Fatta la xe

.... ma leggio!!! certe volte senza registrarme!!!

cicio

Non sò che a chè difficoltà te pol andar incontro nel registrarte , cmnq te capisso!

Che nostro signore te indichi la strada per poder , con el giusto compenso , dissetar i rom e tutti quei che gà bisogno de bever e de magnar !
Con ogni probabilità , semo restài vivi solo mì e tì , pecà , iera brave persone ma xè inutile metterse contro le leggi naturali e anche el destin!!

Mì gò un alluce (dedòn) rotto . ..Zzzi scriver ..ma con grossi sforzi e tanto sacrificio ,zerco de superar i dolori e de metter un segnal de vita in stò forum agonizzante (se non zà trapassà , come i nostri compagni de ventura)

Sàppi , caro Biofa , che xè sempre uno che entra nel forum come tì , un certo Com. Fer , ormai anche lui in preda alle convulsioni , anzi , in pien delirio !
Pensa che adesso el xè convinto de comandar una taconera galleggiante , invezze de un utilissimo sburtavagoni con i cavi de acciaio !

Gli anni passano , i bimbi crescono
le mamme imbiancano , le palle pèndono .

Legger non fà mai mal , capir xè un optional , risponder xè cortesia , sentirse xè un piazzzzer .

La luce illumini i tuoi occhi !





Servo tuo , Br1

Maria Josè smonta dell'auto !

Senza voler esser critici , nell'immagine sè pol capir con chè .zzo de regina gavessimo dovù viver .
Per fortuna i gà imbroià al referendum e la Josè con quel pacco de sù marì xè andai a far i clown in Portogallo , a casa de veci parenti e con le valige piene de soldi dei nostri nonni!

Con i due profughi , xè partidi anche i fìoi , quattro fìoi .



Da sinistra verso destra : Beatrice, re, Emanuele , Gabriella , regina , Pia.

Nella foto i xè ancora a spadroneggiar al Quirinale , ma gà durà poco , anzi pochissimo , nanche un mese.

Pia :

La gaveva un casin de nomi , Elena-Elisabetta-Margherita-Milena-Mafalda-Ludovica-Tecla-Gennara.
La pìcia nassi a Napoli nel '34 , xè la primogenita del futuro esule de lusso.
La sè sposa prima con un principe yugo e dopo aver fatto quattro fioi , la divorzia dal nobile panetto e la sè sposa un principe borbone , che non xè un strazzon ma una casata de pignatte . El talian gaveva una montagna de anni più de Pia ma l'amor tra i nobili xè una roba misteriosa.


Gabry:

Xè , se cussì se pol dir , la meio della covada.
La rifiuta de sposar Carlos de Spagna , primo perchè i pedemontani con i Spagnoi non xè mai andaì tanto d'accordo , secondo perchè al momento , Gian Carletto gaveva in casa un'omo-nero che , come zà sè gà visto , ghè porta sfiga alla casata !!
Dopo Carlos , sè fà avanti Reza Palavi , scià de Persia !
Cossa .zzo sia un scià ..non sò , però all'epoca el fazzeva furori , su tutti i giornai e anche in television.
El persian gà tirà un pochi de sardoni , ma purtroppo in quel periodo de corteggiamento , salta fora una certa Farah ,
gnoccona de urlo con tutti i argomenti a posto e in più, ... senza alitosi! (vedi foto)



La mula Gabry sè incazza de brutto , la sbaruffa con tutta la famiglia , la passa dalla parte dei Aosta nella riffa alla succession dell'esule , la sputtana el fradel mentecatto e la cognada ingorda e pasticcera fallida.
Dopo la sè rompi i coioni e la sè sposa un finanzier pien de bori e alto mezzo metro meno de ela:
Anche quà , dopo un pochi de anni , el mato fila e la nostra princess rest alone ! ( mentadent ?? )

Bea:

De questa , xè meio non parlar!
Un fìo suo xè svolà zò per la finestra e l'ex marì xè stà trovà ..strangolà !
Mai scoperti nè movente nè colpevoli , quindi questa non sè tocca !!!!

Cossa nè resta ?
Ma nè resta Tojo ......., l'unico rampollo con el pisello ! Sia sotto che sora !!

Br1

.... messa cussì... xè de cossa deprimerse!!!

e mi che credevo che l'attuale nanetto no fossi altro che la logica eredità dei vari Lupis, fanfani e Craxi... ma devo prender atto mio malgrado che le "radici" (KuntaKinte) xè molto più profonde....

Chissà se anche altri paesi pol vantar un secolo de aborti de sto tipo.

