RISTORANTI E RITROVI

Questo xe caro.
Un bataglion de camerieri, carne e pesse, vin ottimo,ambiente rifatto in una costruzion assai vecia.
Più che valido , per un anniversario, per una zena de lavor o se paga qualchidun altro.
Bel giardin ,per la bona stagion, bellissime le sale interne e un servizio perfetto, con personal che parla perfetto el triestin e un mucio de altre lingue.
Due secondi (tagliata e filetto), tre contorni (patate fritte e verdure cotte) due dolci, mezzo de rosso, un'acqua de 1/2 ,caffè e una trapa tot € 62
Per el pesse, tutto dall'antipasto al dolce, 1 e 1/2 de bianco , in quattro € 223. (sfondrandose)
Un bronzo de Tito sul caminetto.


Pericolo patente : molto elevato
Parlo del ritorno, sperando, che all'andata uno no parti za carigo da casa.
Radar e etilometro ,quasi sicuri dal local fina a Sezana, chi che rientra per Lipica , grande attenzion anche sul toco della Sezana-Divaca , fina alla svolta per Lipica.
( a mi i me gà beccà , a cinquecento metri dal local , con la trapa ancora in boca!)

Questo lo frequento da 25 anni!
Sempre sulla strada da Pese verso Fiume,
Kozina - Hrpelje - Povzane - Markovscina - Gradisce.
Rivando, sulla sinistra xe la pizzeria 'Jacob', girè propio là ,50 metri fra le case e se' rivai.
Schinco de vedel , de porco, lubiansca, bistecca della casa ( xe una lubiansca nò impanada ma fatta ai ferri),
piatto inverno , veramente sempre perfetti.( el resto dipendi della giornada )
Per i primi, consiglio assaggini.
El vin, per forza refosco, mai e poi mai teran, el bianco xe quasi comestibile si' no' bira!
Bordel assoluto de domenica , meio sabato.
Le verdure ,xe de provarle, a mi le me fà impression, come anche el caffè ,che xe roba de circo!
Supremi el slivoviz e anche el brignavez (li fà el zio dei osti).
Claudio, xe el nome del vecio che xe morto. Quando che dovè ciamar el conto e ,stè za spetando da venti minuti , quel che beccherè pel collo se' ciama Tomo.
Porzioni giganti , bastanza scelta , bellissimo d'estate sotto la pergola.
Pasto completo ( mai rivà a finir ) dai 16 €
De provar assolutamente!!!
De inverno ,xe meio lassar el capoto in auto!

Pericolo patente : quasi nullo

Due granzievole, una de datteri, quattro capasante, 2 salate, 1/2 bianco (bon) e una trapa.. 69 €.
Per un marendin me par bastanza. I gà anche pasta col astise.
Difronte el local trovè un'ottima macelleria


Pericolo patente: quasi nullo

Non el massimo , cameriere cocole,macelleria tacada,tanta scelta , vin (da capirsi),lubiansca valida,contorni strani, se xe fame và ben.
Basovizza-Lokev (Cornial) -Divaca.


Pericolo patente: zero , no riverè bever più de un bicer ,de quela morchia.

Qua xe longhi.
Son stà tre volte ,la prima in quattro , la seconda in tre , la terza in due.
Per trovarlo , stò posto, no xe difficile,dopo la macelleria a destra e avanti per nanche 800 metri.
Due camerieri per due grandi sale. Uno giovane , uno vecio ma ssai vecio.
Risotto coi risi longhi un metro,datteri, pedoci , pesse de allevamento,vin de delirio.
La terza volta che son stà ( oggi ) ,dopo 35 minuti i me gà chiesto cossa che volemo per bever.
Dopo altri 20 minuti , senza che uno dei due camerieri se gabbi fatto veder , me son alzà e son ndà a a pagar el 1/2 de bianco e l'acqua (4.60 €).
El cogo, che penso sia anche el capetto, el gà avù una grande meraviglia ,per el fatto che andavimo via senza magnar.Risposta mia, a cotanta costernazione, xe stà : Dopo quasi un'ora se semo rotti le balle, de spetar de poder ordinar. La riposta dell'osto xe stada magica: Gavemo solo due man!
Deduco che non bisogna mai andar a magnar dove che due camerieri ghà solo che due man, inveze de quattro e che come i passato lassarghe 38€ a testa xe esagerato.
Per mi stò posto andassi sai ben come target per una esercitazion de artiglieria pesante.
Se volè magnar pesse .....Quà no.



