CRONACHE DA SARDONIA

Nello ... 19 anni e ciàppilo , età paragonabile a Genio o Peter quando i sarà più che centenari !


Bruno te me procuri un siamesin??


Dimeticavo: quando te squai la ceralacca, prima de fracar col sigillo, bagnilo su una spugneta inzumbada (de acqua) cusi la ceralaca no se taca.

Purtroppo non posso aiutarte perchè Nello lò gavemo trovà in via Capitolina alle tre e mezza de mattina , solo , sporco e carrigo de fame, che el fussi coi oci blù sè semo accorti dopo qualche giorno de lavaggi con la trielina.
Lui xè sempre stà gay e quindi non esisti una sua discendenza.
Però tè sconsiglio de ciòrte in casa un siamese.
Xè bestie strane , i vòl parlar ma no i riva cussì i zìga ,.... naturalmente sìa de giorno che de notte.
Non te gà un attimo de pase , sempre addosso e se magari te trovi un magnòn , el xè capace de sfondarte el torace se te sè indormenzi sul divano.
Se te torni a casa tardi xè inutile fàr piàn per non farte sentìr , el siamese gà zà sveià tutto el condominio coi sui gorgheggi nel stesso momento che tè gà studà el motor dell'auto , anche se el posteggio xè bastanza lontan.
Impossibile stàr con el pc impizzà se lui xè in giro , la tastiera xè el suo cusìn e se te lo scàzzi el sufia come una vaporiera , però in venti anni nol gà mai morsigà nè sgrafà seriamente nissun , almeno credo.
I xè tutti stitici !
Te devi darghe l'oio perchè sinò quando i caga le pigne de cipresso.. i coverzi el rumor della sirena dei pompieri.
I gà sempre freddo , dovemo impizzàr la caldaia dopo el 15 de settembre sinò el mato ulula come un lupo.
E in ultima , i dura un casìn de anni e posso giurarte che quando i riva all'età de Nello , te sè gà talmente affezionà che diventa drammatico pensar che manca poco .

Cmnq el siamese xè anche un fantasista e l'altra settimana el mè gà dà un'ottima idea !

Autofinanziar el Sardon Cosorzio con i francobolli !!

Chi meio de Noi!
Gavemo fatto i bozzetti e dopo lì gavemo stampài .
Gò imbucà 160 buste con i novi francobolli , 20 per ogni Simia mettendo solo el destinatario.
Se le vè riva ...fatta la xè !!
Ghè lì vendo in tabacchin quà sotto o anche ai collezionisti e salta fora i bori per i vasetti e l'oio (no quel de Nello !)

Te allego la serie de vender per le poste





e uno per i collezionisti filatelici (la rarità ..stà nell'error !!)




Adesso l'importante xè trovar uno bravo con la macchina de cusìr.

Giò

per i francoboli no xe problema, li smisto mi. bisogna però pasar sul nero perchè no xe semplice.

per el siamese xe ormai tardi perchè go deciso de ciorlo e così sia.
Me seca solo pagarlo cusì tanto

go meso dentro un litro de oio istrian (piuttosto piccantino) due zivolete rosse affettade fine fine e macerate leggermente nell'asedo balsamico de modena. Go zontà anca due spichi de aio de Resia e una manciada de maggiorana (che me sembravas stesi sai ben). Naturalmente il medesimo intruglio, privo oviamente de sal perchè presente nei sardoni, servirà ad afogar i peseti spurgadi e mondadi quando sarà al momento. Speremo de becar el vaso de sardoni con el "sel de Camargue aux 3 poivres". Comunque non domandeme de sagiar senza aver tirado fora l'obolo. Sia chiaro!!!

Ale Cheff

Per info e ulteriori delucidazioni tel .0403894233

Scuseme giovinoti, ma xe za soto oio? Alora bisogna darghe aria presto, mi saria disponibile a liberarve del pensier de un vaseto, anca do'.
Cossa bisogna far?
Oltra al contributo spese, ovvio.
Call. 3405510538

..xè semplice !

