Papa all'Università La Sapienza di Roma?

Ciao muloni

Per mi xe tuto 'bastanza linear nel senso che xe natural che le persone quaddentro gabbi la possibilità de scambiarse cordialmente un per de pareri , per cui se qualchedun ga opinioni diverse, sentimole.
Per el momento diria 'macchine avanti cussì'. La navigazion xe tranquilissima.
E QUA' VIEN LA LEZION:



Me sembrava doveroso butarla in valzer.

un abbraccio a tutti

Pet

Br1

Magari con l'affanno.

Br1

Fregà! Fregà anche un poco con le mie man !

L'occasion de far el salto de qualità , xe ndada a farse benedir !!! (eh! eh!)

Dovevo partir con un topic mio fin dall'inizio ! Un bel titolo emblematico , el saria stà in mezzo a quei che più sè movi e magari chi che leggi e non xè socio , lo trovava più facilmente.
Purtroppo per pigrizia mia al tempo e quella de un moderator adesso, resteremo a postar in un 'Sondaggio'!
No gà servì nanche tirar in ballo la dignità de Admin , ...semo in periferia e restemo !

Per fortuna qualchedun sè zonta lo stesso. L'importante xè scriver , legger xè facoltativo, più sè scrivi e più aumenta i passaggi de de chi ,invezze ghe piasi legger e chissà che in futuro el moderator ciclista no nè porti in centro .

Visto che el vicario da due giorni nol disi nissuna castronada , me trovo curto de argomenti , allora gò pensà, per tignir viva l'attenzion ,de far come una volta in television : L'intervallo !
Lori metteva le foto de pecore e campi , mi spedisso una foto ogni tanto , spetando che sè svei l'oracolo !

Br1

meditate gente meditate....

ss.

Dopo parleremo de gommini ,dell'amico immaginario , de far fioi , de far capriole, de far i mona , ecc. ecc.

Br1

Il giovane Woityla, corre nella Varsavia invasa dai tedeschi. Un SS lo insegue con la pistola in mano cercando di raggiungerlo per caturarlo e farlo deportare in qualche campo di concentrmento o passarlo direttamente per le armi. Karl corre, corre, corre per le viuzze della città ma l'ufficiale nazzista non molla. Ad un certo punto, nell'enfasi della fuga, il ragazzo si infila in un vicolo cieco e appoggiato contro una rete vede avvicinarsi a lui il tedesco con la pistola puntata, pronto a sparare.
Un attimo prima che l'ufficiale prema il grilletto un Arcangelo che irradia una luce divina scende e si infrappone tra i due ed esclama verso il tedesco:
"Fermo, non sparare questo è colui che un giorno diventerà Papa!" il tedesco abbassa la pistola e un po seccatiello domanda:"e io?"
"Tu dopo" risponde l'angelo.

Penso sia noto a tutti el sistema procreativo vigente in Vatican City !
Certo, procrear saria el fine ultimo!
Ben savemo che i ormoni gira!!!

Al di Quà del Tevere ,sè abbastanza normale doperar quei che podemo definir " ordegni ".

Spessissimo, i più giovani li dopera a tutta forza , con grande soddisfazion e grandi emozioni !
Certamente l'uso dei suddetti comporta un poco de rischio, per esempio , se una coppia de 18 anni (minimo de legge) ordegna una volta al giorno , ogni giorno e magari anche due , pol succeder l'imprevisto !

Per questo qualche inventor pazzo gà inventà i goldoni e dopo , un'altro ancora più pazzo.. la pillola !!!

Pazzi , ma sempre per quei che vivi al di Là del Tevere!
Infatti nissun condom xè mai stà progettà per cazzarghe dentro un arcangelo! E nissun dei chierici xè mai restà incinto !

Quindi , pazzie e in più inutili !

Ogni tanto ,un capo de quel stato , sè sveia tuonando contro le due invenzioni e guarda caso sia el primo (certo Montini) che l'ultimo xè un poco chiacchierai per certe abitudini.
Ma questo non xè un problema , a due spanne drio de mì ! El problema xè cossa far con tutti quei goldoni che stà girando !!!!
Non voleremo miga buttarli in scovazze ?!?!

Podessimo passargheli a tutti quei o quele che frequenta i maneggi !!

Usarli per uno dei scopi principali dell'invenzion ! Come antivirus !!!

Qual miglior settebello per giogarse un scopone ??

