RISTORANTI E RITROVI

Io vorrei proprio andare a Banjole un tre giorni.
Non conosco la zona (è l'unica parte costiera dell'Istria che mi manca) ma ho letto che c'è tranquillità ed un bel mare.
Me la cosigli?

Oltre alla "Batelina" , Banjole non esisti !
Nel senso che non esisti un paese , una bottega , el mar xè una baia con basso fondal , pien de mussati e una moltitudine de casette già finide o in costruzion .( non tanto bel !)

Fà qualche kilometro, riva a Promontore e dopo ..và a veder Banjole !

Cmnq , l'ufficio turistico xè proprio di fronte all'entrata del "Non paese" ,... pol esser che i tè convinzi !
(Attenzion che sull'incrocio , pol sbucar un matto vestì de cogo con un caziùl de legno in man .El xè pagà dal ristorante là vizzin ,... non farte convinzer !! Se te pol , buttilo sotto !)

Br1

Sei veramente eccezionale nelle descrizioni.
Allora dove mi consigli di portare la moglie tre giorni zona Pola alla fine di agosto?
Ci piace fare snorkeling, mangiare, bere bene e spendere poco.
Mi raccomando che devo fare bella figura.
Ciao

Caro Guelfo, quà stemo andando off-topic !!!
Però visto che quel lavativo de moderator ,stà pascolando in mezzo alle Incoronate , tè dirò :

Dipendi dalla Moglie ! ( Come quasi sempre !)

Vita selvaggia , bel mar con bagno fina le otto de sera e con moderata vita notturna : Promontore !
Vita da sposi , mar de merda , ottime stanze d'albergo ,con gran vita notturna e tre giorni de capriole: Medulin !
Vita stordida , mar semi accessibile , ma grandi bevude con l'ottimo vin de Peròi : Fažana !
Vita coniugale... in deciso declino : Banjole !

Vedi ,un poco tì !
(certo che tre giorni xè curti. Ma son sicuro che tè poderà bastar !)

Br1

Salve , son tornado dalla Dalmazia e condivido quanto detto dal socio qui sopra sulle bellezze della punta dell'Istria posso suggerir ancora sul tema vita spericolata , el albergo casinò Istra de Veruda con tutti i confort e tutti gli sport aquatici e non.Difronte( esisti un traghettatore credo) el ristorante Vela Nera della marina che el xe più che ottimo e con prezzi non astronomici . Pese e tutto no + de 50 Euri. e se te buta bel al tavolo verde te torni magari ricco o rovinado vedi ti.
s

Grazie ragazzi, lunedì o ve mando in mona o ve baso "virtualmente".
A parte gli scherzi spero di poter integrar ulteriormente i già preziosi consigli

Magnar pesse in mezzo alla campagna , ormai xè diventà normale!
Questo xè valido , anche el vin xè degno e de solito i xè abbastanza svelti .
Oltre al pesse , bona anche la carne e specialmente i funghi .
Vicin de casa , de sabato o domenica xè meio prenotar .
Personal gentilissimo e un grande giardin .
Senza farse mancar niente ~ 30€ - 35€
Sulla Sežana - Divača , circa a metà strada , attraversè el paese e dopo el ponte della ferrovia.







Merita una visita !

... su la 446 Sezana - Divaca, no ghe xe' nisun ponte... e la ferrovia corri parallela alla strada su la parte destra per tutta la durata del tragitto, MA

visto che giovedi vegno a casa
me fermo solo un week end
go aprezza' la precision e la puntualita' del report
e riconoso la tua fama de "Gostilna Scout"

... credo che me lancero' nell'avventura sabato... ovviamente prenotando prima!!!

cicio

P.S. 30/35... a carne o a pesse?

Bisogna esser più precisi .

