La "riforma" Gelmini

.... vado a meter su i capuzzi... col schinco...

e a proposito de che morte morimo... forsi de colesterolo???

cicio

Bravo Cicio , vedo che de venerdì te diventi "osservante"

Br1

... xè lunedì!!! inizia una nuova settimana e un nuovo mese scolastico... dificile... veramente dificile rivar a preveder cossa che succederà... tuti bravi?? tuti de novo a scola come se no fossi sucesso gnente? o casin a oltranza?

vero xè che nonostante le "annunciate" provocazioni del nuovo duce, le manifestazioni de la settimana scorsa ga avù un caratere prevalentemente pacifico... ma altrettanto vero che col pacifismo... i risultati concreti che se pol vantar... xè veramente pochi... e secondo mi... evocar l'esempio de Ghandi nell'italia de oggi... xè fantascenza...

saria come schizzarse el naso, su la vetrina de la gelateria pieni de fame... e guardar de bruto quei che dentro magna come assasini... secondo mi... sarà dificile che el gelato ghe vadi per traverso!!

Trovo sicuramente giusto chieder finalmente rigore, moralità, sacrifici e... etica nella finanza... ma credo che chi che lo chiedi... dovessi dar (almeno nelle apparenze) el buon esempio!!!

Ma se sà... mi son mona e me nutro de fantasie... e de schinco coi capuzzi..

cicio

sarà un'ottima giornata ! S.Giusto , uno de quei giorni in cui vien fora tutta la mia componente cattolica!
Per i studenti & c. sarà un giorno de damer e cussì anche per i piloti , i assistenti e tutti quei che vivi fora de Trieste!

Del resto, se leggendo in giro, xè gente che discuti ancora se la "Gelmini" xè giusta o no , significa che siamo in alto mare, quindi el paese stà ben cussì!!
Non xè un popolo che reagissi , i sè lassa viver e non vedo perchè dovessi preoccuparme mì , non guido aroplani , no gò fioi che andava a scola e non gò mai comprà azioni.

Ben.. no?

Con quel schinco te mè gà messo la voia indosso , adesso vado a digerir la jota e stasera me sbrano el ginocio!!

Br1

'Giorno... 4 e meza de matina... e come sempre... caffe' cicca... e zervel impiza'...

alora??? tuto finido??? tuti boni come brave pecorelle de novo a scola??? complimenti!!!!!

un'altra bona occasion butada nel cesso!!!

vede' che a la fine ga' ragion el nano a considerarne i sui sudditi... e farse allegramente i cazzi sui...

sento za' i vostri commenti... " no podevimo far altro... a scola bisogna andar!!!"

cazzade.... proprio la xe' el punto!!!!!

visto che la protesta in piazza... o pezo in ocupazion no podeva andar avanti all'infinito... la risposta iera molto semplice... TUTI CASA... A OLTRANZA!!! e se anche se perdeva un anno... mejo un anno che el fututro intiero!!!
Gnente piazza... gnente cortei... tuti casa!!! quindi: gnete provocazioni... e gnente belle immagini de manganellade da mandar in onda nei TG... solo scole svode coi prof che se grata i cojoni... per la gioia de brunetta

Inoltre... gaveria proprio volu' veder che cazzo che gaveria dito l'Europa... dopo un paio de mesi de scole e universita' deserte... pareria che Almunja... guarda sai poco canale 5.. e de conseguenza nol resta tanto incanta' dal sorriso del nano!!!

... e gaveria comincia'...proprio da le elementari.... dubito fortemente che i gavaria manda' i carabinieri "door to door"

ma ancora una volta...gavemo dimostra' che nisun de noi xe' disposto a rinunciar a gnente se non a quel che ghe vien RUBA' per decreto legge!!! ...evidente... se tignimo i fioi a casa... no podemo lavorar tuti come mussi per andar dopo a far le file in autostrada o per far la coda nei centri commerciali... la scola... xe' un alibi perfetto!!!

Per fino i americani... popolo dal cervel omogenizzato da anni, ga' riva' sveiarse dall'ipnosi e dar prova de esser un popolo.. ma noi noooooo!!! noi semo una accozzaglia de FIGHI... che sbassa la testa... ma con grande dignita'...e con sguardo mai domo pensa: "CAZZO CHE FIGHE STE MIE SCARPE NERO GIARDINI!!!"

cicio

Devi esser proprio l'aria , la causa del rallentamento mentale dei sudditi dell'Unto !
Sè Biofa alle 4 e mezza de mattina , bevendo caffè e fumando , spiega l'unica forma de protesta efficace per le future generazioni e quà nel paese delle scovazze nissun gà mai accennà all'auto sospension dalle lezioni , significa che xè una question de ossigeno al zervel !!

