che el gaveva vizzin , lo fazzeva a tochi e lo buttava in una pignata !

- Quà non sè tira fora bori !!!!.......Mai!!! - tuonava all'unisono tutti i partecipanti alla riunion .

- Mì forsi gavessi un'idea - diseva timidamente uno magro magro , addirittura più magro del vescovo !

- E allora parla , remengo tuo ! - lo incitava Milan - Bisogna far presto a organizzarse !

- Dovè savèr - riprendeva el magro - che tempo fà , son andà in ferie a casa de un mio terzo cugin , in quel villaggio che stà proprio difronte a Treteste.
Bon , me son inacorto che nelle case e anche nei bar de stò paesotto , i gà tutti el cesso alla turca !!
Voi dirè ..che ..zzo me ne frega ,visto che son abituà a servirme del ludamer ?! Però iero curioso e cussì me son informà sul perchè de stà strana usanza .
El terzo cugin me spiegava che tutti i paesani gaveva el vermo solitario ! Ma non un vermo normale , ...uno assai assai ingordo !!

Stò vermo , oltre a magnar la solita merda , divora anche el legno !
Cussì se uno sè senta e fà un poco de sforzo , la bestia spunta dal buso e in due due quattro sè magna la tavoletta!!
La gente de quel posto , magna tanti pedoci ,sìa de mar che de testa , forsi xè a causa dell'alimentazion che xè nato stò ..zzo de parassita !-

- Bon , gavemo capì - diseva Milan , sempre più nervoso - ma cossa centremo noi , se i tùi parenti gà una segheria in tel zek ???

- Pensavo - proponeva el magro - che mandando el mio terzo cugin con qualche amico a Sporchezia , se i molla qualche piombo , impestà de vermo , nei canai ..... i voraci parassiti sè magnerà tutti i pai che tien sù la città !!
Cussì i cagainacqua gaverà problemi più gravi ....che romperne el cul a noi !

Non sò... me pareva una bona idea ... e pò.... no costa niente !!!

L'idea del smilzo , in effetti , iera una grande cagada.
Però la sillabazion de "..no costa niente " gà impizzà tutti i transumanti !

-"Sì sì femoghe affondar Sporchezia !!! "
-"Mandemo a remengo le capanne dei cagainacqua"

Questi iera i commenti dei mezzi-sì e mezzi nò , alla proposte dell'espatrià magro e inapetente .

Milan decidi de incaricar el terzo cugin per l'azion de sabotaggio.
Parti subito i messaggeri per confermarghe l'incarico all'intestinoleso !!

Nel frattempo , la flotta de la Spuzzolentissima stava risalindo el Ludrio , zercando de sorprender i migranti nel sonno !!!

Sfiga nera o pègola dei stronzi , uno dei manzi giganteschi , gà sentì rivar la spedizion !!
El cornuto comincia a zigàr e dà l'allarme in tutta la tendopoli !

La sorpresa xè n'dada a farse ciavàr , bisognerà far bastoni con la truppa del Figlio di Iorio ,usando le gramparele , i remi e pugni sulle teste !

Nel cuor dei cagainacqua xè un'ideale che li aiuta : el vin del collio !
Metter le man su quel tesoro , li ripagherà de tutte le botte che i doverà ciàpar !!

Per dirla tutta , no iera solo el miraggio del soave vin del Collio o la speranza dell'accesso gratis nei casini de Che Longa! che spronava i cagainacqua nella battaglia contro i strani .
Ghè iera una ragion più impalpabile ,...... podessimo dir una suggestion !
Anche se parlemo de antichi e merdosi ex-steppaiòi , tutti i cittadini de Sporchezia sentiva , in cuor suo , che i migranti mezziSì mezziNò , gavessi portà grande sfiga e tantissime disgrazie.
Come i fazzèva ad aver stà sensazion , con la testa piena de ludame e pedoci , ..... non nè xè dà a saver !

Sulla scavezzada e nera ammiraglia , trovemo sior Doge che parla con un remador , scavezzà anche lui :

- Sior Doge - diseva el storto - la pensa che finiremo de bastonarse prima de notte ?

- Mah , te dirò ,... credo che anche se quei spuzzolenti migranti xè quasi trecentomila ,... prima delle otto noi saremo a Che Longa! , bevendo el vin del Collio e trombando le stappaiole ! E.... a màca !!!

- Ostrocan - continuava el remador - non son mai stà con una steppaiola !

- Xè quasi uguale delle nostre , invezze de baccalà , te sentirà odor de rènga ..... xè ssài simile.