Br1

Da qualche giorno, per S.Piero in Roma, stà girando un poche de babette che vol diventar diacone, visto che la cosa stà turbando i miei vicini de casa ,in quanto ignoranti sulla definizion de diacona, gò pensà de metter zò due righe per schiarirme le idee sulla gerarchia vaticana e aver quindi un appunto a portata de man per spiegarghe al buon Roberto (el mio vicin) che diacone non vol dir sporcaccione!
Parto dal basso-basso:

1) - OSTIARIO :
Vol dir portinaio, el sona le campane , el fà la cresta sulle elemosine , el pol trombar tutte e non solo le vedove, el xè laico e tutti lo conossemo come sacrestan o anche nonzolo .

2) - LETTORE :
Anche lui laico, el porta el vangelo sull'altar e se manca el diacono el pol anche leggerlo, nol gà restrizioni sessuali.

3) - ESORCISTA :
Xè quel che prega per i fìoi prima del battesimo (catecumeni), in certi casi , come anche nei film , el prega per quei con problemi un pelin più gravi (energumeni). Sessualmente libero.

4) - ACCOLITO :
Impizza le candele, prepara l'acqua e anche el vin , el sè vesti de bianco e nero, conossù come chirichetto lui pol doperarlo come che'l vol.

5) - SUDDIACONO :
Questo xè zà più impegnativo! El pol toccar i vasi sacri e anche svodar l'acqua nel calice , mai e poi mai el vin! El gà l'obbligo del celibato, quindi xè come dir " sè pol ma non sè devi !"

6) - DIACONO :
Con l'obbligo al celibato , el diacono pol distribuir due e solo 2 sacramenti : battesimo e matrimonio. (come Ferdy cò xè a bordo !!)
Ghè spetta la lettura del vangelo, volendo el pol benedir sia le particole che la gente , el pol anche presieder ai funerai .

7) - PRESBITERO:
In dialetto "sacerdote"
Quà la promessa de celibato vien trasformada in voto de castità !
Visto che oramai el nostro presbitero gà scelto la profession , el pol dar QUASI TUTTI i sacramenti e se el xè in gamba e furbo , el pol diventar presbitero-parroco cioè , capo de una parrocchia.

- VESCOVO :
Quando gavemo tanti presbiteri e un pochi de presbiteri-parroci, gavemo in pratica un gruppo de parrocchie e l'insieme sè ciamerà diocesi!
A capo della diocesi stà el vescovo, anche lui gà fatto voto de castità!
I segni de riconoscimento per un vescovo xè : El cappel a punta o un zucchetto , un baston col manigo inverigolà, un anel ssai prezioso e una crose sul petto.
El pol distribuir TUTTI i sacramenti e in più el lavora in una cattedrale e no in una ciesa qualsiasi .
El vescovo comanda tutti i punti dal 1) al 7).

9) - ARCIVESCOVO :
Tante diocesi , cioè tanti presbiteri con un pochi de meno presbiteri-parroci e con ancora de meno vescovi, dà come risultato una arcidiocesi, nella geografia della ciesa de Roma , queste arcidiocesi podessi esser come le regioni de quel che resta dell'Italia, per esempio, Tondo saria un'arcivescovo .

10) - CARDINALI :
I cardinali xè veci vescovi che gà fatto carriera. De questi , circa 120 , con la testa ancora abbastanza a posto , pol elegger el papa.
Dopo xè un'altra cinquantina , ultraottantenne, con la testa non tanto a posto che non pol elegger niente.
Per diventar cardinal , l'arcivescovo devi esserghe ssai simpatico al papa.

11) - PAPA :
El capo-vicario, rappresentante del NON NOMINABILE in terra.

12) - NON NOMINABILE ( nominarlo xè contro uno dei dieci comandamenti) .A capo de tutti, dal punto 1) al punto 11) !


N.B. Voto de castità significa che tutto quel che stà sotto la panza servi solo a far pipì e pupù e devi esser tignù pulito.

Br1

... Ciacio... te me ga lassà senza parole!!! veramente una relazion coi fiocchi... e penso de poder inquadrar questa tua approfondita conoscenza nel famoso adagio "CONOSCI IL TUO NEMICO" o no?

cicio

Pol esser poco importante ma a mi me piasi!

Tra uno stato nostro vicino e uno stato a noi lontano,per modo de dir, sè stà svolgendo un braccio di ferro!