Giorni fa... parlavo coin un mio amico svizzero... pilota de Carpat Air e Swiss Air... non chè facente parte de una pattuglia acrobatica de 11 aroplani... Ciacio... credime... ogni tanto fa ben parlar con un svizzero... te fa capir che nel mondo... esisti anche (pochi) paesi dove che la gente gà rispetto de le regole e dove che la democrazia, quela vera, vien custodida e protetta come un bene prezioso; e se sti paesi... alla fine xè un "pochetin" razzisti... ECCHECAZZO!!! ben venga el razzismo!!!


cicio

p.s. salutoni al comandante!!!

Servo tuo , Br1

Ciao BR1 complimenti ,te leggio sempre volentieri e go una domanda:

La tastiera senza simboli xe forsi per l'omo invisibile???

S.

A proposito de avanti Savoia e se no se ga voia va avanti ti che me vien de rider.... ve ricordè de quella vecia canzon operaia dei mitici Gufi in voga negli anni 60 che parlava de lori e de Pietro Micca?

go trovado el testo integrale:

Non spingete, scappiamo anche noi!
Alla pelle teniam come voi.
Meglio esser becchi e figli di boia
che far l'eroe per casa Savoia.

E Muzio Scevola abitava a Roma,
era nipote di Romolo e Remo;
io son di Forlì ma non son mica scemo,
le braccia mie adopero per abbracciare te.
Oh sì sì, Maria, Marì
dagli occhi azzurri e dai capelli neri
vo' vivere con te senza pensieri
e bim e bum e bom
senza il rombo del cannon.

Non spingete, scappiamo anche noi!
Alla pelle teniam come voi.
Meglio esser becchi e figli di boia
che far l'eroe per casa Savoia.

E Pietro Micca è saltato in aria,
per salvare la Fiat di Torino:
io invece sono all'Alfa ma non sono cretino
e i salti miei li faccio su un letto insieme a te.
Oh sì sì, Maria, Mari
dagli occhi azzurri e dai capelli neri
vo' vivere con te senza pensieri
e bim e bum e bom
senza il rombo del cannon.

Non spingete, scappiamo anche noi!
Alla pelle teniam come voi.
Meglio esser becchi e figli di boia
che far l'eroe per casa Savoia.

E Pier Capponi con il batacchio
svegliava tutti a suon di campane
io suono la chitarra non sono un salame
e adopero il batacchio
per scampanare te.
Oh sì sì, Maria, Marì
dagli occhi azzurri e dai capelli neri
vo' vivere con te senza pensieri
e bim e bum e bom
senza il rombo del cannon

s











window.google_render_ad();

Basta pagar la bolletta , vien l'acegas a riattacàr la luce , sè impizza el pc e magari xè manda un post per segnalar de esser vivi!

Sul giusto razzismo e la democrazia svizzera , non sò quanto sia didattico el commento de un pilota mezzosague carpato-swiss , forsi troppo impegnà nel quadruplo lavor per poder esser in grado de giudicar con serenità i compaesani de Heidi e fornitori ufficiali de guardie vaticane.

Quel che invezze me gà colpì , parlando de democrazie , xè che un personaggio politico della perfida Albione gà dà le dimissioni per esser stà scoperto con un ammanco de 5.500 euri , non li gavevà rubai , el li gaveva scalai dalle spese de rappresentanza !

Credo che quà de noi , l'ultimo assessor dell'ultimo paesetto , 5.500 euri sè li sbrana ogni settimana ! O no ?

Forsi xè proprio question de razze !

Br1

[img][/img]de cossa che parlemo...

cicio

... e del soggetto!!!


cicio

.. senza parole !

Non gavessi mai immaginà una roba del genere !

Br1

E venne il tempo del Tojo .

Spudà de Gabry , l'unico maschietto della famiglia esule, porta nelle vene tanto de quel sangue blù che el zervel fà fadiga a lavorar !

Disemo che mona sè nàssi e a volte sè diventa , nel caso del nostro principe non xè dubbi!!
Ghè xè restà la mona intorno al collo e qualche toco dentro della testa !

Suo papy, umby , ultimo effettivo re in Italia , gaveva dimostrà ampiamente che i savoiardi valeva meno de poco.
El re profugo , appellandose alle regole della casata , podeva decider che moglie iera giusta per quel fenomeno de fìo.

Naturalmente el delfino sabaudo gà scelto quella sbagliada , una fìa de pasticcer ( non un cioccolataio !) mezzo svizzero e mezzo talian , in via de fallimento con el punto de forza in un biscotto : el Doriano !

Nissun riferimento alla vita precedente de Cicio !!