Poco attuabile per un fattor de teste , de aria e anche per legge, xè l'unico modo per metter in vera crisi el sistema , vien a mancar l'obbiettivo politico e anche economico del governetto.

Le elementari e le medie xè scole d'obbligo , per tignir a casa la muleria ghè sè vol un giustificato motivo , quindi segmento dell'istituzion quasi intoccabile!

Totalmente differente per Superiori e Università !
Da quà vien fora le nove classi dirigenti , la manodopera specializzada ecc. ecc., però in stà zona della formazion non xè l'obbligo della frequenza , e se i studenti no frequenta significa che : No paga le rette , no compra libri e no fà mover tutti quei bori che el terziario vampiro fagocita sulla schena dei genitori dei rampolli!
El problema diventa importante visto che vien a mancar lavor per i schifosoni che gestissi le machinette delle merende, le case editrici và a remengo perchè ghè resta sul stomigo tutti quei libri con i prezzi ipergonfiai, fallisi tutti i fotocopisti e i cartolai , Mamma Rosa (siora) chiudi ,el Nautico no incassa le iscrizioni ! (ecc. ecc.)
In un'anno , invezze de veder protestar solo i studenti , trovemo tantissime categorie che esigi una scola funzionante !

Bon ..., me son sveià , e l'aria xè sempre la stessa .

Br1

Tempo fà , sè parlava de chiuder le scole tecniche per dar vita a una serie de licei .
El mondo industriale , spiegava che el paese gaveva bisogno de tecnici e che Moratti e Fioroni podeva andar a scarigar angurie .
Xè rimaste le scole tecniche !

Dove podeva trovar el governo i bori per mantignir tutte quelle troiette che stà girando , visto che le scole superiori non sè podeva tanto toccar ?
Ma più in basso , partindo dalle elementari !
Mandar via i precari , dimezzar i maestri de ruolo con un'annetto de tirocinio , eliminar i maestri de sostegno e far classi de trenta alunni !
Tutto el contrario de quel che succedi nel mondo civile e non !
Tutti i edifici scolastici de recente costruzion , o i vien zò con un colpo de vento, o le aule xè fatte per un massimo de venti scolari.
Ma se i scolari diventa trenta , tornerà de moda scole antiche con spese non indifferenti per metterle a norma .
Considerando che, el riparmio dei stipendi per el corpo insegnante riva a malapena coverzer le spese della benzina consumada, nella stagion estiva , dai aeromobili dell'aeronautica militare per portar carne fresca in Sardegna , tutte le spese aggiunte và in culo al contribuente medio , lassando star quel che và in culo delle figliole più fortunade del suddetto contribuente.
Fazzendo due conti , tutte le spese per render agibili le scole , le mense , i buoni libro , i gessi per la lavagna , le pulitrici delle aule , xè tutto in perdita!
Ecco la soluzion del ministro dell'istruzion , laureada a Catanzaro ( chissà come mai !?!?)...ma convinta nordica.

Eliminemo un pochi de scolari !

Stà rivando l'epidemia della febbre suina , influenza con conclamada pandemia a livello mondiale.
L'union dei pediatri gà ditto:
- Stì ..zzo de fìoi sè becca i pedoci , la rosolia e tutte le disgrazie in un attimo , provemo a rimandar l'apertura delle scole , prima che i piccoli rompicoioni , impèsti tutto el belpaese!

-Niente affatto - rispondi la ministra - questa xè l'occasion bona per equilibrar le classi , e ridur ulteriormente quei rompiballe e parassiti de insegnanti !
Con una congrua morìa de studenti , poderemo chiuder un mucio de scole e far un casin de pieni de benzina sui aroplani 'del piacere'.
In più ,quei che sopravviverà , sarà talmente ignoranti che poderemo considerar chiuso el problema della ' fuga di cervelli ' -

Personalmente credo che anche i pediatri la pensi come mì : La ministra dovessi verzer bocca solo per far quel che la sà far meio, rendendola famosa anche all'estero e mai per parlar !!-





Robespierre

... Robespierre gà dito la sua... speto con impazienza le news de Danton e Marrat... nel frattempo me preparo el capucio nero... voio esser in prima fila co comincia el spettacolo!!!

cicio