El capo de stato vaticano , tedesco , gà chiesto al governo israelian de scancellar una didascalia da un 'immagine .

L'immagine xè quella de pioXII ,primo papa apparso in TV.
La diatriba , sè volemo ciamarla cussì , xè basada sul fatto che i israeliani-giudei , ve ricordo che israele xè un stato teocratico come la Persia (o Iran), sotto un'immagine de pio pacelli gà scritto che, all'epoca , el pacelli non gà fatto un beato niente per contrastar le leggi razziali, con conseguente invio de una moltitudine de gente in camera a gas.

Certo che quà non sè parla sè gà ragion i chierici o i rabbini , visto che xè un discorso tra due stati con una costituzion a mio avviso ben delirante, quà xè de capir perchè i ebrei non vol scancellar la scrittina !

Xè noto che el nostro Cristo vien visto nelle consuetudine giudea , fìo de un soldato e de una prostituta, però xè anche vero che per l'Islam el stesso Cristo xè un profeta.
Quindi diria de lassar perder le varie interpretazioni , savendo che tutti quei ambulanti che vendi statuine intorno piazza san Piero xè de religion ebrea (leggi monopolio)e quindi almeno lori non la pensa cussì (vitello d'oro).

Tornemo a pio!
Prima de diventar papa, el nostro và a far un per de Concordati uno con Mussolini e uno con el terzo Reich , per chi che non lo sà ,el Concordato xè una specie de contratto dove un governo sè metti d'accordo con el vaticano per un certo dare e un certo avere.
De solito el dare vol dir un mucio de bori ai preti, l'avere xè che no i rompi tanto le balotte!
I patti lateranensi xè stà un concordato , dopo xè stà altri e alla fine i preti non gà mai pagà l'ICI !
Allora , Pacelli fà l'accordo con i nazi (quei veri!), probabilmente el saveva dei campi de sterminio molto prima dei alleati , xè l'unico pontefice a impor l'infallibilità del papa nel ventesimo secolo , per dichiarar veritiera l'assunzion (pregnanza) de Maria e metterghe sù un dogma!
El suo più grande peso sul stomigo ,iera i comunisti, per cui li gà scomunicadi tutti !!!
Xè quel che sè gà fatto contar i segreti de Fatima da suor Lucia e lui gà deciso che el terzo devi restar segreto!
Nel '56 a causa de una gastrite , el vicario riva al punto de morir e allora el vedi Gesù che non lo vol in paradiso e lo guarissi, non xè una cazzada, xè stà riportà sul'Osservatore Romano la notizia dell'apparizion !!
El mori nel '58 e Pasolini ghè scrivi una poesia che merita legger, però dovè zercarvela !!

Come finirà la disputa sulla didascalia??
El papa attuale andarà lo stesso tra i mercanti del tempio o cercherà de invader israele con le guardie svizzere e finalmente ripulir la memoria del pacelli ??

Br1

Chiarezza anche sulle strutture, ma dovè sempre ricordarve che l'Innominabile xè onnipresente !

1)- NICCHIA : Un buso intel muro con dentro un'immagine o una statuetta, immancabile la cassettina per le offerte.

2)- EDICOLA : Xè quelle piccole costruzioni che podè veder in montagna o a bordo delle strade.
Dentro vien messe statuine o quadretti con i fiori
Fora , spesso sè mastruzza qualche auto , anche fora fiori!

3)- CAPPELLA : Questa xè una piccola ciesa de solito fatta sù con i bori de un privato. Pol esser costruida anche dentro un'altro edificio, per esempio un ospedal , in stò caso , la messa la poderà celebrar solo el presbitero e mai un primario o un chirurgo.

4)- BATTISTERO : Un edificio vizin la ciesa , a volte anche dentro la stessa , dipendi dove passa i tubi dell'acqua.
Scopo del battistero xè quel de ospitar el sacramento del battesimo e niente altro .
Spreco de material e de energie visto che l'inventor del battesimo , tal Giovanni Battista , sè rangiava in un fiume !

5)- PIEVE : La normale ciesa , in una zona dove xè presenti edicole e cappelle e la gente che le frequenta non riva star più dentro , allora vien costruida una pieve , utilissima contro le intemperie e de solito un poco decentrada.

6)- SACROMONTE : un isieme dei punti 1-2 e 3 forma un percorso per processioni e vien ditto sacromonte.