Povir , xè un paesetto sulla Sežana -Divača ,ma nol xè attraversà dalla strada !
Per cui , vignindo da Sežana , vederemo el paese sulla destra .Attraversando el paese , andando verso la collina , troveremo la strada ferrata con de sora un ponte de piera . Passando el ponte , gireremo subito a sinistra e dopo circa 100 metri a destra. Altri 50 metri ed ecco el posteggio del local .
Non essendo Povir gemellada con El Cairo o Nuova Delhi, non sarà difficile trovar el punto de ristoro .
Cmnq , per farghe la punta ai stronzi : N 45° 41' 53.76'' - E 13° 55' 54.76''

Mì torno adesso proprio de là . Oggi ierimo in 6 e gavemo ciolto carne e funghi .
Antipasto , primo , secondo , doppi contorni ,dolce, caffè , doppi o tripli ammazzacaffè , acqua , cabernet ,e ancora qualche 'bianca . Totale 158€ che se i miei amici non mè gà imbroià vol dir 26,50€ a testa.( senza la mancia )
Per pesse ierimo qualche mese fà e gavevimo speso 65€ in due , sempre dall'antipasto ai svariati ammazzacaffè.
La prenotazion xè necessaria sia sabato che domenica.
Xè de provarlo , magari stando attenti ai etilometri selvaggi tra Fernetti e Povir !

Stago preparandome alle ferie e stò weekendiza son incasinà , pecà!

Br1

aspetto 7
accoglienza 7
scelta del cibo 5
vini 5
porzioni 5
qualita' 6
preparazione 5

MEDIA 5,71 bocciato!!!

me riferiso ovviamente al posto indicato da ciacio a povir....

antipasto misto composto da una capasanta, un cuciar da minestra de baccala' in bianco (molto bon) e un cuciar de minestra de salata de folpo... altro no iera...

un assaggio de tagliatelle coi scampi... in realta' fatte coi gamberetti de vaso e due scampi de numero messi sora...

due sarghetti de 200 grammi l'uno (uno iera un orada a cui i ghe ga' cava' diligentemente la bocca che gavessi dimostra' chiaramente che no iera un sargo) e 600 grammi de san piero non freschissimo

due porzioni de funghi panai e due radici

due dolci
un litro e mezzo de vin tre caffe' e una trapa.

157 neuri

quindi praticamente 40 neuri a cranio...

me vien in mente molti posti in italia dove che magno mejo e spendo meno!!!

ma almeno no i ne ga' invelena' o spolpa' el portafoglio come usa de solito a quelle latitudini.

cicio

...che la te sìa andada storta !
Noi sè semo sempre trovà ben .

Ieri son stà in un posto che invezze de due stelle o due forchette , .....gà due pomi !
Xè el solito menù del carso con in più , capretto e un'ora de attesa per el conto. (peraltro molto contenuto)
Stimo meno de 20€ a testa , problemi con el tavolo ,e grosse difficoltà a capirse con i sempre sorridenti camerieri .
In compenso , ierimo in 14 e gavemo podù far casin per 28 . ( fine pranzo alle 18.30 )
Slivoviz da concorso.
Mai de domenica !!!
Nei altri giorni tanta , ma tanta pazienza ! ( credo che el slivoviz lo bevi anche el paron !! )






Pericolo patente : nissun !!!!!!!!!!!!!!

Tre coppie , sei persone , amici da sempre e abituaì a tutto.
Sabato sera de grande circus con rientro alle 3 e....con la mente al 65%.
All'ulimo momento decidemo che la domenica sè dormi e che faremo un pasto unico , sempre tutti e sei.
Niente messa , alle 15.30 appuntamento sotto casa mìa , vièn eletto el capogita e responsabile per la scelta del ristorante , nome in codice : "Perseo" !
Perseo metti la prua dell'auto verso ovest , ma non proprio ovest ,... qualcossa a nord e un poca de confusion mentale , .....a distanza de sicurezza l'auto de Prometeo .
Da Castagnevizza in poi , tutti chiusi , unica speranza Komen ..altrimenti .. Genova!

Comeno-centro , posteggemo davanti el ristorante Spazapan.