Pericolo patente :..................................zero

Hosteria ai tre magnoni ex montedoro in via dell'Eremo no ghe son stado ma i me gà parlà assai ben se podessi provarla insieme in un prossimo futuro.

s

Un bel giretto.
Dragonja - Strada nova per Pola - Uscita Baderna, a sx verso Pazin - 10-12 km Beram sè rivai.

Local abbastanza novo, personal più che cocolo , cibo ssai ben fatto , sia primi che secondi, vin bon (almeno el rosso), bastanza scelta, quà i fà la sopa istriana , caffè come de noi , per la trapa no sò.(gavevo zà la sopa in corpo). Son stà due volte, sempre de sabato , no più de 50€ in due.( per la sopa xe meio telefonar prima).
Cmq, la gita xe valida se dopo magnà , andè a veder la Danza Macabra. A poco meno de un km dal local , trovè una cesetta del '400 , dentro xe un pochi de affreschi ,sempre dell'epoca, tra cui uno che raffigura una danza macabra,( coi scheletri che balla ). Domandeghe al Oste e lui ve ciama la signora che gà le ciave.
Lasseghe qualcossa per el disturbo.
Xe una bona alternativa , sè magari andè al bagno a Parenzo e cambia el tempo.

Pericolo patente : La strada xe longhetta, però in Croazia i sbirri sè infastidisi de più per la velocità che per el bicer de troppo. Per mia esperienza, gò sempre pagà perchè correvo ,ma no i me gà mai fatto sufiar (per fortuna) . Quindi , attenti ai limiti vizin le uscite della Pola - Salvore. Dopo xe veludo.

Quà andemo sul Collio. Paradiso dei beoni, podessi anche dir una terra quasi santa.

Ogni tanto giro per stò posto zercando de comprar un poco de vin per casa, xe tante aziende, forsi anche troppe, tutte de bona qualità, però ogni tanto se pol trovar quela con quel friz in più.
Sbagliando strada , son rivà in questa. Iera ora de pranzo e gò visto che i gaveva anche un agriturismo.
El paron xe sai cocolo, se pol pranzar con 15-18 € a testa, soliti piatti del friul in più el germano rosto
( el germano xe una papera). Bel posto, cibo più che commestibile, quel che inveze xe eccezionale xe el vin.
Merlot e Cabernet Sauvignon ( 5,20 € el 7/10) i xe come ambrosia. Un uvaggio el Bianco-Negro che , con i dolci ,xe veramente eccelso. Dopo magnà , i me gà portà in cantina per provar el sfuso, doppia magia , el iera bon quasi come le bottigliette. Sia i rossi che i bianchi de altissimo livel e ad un prezzo che và da 1,60 a 1,90 al litro.
Fora xe come uno zoo , un caval, porchi, oche , papere, galline e dò cani marremani grandi come mussi.
per rivarghe da Corno di Rosazzo verso Cividale, cinquanta metri prima del cartel che indica la fine del comun de Spessa, a destra e avanti per circa un km.

Pericolo patente : no coment ,però ve consiglio de non usar el navigator, perderse nel Collio pol esser ssai piacevole

Br1

Questo, un tempo iera soppranominà la Giovanna, me ricordo che se tocavo el muro me se bagnava la man de tanta umidità.
Darwin insegna che la specie se evolvi, questo xe un esempio palese.
El cogo xe un mago, tutti i piatti carsolini el li prepara con una cura che se pol dir estrema, i primi xe bonissimi, mi sò che par una monada ma se una zuppa xe bona ,vol dir che la xe curada. Quà i fà una zuppa alle erbe che xe una meraviglia. Canelloni, ravioi e gnocchi delicatissimi e bonissimi.
Secondi al stesso livel, coniglio e schinco de vedel sopraffini. I contorni cotti perfetti e i dolci sia la classica pasta crema che la ' bomba ' paragonabili a quei della Bomboniera. Bel posto, tutto ristrutturà, circa 80 coperti, personal perfetto e super gentile, unico neo pol esser el vin.
Quà semo vizin Dutoliano, patria de quel che i ciama Teran, purtroppo el sfuso xe propio quel Teran, magari a qualchidun el ghe piasi ,ma a mi propio no. Cmnq i gà anche bone bottigliette.
Paragonabile , se non superiore a Furlan ( distante 1 km giusto) el xe un posto de provar sicuramente.
Tutto,caffè e trapa, 52€ in due