Essendo obbligà a girar el mondo con la mona come colletto , Tojo sè sposa la meticcia contro la volontà del profugo vecio e ricco ,perdendo de fatto ogni diritto al trono.... per stà stronzada .( e pò , che trono???)

Ecco che dall'orizzonte mona-rchico spunta Amedeo d'Aosta , fiol del ramo cadetto , gran figon che quando parla non ghè manca la S , la R , la F e xè l'unico non dislessico della carovana pedemontana.
Cadetto vol dir ' Fìo dei altri ' , .....però altri con el sangue blù.

Secondo un comunicato dei senatori del regno , datado 2006 , a Tojo no ghè spetta una banana , quel che xè el vero pretendente al trono xè stò Amedeo , più simpatico e grande vinicoltore.
Chi ...zzo sia i senatori del regno nel 2006 , sarà la domanda chiave per la prossima edizion dell' "Eredità" su rai 1 .

Tornemo ai nostri emovariopinti .

Baruffa tra cugini zà al matrimonio de Giancarletto l'iberico , el biondo e rizzo ma zà mezzo scalzo Tojo , ghè tira un canon in tel muso ad Amedeo .
L'Aosta , da gran signor italico, sè tien el canon e scampa via dalla festa.

Prima e grande entrata dei profughi portoghesi-svizzeri sulla stampa della Repubblica Italiana , anche per i cadetti aosta ,magari senza voler e con un grande mal de testa !

Dopo el pugno al cadetto , el nostro emanuele sè zerca un lavor .
Conosendo ben el scià de Persia ( vè ricordè de quel che voleva gùarghe la sorella ? ) ,el principino sè metti a vender armi per conto dei francesi , anzi non per tutti i francesi , solo per un certo Giscard .

El fà stò lavor grazie alle conoscenze nobili in giro per el mondo e pian pian , el pol mandar a cagar el vecio re in Portogallo e mantignirse da solo.


Che Tojo sìa indipendente ma che el gabbi sèri problemi , xè pochi a dubitar e per un'ulteriore conferma andemo a cavallo.
I nobili , de solito và a cavallo con la barca .
Mi son un appassionato de Tex , quindi trovo logico che a cavallo bisogna andar anche con el fucìl .
Stesso pensier nella mente del ns Tojo , solo che el el mona-accollato, el fucil lo dopera per farghe saltar le balle a un gnocco che dormiva in barca.
Và ben che el xè gnocco .
Và ben che xè strano andar a cavallo in barca ,
ma morir per un colpo sulle balle ,ghè par esagerato anche al governo de Giscard !

"Bisogna per forza arrestar el savoiardo , ma zerchemo de concluder quel contratto per i carri armati in Persia!"

Soliti maneggi e quel che credi ancora de esser l'erede al trono d'Italia, vien messo in libertà .
El buso-del-culo-semovente , rizzo e scalzo ,finissi sù tutti i giornai e quà el comincia a starghe sulle balle un poco a tutti , meno che ai mona-rchici e al gnocco (per ovvie ragioni) .






Br1

...bentornato!!!

go' letto i tuoi post... compreso quello inviado a le segnalazioni... e come che te pol veder ... rispetto le semplici regole... e commento qua!!!

No volessi sembrar polemico ne scaramantico... ma me limito a registrar l'evento....

... xe' solo un caso... che el primo discorso della neonata associazion..... SIA UN DISCORSO DE MERDA??!!

cicio

Visto che el ns Sandro gà deciso de continuar nell'idea dell'associazion , dando regole precise , me adeguo alle richieste del socio-segretario-presidente.
Come gà fatto Cicio , scrivo quà , nel topic della fede , della speranza e mai e poi mai della carità .

Credo che la simia più alta , parlando de deiazioni , vol far una metàfa !


Sulla quantità de merda espellibile da un corpo umano , sano , senza emorroidi e con una dieta adeguata ,posso dir che el peso varia da tre a quattro etti per ogni colpo .

Gò obbligà quattro colleghi a pesarse prima de ogni evaquazion e anche subito dopo e ....stemo parlando de due anni fà , senza crisi e con le menti leggiadre.

Bisogna anche considerar che i umani non xè cocai , nel senso che pipì e pupù vien fora da due orifizi distinti !
El cocal ,merdoso per natura , caga e pissa dal stesso buso , quindi al peso del prodotto compatto , và aggiunto el liquido proveniente da quella che podessimo ciamar vescica, fonte del smerdamento costante del mio auto.
Spetando che qualchidun nè porti dati precisi sulla potenzialità della vescica cocalesca , torno nel mondo dei stronzi veri e propri , cioè quei con due busi .