Giovedì 1 Dicembre 2011 quasi tutto el 'Consorzio Salt Sardon', verso le 19.00, sè riunirà de Ricky sede storica de Bar Adria , noto anche come sede volante del circolo 'Donne Bollenti'
Colà , la 'Nine Monkeys Lobby' presenterà al nostro Oste-Notaio-Consocio e Barbon , un vaso del novo prodotto , con degustazion e .....un welcome all'esule pentito che torna dall'emisfero australe, ....ma questo non centra un ..zo
Credo sìa un'ottima occasion per presentarte de persona e partecipar a stò incubo che gavemo messo in piedi.
Magari sè trovemo simpatici e continuemo insieme stò viaggio verso la neurodeliri .
In esclusiva , te rivelo che nel momento della salatura ierimo tutti molto più giovani ed ottimisti , solo adesso sè semo accorti de che enorme cazzada sìa stà imbalsamar 22 kg de sardoni , per fortuna non gavemo subì grosse perdite.

Br1 e Giò.

P.S. Quasi tutti vòl dir che sicuramente mancherà Ferdy che con la scusa che el xè imbarcà nol gà netà nanche un sardon !

me dispiasi per i giovedì', una volta zona franca e deso usurpada dagli anchegi sudamenricani che stenta ad entrar nela mia cabeza. Se me diseè che ale nove e meza se ancora de qualche parte magari fazo un scampon. Per venerdi 2 de Dondoto inveze son libero. In ogni modo se giovedì dovesi eser presa qualche decision importante digo che son disponibile a continuar nell'operazion de sbudelamento e ontolagio, magari podesimo cior vasaseti più pici e far tanti picoli preziosi contenitori che regalemo per nadal a chi che se lo merita. Insoma me lasso creser ben ben l'ongia del police sinistro. Chi ga orecie...

Giovedi (a Muia sensa acento) sera go capì, Bar anche, ma "Adria" xe sconosciuto. Perdonate l'ignoranza, distinti signori, ma mi no so andove che xe "Bar Adria". Iuteme, ve prego.

Anche perchè quel nome lo uso solo mì.
In effetti el xè conussù in tutto el mondo come : de Ricky.
Allora ....per arrivarghe xè tre modi , tutto dipendi dalle intezioni , se tè gà ferie Venerdì non te lavori de Sabatò e te vòl incatramarte... xè meio el mezzo pubblico.
Da Muggia parti ogni tanto una 20 , te monti sulla filovia in stazion e te ghè domandi all'autista de farte smontar in Piazza Oberdan , te poderà riconosserla anche da solo perchè sulla sinistra xè quasi sempre posteggià un tram blu !
Cò te son smontà , te domandi del Palazzo della SIP e là davanti te troverà un bus col numero 15 .
Te monti e te sè fà portar fina al capolinea , anche quà xè facile , el capolinea xè dove l'autista smonta e và a bever un bicer de Ricky.
El secondo modo xè ciòr un taxi ma non sò se a Muja gavè stò servizio quindi ....sorvolo.
Se invezze te sòn sicuro de tì stesso , la maniera più comoda xè vignir nella Venezia Giulia con l'auto.
Partindo de Muja te devi per forza attraversar l'Ospo , segui le indicazioni per Trieste , alla rotonda subito dopo Pasta Zara te monti sulla Grande Viabilità direzione autostrade , dopo la galleria te sè tièn a sinistra e te và verso Trieste Centro , a quel punto sempre dritto fina co no la finissi.
Non girar per Molo VII !!!!
Tiente sulla destra e te riverà a un semaforo , te giri a sinistra verso el Centro e te continui sempre dritto passando davanti a un'ippopotamo e alla tua sinistra quel che tè vederà xè el Punto Franco Novo ...fino a quando tè riverà a un'altro semaforo e sulla tua destra non sarà più alberi ma case.
Dal semaforo , sulla destra te vederà un'edicola sempre chiusa e la fermata della 15 , nove metri più sù xè Bar Adria
e la via sè ciama Gioacchino Murat.





