Fatta la xe

... gran bel film!!!
credo de averlo visto almeno un quattro volte... e se me capita ...lo vedo ancora sai volentieri...
xe' una scena nel film... che me par sempre piu' de attualita'...

ad un certo punto... Shon xe' insegui' de un altro stomarin russo che vol farlo fora e che ghe tira un siluro...
ma Shon, vecia volpe,,, gira el suo e ghe va incontro al siluro che avendo le sicure de prossimita', lo ciapa in pien ma senza esploder...

alora el comandante russo se incazza... e NONOSTANTE EL DISACCORDO DEL SUO SECONDO... el ghe tira ancora un ma SENZA le sicure... Shon lo schiva... e el russo se lo becca drito sul naso...

un attimo prima del botto... el secondo riva a dirghe:

" ALLORA STRRRRROOOONNNZO!!! TE SON CONTENTO ADESSO???"

Sandro.... preparite al farghe de secondo a quel 68%!!!! sara' comunque una bela sodisfazion!!!

Certo che sentirse sicuri in stò paese vol dir esser dei superottimisti !! (non le piccole vele)

Adesso el ghè manda anche la pulia nelle scole ! Ma con la criminalità organizzada semo in altissimo mar (guerriglia).
Gò sentì anche de ronde per Trieste , forsi per beccar quei veci che fila dall'ospizio con la tabella sulla schena!

Questo non molla , el gà sempre ragion e non el vedi altro !!

Speremo che no el decidi de occupar la Grecia !

Br1

Notizie del giorno :

La ministra della distruzion delle scole gà ciamà i studenti a discuter , non xè 'ndà nissun ! (meio cussì)

La Renault in Francia blocca tutta la produzion per qualche settimana ! (qualcossa comincia a non girar )

Crolla tutte le borse ( nissuna novità )

In mezzo ai studenti ghè xè i comunisti che sobilla (grande novità , mì li credevo estinti )

La Cassazion gà confermà la condanna a Previti ( media novità , ma son contento che i lodi vien al pettine!)

El presidente Napolitano gà nasà che pol nasser longhi , ma come sempre nol fà niente (nissuna novità)

Da stamattina , el premier non sè gà smentì (grande novita)

Br1

personalmente credo che sto paese gà solo due possibilità:

una: el maledetto Silvio el mori de qualchedun dei colpi che mi e tanti altri i ghe manda e se ricomincia in qualche modo.

due: el maledetto Silvio continua con sto delirio de onnipotenza e va a finir impicado per i pie in piazzale Loreto, ma purtroppo prima scorri fiumi de sangue innocente.

gavè notado che sti giorni per radio e television xe aumentadi a dismisura i spot pubblicitari sulle banche , ma perchè propio adesso che i xe nella merda? Risposta semplice, visto che el maledetto Silvio ghe ga impinì el cul de bori i ga pensà ben de dargheli a Publitalia e indovinè de chi che xe sta agenzia?

cazzo se continua cusì finisi che el colpo me vie a mi.

s

Abito nel rion de S. Vito oramai da quasi trent'anni , da sempre zona tranquilla , con tre linee de bus , a piedi in 10 minuti son in piazza Unità, e con una serie de negozi impressionante.
Per chi che non conossi la zona , basta dir che nei scarsi trecento metri de via Combi pol sceglier tra quattro botteghe de frutta e verdura , tre salumerie , due panetterie , cartoleria , pitture e bricolage , una posta , due grandi bar e un bar latteria ecc. ecc.
Prima de sposarme vivevo a S.Luigi, bellissimo posto ma senza servizi , quindi nel trasferimento me gaveva ssai colpì tutto el movimento sotto casa.
La ragion de tutti stì esercizi pubblici iera giustificada dalla grande disponibilità economica de più della metà dei abitanti , un rion de "siori" , solo francobolli e giornai costava come dalle altre parti , se volevi un etto de cotto o
sviluppar un rullin de foto , el prezzo spesso raddoppiava confronto al centrocittà.
Ultimamente , le robe stà cambiando anche nella ' Piccadilly' triestina , comincia a cambiar qualche gestion e i prezzi tendi a diventar normali . Tra i commercianti della zona xè anche un nostro ex nauticense che me spiegava come che stà girando le robe:
- Quà resta in pìe quelle botteghe che porta la spesa a casa , ai veci che no pol moverse e che pol permetterse de spender, per el resto anche quei che gà i bori , compra el stretto necessario, che non vanzi niente!
Quando morirà quei bloccai in casa , morirà anche le botteghe!