In quel momento , tutta la flotta sè preparava a sbarcar , incazzai come bestie per aver remà tutta la notte contro la corrente de quel .zzo de Ludrio.

Sulla riva , sveiài dal mostruoso manzo bianco , i mezziSì mezziNò correva come formigole impazzide a tentando de pararse el cul !
Milan , Il Figlio di Iorio , dava ordini a destra e a manca ma nissun lo scoltava , tutti zercava de scampar e ....de... scònder i bori !

Sulle mura de Santa Maria Che Longa! , tutti i steppaioi filmava o fotografava el remitùr che stava nassendo.
Cominciava el giro de scommesse e tanti approfittava per far un salto nei bordei , prima che i vincitori mandi in avaria le pulzelle e svodi tutte le fiasche !

Verso le sei de mattina , gà inizio lo scontro !

I sporcheziani invadi el campo dei migranti brusando tutto e violentando anche el manzo zigalòn !

Milan xè disperà ! La sua gente (volendo ciàmarla gente ...) fila per tutti i cantoni , nissun opponi resistenza e in quattro e quattro otto , i lagunici o lagunari che dìr si voglia , xè paroni del campo !

El scavezzà, che prima parlava con sior Doge ,gà rìva a bèccar el vescovo e subito lo gà impalà nel mezzo della tendopoli.

El gaudente chierico xè morto felice e noi lo ricordemo ancora oggi come San Remo !

... chi gavessi mai podù pensar che alla FASTWEB... i fazessi ste robe.... proprio lori che con valentino i 'ndava sempre più veloci!!!

cicio

... ve ricordè quando... un mese fa, scrivevo che dopo la domenica del duomo l'argine gaveva cedù e se pol solo trovarse un punto in alto per veder l'onda de merda che spazza via tuto?

cossa ve par... stemo andando ben co l'onda??

secondo mi semo a le comiche finali... e devo dirve che xè sai bel... ma proprio sai sai bel... seguir gli eventi da quassù!!!

Tuta la mia stima... a quei magistrati che gà savù resister fin desso e che continua a far el suo lavor!!!

cicio

Processo Mills , oggi la cassazione ha annullato per prescrizione la condanna a 4 anni ma ha condannato al pagamento di 250.000 euro l'avvocato come risarcimento alla presidenza del consiglio per danno di immagine.( ma la condanna non può essere comminata).
Chiaro no !!! o magari propio chiaro chiaro non è ?
Riassumendo un corruttore ( SB ) paga un avvocato per farlo testimoniare il falso ma grazie ad una serie di Lodi viene stralciato dal processo. Il corrotto viene condannato ma il reato penale gli viene prescritto per decorrenza dei termini e rimane il risarcimento alla presidenza del consiglio ma la pena non può essere comminata in quanto casualmente il soggetto del risarcimento coincide con il corruttore.
Morale : in questo paese se hai dei buoni avvocati e i giusti appoggi politici puoi fare tutto quello che ti pare e oltre...
A noi peones non resta che sperare nella signora con la falce che quella non la fotte nessun avvocato grazie a Dio.

con la falce o col martello puoi far danni sull'uccello !

Scherzavo.

Cicio , se i gà beccà Guido, Berto e Laso , tutti con le man nella marmellata e alla fine el scopritor del misfatto gà dovù dimetterse , per non perder el cul anche del fìo , ti te pensi che non sia lecito investir una scolaresca sulle striche pedonali ?

Ma cerchemo de star con i pìe perterra , spieghighe anche ai zingani come che sè vivi !

Br1

Atto XXIV


Vedendo el vescovo in quelle condizioni , anche Milan tenta la fuga !
Camminando a gatto tra i venchi e le panoce , Il Figlio di Iorio raggiungi el Ludrio , el sè butta in acqua lassandose trasportar dalla corrente.

Sior Doge stà festeggiando la vittoria , tutti i cagainacqua sè riversa dentro a "Che Longa" per gustarse el vin e anche la 'renga' , giusto premio dopo la fadiga della battaglia !

Però , nel bel mezzo della festa , rìva el postin de Sporchezia con un drammatico telegramma :

"Tornè subito - quà và tutto a remengo"

Lo mandava la moglie de sior Doge , anche ela grande cagona e abituada a viver nella merda .
Se cotanta donna scriveva cussì , la situazion doveva esser veramente grave!

Sior Doge , per quanto mona , capissi che stà succedendo longhi .
Con la menada de un ovo oggi e la gallina domani , el convizi i lagunici a cavarse i goldoni e de tornar a Spuzzolentissima ! Subito subito !!!