Mì non gò el can , però gò un gatto , almeno credo sia un gatto.
Quindi xè normale nettar la cassetta e ingrumar i residui dei pasti del demente felino .
Posso assicurarve che el quadrupede no crea più de tre etti de merda al mese e per quel che riguarda i liquidi credo che tra la cassetta e i palchetti podemo ragionar sull'ordine dei dieci litri mensili.

Xè come aver una Panda a metano al posto de un'auto americana dei anni '50 ! In pien rispetto dell'ambiente !

Un .zzo de coker ( quei cani con le orecie aspirapolvere per le zecche ), fà dei stonzi giganteschi , el pissa per tutti i cantoni , el scampa sempre e per sora , se ghè gira le balle , el morsiga el primo che capita !

Me sento fortunà ad aver un siamese come miglior amico domestico e credo che sia giusto divider questa mia situazion privilegiata con tutti voi !

Abbattè quella fabbrica de merda su quattro zàtte , quel che vien scritto sui cartelloni xè vero , el vs can pol cagar decine e decine de chili , senza contar i fiumi gialli !!!

Dividemo el mio gatto tra noi !!

Son disposto a far nove tochi , poderè ciamar la vs porzion come che volè e sicuramente nol canterà più de notte !!

Br1

P.S. Cossa centrava i cocai ??
Niente ma i mè stà sul .zzo .

... ben dimostrato nel corso degli ultimi decenni da personaggi come bruno vespa, maurizio costanzo, emilio fede ecc.... DISCORSI DE MERDA... attira l'attenzion e stimola el dialogo!!!

ma, per evitar de dilungarme in queste disquizioni fecali (saria come sparar su la croce rossa), portero' un dotto paragone riferido al traffico de Bacau.

dovè saver che a Bacau... guidar rispetando un minimo de regole... xè considerado quantomeno un disonor... no parlemo poi de meterse in fila a spetar el verde al semaforo... una roba del genere te qualifica subito come un pensionato co la PRINZ... visto che ad esempio... se ti te devi girar a sinistra e le die file (sinistra e centro) xè zà lunghette... xè molto più semplice e sportivo... star su quela de destra, pasar la fila... e fermarse in mezzo all'incrocio per spetar el GIALLO, folgorando quindi tuti i pensionati e andando via a sinistra...

dopo anni de esperimenti e adrenalina... go' deciso che la miglior soluzion... xè farte i cazzi tui nel modo che te par più giusto: rispetando le regole se te se senti onesto o se te gà paura che ghe sia la pulia drio el canton... opur passando direttamente sul marciapie inculando anche i mone che usa la corsia de destra....

ma sempre nel pieno rispetto della UNICA E SOLA REGOLA RIMASTA IN VIGORE IN QUESTO PIANETA:

FATTE I CAZZI TUOI!!!

ed a tal proposito credo valga la pena ricordare i fondamentali:

1) l'unico FIGO te son ti!!!
2) tuti i altri xè solo de le teste de cazzo
3) se te vedi uno in dificoltà... inculilo subito... altrimenti te perderia una occasion.. e magari te incula lui pena che el se refa
4) salta SEMPRE la fila
5) riva tardi e posteggia per ultimo... te sarà l'unico a poder andar via!!!
6) nega SEMPRE... anche la più schifosa evidenza!!!
7) Ziga, offendi e bestemia più forte dei altri

... e ricordite de spudar per tera!!! e ogni tanto... specialmente nei luoghi affollati... una sava ravanada ai cojoni!!!

cicio

...spunto per rivalorizzar el personaggio de Unabomber !

No stago scherzando , nel baratro qualunquista che nè discrivi el ns Cicio ,credo che la figura del bombarolo,
qualunquista per definizion , possi entrar con tutta la sua bieca autorità !

Tutto stà andando a remengo ma la popolarità del sistema xè alle stelle , il chè significa l'80% della popolazion d'accordo per come và le robe , quindi , tutti possibili target !!

I precari resta senza lavor ma , sotto sotto , ghè piasi el modello sfasciaminorenni del ns ,complessà, conducator.
I pensionati và a zercar de magnar alla caritas , ma i gà el terror che chiudi rete4 e che emilio vadi a far l'astronauta .
I lavoratori ( i ultimi due o tre ) sogna de andar sull'isola dei famosi .
L'I.N.P.S. gà la sede principale a Lamezia Terme e la Telecom una a Crotone e una nel paese del ministro della guerra, nella profonda Tridacnia. ( dove .zzo xè lamezia terme ?? )
Cala el petrolio e cressi la benzina , el radicio e la carta igenica !
Le scovazze de Napoli ,..... i le gà trovade a Palermo!
Vien fotografà un vecio in posizioni sporcaccione con un grumo de giovinette(in quattro non le rivava a far la sua età !) e subito le foto vien sequestrade da un giudice sicuramente comunista e comprà !
Cicio nè spiega che l'unica soluzion xè ....taiarghe la strada ai tram e tirarghe fiondade ai semafori !