Non sò se podemo parlar de recession , ma che a S.Vito cali i prezzi, dopo trenta anni, me fà una certa impression.

Br1

Domenica dopopranzo andavo a ballar alla ' Ginnastica Triestina ' , giacca , cravatta, una cugina più vecia che fazzeva parte dell'organizazion , me fazzeva entrar de straforo. Cominciava presto e mi me portavo un borson con dentro i vestiti de ricambio , eh sì , alla Ginnastica iera bel ma bisognava esser ssai ma ssai seri !
Tante mule, ma no sè podeva nè strucarse nè basarse e se proprio bisognava, allora sè doveva andar a zercar i cantoni sconti, naturalmente de bever coca o aranciata !
A una certa ora , andavo della cugina a ritirar el borson , me cambiavo e via giacca e cravatta, me mettevo una camisa bianca a fioroni rossi , un maion sempre rosso ma senza manighe , longhissimo e verto davanti con tanti bottoni dorai, braghe a zampa nere con due striche bianche , stivaletti e via con el motorin verso la 'Pineta' !!
Tutto altro !!!!
Alla Pineta trovavo i amici , bella musica, belle mule , poche regole e me divertivo come un matto, bevendo birette e vodka-martini . Invezze che zercar posti sconti , difronte gavevimo tutti i topolini !!
Bon, tutto questo per dir che una sera i gà sonà una canzonetta de Crosby,Still,Nash e Young, mai sentidi e no sevevo assolutamente chi che iera , però la me iera restada in testa e cussì , un per de giorni dopo son ndà al
'Discobolo' in via ginnastica per comprar el disco e là gò scoperto che el titolo iera " Dejà Vu " !!!

Dejà Vu ??? Che 'zzo vol dir sta roba ?
Con pazienza la mula del negozio me gà spiegà el significato , ma per mi iera una roba strana visto che non la gavevo mai vissuda.
Ma non è mai troppo tardi !! Oggi gò vissù un Dejà Vu !!

Scuole occupade , studenti in piazza , Francesco Cossiga che sè esprimi , Licio Gelli che pontifica , puliotti che mena,

Ecco questo xè un Dejà Vu !!
Anche perchè, le braghe a zampa no le porto più!!

Br1

... ma proprio tanti ani fà... su la spiaggia libera de sistiana... quela drio de castelreggio... go' capì de colpo una verità che credo, in qualche modo, gabi condizionà molte de le mie scelte future.

Rivà in spiaggia semideserta verso le 7 de matina... go' ovviamente distirà el sugaman dove che me pareva meio... bagnetto... nudadina e via... vignindo fora del'acqua...vedo do tipe che riva... e tranquillamente... ghe dà do piade al mio sugaman... e distira el suo.

Visto che de posto ghe ne iera ancora a sufficenza... go' subito pensà de farme un poco più in là e de archiviar la cosa senza tropi problemi.

Datosi pero' che gavevo ancora alcuni passi per rivar vizin... improvvisamente me xè vignu' unl'altra idea... che go' subito messo in pratica...

Dopo aver abbondantemente calpestà co le zavatte el sugaman de le due stronze... go ri- steso el mio sora el suo deciso anche a distirarme per sora... ovviamente le due stronze xè rivade de corsa zigando come aquile che iero un maleducato... ma la roba importante xè stada... CHE LE XE' ANDADE FORA DEI COJONI!!!

Morale: el mondo xè tondo... e a furia de "farse un poco più in la" risciemo de far el giro e trovarse al punto de partenza.

cicio

Prima de tutto , dovemo memorizzar tre nomi , anzi quattro : Matteoli , Sacconi , Colaninno , e se volè Fantozzi.

Perchè memorizzar ?
Cercherò de spiegarve , anche se poderà esser un ragionamento capzioso (incasinà) !!

Volevo scriver due righette su mons. marcincus ma me ricordavo poco sull'assasinio de papa Luciani e allora son ndà a guardar in Wikipedia.
Incredibile , allucinante , gò trovà tante de quelle sporcherie documentade con riferimenti precisi sul monsignor che , per adesso , non me la son sentida de scriver niente. Savevo che el iera una figura porca , ma no pensavo che un chierico rivassi a tanto.

Però , ragionando con quelle poche sinapsi che me resta , gò realizzà che tra una decina de anni poderemo legger altrettanto dei nomi che gò scritto prima . Magra soddisfazion , dirè voi , però sempre una soddisfazion dìgo mì !

