Fatta la xe

Per nostra fortuna esisti anche i verbi 'Intuìr' e 'Immaginar'
Dopo el mezzo secolo, tutto diventa più impegnativo e noi anziani , ansiosi, affannadi e spesso apocrifi dovemo usar tutto el 60% del zervel che nè resta a disposizion .
Giusto stasera discutevimo de Riccardo , tre simie e una simia ,della lentezza con cui la nostra materia grigia riesci ad affrontar argomenti che a un ventenne ..ghè vien spontanei .
Niente de compromesso !
Basta adattarse e cercar de aiutarse tra noi , goffi ex ventenni , per superar le deficenze circolatorie e le stenosi portade dal tempo.
Per quanto riguarda i organi periferici , la farmacopea pòl aiutarne nella maggior parte dei casi , escluso el ritorno della verginità per la simia e l'aumento incontrollato delle dimensioni del pene per le tre simie.

Quindi ... el grande problema riguarda el contenuto della scatola cranica !

Cossa sè portemo drìo in quella cavità ossea da più de 55 anni ??

Mio papà iera convinto che nel mio cranio gavèvo tre etti de merda e un chilo de segadura.(acciòchè la merda non spuzzi)
Mia mamma invezze iera convinta che ben o mal ..qualche neurone lo portavo a spasso anche mì .

Allora , convinto de aver la testa piena de merda, segadura e neuroni , gò compreso che non poderò mai capir un ..zzo.

L'unica soluzion iera quella de non affrontar mai la realtà con le misere forze della mia mente e... giogar de 'rimpallo' usando l'immaginazion e un poca de intuizion.

Poscia.

Per 'Falegname' immaginavo Geppetto , creator de Pinocchio .
Pinocchio , xè per intuizion el salvator delle anime de Mangiafuoco , el Gatto e la Volpe , Lucignolo e con una grande simpatia per la Fata Turchina.
Lavorando anche nella panza della balena con un certo Giona , el Ns eroe dopo aver redento tutti i malandrini ..finissi malamente , abbandonando un tipo de vita per risorger in un altro status.

Non chieder niente sul Grillo Parlante , questo xè un argomento monopolizzà da Cicio.

Per mì , cmq resta chiaro el parallellismo tra Bendandi e Pinocchio o tra Bendandi e qualche altro , stemo sempre parlando de maghi ,marangoni , profeti e indovini capaci de far magheggi

Sperando de esser stà almeno un poco esaudiente , te ringrazzio dal profondo del mio cuor in quanto grazie al tuo aiuto , oggi gò ricevù i auguri de Pasqua da mia zia Iti de Cervia ( 90 anni )

Nei secoli riconoscente,

Giordano Bruno

insoma sto Rafaele ne la sta menando?


Dovere!
se qualchedun dovesi aver bisogno de uguali servigi il mio numero de lavor xe 0403894259 e no i me ciama Genio ma Sandro. il cell lo savè ma se fusi bisogno ve scrivo anca quel

Nei ultimi tempi noto una certa approssimaziòn nei dialoghi.
Sìa quà che là, ……xè tante le mènti che vacilla.
Un poco a causa del caldo , un poco a causa delle macchie solari e un poco per i anni che passa , comincemo a manifestar grandi difficoltà nella ricezion e nella valutazion delle comunicazioni tra anziane simie.
Per ovviar alla scarsa memoria e a tutti i altri disturbi , mè son fatto visitar da uno dei pochi medici che non sé gà candidà alle elezioni per sindaco .
Dopo un lungo colloquio e una accurata visita (anche con uso de telecamere ad alta definizion ), el dottor me gà prescritto una cura farmacologica che ,.. ben volentieri vè trascrivo.

Ogni giorno :

2 pirole de Levotiroxina per evitar le macie gialle sulla pelle.

1 compressa effervescente de Eritritolo per prevenir el mal de zucchero e quindi dàr libero accesso all’Aperol.

2/3 bustine solubili de Auranofin per i reumi e giradito.