Allora semo o non semo in pien qualunquismo ?

Manca la presenza de Unabomber !

Sinonimo del terrorista fine a sè stesso , contro tutti , solo per romper i coioni e qualche altro toco , uomo qualunque con el pallino dei vasi de conserva e dei tubi de maionese. ( anche l'inginocchiatoio e le candele....uauu !)
L'unico che gà una giustificazion , in quanto terrorista-qualunquista per colpir a destra e a sinistra ( o manca ) .

Matto tra i matti !!

UNA , dove sei ???

Br1

Come quasi tutti sà, la maggioranza delle tribù polari xè riunide in un parlamento artico.
Solo pochi giorni fà , i polesi de Silverio gà votà per mandar i sùi rappresentanti in stò grande conclave.
Da queste elezioni , xè vignù fora che i seguaci fedelissimi de Silver xè più del 100% e quindi el nostro produttor de batterie sè gà , come dir ... un poco ringalluzì !
Cussì , con tutta la tribù in suo appoggio , el gà chiesto alla comunità artica de metter al comando della grande assemblea un suo amico , certo Mauretto Pedalò .

Adesso fazzemo un passetto indrio .

Nei ultimi tempi , nella tribù de Silver , xè successe robe strane , ma.. ssai strane !
Vien dito in giro che el capo e i sui leccherle , usa i bori della tribù per pagarse le putane !
Sè disi anche che i suddetti dopera le slitte de rappresentaza per menar le troie da un bordel all'altro , qualche volta anche con el dirigibile !!!
Naturalmente xè solo ciacole senza fondamento , infatti quando i gà processà un de lori, xè vignù fora che le due bucalone iera invezze delle starlets o show girls (come che volè) e che la presenza delle due bele putele , iera indispensabile per una azion segreta del governo .

Certo che stà storia de putane e putanieri , non gà giovà all'immagine de Silverio , specie davanti al giudizio del Pastor delle Nevi , capo delle foche monache e de tutta la tribù dei dogmatici !

L'invidia gà scadenà altri interventi , in quasi tutti i paesi del Grande Nord.
Un polopolak gà ditto :

-Ma se la tribù de Silverio ,sè vanta tanto de trombar a destra e a sinistra, che lori xè i veri amatori storici , che i riva a ficcarlo per tutta la notte anche dopo i settantanta anni .. come mai , per poder gùar, stì sfigai , i devi per forza far parte del governo? - E pò , xè credibile che in una sola tribù , sìa tante putane?

Un rappresentante del Pastor delle Nevi gà puntualizzà :

- Inutile perder tempo a far i conti de quante putane popola le terre de Silverio ! Bisogna riaffermar che per el sesso esisti solo un buso , comune in tutti due i generi , e quindi le divagazioni dei giornai ,su quel che combina i notabili de Silver, xè meno che scovazze !

Un polonordico qualunque , disi :

- Quante sia le troie o quanti sia i busi praticabili , xè insignificante , quel che me dà fastidio invezze xè che tutta la tribù de Silverio paga i conti senza aver le ricevute , come i farà a versar l'iva !

Un poloteuton gà ditto:

Nella tribù de Silver el 105% xè putane , el 110% xè disposto a dar la vita per lui , però bisogna ricordarse che parlemo sempre de attività interinali , pol benissimo esser che al momento del rinnovo-contratto , le percentuali raddoppia o triplica !!


Tornemo al ns Mauretto Pedalò .
Tutta l'assemblea dell'artico gà deciso che xè meio metter al comando un polopolak !
Mauretto iera troppo impizzà !
Abituà a farsela dar per poco , stavolta i ghe la gà negada !

Ma mi me domando , uno come Silverio che gà rivà cambiar tutte le leggi , stà zercando de cambiar anche le religioni , el pol veramente farse dei problemi per le troiette de casa sua ?

Mah !!!

Quindi : " Leva il ponte e molla a poppa ! "

Br1

DE MAGISTRIS PRESIDENTE DELLA COMMISSIONE BILANCIO EUROPEA!!!

e non aggiungo altro!!!

cicio

Iorio , lavorava al banco della Sisal del più bel bar de Črni Kal.
Tutti sè fidava de lui , nissun paesan giogava la schedina senza consultarlo , strano , anche perchè la ricevitoria non gaveva mai incassà più de tre punti , ma Iorio , oramai ,vantava la fama de esser un mago dei numeri .