7)- SANTUARIO : Una ciesa dedicada a un santo e solo a lui !
Un esempio xè el formaggin de Monte Grisa , ma non xè ditto che tutti i santuari devi esser cussì ingombranti!

- CATTEDRALE : Grande ciesa con dentro la cattedra del vescovo. Infatti xè l'ufficio del nostro porporato.
La cattedrale comanda tutto , dal 1 al 7.

9)- BASILICA : Grandiosa ciesa dove sè pol far riti speciali e tutto nel più grande sfarzo.
Un matrimonio celebrà in una basilica xè ssai più bel de uno fatto in una pieve!
Per aver el status de basilica , bisogna domandarghe al papa.

10)- DUOMO : La ciesa più importante della città, un bel esempio xè el duomo de Piran , più grande de tutta la cittadina.

11)- MONASTERO : Costruzion grandetta , isolada , una specie de bed and breakfast per frati o monighe

12)- CONVENTO : Vedi monastero , sola differenza che el pol esser anche in centro città.

13)- ABBAZIA : La sè distingui in due versioni , una l'ABAZIA xè per i frati e comanda un'abate, l'altra la BADIA xè piena de suore e comanda la badessa. Xè un piccola città , solo con qualche limite.

14)- COLLEGIATA : Una ciesa importante dove vivi i canonici , in pratica una parrocchia strapiena de preti .

Altri edifici non me vien , a parte el seminario ma su questo non voio sbilanciarme.

Br1

vedemo a cossa che servi tuta sta roba...

comincemo dall'inizio... se vardè in alto, sora la ciesa, xè el stemma del vaticANO... un capel de vescovo con do trinelle che pica.. una per parte... se adesso vardè con atenzion... vederè che le trinelle xè fate come una letera Y ribaltada... de una parti due.. de due quattro.. e via cussì.

Y... anagramma perfetto de L'IPNOSI... che sia un caso??? vedemo...

purtropo adesso me toca farve un disegneto... farà schifo... ma ne iuta...

-----------
I I
I I I I
-----------

se ciama MU TZE', e prima che Mao cancellassi 5.000 ani de storia e tradizioni cinesi... molti saveva che questo ideogramma (un omo e una dona che bala tra el ciel e la tera) iera el simbolo de la magia bona.

Ora... se lo ribaltemo sotosora... per la regola degli inversi... diventa de fatto el simbolo de la magia cativa, ma... l'omo e la dona... diventa DUE Y!!! ... e ancora... (sempre casi ovviamente)... se legemo DUEY al contrario (i massoni sa ben de cossa che parlo) DUEY diventa YEUD!!! proprio el nome del onnipotente sul vecio testamento....

A proposito de leger al contrario... se trovè grammaticalmente inaccettabile che el giornal se ciami NEW YORK TIMES (saria giusto TIME)... leto al contrario... ve spiega chi che xè el paron!!!

dai su... adesso vedemo chi che xè bravo a trovar altri "casi"... ve garantisso che ghe ne gavemo un casin soto i oci ogni giorno...

un aiutino??

SILVIO BERLUSCONI = SONO VIRUS BELLICI

cicio

Mio esoterico e numerante Cicio,
penso che te pol partir con i "zaffiri" e la cabala, magari anche qualche passo sui codici de sion.

Sul golem butterò qualcossa mi , magari domani.

Cussì non sè pol dir che semo a senso unico.

Br1

Se andè a Praga , in visità alla città e non alle cittadine , quasi sicuramente capiterè nel quartier ebreo , con el più importante e antico cimitero giudeo , un palazzo con l'orologio che gira alla riversa e propio difronte a stò palazzo vederè la sinagoga Staronova !!

Cossa centra questo in un topic del papa ? Niente ,servi solo a rilassarme prima de commentar le dichiarazioni odierne del nano sulla scola !

L'eroe de turno xè un certo rabbino Jehuda Löw , eclettico, intraprendente , avventuroso e anche grande matematico !
Una volta , semo tra 1500a.c. e 1600a.c. nel bellissimo castel de Praga , durante un ricevimento de Ludovico I de Asburgo , el rabbino gà proiettà con una lanterna magica (originale) tutti i ritratti dei antenati del imperator , come se fussì una procession . Podè immaginarve la paura per quei nobili ,ma anche ignoranti , nel veder tutti quei fantasmi che stava intorno la tavola !! Infatti la festa xè finida con un'incendio nel castel a causa del fuggi-fuggi generale!!

Altra grande impresa del nostro Löw , xè la creazion del golem , anzi de tanti golem!