1 supposta de Fexofenadina contro la sinusite e sangue de naso

3 o 4 pirole de Melarsoprol contro le zanzare , le zecche , la tenia e la scabia.

1 fiala sottocutanea de Ciproterone Acetato per farse gonfiar le tette.

Tutto questo servirà a mantignir un organismo pulito e sano , pronto a sottoporse alla cura della mente che comincerà dopo due settimane.

Al 14° giorno , aggiungeremo :

1 iniezion de Menotropina , per favorir el lavor testicolare , tranquillizzando i due satelliti , sempre giranti a causa dei eventi esterni.

2 pirole de Mogadon per mantignìr un aspetto dignitoso ed eliminar la bava dalla bocca.

1 compressa effervescente de Pinotimod per rinforzar el sistema immunitario , combattendo la varicella e anche l’erpes simplex –zoster-triplex , sempre in aguato per chi non usa le giuste precauzioni.

2 sublinguali de Tramazolina per darghe brillantezza allo sguardo.

2 supposte de Nivalin e 1 fiala intramuscolare de Razadyne per aiutar la circolazion del sangue nel zervel ,… sempre chè l’organo sìa ancora presente.

Al 33esimo giorno , sospender tutto e assumer solo ovi duri e cabernet-sauvignon , per una settimana .( No bianco! …mai !)

Questa xè la prescriziòn per mì , ma visto che , ben o mal, sèmo quasi tutti coetanei me sembra logico che pòssi funzionar anche con Voi.

Se tutte le simie seguirà scrupolosamente questa terapia , son sicuro che gaveremo un futuro pien de ricordi nitidi , una giusta percezion del presente e tanti….. lazzi e sprazzi.

Stranamore

P.S. Se continua le mostruose visoni e le voci sé fa sentìr più forte , aumentar el Nivalin ,… max 4 al dì.

Buon Voto !

... anche 2 compresse 50mg. de PERELCICIN FORTE ... no se sa mai...

cicio

me consigliè anche un termometro anale con suoneria e vibrazion? cussi in caso de febriciatola aumento el Condominion duplex fino a 5

El termometro non guasta ..mai !
Al tuo posto sostituirìa el Condominion Duplex con Comodin Gambex 4 ,.... naturalmente supposte.
El Comodin Gambex aiuta anche contro la daltonìa e dà un buon sostegno al bricollage.

Per la gatta una bustina de Pulisivaff e un bagno in acqua fredda tre volte al dì.
Per el bagno , se el felino sè ribella , te pol usar anche l'acqua bollente , ..el mio Nello la preferisi e nonostante el sìa nato siamese ,con questa terapia el stà avvicinandose alla soglia dei venti anni .

Naturalmente per far funzionar el tutto bisogna riavviar el compu ......no , scusa ,...bisogna ricordarse del 12 giugno.

Anche per pòder disponèr dell'acqua .......sìa calda che fredda.


Dott. House

Pos. Scri.
Cambia ararat o fàtte la barba !

https://www.youtube.com/watch?v=wHKhpSaI8bg&feature=fvst

Meio questa???

PS quel temometrin xe tropo a punta e un po' lungheto però me serviria sai per misurar la temperatura dela pasta del pan in lievitazione quando panifico

..molla el termometro ..e mèttite i ociai !!
Controlla el libretto sanitario della bestia che tè accompagna.
Leggi attentamente la voce : Specie .
No volessi che con l'acqua calda o fredda , la tua gatta sè trasforma in un can o Dio solo sà còssa !!
Interrompi la terapia , lassa stàr la barba e sèrite dentro in camera avendo cura de lassàr la bestia fora .
Portite el telefono e se la gatta sè trasforma in un orso polare o in un diavolo della tasmania ..ciàma subito el 113 !

Scusime , te gò consiglià in bona fede !!

Confidando in un lieto fine ..Br1

Quando iero picio , girava la vose che se non tè và a votar i tè segna sù una lista nera.
A quei tempi girava anche la vose che se per non far el militar tè sè beccavi l'art. 28 o 29 (no mè ricordo) non tè podevi mai più trovar un lavor.

Altre epoche, altre etiche .