Alle quattro e 15' entremo e chiedemo se xè possibile magnàr.
L'osto xè anche el camerier , el cogo , el sindaco e forsi el postìn !
Persona sgradevole alla vista , l'osto nè prepara una tavola quadrata per almeno 12 persone con una serie de biceri che non gò mai visto nanche de Gonelli , 9 metri quadri de tovaia , el tutto in un giardinetto bèn ventilà e sotto una splendida pergola de uva.
Con un dente ogni dieci minuti , el naso e le gote paonazze , el nostro anfitrione vièn a ciòr la comanda alle 16.45.
Alle 17 rìva el vin e i beveraggi per diluirlo.
Inutili , el vin xè veramente ssai bòn (rosso).
Alle 17.45 rìva el pàn .
Alle 18.15 , Prometeo sè alza per offender el 'one man band' dandoghe del testa de .azzo e spiegandoghe che gavemo fame .
Alle 18.35 el porta la mia lingua salmistrada , due porzioni de prosciutto e un pochi de sottoaceti .
I animi sè placa e l'appellativo che tutti e sei urlerà a squarciagola xè : "Brutta testa de .zzo"
Alle 19.05 el malnato porta i tre primi per i moni che non voleva l'antipasto e pochi secondi dopo me trovavo a leccar el piatto de Perseo e della moglie de Prometeo.
19.30 arriva i due filetti , due agnei , due schinchi e le verdure.
Tutto superlativo , bonissimo e veramente de cavàrghe el cappel !
No bòn ....ottimo !

Gavemo magnà el dolce , souflee con che ..zzo non sò , quattro bottiglie de amari e trappe con el caffè .

Sè gavemo lassà con el conduttor del local in un modo ...un poco ruvido , però se gavè una settimana de ferie , non tanto appetito e sè pronti a bastonarve con un quarantacinquenne dall'aspetto fastidioso , vè consiglio de provar stò .zzo de Spazapan

Prima de allegar la mappa , vè ricordo che el vin xè veramente bòn e che i tempi del stronzòn , pòl portarve a ingurgitar dosi eccessive dell'invenzion del buon Noè
Ricordeve anche le punizioni corporali messe in atto da tutte le polizie de stò mondo per quèi che sè lassa affascinar dall'alzata del gomito.



P.S. Se nella normalità pranzèmo e zenèmo ,.... perchè sforzàr la natura con un pasto unico ?

PP.SS. Dimenticavo el conto !
Tre antipasti (simil-primi e very good)
Tre primi ..notevoli.
Sei secondi ottimi.
Otto verdure
Sei dolci e 5 caffe
Trapa libera
Tre bottigliette 7/10
Many water e some coke
Tot: € 180
+ € 10 de mancia per.. le offese .

Afa e caldo , senza benzina e con l'edicola sotto casa chiusa per turno.
Come inizio de un sabato settembrino mè pàr bastanza malamente.
Alle 13.02 partimo de casa , giornaì là de Ricky , benzina a Lipiza e puntemo verso ovest.
Aperitivo a Prosecco e avanti verso Goriansko , senza meta precisa .
Passà el vecio border rivemo a Komen .... scampemo subito via per paura de trovar el còffe de Spazapan e imbocco la strada per Castagnevizza.
On the road , drìo una curva vedo l'insegna de 'Gostilna Tabor' e poichè xè quasi ora decidemo de fermarse.
Tre morèri giganti potài come una pergola de uva fà ombra su circa 80 coperti.
El gerente xè sulla sessa-setta ntina , tutto sudà e con i brazzi carrrighi de piatti , sei e forsi otto all'andata e minimo venti al ritorno.
El porta le bevande su due vassoi strapieni de fiasche , de biceri e tovaìoi .
Al momento de ordinar , l'One Man Band nè proponi jota , brodo de non mè ricordo e minestra de orzo .
El nostro vicino de tavola, conoscitòr del posto , nè fà un elenco de almeno dieci primi ,consigliandone la zuppa de funghi o anche el sempreverde Tris (gnocchi con selvaggina, rodolo de spinazze e pasticcio de funghi)
Seguimo el consiglio del 'veterano' e devo dìr che gàvemo intivà !
Considerando che el local xè quasi pièn , sè domandemo come ..zzo fà l'osto a servir tutti senza lunghe attese con le conseguenti maledizioni dei clienti.
Al momento dei secondi e contorni , nè vien proposta la lubjianska , bistecca ai ferri o rosto de vedel , patate in tecia o radicio.
Chiedo consiglio al mio Mentore vizìn de tavola e ordinemo pollo appanà , schinco de vedel e rane fritte, capuzzi sìa freschi che cotti , matavilz con l'ovo e kifeletti.
Stesso discorso per i dolci , la proposta dell'osto sè fermava alle palacinke con la marmellata , invezze scoltando sior Stefano e siora Lucia ( abituee della gostilna), gavemo magnà gibanica e mirtilli con gelato e panna (volendo iera anche putizza col dragoncello e strucolo de susini o de peri con la ricotta)
Sul vin xè inutile qualsiasi commento , o Teran copaoche o Refosco duro come un legno , però sempre degni sìa l'uno che l'altro ,.. xè difficile in quella zona bever vin de baston .
Commestibile el caffè , la bianca , el slivovitz e una goccetta de brignavez.
Pan fatto in casa , quasi una focaccia.
Vaschette de cinque misure per portar a casa quel che vànza e sacchetti de carta per el pàn .