Son contento che tè vien , magari dopo tornemo tutti a casa con la 30.

Br1

Dear amico nostro ,
sòn appena rientrà dal concistoro là de Ricky e posso affermar che la serata xè stada mooolto fruttuosa.
El 75% delle Simie iera presente , considerando che tutti gà la delega de tutti podemo dìr el 100 % !
Xè stà donà un vaso grande de Sardoni sotto oio ( confezionà all'uopo da Jampa e Paolin inverigolando le striche con i capperi !!) al nostro osto preferito e una dose de Holy Oil preparada e certificada only for Him .
Considerando che dell'Oio Santo esisti tre fiaschette in tutto el Mondo .. che uno xè in Rumulandia e uno xè stà messo nei vasetti per raccomandati , ....me pàr che sìa un bel regalo per el Barbon .



Gavemo magnà i sardoni preparai da Sergio domenica passada , con la zivola e non sò con chè ..zzo altro
.....FORMIDABILI !!!!
Xè tornà Piero e stasera lo gavemo visto dal vivo !
El mulo xè molto cambià , cavèi curti , orengin sempre uguale , un poco trasandà nel vestìr , molto vanescente , decisamente più generoso ma ancora sotto l'effetto del jet-lag , credo che bisogna darghe un pochi de giorni per riambientarse e credo anche .... che sabato sarà un'ottima occasion per riaverlo tra noi.
Sì.. sì sabato femo "L'Ultimo Tramaco" !
Gavemo convinto Sergio C. a fàr el suo dover , Story gà confermà la presenza de Genio .
Paolin e Jampa xè zà prenotài .
Piero andemo a ciorlo con la forza e forsi rapiremo Fulvio .
Considerando che Tì te fà el paraculo in mezzo all'Adriatico , Fabio stà preparandose alla cura canalare in quel di Zanzibar e Lucio gà i soliti ..zzi , prevedemo una partecipaziòn quasi totale !
Oggi doveva vignìr a trovarne Longhi ma non sè lo gà visto , pecà .. forsi no ghè gò spiegà ben dove xè Ricky.
Jampa mè gà regalà l'agenda nautica del 2011 , in scadenza ..ma a caval donato...
Adesso mè sento libero da ogni orpello calendaristico per cui le date le deciderò di volta in volta .

Te abbraccio e prometto de mantignirte informà !

Br1

Perdoneme giovinoti, ma giovedi ga scatà una via crucis de frizzantini che iera le 5 de dopopranzo, e ale 7 de sera no me ricordavo de l'auto, dela gita e dei sardoni. Ale 8 me son dimenticà dela legittima, ale 9 de tornar a casa, ale 10 iera pupoli, ale 11 iero stanco e ale ... bho!

Longhi ha scritto:Perdoneme giovinoti, ma giovedi ga scatà una via crucis de frizzantini che iera le 5 de dopopranzo, e ale 7 de sera no me ricordavo de l'auto, dela gita e dei sardoni. Ale 8 me son dimenticà dela legittima, ale 9 de tornar a casa, ale 10 iera pupoli, ale 11 iero stanco e ale ... bho!

Non preoccuparte , xè una situazion ricorrente anche tra i anziani e xè anche el motivo per cui da sabatò non beverò mai ..mai ...mai più bianco !

Caro Comandante ...mè scuso per el ritardo ma solo oggi gò ripreso el controllo de mì stesso e me accingo a far el rapporto sui eventi appena trascorsi.

Dunque , alle 14.30 de Sabatò-Giorno X , nel Tempio gò trovà zà operativi due Sergi e un Jampa.
Subito dopo el mio arrivo sè gà presentà sulla porta Fulvio e quindi in tempo de venti minuti gavevimo l'organico necessario per avviar la Filiera.

