TOP URGENT !!!

Per una volta tanto no scherzo : chiedo se qualchedun de voi , nautici passati o presenti, gà qualche bon contatto / amicizia nella Premuda Shipping.

Sembreria che una loro nave sia arrivada a Crotone e che al momento de ciamar la manovra i se sia accorti che mancava el 1° de coverta, compagno de classe Va Capitani '92-'93 .
Se magari salta fora qualche conoscenza se riva a saver mejo cossa xè nato perchè a ciamar el centralin o l'ufficio equipaggi certo no i ghe conta al primo che arriva.

Grazie in anticipo. Saluti.

Ciao Matteo

q'che decennio fa lavoravo con la Premuda Shipp.(blenda salafossa delle miniere del Predil imbarcada alla rinfusa via mag in PFV/TRS per Crotone), ma oramai gho perso tutti i contatti.

Fose te podessi risalir tramite l'agenzia dell'armatore a TRS/VCE ecc. oppur tramite la locale CP dove sicuramente gavè le maniglie giuste.

ciao
Good luck.
Pet

Grazie per la risposta Peter.
Purtroppo la notizia podè gaverla letta oggi in prima pagina sul Piccolo, ormai i gà sospeso le ricerche e xè stada stilada una version ufficial de scomparsa in mare. Non so cossa i me poderia dir de diverso quei dell'ufficio o della Capitaneria.
Se andè nel Topic della Va Capitani '92-'93 trovè la foto della nostra "vacanza" sull'Egitto Express, dicembre '92. Roberto Agrini, ciamado de sconton "Naso" per evidenti ragioni anatomiche xè el secondo da sinistra nella fila in pie, quel vicin del Prof. Ferri .
Dopo scola non se semo visti tanto ma tutte le volte xè stado un vero piazer, se semo scambiadi i libri per gli esami e el xè vignudo a prepararse a casa mia per la patente. El iera veramente innamorado del mar e de sto mestier, con i suoi lati bei e anche con quei bruti.
Non so cossa pensar.

Saluti

In questa triste circostanza semo vicini ala famiglia e a chi che lo conossi nonchè a chi che segui con trepidazion ogni evoluzion, compreso el sotoscritto; continuemo a legger con ansia con la speranza de aver notizie confortanti in merito.

Un mesto pensiero per un uomo coraggioso.

Go avu' l'onor de conosserlo anni fa......il mio umile pensiero e' per lui!

Solo un'ultima considerazion per un amico che non rivo a pensar possi esser "scomparso" : sul giornal in sti giorni se gà letto de tutto sulle ipotesi fatte. " Tutto " significa che no i sà dove sbatter la testa, xè come quando se disi "indagini a 360°" . Tra le varie possibilità se gà scritto anche che el podessi esserse butado. Son troppo ignorante e umile per lanciarme in una discussion sulla liceità de un simile gesto dal punto de vista etico religioso e/o laico. Quel che so xè che Agro non lo gavessi mai fatto; ammesso che esisti dei motivi per toglierse la vita lui no li gaveva, iera un mulo in gamba, de là pochi giorni el gavessi rivisto la morosa, la famiglia e la sua città. Chi gà navigado sà lo stato d'animo che questo comporta, tutto l'opposto della depression.
Non xè assolutamente mia intenzion lanciar sospetti o instillar dubbi ma non voio che se accosti idee sbagliade alla figura de un bravo professionista e de un bon amico.
Saluti

matteo ha scritto:Per una volta tanto no scherzo : chiedo se qualchedun de voi , nautici passati o presenti, gà qualche bon contatto / amicizia nella Premuda Shipping.

Sembreria che una loro nave sia arrivada a Crotone e che al momento de ciamar la manovra i se sia accorti che mancava el 1° de coverta, compagno de classe Va Capitani '92-'93 .
Se magari salta fora qualche conoscenza se riva a saver mejo cossa xè nato perchè a ciamar el centralin o l'ufficio equipaggi certo no i ghe conta al primo che arriva.

Grazie in anticipo. Saluti.

Mi conoso el DPA, se vedemo ogni tanto zo a Roma co femo i soliti grupi de lavor.....ma in sto momento no penso sia el caso de ciamarlo per farme contar la storia....za me imagino el casin che starà regnando in Compagnia.....
Cmq se per sbaio lo vedo/sento sarà mia cura farme contar qualcosa de novo/utile.

Mi lo conosevo de vista dai tempi del Nautico....me lo ricordo come un mulo tranquilo e cocolo.....
Storia comuqnue sai strana....xe tante robe che no bati......

Non ho conosciuto Roberto,

posso però immaginare lo strazio dei cari di fronte al telefono.

Il coraggio e la speranza sono doti che tutti portiamo dentro.

Bruno Bonifacio

Tanto per cambiar me trovo d'accordo con Alex, con le indagini in corso no credo che nessun se sbottoneria più de tanto; no xè el momento in cui se se pol permetter de dar aria e tantomeno lo pol far un che rappresenta la compagnia ai massimi livelli. Però gò un altro pensier che me ronza in testa. In questi giorni, per telegiornale e sui quotidiani gà tegnudo banco la scomparsa de una mula padovana in vacanza a Barcelona. La storia se gà concluso nel modo più tragico e non voio assolutamentre mancar de rispetto al dolor, comprensibile ma non immaginabile, dei familiari che se vedi strappar senza motivo una fia....però, però me domando dove sia i media nella vicenda che riguarda Roberto. Non me interessa el battage mediatico alla Studio Aperto con parenti in lacrime mentre mostra le foto sul comodin ma quell'attenzion che obbliga gli inquirenti a non sottovalutar nessuna pista, i riflettori dell'opinione pubblica che giudica come vien considerada la scomparsa in mar de un nostro connazionale (concittadino per noi de Trst), che stava lavorando onestamente. Non xè forse una morte sul lavoro? Una morte bianca come che se disi de solito? Un che va in fabbrica e no torna casa gà almeno 5 minuti e un nome in tv per richiamar l'attenzion sulle condizioni in cui lavorava, sui sacrifici sostenudi, ghe spetta qualche ora de sciopero da parte dei sindacati, una pacca sulla spalla da parte de qualchedun con la fassa tricolor e robe cussì. Un marittimo italian scompari senza lasciar traccia davanti alle nostre coste e al massimo el se ritrova qualche colonna in cronaca sul Piccolo.
Ve prego de non travisar el mio discorso: mi me par solo che i marittimi stia scivolando sempre più nel limbo del dimenticatoio della coscienza collettiva. Voto ergo sum! El marittimo oggi no gà nessuna forza ne voce da far sentir, i problemi che riguarda questo settor xè oscuradi da 1000 altri comparti economici con rappresentanza numerica maggiore e anche i fatti de "nera" semplicemente sparissi.
Una volta se diseva che ierimo un paese de Santi, poeti e navigatori, me sembra che ultimamente de Santi che ne butemo fora pochetti, saria meio salvaguardar almeno le ultime due categorie .

Saluti.