Adesso per metterse in lista come candidato , bisogna gaver almeno due matrimoni fallidi alle spalle , pagar una calìa de troie , aver consumà tutta la condizionale e una fantasia illimitata per inventarse assessorati e consulenze esterne.

Chi che voterò non sò ,probabilmente cascherò nei antichi simbolismi ,cmnq sìa .....vinzerà la cialtroneria , come sempre.

Quel che invezze devo ricordarme , xè i referendum del 12 giugno , ben più importanti della sostituzion de un bottegher.
Sò de una Simia che gà la tessera elettorale immacolata nonostante el sìa ultracinquantenne.
Sò anche che la suddetta Simia ,sverginerà la suddetta scheda proprio el suddetto 12 de giugno in occasion dei suddetti referendum.
Quel che non sò .....xè per cossa che el voterà,.. forsi per far una centrale nucleare a Zindis o...per chiuder i rubinetti dell'acqua nei appartamenti ai piani alti o ....forsi per ritornar ai antichi diritti feudali con tanto 'de ius primae noctis'.

Non lo sò.

Quel che importa xè che se và in cabina elettorale una persona che sè gà sempre rifiutà de far crosette , vol dir che merita andar !

Me piasi goderme la domenica... pescando , nudando , trombando (tempo fà ) , bevendo e magnando , quindi xè brutto rinunciar a tutto questo per due domeniche quasi de fila .
Ergo , se proprio me pesa votar ancora dò volte , credo che lo farò el 12 de giugno , ...in cul ai sindaci .



B'asta una volta

cos te se speti che rispondi un come mi? Mi andarò tute e do le volte. Intanto tiremose fora dele bale i nani .... o no?!?

Non xè giusto ciàparsela con i malformài.
In primo luogo per l' insegnamento del Cristo che nè dìsi de rispettar tutti i scantinài e deficenti .
Secondamente per la legge n° 68 del 1999 che obbliga le aziende e tutti i enti pubblici ad assumer i portatori de magàgne congenite con el scopo de introdurli nella società e non farghe pesàr l'handicap .
Quindi ...quando domani tè metterà la fatidica crosetta sul simbolo ( sicuramente sbaglià ) pensa solo per un momento a che futuro sè prospetta per quei disgraziai che tì te definissi ' Nani '.





Te sòn abbastanza forte per sopportar stò peso sulla coscienza ?


No risponderme , ma fàtte un esame de coscienza.

Waiting to wet ...

Giordano

inveze che noi introdurli a lori nela società, go paura che lori ne ga introdoto a noi qualcosa nel daur

Eufrate

https://www.youtube.com/watch?v=yWaqh4MUK0s&feature=related

... ma spero veramente che i ghe la fazi a cavarne sto sclerotico demente dai cojoni. Certo che se vittoria sarà... no sarà sicuramente per uno o due punti... conto molto su tutti quei che no xè 'ndai a votar al primo turno... dubito fortemente che se i va al secondo i voti per l'ometto.

cicio

Saria bel verdlo col suo amico apicella a cantar in piazza duomo co la scodella per l'eurin davanti; credo che già confiscandoghe tuti i suoi proventi illeciti, podessimo rimetter un poco in sesto i conti pubblici.

...... YYYYYYYYYYYYYYYYYYYEESSS!!!!

CICIO

......It's dooooooooooooooone !!!!


B.R. 1

Alè (mai firma fu più appropriata)

Son assai felice che el Ministrator , ogni tanto sè ricorda del Forum.
Ancora più felice della new entry "Angelo" , sagace rappresentante della Trieste passata, sicuramente presente e probabilmente futura.

Quindi.. ben ritovato Amin ....in dò ..zzo te ièri ??

Lassèmo in pase el Ns giovane condottiero , el devi studiar e xè giusto che el sè proponi quando e come che el pòl.

Quel che me prèmeva dir xè che oltre al dazio e anche al de quà del stesso dazio , nel sistema governante sè gà creà un piccolo remitùr , con presenze comuniste che solo Silver precognizàva .

