FOTOGALLERY

Ciao a tutti/e

Stà foto me gha fato andar 'ssai indrio nel tempo. Penso che semo nei primi anni '60.

ciao
Piero

... quela davanti al colonnato de la camera de commercio... xe' la 17... la mitica filovia che per 5 ani me ga' porta' su e zo' per vignir al nautico.. curioso... za' a 14 anni... lassavo l'universita'... per vignir al Nautico...

cicio

Questa lettera era fra le varie carte a casa di mio bisnonno che in eredità mi ha lasciato la sua cassa da carpentiere con tutti gli atrezzi dell'epoca che qualche volta uso ancora.

saluti

s

Story,

a conferma che 'el frutto no casca lontan dall'albero'.

ciau
Pet

gnanca una foto de la Andrea Doria... ghe tegno particolarmente visto che la xè afondada ESATTAMENTE, giorno mese anno e ora ... de quando che son nato mi!!! Credendo ne la reincarnazion saria de pensarghe...

cicio

Eccote quà , Cicio nella sua vita precedente che stà superando el "Conte Biancamano" in mezzo l'Atlantico !

... scusa la lingua un poco impastatada... ma visto che go pena compra' l'alcool test (professionale!!!)... me stago imbriagando in nome della scienza...

Intanto posso dirve che un bicerin de rum... de quel giusto... compra' ai caraibi... fa 0.20 quindi... YES WE CAN!!!

Adesso ghe meto sora do biceri de merlot... e magari... doman matina ve' so' dir....

Desso... no steme dir che no me preoccupo per la zena de venerdi'!!!


Cicio

Te vanzi un spritz !!


Br1

Perchè Ruth ?

Per moltissime ragioni :

Xè uno dei due cani de Cicio , specializzada nella ricerca del tartufo ,sfigada in quanto al momento ,el territorio de caccia xè alquanto avaro , la pol esser de grande aiuto nella pesca delle capelonghe !
Essendo un can con grandi possibilità commerciali , usualmente el vien comprà a chilo !
Ruth gà costà 150 € al chilo !!
Altro elemento de spicco nella muta del nostro Ciccio xè 'Duca' , can sempre impizzà e bravo fotografo !!
Spetando una foto del can erotomane e artista , chiedo scusa a Biofa per el 'movimento'.

Br1

..anni fà , andavo al Golf Club de Padriciano !

Naturalmente , conossevo tutte le cunette, i green e i vari ostacoli sul percorso !
Immagino che tutti voi savè giogar a golf , i driver , i ferri , le ballette gialle se neviga e la magia del pat in green !

Bon , nel 1968 , mi andavo in quel ..zzo de club, pien de enormi teste de ..zzo , a far el caddy !!

Cossa xè un caddy ??

Xè un coioncello de nanche quattordici anni che porta el carretto con dentro i bastoni che servirà per darghe zò alla bala e in più , guarda dove và a finir la bala dopo che el testa de ..zzo de giogador la gà bastonada !
Considerando che una partida de golf , consisti in 18 buche , vol dir due giri del club , a pìe con el carro de zucar e ogni volta che el stronzon el tira , guardar dove che finissi la bala , el tutto per un periodo medio de quattro ore !
Retribuzion per una partida £ 1000 .

Palestra de vita!!

Al 8 settembre del 1969 , gavevo messo da parte 102.000 lire , fè voi quanti giri del club gavevo fatto !
Però gavevo i soldi per comprarme el motorin !! (naturalmente usato!)

Due giorni per combinar l'affar , mandar a fan'culo i merdoni de club , convizer Mamma e Papà che son in grado de guidarlo e..... per el mio 14° compleanno giravo con el mio Lui !




La foto vien da qualche buso de internet , me la gà spedida un amico che conosseva la storia de Lui.
Almeno quà la trovo sicuro , se la metto in qualche cartella xè matematico che la perdo ! (Xé LUI)

Br1

CHE FIGO CHE IERA EL LUI .......

Mi iero ancor a picio, ma gavevo le bave.
CHE FIGO CHE IERA EL LUI ........

Bei tempi caro Ciacio. Mi per ciorme el Ciao, son andà a portar le guide telefoniche. Quindici giorni de lavor e via col motorin.
Deso se fa i lising e dopo no se riva pagar.

Adesso el fà un poco de rider , ma questo xè stà el mito de tutti noi ex undicenni ... el Ciao !(nella foto un model recentissimo e super lusso !)