AGGIORNAMENTO : Tutti i piloti, hostess, stuarts e personal viaggiante dell'ex Alitalia , xè col cul per terra!

Chi no accetta le codizioni dei edili, non svolerà mai e poi mai con la cai!
Mille e passa de lori no gaverà diritto alla cassa integrazion ( bella scoperta, la cassa xè svoda!) e visto che i rompi le balle , la cai assumerà i piloti de Rayan Air!

Strano che la Rayan gabbi zà ditto de esser interessada ai ex piloti Alitalia considerai tra i più meio che gira ,sicuri e addestrai , infatti l'unico incidente dal 1980 xè stà USTICA !
E pò , semo sicuri che i drivers de Rayan ghe intaressi de vignir a lavorar per stì quà ?

I nostri moschettieri confida nell'intervento de un partner foresto , Lufthansa o Air France.
Ma sà i pellegrini che razza de sindacato i gà in Germania e che se invezze riva i francesi ,quella merda de malpensa diventerà un posteggio per circhi e luna park , con grande sdegno dei visigoti ??

Mah....

P.S. Onore anche ai piloti della "Carpatair"

Dopo quel che gà scritto Pet , son andà a istruirme sui "non alti" .

Secondo la mia mente , povera de sinapsi , paragonar el premier ad un Nano xè completly sbagliat ! Per la semplice ragion che nol xè bastanza basso !!!

Altro discorso per -Br1tta , quà sè pol spazziar alla grande!

Non nassendo come i altri*, per problemi economici, el sè trova con grosse difficoltà nella crescita , comune disturbo tra chi doverà , per forza , esser nano !
Già in passato gò descritto le tribulazioni del Ns soggetto , xè rivà el momento de rivelar i risultati della mia ricerca scientifica sui "non alti"
Girando nel web gò zercà de metter insieme tutte le problematiche del umano ,nel stato de nano!
L'umano in question xè -Br1tta , quindi la ricerca xè stada mirada , per cui tutti i non alti che al momento non xè ministro , no xè assolutamente coinvolti in quel che scrivo !!!!!

La nascita :
In mancaza de soldini , la degna mamma del nostro eroe , gà deciso de partorir con el cul *, più naturale e meno costoso , visto la mancanza della levatrice (onerosa e vampira )
Come tutti sà , tutto quel che vien fora del cul , se no và verso el cielo , o resta per terra, o sè casca in acqua ,galleggia !!!

Essendo el fenomeno nato a Venezia , la sua postura naturale , iera el galleggiamento .
De conseguenza l'elemento , in futuro , volerà sempre sconder che el xè stranetto , nell'aspetto e nel teston sproporzionà ! Stando sora i altri , contando balle e zercando de autoconvinzerse che ' yes I can' !

Xè una leggenda che parla del rapporto tra altezza e lunghezza del cirulin .
Possibile una certa incongruenza in soggetti sora el metro e sessanta , podè trovar i dati su qlnq enciclopedia medica.
Come dir che uno alto 1 metro e settanta quando el và in cesso , pol srodolar anche 1/4 de metro de luganiga !

In nissun caso ,tra i nani, specie per quei nati pel cul , xè possibile rivar a stè misure , nanche un quarto!

Quindi el nostro nano-nano , quando el parla de cicine e de avventure amorose , el sogna !

Lui xè alto un metro e mezzo 'zzo, el xè un total loss, el fà finta de esser figon e invezze el sè senti una mezza merda.
Lo gò visto i television , el xè aggressivo , el vol far veder che anche lui esisti, el trova nel potere de ministro quel che che manca in letto, insomma xè un tarà !

Su quel che invezze el stà rubando ....magari un'altra volta.



Br1

... mi anca cerco de no incazzarme... ma xè sempre più difficile...

dunque... vedemo se go' capì ben:

dopo valanghe de stronzade più o meno a vanvera su alitalia... finalmente gavemo avù con gran enfasi un dato... contro i 315 milioni de euro inizialmenti offerti da la cai... el commissario (del cazzo) fantozzi gà ricevù la valutazion de la banca rotschild pari a 1.052 milioni... e per quela cifra el gà accetà formalmente l'oferta dei 16 patrioti con le pezze al culo.