A Trieste sè trovemo un sindaco comunista , a Milano i gà un sindaco comunista-estremista , a Napoli gà vinto un giudice che..... per dna comunista non pòl esser ...ma che vol fàr el comunista , in tutte le città dove sè votava xè diventà sindaco qualchidun che non xè amico de Silverio e che gà ...almeno un zio comunista.
Solo a Varese i gà votà uno della vecchia guardia. ( nè vecchia , nè guardia... iera una metafa.)

Adesso mì me domando :

Gaveva ragion Silverio che in Italia iera pièn de comunisti *, magari sconti nei tombini ?

Xè giusto ricoverar in camisa de forza quel sig. Letta del P.D.* che xè convinto de aver vinto le elezioni ?

Podèmo noi Simie andar a votar alle primarie del P.d.l.* e decider che el novo primer ( sì primer!) sarà Angelino ?




Riuscirà l'impresa de portar oltre 25.000.000 de votatori nelle sedi elettorali per votàr i quattro referendum ?

O faremo come gaveva consiglià el buon Bettino nei fabulous '80 ..e andaremo tutti al mare ?!?!?


Ricordeve che Betty xè morto malamente , adesso el stà sburtando radicio in Tunisia , tutta la sua stirpe xè maledetta e che al mare xè pièn de meduse!! ( non allego le foto della fìa matta e del fìo scantinà , solo per pudòr)

Brutta storia.. la centrale nucleare a Zindis , ancora più brutto farse la doccia con le bottiglie da 1/2 litro della Nestlè .
In quanto al legittimo impedimento , lassèmoghe la libera scelta ai parenti de Scillipoti e a quei .....dei nostri deputatoni 'Responsabili'


Legenda:

*Comunisti = inveziòn de Silverio

*P.D. = Niente

*P.d.l. = Quasi niente

Fatta la xè.

El 56 , forsi el 57 % dei votatori del Bel Paese xè n'dài a votar per i referendum.
Con una maggioranza più Bulgara che Italica ...gà vinto i Sì .
Senza voler confonder nissùn , la vittoria dei Sì vòl dir NO!
Nò alla centrale nucleare a Zindis , no al stronzon che voleva farse due lirette sulla sorgente del Timavo , no ai cazzoni che voleva paragonarse ai passati feudatari .
Con mucho gusto riporto un messaggio che gò ricevù nel pomeriggio da un'anonima SSimia :

Bene!!! adesso i poderà far finalmente delle nove centrali nucleari raffreddade ad acqua privatizzada, con guadagno predeterminato e gestide da inquisiti pluricondannati contumaci e non ......ma i le poderà far solo in stramonazz.. de su mare puta.. che li gà fatti ! ..zzo!

Iera ora che sto paese se sveii e me daghi qualche soddisfazion, iero talmente abituado a perder che no me par neanche vero.

evviva!evviva! evviva!

Concordo in tutto e per tutto , xè naturale , però vòio ricordar a quei tre o quattro lettori che tutta stà vittoria ai seggi ..... ben poco turberà le zecche al potere.
Questi non mollerà l'osso !!

L'unico paese che legittima l'omicidio mirato xè israele , e penso non sìa un esempio da seguir !

Quindi , resto nel mio mondo onirico e anche un poco scaramantico , magari pensando de poder eliminar i personaggi che segui... ignorandoli e ....con solo un poco de disprezzo cercherò de dimenticarli.





Quel che mè preoccupa , xè.... in chè cul de asino andarà a lavorar Scilipoti e company , non volessi che stò branco de parassiti vadi a magnarghe el rancio ai profughi de Lampedusa .
Ma questa xè fantapolitica !!

Oggi è un buon giorno per ....ridere.

Sit on Bull

P.S. Gò censurà el pensier dell'amico per non disturbar le persone più sensibili
P.S. Non xè vero un .zzo , gò scancellà solo i errori !!!!!!