Lui iera un tipo normale , fisicamente anonimo , banalmente vestì. Un orologio Sector, qualche camisa de marca e fora del bar una BMW 316 comprada a rate , ma con una anomalia : la targa !!
Quella iera differente delle altre , niente stemmini colorai e sul portatarga una scritta : ' Garage Cervignano'.

Eh..sì , el nostro Iorio iera un straniero a Črni Kal , per questo el comunicava con le schedine, lui come quasi tutti quei della sù razza , nol conosseva le lingue !
Tempo indrio el gaveva abbandonà la steppa natìa , i genitori e tutto el clan per andarse a zercar una moglie .
Prima in Bulgaria e in Romania , dopo in Grecia e in Turchia , senza mai trovar una disposta a ciòrselo, anzi in Grecia el gà trovà nove camionisti che i sè lo gà ciòlto per un poco e dopo i lo gà mandà via.
Dopo el ricovero e la fisioterapia , quando el sè gà senti sicuro de non cagarse più indosso , Iorio gà provà in Thailandia e nelle Filippine , ma anche là .. nisba !

- Ma mì digo...sè gà impinì el friul de slave e orientali , tutti i sfigai della region gà trovà una moglie all'estero, solo mì son tanto sfortunà? - Cussì pensava Iorio dopo l'ultimo diniego, però el meschino non considerava che una percentuale de quei fallimenti iera dovuda alla sua tremenda spuzza de fià !

Dopo aver girà mezzo mondo l'aritmetico decideva de fermarse a Črni Kal , un posto tranquillo , la gente iera abituada a veder i stranieri , qualchidun conosseva un poco l'idioma del nostro sfigà e ragion fondamentale della scelta : la presenza de Bruna Alpina !
Bruna , iera l'unica femmina disposta a subir la perniciosa alitosi , senza protestar , la iera mansueta , fedele e la portava volentieri i corni !
A cossa podeva aspirar de più el nostro Iorio ??

Una sera de agosto , sul ponte che sovrasta el paese stava passando migliaia e migliaia de auti , iera la transumanza dei teutoni , lassù in alto tutte le luci del traffico formava come la scia de una cometa e zò in una stalla del paese nasseva Milan " Il Figlio di Iorio ".

Ovviamente el fatto de nasser in una stalla non implica niente de divino in quanto quella iera la dimora naturale de Bruna Alpina.Per quel che riguarda la cometa , non sò .

Milan , iera un giovine quasi normale , nè bel nè brutto , ssai simile a suo pare , della mamma gaveva i oci e anche el sguardo , un carattere menefreghista e credulon.
Anche lui no parlava el dialetto del villaggio e in più nol capiva niente de numeri , retaggio materno.
Nei primi anni , tutto andava lisso , quando però xè rivà l'adolescenza per Milan xè cominciai i problemi !Ai sui coetanei de Črni Kal cominciava a spuntarghe i baffetti , i metteva sù muscoli e ghè cresseva l'usel .Al Figlio di Iorio ..niente de tutto questo !
La sua tempesta ormonale , lo sgiònfava , lo appesantiva , senza intervenir sul ordegno miracoloso e in più el mulo sudava e spuzzava come dieci cavroni !

Iorio , ormai in piena terza età , gaveva capì che una bona parte dei sùi fallimenti , iera dovuda anche alla pestifera alitosi e cussì el ghè gaveva insegnà al pargolo de strafogarse de Mentos, ignorando l'odor de sorzi morti sotto ai scài . Risultato : Anche se el mulo flattava piperita , in bus , tutti ghè spudava per colpa del sudòr !!

Non savendo la lingua , evità da tutte e tutti per el noto problema e per sora non capindo un ..zzo nanche de numeri , el pseudominotauro spuzzolente decidi de abbandonar el paese e visto che per nascita ghè spetta la doppia nazionalità , el parti a zercar fortuna nel paese paterno , nella mitica ' Terra di Iorio ' !

Errando nella steppa sconfinata , Milan trova asilo a Palma Nova de Majorka , crocevia de culture , de popoli e città stellata !

- La stella me porta ben , xè un bon segno , come la cometa dei gnocchi la notte che son nato . Quà me fermo e spero de trovar el mio equilibrio mentale.

Dopo la prima notte , passada in una stalla , ambiente famigliare , el và al mercato per un poca de spesa .
Nonostante i abitanti de Palma non sìa granchè raffinati , vien subito notà el cambio dell'aria al passaggio del
črnikalotto , nell'atmosfera sè spandi un effluvio de valda con una punta de cadaverina .
Sciami de necrovie sè alza dai tombini e taca a girar intorno al sciagurato Milan , xè el segnal per tutti i popolani !