Pericolo patente. quasi nullo

Quà iero oggi.
Xe relativamente vizin, el problema xe el dragogna , ma xe la stessa roba che ndar a Salvore.
La strada xe ben segnada sulla visit , quindi no perdo tempo a spiegarvela.
Sarà trenta anni che fazzo la strada per Pola , conosso ogni curva, ogni buso , ogni nascondiglio dei pulioti,
però no son mai stà in stò posto.
Se trovemo sora la valle del Quieto o Mirna , tutto intorno xe verde, a perdita d'occhio, par incredibile de star in un posto cussì a 40 minuti de quella merda de piazzal Rosmini.
Se tratta de un agriturismo, xe anche stanze, el paron xe Romano più due fioi e un per de aiuti.( parla tutti triestin , el vecio e un fio , lavorava de Pacorini)
La cusina xe casalinga, ma el riva a far fronte anche a 60 coperti senza pastrociar.
Ravioi, pasticcio, gnocchi,golas, carne ai ferri e fritta. Fritaia , asparagi , solito tartufo ,luganighe , dolci .
Le luganighe, xe potenti , sai speziade , particolari, se le magno mi vol dir che le xe bone.
I se distriga senza problemi , svelti , efficaci ,non xe un che gira a svodo.
Un discorso a parte per i fluidi. L'oio de oliva xe suo , de produzion, el gà vinto un casin de medaie.
El rosso , no saveria definirlo , forsi ottimo andassi ben, con un qualcosa de più. ( semo in Istria , no sul Collio).
El bianco gà un poche de marce in più , diria superbo!
Bella terrazza, due cavai , oche colla testa rossa, galline giganti a vò.

Per i prezzi non sò , iero ospite, però conosendo el nostro anfitrione diria che semo su un livel molto economico.
Anche se no vè fermè per magnar , val la pena andar là solo per el posto e per el vin.

Pericolo patente: Con le nove leggi slovene e con le vecce leggi croate, chiunque bevi un bicer de vin o de birra , xe soggetto a impiccagione. L'unico consiglio xe de rispettar i limiti de velocità sui cartei, xe meno probabilità che i ve fermi e che i ve fazzi suffiar. Ricordeve ,comunque, che esser sempre bravi non xe un pregio, xe monotono.

Br1

Un super classico.
Storico per lubiansche e schinchi, dopo tanti anni i se gà rifatto la facciata.
Xe sempre i stessi ma da un pochi de anni i gà rifatto el local e anche ssai ben.
Tutti i piatti , primi ,secondi , contorni , antipasti ,dolci curatissimi sia nella preparazion che nella presentazion. Camerieri de grande professionalità, i tempi tra un piatto e l'altro xe calcolai al minuto.

Vin degno sia rosso che bianco, i dolci xe strani , misiai con salse de frutti e monade cussì , ma i merita.
Confronto a qualche anno fà , le porzioni xe diventade più pice , però le xe più elaborade.
Dentro xe bel grande , ma bisogna prenotar sia sabato che domenica.
Se bon per andar in tanti, el prezzo diminuisi sensibilmente.
Comunque non dè fora senza lassarghe 25€ per omo.
Xe vizin , xe cocolo e sicuro trovè qualchidun che conossè.

Belle caminade tutto intorno.

Br1

Ciacio ha scritto:Quà andemo sul Collio. Paradiso dei beoni, podessi anche dir una terra quasi santa.