Passar dalla bicicletta al motor , nel rion del Re , iera quasi obbligatorio.

Per chi che vien de fora , el rion del Re xè San Luigi e Chiadino ,quindi via Marchesetti o via dell'Eremo , comunque salite !!!

El Ciao xè anche stà el primo motorin che sè podeva guidar a 14 anni , se non consideremo el Motom !!
Portar guide del telefono o zuccar caretti de bastoni iera giusto e appagante !
Per saver cos'che sè vol , no servi esser maggiorenni !
Magari .., visto che son de poco maggiorenne , ve manderò la foto del passo successivo ... la 125 !! (altro traguardo !)

[img]https://nauticots.forumattivo.com/[/img]

Anche mi go dovesto far un per de lavoretti estivi per ciorme el motorin e siccome el Trotter costava q'che mille lire de meno rispetto al Ciao e che el me piaseva troppo lo go ciolto 'R O S S O' (che el Ciao noi lo fazeva in quel color)

Moto Guzzi Trotter 40 CC detto anche "Biciup" con portapacchi anteriore e posteriore (una ficheria!!! per quela volta)

Dati tecnici: Motore a due tempi, Cilindrata 40.85 C.C., Carburatore: dell'orto 14:9, Potenza CV 1.23 a 5000 giri al 1'.

Bei ricordi de gite fora porta in clapa coi motorini fino ...oltre Monfalcon e a forza de 1 litro de miscela alla volta in distributor per no sprecar i soldini tutti in una volta.......

Altri che ga de dir q'ssa sui cinquantini??? che dopo giustamente passemo alla categoria superiore.
ciao

Angelo xè quel che , dopo, xè diventà marì de Marina che a sua volta xè diventada collega de Genio e così via....

In tutti due i casi no batti i colori , el mio 'Lui' iera verde , la 'dl' de Angelo iera bianca .

16 anni , patente , targa e ormoni sottosora !

El sogno iera questa




el 90 SS bella come el sol , svelta e grintosa . Unico neo , con due lire de più se podeva aver la 125 , più potente, più veloce ma anche più banale.

Una sera de agosto , mi e mio fradel semo andai in stazion marittima a cior el vecio che rivava con una bianca, no me ricordo se iera l'Europa o l'Africa.
La nave doveva far bacin cussì el genitor gaveva un pochi de giorni liberi e quindi de ottimo umor!!
Contento vederne rivar in gambusa el vecio caminava a una spanna de terra, una stecca de sigarette per mio fradel (lui gaveva 10 anni de più) e carcioffini e cipolline per mì !
Con la 600 tutti e tre gavemo fatto un giro per città , due angurie in canal , una birra al Dreher e dopo a casa .
Una delle rare zene con tutta la famiglia in tavola , atmosfera ottima e mì la gò buttada :

"Scolta papà , gò ancora un mese e mezzo de vacanza da scola , te me trovi un posto de facchin con Ligabue per poder far sù un pochi de soldi ?"

-" E per cossa te servi stì soldi ?"

"Perchè stago per far 16 anni , volessi far la patente e ciorme una vespa con la targa !"

Una ventina de secondi de silenzio , mia mamma che comincia a rider , mio fradel Gianni che dopo la birra e tre biceri iera tutto rosso , mì coi aghi nel cul e allora... mio pàre gà ditto:

-" Bon và ben , visto che te vol far el facchin , te farà el facchin , per la vespa parleremo !"

E cussì gò lavorà un mese per Ligabue , me ricordo quei ..zzo de sacchi de farina Manitoba sù per le scalette del 'Colombo' , credo che i pesava più de 50 chili !
Alla fine gavevo giusto i soldi per un acconto della vespa , fortuna che xè rivà un telegramma per mia mamma da Capetown che diseva :

-" Bravo - facchino - adesso - scuola - compra - vespa "

Cussì a circa metà de ottobre giravo con la vespa, no la 90 SS , ma el 125 'Primavera'



Grazie sior Rico !!!

GiordanoBr1

..el 90SS me piasi ancora adesso !!!

Peter ha scritto:
Ciao a tutti/e

Stà foto me gha fato andar 'ssai indrio nel tempo. Penso che semo nei primi anni '60.

ciao
Piero

Ma ve ricordè quando la 30 e la 24 passava per Cavana?
Gavè mai provado adesso a passar per la e cerccar de capir come funzionava el traffico in doppio senso da quele parti?

][/url]



lo stesso me riessi difficile creder che passava per Cavana