Tot. € 59 , in due che gà magnà per quattro.

Domenica bisogna prenotàr !!











Verto solo de sabato e domenica ,... forsi anche in qualche festa comandata

Non mè la sento de mettèr el pericolo patente , considerando quel che gò ingurgità , meritavo la pena di morte anche per i sbirri polacchi.

Cronaca de una serata per tignìr informà Ferdy ....che stà diventando mona con el d.p.





La Simia più anziana (d'età e anche de fisico ) , durante una rissa, gà riportà la frattura de una rotula.

Per aiutarlo sìa moralmente che ..niente .. la Lobby gà organizzà una spedizion curativa sul Carso ponendose come obbiettivo primario la ricerca de una fonte miracolosa dove immerger el ginocio offeso e darghe un poco de sollievo al nostro zòtto.

Concentramento alle 19.10 nel solito punto di raccolta.

Quattro le Simie sane presenti , disposte a tutto pùr de lenìr le sofferenze dell’anzian portatore de handicap .

20.35 - el Crew monta sulla corrieretta de Sergio , bravo autista e ottimo compagno de bagordi.

20.45 - recupero del disabile in zona Manicomio , el scantinà pretendi de sentàrse davanti costringendo Sandro coi sùi due metri e trenta a sentarse de drìo con mì e la Simia ereditiera .

21.00 - Sergio trova finalmente una strada per l’Altipiano , Sandro gà le orece tra i ginoci , Jampa straparla de tutti i sùi parenti che vòl mazzàrlo per l’eredità , quell’opportunista de Paolìn stà tutto stravacà in poltrona davanti e a mì me scampa un’arietta .

21.15 – Sèmo in pièn estero , tutte le tabelle xè scritte in estero , dopo aver sentì i discorsi nell’abitacolo el navigator sé gà ..autodistudà e Sergio gà comincià la navigaziòn a vista

21.25 – Non sò come .. rientremo in patria , d’istinto el ns timonièr imbocca una strada che porta al cimitero , el pensier comune xè de affossàr el menomà… per viaggiàr più comodi.

21.35 – Vedemo delle luci , xè Gropada !

21.42 - Entremo trionfanti in “Pub Skala Gropada” ,……. Paolin non sé gà reso conto che per lui podeva esser l’ultima serata !


El locàl xè fresco de apertura , né sé presenta davanti el mulo Marco che dopo nè confesserà de esser un geometra , el né proponi una scelta de birre assài vasta , un ottimo rosso e scoprimo che in mezzo al Carso xè possibile assaggiar almeno una ventina de tipi de formaggio , specialità carniche , slovene , furlane ecc ecc.
Stò Marco xè un vero esperto de formaggi e volendo el vè spiega tutta la storia de questo o quell’altro tipo, con la muffa o senza .
Paolin , con la scusa della gamba rotta e l’impossibilità de procacciarse el cibo … né priva de almeno due assaggi ingrumando a piene mani quelle fettine che l’osto gaveva sistemà con tanta cura .