La mia giornata feriale gà 24 ore , come quasi per tutti.
Generalmente uso sette ore per dormir profondamente , magari sognandome de ombrele ed evitando de alzarme per qualsiasi motivo .
Quattro mezze ore le dopero per andar e tornar del lavor , sempre in auto e con soste per caffè e ...birretta o calicetto a fine giornata.
Due ore le investo per nutrirme , una a pranzo e una a zena .
Mezza ora la perdo in doccia e vestiziòn alla mattina e un’altra la sera al ‘ritorno a casa’ .
Otto ore xè destinade alla produzion del mio stipendio e alla fine….. mè resta quattro ore .
Se non vado da qualche parte , se no gò nessun ospite , generalmente passo un per de orette sul pc .
Eh sì…quei 600 e passa euri per la television gigantesca , li godi solo la mia sposa .
Adesso rivo al punto .
Visto che da normalissimo ultracinquantenne con la coscienza abbastanza a posto e con quattro ore disponibili per informarme , guardar tette , scarigar film o canzonette che dopo scolterò in quel ..zzo de auto nelle quattro suddette mezze ore; perché devo trovar su tutti i siti de informazion i commenti sulle esternazioni de un sgorbio della natura , malformà e schifoso alla vista ? E come se non bastassi anche sulle pagine de sadomaso più spinto o nei forum per accoppiamenti con animali sé parla de una testa de ..zzo che vol licenziar chi che usa internet sul lavor !?
Ve par giusto occupar tanto spazio per due mezze merde compagne ?
Son andà a controllar chi che xè stì due disturbatori del mio freetime .
Uno xè stà buttà fora anche da Venezia ,… posso immaginar che se i cagainacqua sè tièn i sorzi e manda via el mostrić, qualche motivo devi pur esserghe.
Quell’altro xè un ex radicale che fà diventar personaggi politici le putane e che ogni tanto sé metti a parlar monade , esprimendose più col cul che con la bocca.

Chiedo scusa per lo sfogo , ma stì dò me gà fatto innervosir.

Tedio

Come bèn savè , nella mia inutile esistenza so andà a perder tempo in tutti quei posti con deserti , bestie con la gobba e gente con le strazze sulla testa.

Non son mai stà a Pòntida !

Per la verità , non sòn mai stà a Messina , a Caserta , a Urbino e nanche a Frosinone.
Xè brutto dìr che mè trovo più a mio agio menando l’auto a Cairo piuttosto che a Reggio Calabria , ma … cussì xè.

Da qualche giorno , leggio sul web che a Pòntida xè un grande motoraduno .
Guardando le foto delle edizioni precedenti mè son fatto un’idea de quel che servi per partecipar all’evento e finalmente conosser un poco el paese dove son nato .

Xè importante l’abbigliamento :
El casco devi gaver i corni .. niente de più facile , gò tacà sul vecio avg i cornetti de gazzella che gaveva portà mio papà da Durban
La maietta devi esser verde …gran culo ad aver amici che manda i fiòi a giogar col Domio !
La moto pol esser de qualunque marca , meio sarìa celtica .
Stasera vado a raspar una Triumph 600 davanti de Viti ,.. sarà bastanza celtica ?



https://www.youtube.com/watch?v=0L1hD5OlPtw

Quel che succederà a Pòntida , non lo so , son però sicuro de andar a scoprir un mondo finora sconosciuto …sìa a mì che a quell’altro mona che vegnerà con mì , prima a rubar la moto e dopo al motoraduno.

Buona domenica

Little Green Bag

Alfio xè el mio amico e accompagnator , ieri sera… el ièra ssai nervoso.
El tipo del Triumph xè rivà là de Viti con una Smart bianca e nera , per sora , non sé trovava una moto nordica… nanche col lumìn !
Una telefonada e tutto cambia. ( grazie alle simie per la segnalaziòn !)
Sèmo n'dai a borgo S. Mauro e scavezzàndo una saracinesca entravimo in possesso de una BSA , tre cilidri e 750 c.c. , una vera moto celtica !!

Quattro maiette verdi del Domio , un avg coi corni e un jet pitturà de verde , una bottiglia de trapa per massaggi e due cacciatorini cittero in cambusa.
Carta de credito de mia moglie e della morosa de Alfio , ….chi podeva fermarne ?