Commento del popolo: E BRAVO FANTOZZI!!! CHECAZZO... COSI' SE FA!!! ALTRO CHE 316... CHE I CACCI 1.052!!!

pecà pero'... che:

dei 1.052, solo 157 vegnerà versadi subito... altri 275... comodamente in due anni... ma sopratutto... el resto... pari a solo 620 milioni... sarà debiti pregressi verso fornitori che se accollerà la cai!!!!!

ora... stranamente se riparla de far entra SUBITO el socio air france al 20%... ma che caso... 20% de 1.052 = 210 milioni... VERI!!!! 157 a fantozzi (del cazzo) + NOVE PER LA SUA FOTTUTISSIMA PARCELLA... col resto paghemo i primi pieni de kerosene... e senza tirar fora gnanche un... se gavemo pappà la parte sana dell'alitalia... mettendoghe nel culo ai contribuenti circa due miliardi de debiti + 7 anni de cassa integrazion a circa 6.000 dipendenti!!!

veramente una operazion brillante... nel pieno rispetto de la tanto invocata etica nella finanza... certo che el cazzone se li merita proprio tutti i sui 9 milioni de parcella!!!

... me resta solo un piccolo dubbio... se mi fossi un creditor de alitalia... forsi saria meio che i miei crediti fossi garantiti dallo stato... piuttosto che da una cordata de pregiudicati... o no?

cicio

...come sempre!!
La question Addiolitalia iera zà una porcada sin dall'inizio. Gavemo avù modo de spiegarse qualcossa.
Sul fantozzi, no me concentreria tanto , el costa un poco de più ma resta sempre una mezza sega.
El disegno xè nanico , gà un'unica regia e tutte le marionette danza al ritmo del nostro, ridotto ,Mangiafuoco!
Che la società aerea doveva esser mangiafuocada , iera ciaro zà dal tira e molla con Air France , come xè chiaro che la corruzzion gà raggiunto quasi tutti i vertici di potere , compresi i giudici e i sindacati e che aiuta el fagocitamento dei bori mìi e vostri.
Mai no sè gà visto un Capo dello Stato più immobile , almeno Leone o Segni seguiva una logica , questo xè meno de niente !
Preoccupante anche l'appoggio europeo al ladrocinio , significa che la corruzzion nanica xè continentale!

Più passa el tempo e più son convinto che el tumor sia in una sola persona , tutti i leccherle xè solo coreografia .
Gavè sicuramente visto el nano-nano a napoli che sè gà impapinà con tre studenti e gaverè sicuramente sentì che Fini vien taià, pian pian fora del giogo.
Dell' opposizion , me vergogno de scriver !

Bona l'idea de provar el mio brulè , magari esagerando , perchè se nò ve parlo de " Villari"

Br1

... come forsi ve gavevo dito... domenica matina all'alba, 3 miei amici "tartufari" xe' partidi in camper da pordenon per vignir a far una cerca in Romania...
Rivai oltre confin domenica sera... i ga posteggia' in una zona non lontana del confin... e i se ga' messo a dormir...
stamatina .. dopo el caffe'... i ga dito: "varda che bel boschetto de pioppo... speta che ghe demo una ociada... " risultato: un'ora... mezzo chilo de bianco pregiato " TUBER MAGNATUM PICO".

per la cronaca... prezzo all'ingrosso de oggi 1.700 euri al kilo!!!

Morale: go' za' compra el bilgietto aereo per mi e anche per RUTH... partimo domani matina ale 6 e meza... e a le 8 semo a timisoara dove che i amici ne speta in parcheggio dell'aeroporto.

Me porto drio anca el computer, la macchina fotografica e la speranza de poderve postar qualche bela e profumata foto!!!

... se sentimo piu' veci...

cicio

Cicio, te auguro tanta fortuna nella tua ricerca anche perchè son sicuro che se te li trovi sti tartufi no te se meterà certo a commerciarli subito, ma te li porterà in un bel vasetto coi risi quando te torni in italia dopo Nadal e in quela famosa zena che faremo .........

s

... in estrema sintesi e con tanto realismo... questa xe' la storia de sti tra giorni... el tutto allietado de un 650 neuri de spese vive... grande!!!!

In pratica... mi son anda' in aereo a Timisora ... insieme al can e a quel che lo gestisi... per incontrarme con tre amici tartufari di lungo corso che xe' vegnui su in camper... coi loro cani...

disemo che LORI... i ga' fato una batuda "proficua" lunedi... ma... martedi co semo rivai anca noi... tuta l'acqua del ciel xe' vegnuda zo' per 24 ore filade... nonostante questo... noi e i cani se gavemo imbombii' come mone...
inoltre... el capo gita... ga' ciapa' una telefonada dall'italia... dove, causa imprevisti... i ghe chiedeva de rientrar... risultato... semo restai mi e el mio amico con Ruth... a baterse palmo a palmo tuta la zona interessante... senza piova e co le condizioni ideali per la cerca... ma Ruth... (e qua sta el dramma) se ga fatto allegramente i cazzi sui per almeno tre ore al giorno... fazendo de tuto ... tranne che zercar... e tantomeno trovar... gnente... al di fuori del suo ovetto da addestramento... e ovviamente qiuesto ne ga' messo un po' in crisi....