Con el fango del fiume , Jehuda e altri due amici, modella una statua a forma de omo . Seguindo le regole delle sefirut ( praticamente i 10 nomi o attribuzioni del onnipotente ebreo), con calcoli che xè specifici della cabala , scrivendo qualcossa sulla fronte della statua e zigando numeri girando intorno alla stessa , la statua diventa viva !!!!

Un vero automa al servizio del rabbino!

Unico difetto , i nostri golem cresseva sempre e allora quando i diventava ingombranti , Jehuda ghè cambiava la scritta sulla fronte , per esempio se el scriveva "morto" , el gigante tornava a diventar semplice argilla.
I golem serviva più che altro a difender i giudei da tutte le malegrazie che ghè fazzeva quei pestiferi de gentili , una specie de guardie del corpo .

Un brutto giorno, o per aver sbaglià de dir qualche numero o per la dimenticanza de una sefirut , vien fora un golem imbriagon e manesco .
El mato và in giro spacando tutto quel che el trova e bastonando la gente.

Quando ghè riva el conto per i danni , el rabbino rientra nella mentalità della sua gente :

- Ma porca miseria , tutti sti bori per i danni fatti da quel matòn del servizio de sicurezza , no...no non convien , meio subir le angherie e ciapar scopeloti dai gentili che buttar i soldi dalla finestra!! Che tutti i golem vadi a farse ciàvar !!!!

Ditto fatto , tutti i golem che vanzava, dopo averghe scritto sulla fronte " standby " , xè stai sconti nella sufitta della sinagoga che vè disevo prima , e dopo trecento anni i xè ancora là!



Se andè al cimitero ebreo , de Praga, podè metter qualche pieretta sulla lapide del rabbino Jehuda Löw , non fiori , non sè usa.

Br1

... se veramente el ga el 68% de consensi... perche' nei telegiornali lo vedo sempre con 8 guardie del corpo?

cicio

Perchè quei altri 60 và a tormentar Genio !!

Br1

Adesso tocca ai preti metter zizzania tra i studenti !!!!!

Br1

Anche in Vatican City bisogna timbrar el cartellin!
Vescovi e arcipreti doverà far quadrar i orari de presenza, 'zzi brutti per i gesuiti e i comboniani che xè sempre in giro.

Strenta a tutto el personal vatican, dalla più mona guardia svizzera al bellissimo Gaenswein, tutti doverà timbrar e non solo , i doverà anche render conto de quel che i fà!!

La meritocrazia entra de prepotenza al di là del Tevere!
Sulla scia de Brunetta??

No..no credo, come no credo che el nano-nano sia sia stà in grado de inventarse, da solo ,tutte quelle puttanade sui assenteisti ,malaticci ,mammoni e paraculi dei statali.

Per far lavorar i preti e i ministeriali , ghè vol una mente più perversa ( sempre che nel teston dell' idrocefalo ghe sia una mente ) un' intelligenza patriarcale , autoritaria e quel giusto pelin , deviada.
Visto che xè rispuntà Licio Gelli , diria che sè podessi cominciar con le scommesse.
In passato el iera ben inserì in vaticano,( su Marcincus un'altra volta) professor del cavalier , profondo conoscitor de banche e affini , disinvolto nel risolver i problemi.

Se no ghè becca un colpo, come stava capitandoghe a Giulio , durante una trasmission, forsi gaverò un'altro
Dejà Vu tipo banco ambrosiano con annessi e connessi (vedi ponte dei frati neri in London)

Fantapolitica !!!

A memoria d'uomo... e anche de elefante... l'unico e solo caso in cui lo IOR gà messo la man in scarsela... xè proprio quel del Ambrosiano... 250 milioni de dollari dell'epoca messi su la tola... con la precisazion de Marcincus:
"E da adesso non ne parliamo più!!!" .... voi rivè imaginarve quanta merda doveva esserghe drio el ponte dei frati neri?? del resto... ricordo come fossi ieri quando el bel arcivescovo, parlando dello IOR de cui el iera presidente el gà dito testualmente: " LO IOR, è l'istituto per le operazioni INCOFFESSABILI del vaticANO "...

savendo che per l'inquisizion i ga chiesto scusa... cossa cazzo pol essere le opere incoffessabili???


qui cicio da Bacau... a Voi studio!!!

Ieri Obama , oggi Batman e domani ??

Pitura Freska