Nissùn !!!!!!!

El motociclo antico ma pùr sempre celtico né gà portà a Pòntida senza grandi spese de benzina , anzi el xè stà molto più parco nei consumi de Alfio e anche de mì.

A una media de 180 Kmh sèmo rivài a Pòntida alle 10 de mattina ,.. niente màl considerando quel ..zzo de lucheto , la saracinesca ruzzine , tre tappe per far benzina ( 15 lt al colpo) e tutte le incontinenze urinarie de Alfio.

La brutta sorpresa xè stà ..quando gavemo capì che non ièra un motoraduno !

Iera un spettacolo !!

Tanto de palcoscenico , niente motociclisti , una marea de anziani e un prà pien (credo) de zecche.
Le ns maiette no valeva un .zzo , bisognava scriverghe sora ‘successione’ o ‘libertà’ ,… me dispiasi per i tifosi del Domio , gavemo dovù smerdar le vostre divise !

Bella figura el casco con i corni ,.. uno che sé gà presentà come bergamotto autentico , mè gà fatto i complimenti , …almeno credo , xè difficile capir stì radunisti.

Adesso sòn stanco e quei quasi 400 km mè pèsa sulla schena , magari più avanti vè conto come iera el spettacolin .

Non stè aspettarve grandi robe,….chi che frequenta Paolin o qualche simia in giornada bona ..... pòl solo che annoiarse , ….volevo solo far un poca de cronaca della mia prima visita nel mondo dei contadini , allevatori , panociari e anche lattisti ....nella mia terra patria.

Br1

(Alfio no firma perché el xè restà là ! El gà dìtto che le femmine de Pòntida ..la gà verde !!)

... e come che diseva la famosa canzon de Modugno... per i somari semo a posto, son sicuro che no sarà dificile trovar anca i tre briganti!!!

cicio

Ieri , giugno , sè gà riunì un concistoro straordinario.
Visto che nissùn gà risposto all'appello per la conduziòn de 'Plimsoll' , due Simie (non mùssi) gà dà vita a un beer-brief.



Dopo aver discusso i problemi che attanaglia el Forum e anche el diabete de mia suocera , gavemo chiesto el benestare del nostro Moderator ..



..per poder metter in atto le decisioni sul futuro del topic e sulle ritorsioni da praticar sulle Simie ignave e indolenti.

Con grande sorpresa e con l'aiuto del Mod. , gavèmo scoperto che el numero de 165 iscritti xè una puttanàda !
Infatti l'assemblea sospetta che almeno cento dei nick iscritti possi appartegnìr a ragionieri , geometri , odontotecnici, maestre de asilo e anche aspiranti periti ... con la sindrome de Salgari o con gravi disturbi de personalità.

Calcolando che almeno la metà dei soci che conossemo personalmente ,... gà uno o due amici immaginari , resta ancora una trentina de abbonati quasi credibili .

Sicuramente Jampa gà tre o quattro accessi al Forum , anche perchè el sè dimentica la password.
De Peter , nanche parlar ....qualche volta sè fà vivo Longhi e l'ovetto ballerin (questi xè sicuri ) ....resta quel stronzo de Antonio , che gà un vivo interesse a crear identità fasulle solo per farse figo e farme rovinar i dedi .
.......e dopo basta.

Al momento dirìa che la situazion pòl permetter a noi anziani de usar el Forum del Nautico come una e-mail privata.
Ovviamente nei limiti dei Ex studenti .
Non mè pàr bèl , mandar le foto de Paolin o mie .....nei topic per le iscrizioni all' Istituto, in fondo quel xè un pubblico minorenne.

L'aziòn punitiva verso le Simie apatiche e paracule , sè tradurrà in pagamenti con euri autentici , nel solito posto.





Contro i ragionieri , geometri , alpini e tutti quei sfigài che gà sbaglià scola , propongo solo ....el perdono , già la vita li gà segnài all'inizio !

Vòio precisàr che queste decisioni xè de Ferdy e de Cicio ....... mì non centro gnente , essendome astenù !!



unsigned