Qualche difficoltà per aver un poco de mièl ...ma questo xè un problema solo per i diabetici .

Dopo arriva i secondi , noi gavemo ciòlto griglia , più che commestibile specialmente i cèva e l’ombolo .

El mulo Marco né gà fatto veder la sala grande , disponibile per congressi , briffing de Simie e quant’altro , con un schermo gigante veramente gigante dove pòl esser proiettà qualsiasi genere de film e quà ...chi sà ..sà!

Sèmo rivài là quasi per caso , el locàl xè novo , e anche se el xè geometra Marco xè ssài simpatico …mì dirìa de fàr qualche prova .

Vè ricordo che el conto , nonostante i nostri consumi standard in liquidi sé gà fermà a 20 € pro-capite quindi accessibile anche per un “marendìn in quota”, sempre che ..no vè portè drìo un sciancato pièn de fìsime.
Metto le coordinate , e spero che el ‘Pub’ ..quasi Rifugio ...diventi famoso.




P.s.
Giubbotti , maioni , pastrani e cappotti devi per forza stàr in auto .

Trentacinque anni fa iero ancora fidanzato e un sabato de autunno gavevo pensà de andàr a zena con mia morosa e un’altra coppia de amici a Cittanova dove secondo le indicazioni de “uno che sa” ( incontrà in un bar de Borgo ) doveva trovarse el meio ristorante de tutta l’Istria, non solo el migliore…anche quel più a bon prezzo !
Infatti non lo gavemo trovà , forsi perché all’epoca non iero tanto smalizià e non ghe gò dà peso alla quantità de bianco col bitter che el mio ‘trivago’ stava ingurgitando spiegandome el posto.
Dunque alle otto de sera de una giornata brumosa del 1979 quattro mona sé trovava in una renault 6 sulla strada che da Cittanova porta a Buie, col stomigo che brontolava e circondai da campagna e steppa …senza alcun riferimento utile.
De colpo ..gavemo visto la luce!
Per dir el vero iera un feraletto ma avvicinandose gavemo scoperto che drìo el feràl esisteva un ristorante.
Se ciamava “Astarea”, una serie scalini ripidissimi per raggiunger el piàn ( off limit per disabili) un grande caminetto dove i rostiva tutte le creature marine e come personal.. una famiglia completa ( Mamut , Babut , Figliut , Nuorut ecc. ecc.)
Clientela quasi tutta triestina con età media sui 70 con punte fino ad 85.
Alla nostra appariziòn tutta la sala se gà ammutolì, un signòr con i cavei bianchissimi ne sé gà avvicinà con due biceri de malvasia e con un sorriso da orecia a orecia:
- Benvenuti , volete mangiare ?
Ovvia la risposta considerando che in auto cominciava a svilupparse un clima de cannibalismo, el canuto e sorridente anfitrione iera el paròn che con garbo gà fatto spostàr una coppietta da un tavolo per quattro spiegandoghe che la somma delle età dei 4 fidanzatini superava de un anno quella de lori due e quindi el tavolo grande iera logicamente destinà a noi.
(Go scoperto dopo qualche mese che no iera vero niente , i due coniugi raggiungeva agevolmente i 135 anni mentre noi quattro insieme non rivavimo a 90)
Finidi i spostamenti la sala sé rianima, le nostre morose commenta la situazion paragonandola ad un zena in ospizio e… mai un’impression xè stada tanto sbagliada !!
Al momento dell’ordinazion el bianco capofamiglia sè senta con noi in tavola, el se presenta come Capitano Pero , ne conta tutto quel che xè disponibile e ne prometti una zena deliziosa.
Iera vero , el nostro Pero iera un Comandante in pension , bravissimo cogo e ancor più bravo nel trovar el pesse freschissimo e trasformalo in piatti eccezionali, scampi , orade (vere), astisi ,corbei, scarpene, ombrele , tutti visibili prima della cottura che oltretutto avvigniva nel grande caminetto in fondo alla sala, senza spuzzar i cappotti grazie ad un sistema de areazion inventà dai marziani istriani.
El personaggio iera perfetto , bugiardo, abbastanza imbriagon , ex Comandante , grande cogo , una famiglia alle spalle che sopperiva alle sue mancanze e in più grandissimo puttanier che colpiva sicuramente ogni week end ; noi sé consideravimo al sicuro vista l’età ….almeno spero.
 
