Pangea

Ciacio ha scritto:

No sa perchè? mi gavevo un peseto rosso che me faseva compagnia quando che stavo solo nella mia cocola sofita in via santi Martiri .... in fondo sora l'officina di fronte al campanil. Bon mi ghe davo de magnar sazio a questo peseto. A un certo punto ghe gavevo ciolto un amico tuto nero e con pine e coda lunghe lunghe (La mia fede calcistica non se sconfesa mai). Per farla curta el pese nero xe morto e lui xe rimasto denovo solo. El magnava de bruto e il creseva. la vascheta, con depurator e ossigenator scominziava a diventar picia. El pese cominciava a dar segni de pazia e el zercava de suicidarse schizando fora dela vasca. Una note, verso le tre, in pien sono rem, me son sveià de boto perchè el pese iera de novo schizà fora dela vasca e el se remenava sul pavimento. Go preso la vasca e son da in piaza Venezia, ex Giuseppina, e go molà dentro la fonta, soto Netuno el pese. La mia vita no xe stada più la stesa senza de lu, ogni tanto pasavo de la e ghe butavo mangime ma sicome iera più de qualche pese roso non savevo riconoserlo e no iero sicuro se iera rimasto vivo. Eco perchè son rimasto afezionado a quela fontana e a quela piaza e il fato che la gabi de novo spostada me sta proprio sui coioni.

Sì ..sì me dispiasi per el pesse rosso e anche per quel nero.
Chissà che ..zzo de bestia te mettevi in boccia se te ieri tifoso del Domio ?
Comunque te gà fatto ben a metterlo in fontana e ..a non far quei altri cento metri per ficcarlo in pescheria.



Forsi bisogna esser più cinici e combatter i nostri sentimenti verso le bestie che gira per casa. .
Non dovemo farse patemi d'animo e invezze de darghe de magnar , xè meio magnarli , come fà mio cognà .




Naturalmente questo mio pensiero vàl solo per i pessi , e non lo seguirìa nel caso de cani o gatti !

P.S.
Te gà provà a cucàr nel Nettuno de piazza della Borsa ? ...Magari te lo trovi ancora là.

Questa xè per Ferdy , sperando de bever un'aperolato al più presto.

El piroscafo non sò qual che sìa ,..... podessi esser el "Gautsch" , el "Bruck" o anche l' "Hohenlohe"