Stavolta però i cinque addetti iera bastanza sul 'calmo' nel senso che la produzion xè stada più volte interrotta sìa dalla necessità de rifocillarse e sìa da due baloni che nè rivava in calza ..per la spuzza , per la schena e per un'inizio de odio verso tutto el pesse azzurro.

Ad un'ora imprecisata semo stài raggiunti da Stoini che gaveva lavorà fina quel momento su qualche nave e ...........non me ricordo se Fulvio iera zà andà a farse l'amniocentesi o iera ancora là.
Nonostante l'avvento de forze fresche non semo rivài a finir quei .zzo de vasi , alle 20.05 restava ancora due maledetti buiòi de salamoia piena de cadaverini !

Con un'atto de grande coraggio gavemo deciso de mandar a fan'c le carcasse spuzzolenti e senza lavarse le man semo partidi alla volta della "Bella Trieste" per festeggiar l'abiura collettiva al 'Consorzio' e goderse un poco de malvasia.
Alle 21.32 svodavo el mio secondo calice in quel de Paolin .

Credo de esser allergico al vin bianco , quando sòn tornà a casa parlavo senza mover la lingua e non capivo quel che disevo ....nanche la mia sposa mè capiva .
Poco mal , dopo una doccia e un calicetto de Cabernet-Sauvignon me sòn messo disteso e gò dormì come un angioletto senza sognarme de draghi o vampiri , affrontando la domenicà senza svenimenti nè giramenti de testa.

Tutto grazie ad un metabolismo più veloce della luce !

Chi invece gà un metabolismo decisamente più lento xè Story.
Lui iera sicuramente molto più in forma de noi el sabatò de sera ma tutta la Bonarda e i rossi fermi sè gà fatto vivi nel giorno de domenicà quando nell'affettatrice el nostro anfitrione gà messo el dito invezze del salame !
Non tutto el dito , solo la nocca o nokia ...boh ..non sò...
Per fortuna el "Consorzio Salt Sardon 2011" iera appena stà sciolto , sinò dovevimo anche pagar l'infortunio.

Probabilmente el prossimo sabatò faremo una riuniòn per terminar quei due stramaledetti stagnachi , stavolta però sè presenteremo da Simie Libere , senza pastoie consociative e senza alcun obbligo morale.
Considerando che gavemo anche una monkey monca sarà un pomeriggio de relax e assolutamente privo de vin bianco.
Alla fine dell'invasatura proveremo a guarìr el dedo de Sergio ..ognidun a modo suo .

Aspettando la concezione e tutti i derivati , Te saludo e Te auguro de passar delle belle serate a base de Sangiovese.
Non bever vin bianco !!!



Br1

P.S. el tuo vasetto xè stà confezionà e sigillà molto prima dell'amputazion del dedo , ...stà tranquillo !

Sandro ha scritto:آمين

...e così...sìa .


Bravo Genio !

A parte gli scontati e sentiti auguri di buon anno a tute le simmie e non... e quelli di buon lavoro al nuovo amministratore, volevo precisar e documentar, che el mio impegnativo viaggio nel continente nero xè stà motivado dalla ricerca de nuovo materiale per poder eventualmente lanciar el consorzio in una ancor più coinvolgente sfida:

I SARDONI SOTO SAL AFRICANI.

Ma nonostante i primi deludenti ritrovamenti...



palesemente troppo grandi per esser invasettadi....

e gli incoraggianti avvistamenti.....




che sembrava preluder ad un ricerca fruttuosa.....

alla fine... go' dovu' arrenderme...






... e prender atto del fatto che a Zanzibar no xè sardoni!!!

... ma se trovo el vasetto giusto... el prossimo anno vado in Scozia e provo coi salmoni... soto uisky!!!

cicio

Salve, scusate ma il consorzio è ancora attivo? Come funziona? Grazie in anticipo.

Ciacio non te ghe ga spiegado come che funziona però! Me sembrava che el sottocapo de terza fussi interessado soprattutto a quel.

Magari ghe piasesi gustar l'oro azzurro.