FOTOGALLERY

CHE FIGO CHE IERA EL LUI .......

Mi iero ancor a picio, ma gavevo le bave.
CHE FIGO CHE IERA EL LUI ........

Bei tempi caro Ciacio. Mi per ciorme el Ciao, son andà a portar le guide telefoniche. Quindici giorni de lavor e via col motorin.
Deso se fa i lising e dopo no se riva pagar.

Adesso el fà un poco de rider , ma questo xè stà el mito de tutti noi ex undicenni ... el Ciao !(nella foto un model recentissimo e super lusso !)

Passar dalla bicicletta al motor , nel rion del Re , iera quasi obbligatorio.

Per chi che vien de fora , el rion del Re xè San Luigi e Chiadino ,quindi via Marchesetti o via dell'Eremo , comunque salite !!!

El Ciao xè anche stà el primo motorin che sè podeva guidar a 14 anni , se non consideremo el Motom !!
Portar guide del telefono o zuccar caretti de bastoni iera giusto e appagante !
Per saver cos'che sè vol , no servi esser maggiorenni !
Magari .., visto che son de poco maggiorenne , ve manderò la foto del passo successivo ... la 125 !! (altro traguardo !)

[img]https://nauticots.forumattivo.com/[/img]

Anche mi go dovesto far un per de lavoretti estivi per ciorme el motorin e siccome el Trotter costava q'che mille lire de meno rispetto al Ciao e che el me piaseva troppo lo go ciolto 'R O S S O' (che el Ciao noi lo fazeva in quel color)

Moto Guzzi Trotter 40 CC detto anche "Biciup" con portapacchi anteriore e posteriore (una ficheria!!! per quela volta)

Dati tecnici: Motore a due tempi, Cilindrata 40.85 C.C., Carburatore: dell'orto 14:9, Potenza CV 1.23 a 5000 giri al 1'.

Bei ricordi de gite fora porta in clapa coi motorini fino ...oltre Monfalcon e a forza de 1 litro de miscela alla volta in distributor per no sprecar i soldini tutti in una volta.......

Altri che ga de dir q'ssa sui cinquantini??? che dopo giustamente passemo alla categoria superiore.
ciao

Angelo xè quel che , dopo, xè diventà marì de Marina che a sua volta xè diventada collega de Genio e così via....

In tutti due i casi no batti i colori , el mio 'Lui' iera verde , la 'dl' de Angelo iera bianca .

16 anni , patente , targa e ormoni sottosora !

El sogno iera questa




el 90 SS bella come el sol , svelta e grintosa . Unico neo , con due lire de più se podeva aver la 125 , più potente, più veloce ma anche più banale.

Una sera de agosto , mi e mio fradel semo andai in stazion marittima a cior el vecio che rivava con una bianca, no me ricordo se iera l'Europa o l'Africa.
La nave doveva far bacin cussì el genitor gaveva un pochi de giorni liberi e quindi de ottimo umor!!
Contento vederne rivar in gambusa el vecio caminava a una spanna de terra, una stecca de sigarette per mio fradel (lui gaveva 10 anni de più) e carcioffini e cipolline per mì !
Con la 600 tutti e tre gavemo fatto un giro per città , due angurie in canal , una birra al Dreher e dopo a casa .
Una delle rare zene con tutta la famiglia in tavola , atmosfera ottima e mì la gò buttada :

"Scolta papà , gò ancora un mese e mezzo de vacanza da scola , te me trovi un posto de facchin con Ligabue per poder far sù un pochi de soldi ?"

-" E per cossa te servi stì soldi ?"

"Perchè stago per far 16 anni , volessi far la patente e ciorme una vespa con la targa !"

Una ventina de secondi de silenzio , mia mamma che comincia a rider , mio fradel Gianni che dopo la birra e tre biceri iera tutto rosso , mì coi aghi nel cul e allora... mio pàre gà ditto:

-" Bon và ben , visto che te vol far el facchin , te farà el facchin , per la vespa parleremo !"

E cussì gò lavorà un mese per Ligabue , me ricordo quei ..zzo de sacchi de farina Manitoba sù per le scalette del 'Colombo' , credo che i pesava più de 50 chili !
Alla fine gavevo giusto i soldi per un acconto della vespa , fortuna che xè rivà un telegramma per mia mamma da Capetown che diseva :

-" Bravo - facchino - adesso - scuola - compra - vespa "

Cussì a circa metà de ottobre giravo con la vespa, no la 90 SS , ma el 125 'Primavera'



Grazie sior Rico !!!

GiordanoBr1

..el 90SS me piasi ancora adesso !!!

Peter ha scritto:
Ciao a tutti/e

Stà foto me gha fato andar 'ssai indrio nel tempo. Penso che semo nei primi anni '60.

ciao
Piero

Ma ve ricordè quando la 30 e la 24 passava per Cavana?
Gavè mai provado adesso a passar per la e cerccar de capir come funzionava el traffico in doppio senso da quele parti?

][/url]



lo stesso me riessi difficile creder che passava per Cavana

[img][/img]][/img]



BMW R45 - Un do riode che gho ciolto nel '79 e che me gha da' 'ssai soddisfazioni girando per mezza Europa + Scotland, isole e penisole varie del Mediterraneo and so on.

Dato tecnici BMW R45:
Modello o restyling prodotto dal: 1978 al 1988
Categoria: Moto stradali e naked
Tempi: 4
Cilindrata: 475 cc
Numero cilindri: 2

Potenza: 35 CV (25,76 kW) Velocità dichiarata: 160 km/h Coppia massima: 37,5 Nm a 5500 giri/min Peso a secco: 205 kg Trasmissione: a cardano Raffreddamento: Aria Freni: Ant disco - Post tambu Classificazione antinquinamento: euro 0 E pensar che la gho vista - PROPRIO ELA - ancora perfetta l'anno scoso posteggiada in Via Rossetti e sembrava........ che la me saludassi. Una commozion.

quel che vedè.... xè cascà in un per de ore... se continua... stasera 'ndaro' casa co la slitta!!

Beati voi... al calduccio a festegiar CRAXI!!!

cicio

Betty , xè ndà
diese anni fà

Ben Ali gà ingrumà
i bori che el gà portà

Chi oramai nel cul lo gà
la sorella ringrazierà



Ano Nimo

..quando sè podeva romperse i ossi pel Carso !

Lo doperavo solo de sabato mattina con altri tre scantinài come mì .

Un Ktm , un Hercules e un altro Puch , cinque litri e mezzo al 4% da S. Luigi - Botazzo - Slivia , con la targa in scarsela , tutto per i grembani e solo attraversando le strade , per capirse.... iera in costruzion l'autoporto de Fernetti con due discriminanti* de panico!
Ritorno per strada.
Diverse volte ..mezzo ritorno !!!

110 km/h zò per via dell'Eremo e 110 km/h sù per via dell'Eremo .

Lo gò sacrificà per una Giulia Super 1.6 !!!

Son stà proprio mona !!






Bruno Giordano

* "discriminante" xè una salita o una discesa , dipendi da che parte sè la guarda !

Sto anno per la crisi i disi che xe anda' in ferie un italian ogni quattro, me sai dispiasi per quei che xe restadi a casa ma mi fedele alla mia grande passion anche sto anno son partido con la mia barca a vela per la Dalmazia e ve allego alcune foto. Se per caso qualche altro ex nauticense ga anche lui la mia stessa passion me faria sai piazer condivider le nostre esperienze.

P.s: per le foto dove' spetar che torno a casa perche' non so ancora come inserir le foto nel forum con android, graditi suggerimenti o guida a p.d.m.