Comunque adesso son casa... e una bona TAGLIATELLA.... col ragu' no me la cava nisun!!!

'sti quà no xe de tartufo!!!!!.

Pet

Semo senza parole !
Tutto el tuo entusiasmo no pol esser annientà per colpa de tre furlani culirotti e de una cagna gaudente !
Primo, me la ciaperia col kornak o badante della bestia ! Come sè fà a impararghe l'odor del tartufo , allenandola con un ovetto Kinder ?
Secondo , mentre te sè trovavi nelle selve carpatiche , me son informà sul tubero !
Gò contattà qualche fornitor della "Zigante" de Buje , colosso per la distribuzion del tartufo in tutta l'Istria !
I cercatori professionisti , no usa nè cani , nè porchi o elefanti , i dopera i gatti !!!
Solo certi gatti , naturalmente .
I meio , me vien ditto ,xè quei che stà sui alberi !




Bon , quando te gà beccà el felino , te lo seri dentro casa e te chiudi tutte le finestre ,sinò el torna sull'albero !
Bisogna comprarghe una o due cassette con dentro la sabbia , meio quella che fà la bala , anche una quantità congrua de scatole de magnar e tanti croccantini .
Sul magnar , i me raccomanda , no tanto grasso e con poco oio ! Per bever , acqua in abbondanza , tanto fà la bala!
Mi gò trovà uno perfetto , ingordo, mansueto e demente , infatti nol gà mai pensà de tornar sull'albero !





Incoconandolo , el gatto per quanto sia mona , sentirà el stimolo de andar in cassetta dove , a causa della dieta povera de lubrificanti , el deporrà quei che in Istria i ciama tarufi neri e che i vè gratta sora la pasta con l'oio !






Mì , provandoli , posso dir che l'odor xè pungente , quel che invezze lassa a desiderar xè el gusto !

Del resto , gò sempre ditto che i tartufi no me piasi.

Nimo-omo

Fantastico Br1, co leggio i tui post capiso cosa signifiva veramente l'espression......." Esser fora come un pergolo ""

unico ed inimitabile

s

.... azz!!! FUNZIONA!!!!

per vari motivi che magari ve elenchero' in un altro post... xe' de piu' de due setimane che no vardo i TG... salvo qualche sporadico su EURONEWS... e... come forse gavere' nota' dai miei inesistensti post... STAGO MOLTO MEJO!!!

me incazzo de meno.. tollero mejo el trafico de Bacau... e giogo de piu' col can...
inoltre... e questa xe' veramente grossa... GO' COMINCIA' A ANDAR IN PALESTRA!!!

bon... per dirla tuta... xe' anche due setimane che passo i week end a far: salami, sopresse, pancette, ossocolli e musetti...

go trova' perfino divertente la notizia che CAI... ga' comunica' che "iniziera' i voli solo in gennaio... ma riducendone alla meta' el numero complessivo" ... mentre lufthansa... sta fondando lufthansa italia per svolar da malpensa su le rotte milano roma e milano catania.... GRANDI GNOCCHI!!!

CHE SIA LA MIA LATENTE ITALIANITA' CHE STA RIPRENDENDO EL SOPRAVVENTO??
o forsi le mie origini induscutibilmente triestine legade al "VIVA LA E PO' BON" che riaffiora??

certo no posso dimenticarme che... mi son quel che el 17 ottobre del 1981... ga' paralizza' per tre setimane el porto de Trieste.. denunciando la guardia de finanza per vari reati connessi alla sua attivita'.... e che za' tre giorni dopo gaveva capi' che no saria servi' a un beato cazzo... tranne che a farse seguir e intercetar per quasi due anni...

in sintesi... credo che la verita' vera... sia, come go' za' dito... "CO SONA LA CAMPANA... O TE LE DA'... O TE LE CIAPI"
ma putroppo... come ogni bravo italian sa'..... se no te son disposto o darle... o se te ga paura de ciaparle.... te se trovi una scusa che te va ben*... te se senti davanti al ring... E TE BATI LE MAN!!!!! ... TE SARA' COMUNQUE IN OTTIMA COMPAGNIA!!!

cicio

*
purtroppo go' fioi
no posso risciar de perder el lavor
go' pena fato un mutuo
devo pensar ai mii veci
me manca do ani a la pension
beato ti che te son zovine

P.S. mi corre' l'obbligo di precisare che il commissario starordinario FANTOZZI, ricevera' una parcella per i suoi servigi di 15 milioni di euro... e non di 9 come precedentemente comunicato.