- Fora el foresto dalle mura , buttemolo nel fossato che sè lo magni i coccodrilli !

- No !! Nel fossato no ! Se un cocco lo solo tocca ghe vien la pellagra e addio difesa contro i Bisiachi !

A quel punto Milan se metti a zigar :

- Fermi , mì son Milan 'Il Figlio di Iorio' che xè vostro compaesan !Gò tutto el diritto de viver nel paese de mio pare!!

- Ma và a cagar , tì e quel sfigà de tù pare !
Te parli de quel mona che gà girà mezzo mondo per un poca de frizza e alla fine el sè gà intortà con una vacca paneta ! Fora de quà con quel tanfo impresionante , vaga nella steppa , tì no te son della nostra razza , ...poh basta guardarte i oci !!-

- Ma ...almeno metà ..-

- No ,gnente, ale papuzza via !-

Sburtà con forconi , rastrei e piadoni , i palmajorkici lo smaca fora della porta nord e subito i torna a serarse dentro !

- Eccome solo , in mezzo alla steppa , almeno quà no xè nissun che me spuda !
Bon , femose animo e comincemo a camminar in stò viale alberà ,chissà dove che'l porta ?
Basta che non sia stelle de mezzo , a qualchidun ghè gà portà fortuna ma a mì e ai porchi sicuramente no!
Povere bestie , masinade , messe intun sacco , e l'etichetta con la stella come vestitin. -

Cussì ragionando , il Figlio di Iorio sè avviava verso el Profondo Nord

https://www.youtube.com/watch?v=S_NvNk3kUN8&feature=related


cicio

Milan camminava zà da qualche ora lungo el viale de platani , tutto intorno sè vedeva enormi campi de panoce .

-Cossa mai i farà con tutte stè panoce ? - pensava l'obeso malodorante , ma ecco che sul bordo della strada el trova un cartel : Comune di "Santa Maria Che Longa!! ".

- Finalmente un posto come Dio comanda - Anche se l'unica parola che el capiva iera "Santa" in quanto analfabeta ma credente !

In lontananza sè sentiva musica e ridade , sicuri sintomi de una festa , quindi cibi e bevande , beni preziosi de cui il Figlio de Iorio al momento deficitava , anche per colpa de quei stronzoni de Palma !
Affrettandose sulla via , Milan non sè accorzi de alcune ombre sconte drio i platani e che lo spiava zà de un poco.

"Santa Maria Che Longa !" xè un paese diviso in due dal fiume ' Ludrio ' , fiume tentator e concupiscente !
Sulla riva destra sè trova "Santa Maria" , una bella frazion con ville , giardini e tantissime banche .
Sulla sinistra xè "Che Longa!" , paesotto con usi e costumi ssai ma ssai liberi .

Praticamente sulla riva destra trovemo el motor economico della città , quà vien fatti imbroiezzi , truffe e concussioni per trovar fora i soldi de magnarse sulla riva sinistra , vero luna park per i abitanti adulti della steppa !!

Mila stava andando verso la festa , quando , de colpo , spunta da drio i platani un gruppo de individui con la panocia in man e con i oci fora della testa !
El gelatinoso Milan comincia a correr come un matto con quei bruti che lo inseguiva , per fortuna la festa iera là vizin e lui piomba in mezzo alla pista de ballo invocando aiuto e alzando le man !

La festa iera in effetti un sposalizio , con tanto de sposa e sposo , testimoni e parenti . Vedendolo e sentindolo tutti insieme gà urlà :

- Tira subito zò quei maledeti brazzi , coss'te porti sotto i scài ? I measmi dell'inferno ? -

La sposa sveniva , el sposo vomitava , i ospiti scampava e i lestofanti sè approfittava , anzi i pensava de approfittarse !!

I loschi assatanai sè avvicina al povero Milan per portar a termine el perverso disegno , ma quando el sè gira un tanfo deleterio abbatti più della metà e quei che resta in pìe scampa dal Prefetto invocando el stato de calamità !

La sera stessa , dopo esser stà involtizzà con domopak de nailon , il Figlio di Iorio vien portà in tribunal !