Gavemo frequentà Astarea per quattro inverni, diventando parte della comunità che quella prima sera né guardava strano, el buon Cap.Pero xè rivà a trovarne un astise de cinque kili telefonando a casa che lo preparava un sabato a pranzo per noi quattro e con le strade piene de neve mettendo le cadene fino a Salvore semo andai ad onorar el fiero pasto.
 
Purtroppo la vita riserva sempre sorprese e dopo quell’astise el ns Com.Cogo gà finì de cusinàr , de contar barzellette e de tirarghe sardoni alle morose che adesso xè le nostre mogli,.. me auguro de no.. ma tutto me lassa pensar che adesso sulla griglia stìa lui anche perché tra le nuvolette el sé trovassi fora posto






5 settembre 2015 casca el trentatreesimo anniversario de matrimonio con quella morosa che voleva magnarme un brazzo sulla buia Cittanova-Buie 36 anni fa.
Giornada lofia ,Osmer prevedi piova ma mi sòn ateo e non ghè credo.
Parto alle 12.30 con l’intenzion de rivar a Pola e pranzàr a Stoja.
Traffico in rientro spaventoso decidemo de tignirse più alti e dopo tornàr via Socerga.
Senza farla tanto longa, alle 14.30 rivemo davanti “Astarea”(  per caso ..o …iera destìn ? )
Tutti e due manchemo dal ’84.
Entremo.
Sempre quella maledetta scala , la vecia veranda xè stada chiusa e i gà ricavà un terrazzin dal box doccia del personal, sul retro.
La sala xè la stessa, xè cambiade le careghe e la disposizion dei tavoli, el caminetto-bracere xè sempre al suo posto solo che intravvedo una “campana” tra le bronze, sistema de cottura mai visto sotto el comando del Capitano.
Sarà dura …l’ambiente xè familiare ma niente xè lo stesso.
Arriva el camerier , el menù xè de pesse ma per i malai de nervi xè disponibile anche la carne.
Antipasto freddo : sardoni marinati in asedo de vin, sardoni salai , folpi in salata e baccala mantecatto, pan tostà sulla griglia, mezzo de rosso e minerale.
Vin più che ok tutto el resto.. ottimo.
Sé presenta el paròn, bianco de cavei sui settanta ,gentile non invadente e non ghè tira sardoni a mia moglie , forsi perchè non la gà più diciannove anni , comunque simpatico.
Né passa la malinconia per stò tuffo nel passato, el sucessor non xè mona e prepara i piatti con el stesso modus operandi del compianto Comandante.( forsi el comunica con l’aldilà !!)
Per primo mi ciogo ‘scorze’ e la coniuge risotto col nero de sepa.
Risotto bonissimo e anche le scorze : dondoli, pedoci, canestrei(generosi) e mussoli con un’accenno de sughetto che gà un poco mortificà i mussoli ma che alla fine valeva la sopa.
Altro mezzo de rosso ( el bianco me agita , forsi sòn allergico) non andemo sul pesse de spin in quanto mi non lo amo e mia moglie me asseconda con calamari (4) e scampi alla griglia(6 , tre grandi e tre più piccoli )  , 2 salate verdi col pomodoro , patate lesse e blede (non ordinade)
Due sorbetti bum bum e un caffè con a fianco la fiasca de biska.
Totale 420 kune istriane che non so quanto equival in dollari o euro perché le gò recuperade in un bancomat a Umago e non capivo el dialetto.
Xè stada una bella esperienza e penso de tornàr stò inverno con qualche amico amante del pesse col spin per veder se l’arte de Pero sé gà reincarnà nel novo gestor che (immagino) sé ciama Nino.
 
Pericolo Patente : Alto …. xè un confin e una naziòn de lingua differente proprio.. in mezzo