.. l'abbandono del televisor come fonte de informazion , funziona per el rilassamento del sistema nervoso!
Forsi anche più del Cynar ! (utile solo ingurgitando mezza fiasca !)
Mi lo uso da parecchi mesi solo se el xè tacà al divx , per el resto lasso che sia mia moglie a incazzarse.
Purtroppo , la curiosità me sburta a guardar i accadimenti nella lanterna magica e anche filtrandoli, un poco de futter me monta sempre . La comodità del p.c. xè che sè pol pulirlo più alla svelta dai spudoni , essendo più picio el monitor.

El fatto che Cicio và in palestra, gà stimolà la mia voia de girar el mondo!
Quà de noi le palestre xè una specie de logo de penitenza ! Bisogna vestirse come Don Lurio e tacarse su certe macchine che nanche Torquemada sè gavessì insognà! Andar in palestra xè sinonimo de sacrificio e de dolor . Sentindo Fabio credo che là in Romania le robe sia ben diverse! Se và lui , sicuramente merita!!
Chissà che con el disgelo no sè combini una gita ginnica !

Altro punto de forza dell'ex oltrecortina xè la trasformazion del suinaccio in vivanda!
Su questo me sento invidioso !

Per tutto el resto del merdaio , totalmente d'accordo !!

... chi che xè Bruno Tinti... credo che sia ora de far la sua conoscenza!!!

Cicio
http://chiarelettere.ilcannocchiale.it/?id_blogdoc=2138996

Muli da quel che go sentido e visto nei vari incontri sembra che più de qulchedun se diletta in cusina quindi me raccomando no far come el tizio della foto.

s

fabio de grandis ha scritto:

certo no posso dimenticarme che... mi son quel che el 17 ottobre del 1981... ga' paralizza' per tre setimane el porto de Trieste.. denunciando la guardia de finanza per vari reati connessi alla sua attivita'.... e che za' tre giorni dopo gaveva capi' che no saria servi' a un beato cazzo... tranne che a farse seguir e intercetar per quasi due anni...

Cazzo Cicio...... te ghe ga messo tre giorni per capir ?????

Sandro ha scritto:

fabio de grandis ha scritto:

certo no posso dimenticarme che... mi son quel che el 17 ottobre del 1981... ga' paralizza' per tre setimane el porto de Trieste.. denunciando la guardia de finanza per vari reati connessi alla sua attivita'.... e che za' tre giorni dopo gaveva capi' che no saria servi' a un beato cazzo... tranne che a farse seguir e intercetar per quasi due anni...

Cazzo Cicio...... te ghe ga messo tre giorni per capir ?????

Quindi... giusto per far un esempio... i giovani de Gaza no gavessi mai dovu' cominciar a tirar piere?


cicio

fabio de grandis ha scritto:

Sandro ha scritto:

fabio de grandis ha scritto:

certo no posso dimenticarme che... mi son quel che el 17 ottobre del 1981... ga' paralizza' per tre setimane el porto de Trieste.. denunciando la guardia de finanza per vari reati connessi alla sua attivita'.... e che za' tre giorni dopo gaveva capi' che no saria servi' a un beato cazzo... tranne che a farse seguir e intercetar per quasi due anni...

Cazzo Cicio...... te ghe ga messo tre giorni per capir ?????

Quindi... giusto per far un esempio... i giovani de Gaza no gavessi mai dovu' cominciar a tirar piere?


cicio

Perchè no? ma tanto per restar nell'esempio non credo che ghe gabbi messo tre giorni per capir che gli israeliani ghe saria rivadi in casa con i carri armati
sandro

... almeno per quanto me riguarda, la speranza xe' sempre l'ultima a morire... sara' per el mio inguaribile ottimismo.... sara' per el gusto della vita... o forsi per la mia innata repulsione ad appropriarme de quel che no xe' mio... certo xe' che me vien dificile omologarme in un stile de vita sempre piu' strano.

cicio