Comincia el processo .
El giudice sè alza e con la vose tuonante el disi:

-Brutto shifoso e spuzzolente straniero ,come te pensi de riparar al disastro che te gà portà nella nostra città ?
Te sà che dopo la tua alzada de brazzi , la sposa gà deciso de cambiar sesso e che el sposo và in giro vestì de baba ?
Te sà che quei giogatoloni che puntava al tuo buco con la menta intorno , adesso i credi de esser coccodrille e i stà tutto el giorno sul fossato de Palma con el cul per aria e le braghe caladè ?
Coss'te son vignù a far quà? Danni ,sicuramente, quel lo gavemo capì, ma perchè proprio quà?-

Strento nel domopak , Milan zerca de replicar :

-Cossa la vol , sior giudice, dove son nato la vita iera difficile . No capivo quel che i diseva , nanche i numeri , l'usel non xè cressù più de tanto e per sora i paesani de mia mare, me remenava perchè iero mezzo steppaiol !
Quà nella steppa xè la terra de mio pare Iorio , quindi me spetta de diritto la cittadinanza in stò posto !
Mì affermo de esser più longhista de tutti stì marzi quà torno e che me ne frego de mia mare , vacca, paneta e cornuta !!!-

El giudice resta allibì , la giuria formada da tutti i maggiorenti de "Santa Maria Che Longa!" , difronte a un discorso cussì accorà , chiedi la sospension dell'udienza e de riprenderla tra una decina de giorni .

Sulle rive del Ludrio xè stà un periodo indimenticabile ! Tutti fazzeva comizi e diseva la sua !
El rappresentante dei panoceri diseva:

- Bisogna cavalcar la tigre ! Dovemo far tesoro delle disgrazie de stò mona e de quei come lui !
Un poco de baston e bastanza carota ! Dopo lo rispedimo DeLà e xè quasi sicuro che el zurlo ne farà una bona propaganda. Chissà quanti stronzi come lui vivi nelle stesse condizioni , con un per de euri ( che se faremo prestar da quei de Palma ), ghè femo un borgo e li sistememo in quartierini con el cesso e i caloriferi.
Come contropartita , li femo ingrumar le panoce , senza romperse le balle con quei de "Che Longa!" , sempre intenti a ficcarlo e senza voia de lavorar !

- Attenti - disi el vescovo che per l'occasion el gaveva messo le calze de rede , un tanga leopardo e un push-up color oro ( lui viveva sulla riva sinistra!)
-Quei che volè tirarve in casa , xè tutti senza Dio !
I xè abituai a costumi ssai differenti dei nostri. La maggioranza , secondo i dati che me fornissi la curia , xè pronta a rinnegar tutto , solo per far parte della nostra comunità e per questi , noi chierici , semo disposti a costruir non uno ma tre o quattro borghi !
Xè quei de color differente che ne spaventa !
Se ghè verzemo le porte a quei DeLà ,sicuro sicuro bisognerà far entrar anche quei DeZò e allora sì che non sarà più rispetto per noi prelati , quei xè come el diavolo ! No sè li compra con un monolocale e un posto de bidello !

Uno dei oratori più seguidi , iera el rappresentante dei notabili.
Un tipetto in linea con la categoria , naso adunco , mano molto prensile e zucchetto sulla cirica.

- Dovemo esser pratici e lungimiranti !
El panocer zerca de far el su piccolo interesse e niente de più !
El sior vescovo gà solo paura de perder i culi dei chierichetti !
No capì che i 'mezzi sì e mezzi no' zerca solo de ingrumarse in un club ?
Da soli no i val un ..zzo, se ghe mettemo una maietta uguale e ghè demo un feticcio da invidiar , li podemo manovrar alla grande !
Noi maggiorenti , poderemo estraniarse dai lavori manuali e gestir i cazzoni come che volemo !
Indottrinando solo un poco i 'mezzi sì e mezzi no' podemo crear un'energia benefica per noi quadri e una maledizion continua per quei nostri concittadini che pensa solo a trombar e sbevazzar !
Magari , nel tempo , riveremo a divider in due el comun , come i gà fatto con Buda e Pest !-

Offeso nell'autorità , el vescovo sè ingalla e comincia a zigar :

- Cossa centra Budda e la peste , brutto schifoso de un circonciso !?
Quà sè parla de una possibile invasion e ricordemose che a Lepanto i gà fatto un villaggio Alpitour , per cui non podemo nanche sperar in una vittoria conclusiva e definitiva!-

La tension iera alta e difficile sè presentava una soluzion .
Nel frattempo , in un canton della piazza , stava parlando un cantastorie , uno vero , che portava tra la gente della steppa el messaggio illuminato della sua famiglia .

- Voi bifolchi , doverè per forza accettar quei balordi che vien DeLà !
Primo perchè lo disi el vangelo.
Secondo perchè la solidarietà xè una virtù .
Terzo perchè lo gà deciso el mio papi , quindi ...zitti e mosca !
Come gestir le masse de terza categoria lo deciderà el governatorato de Roma , unico sovrano in stà steppa merdosa !