Ogni tanto giro per stò posto zercando de comprar un poco de vin per casa, xe tante aziende, forsi anche troppe, tutte de bona qualità, però ogni tanto se pol trovar quela con quel friz in più.
Sbagliando strada , son rivà in questa. Iera ora de pranzo e gò visto che i gaveva anche un agriturismo.
El paron xe sai cocolo, se pol pranzar con 15-18 € a testa, soliti piatti del friul in più el germano rosto
( el germano xe una papera). Bel posto, cibo più che commestibile, quel che inveze xe eccezionale xe el vin.
Merlot e Cabernet Sauvignon ( 5,20 € el 7/10) i xe come ambrosia. Un uvaggio el Bianco-Negro che , con i dolci ,xe veramente eccelso. Dopo magnà , i me gà portà in cantina per provar el sfuso, doppia magia , el iera bon quasi come le bottigliette. Sia i rossi che i bianchi de altissimo livel e ad un prezzo che và da 1,60 a 1,90 al litro.
Fora xe come uno zoo , un caval, porchi, oche , papere, galline e dò cani marremani grandi come mussi.
per rivarghe da Corno di Rosazzo verso Cividale, cinquanta metri prima del cartel che indica la fine del comun de Spessa, a destra e avanti per circa un km.

Pericolo patente : no coment ,però ve consiglio de non usar el navigator, perderse nel Collio pol esser ssai piacevole

Br1

Son stado e me son trovà 'bastanza ben: come che se dizi senza lode e senza infamia.

Per primo piatto BIS con tagliatele e (g)niochi con sughi diversi. Boni, anche perchè gavevimo mefa.
Secondi:
El german al forno me gha lassado interdeto per boni 9 minuti; magnà poche volte una delissia compania (a parte l'oio che che lo fazeva afogar nonostanmte che el violatile el iera xa copà el zercava de nudar per star a gala....- altra considerasion: chiss se el povereto se el veniva de Miramar???- la scaloppina normale e bona , no so altrimenti come che saria una scaloppina fora del normale!!!!

per el vin, ierimo in due - e per no sbaliar - ghavemo 'ssaggià sia el Sauv/Cab che el Merlot (preferibile el Merlot senz'altro)
Per el dolce 'torta dela casa all'ananas' : denia(degna).

In sintesi, secondo noi posto carino e ala man (in final, ghavemo fato amicizia con tuto el local.....) se saremo de passagio torneremo volentieri.

PS: per asporto logico, portà via diversa roba 'liquida' e 'ssai bona con prezi boni, vista la qualità.

Vivallà
Peter

Ciao ragazzi, qualcuno mi sa dare una dritta per Pola e dintorni? Case, Ristoranti ecc..

Guelfo ha scritto:Ciao ragazzi, qualcuno mi sa dare una dritta per Pola e dintorni? Case, Ristoranti ecc..

Sì ,finalmente tornemo a parlar de cibaria e bibitorum !
Mì xè da una trentina de anni che giro torno Pola e oggi scopro de non aver nissun bigliettin de visita!
Cmnq , zercherò de iùtar el nostro Guelfo con qualche riferimento.

Dal mio punto de vista :

" Batelina " , a Banjole , loc. Čimulje, tel 00385-52-573767
El meio in assoluto , zuppe e pesse de qualità , vin assai bon ( sia nero che bianco) bel local , unico problema xè trovar posto , meio telefonar !

" Fra-Kat " a Promontore , non servi la via ,visto che el xè conossù anche in Giappon ! Scampi e pesse de mar , sempre de qualità , vin più che degno , cameriere belle , paron completamente còfe (andemo d'accordo !!)
No gò el numero de telefono del local , ma no servi , sè trova quasi sempre una tavola .

" Milan " a Stoja , anche per questo non servi la via , e de solito nanche prenotazion ( almeno stà primavera passada !)
All'altezza della fama, con grande attenzion all'astise ! Tutto alla grande come el conto , del resto !

Questi xè , secondo mì , i santuari del Polesan , dopo esisti una marea de posti a prezzi medi :
A Marina Veruda , a Stoja , a Promontore a Medulin e anche a Pomer .
In centro a Pola xè meio non impegnarse, anche se el cibo pol esser commestibile , el vin de solito fà cagar !

N.B. Meio non ordinar orade , branzini o rombi con meno de un kilo e mezzo , astisi sotto el kilo o scampi giganti.
Per tutto el resto, affidarse al proprio naso !
Sperando de esser stà utile , me impegno tirar sù un poche de visit-card , ....xè più coreografico !!

Br1

Io vorrei proprio andare a Banjole un tre giorni.
Non conosco la zona (è l'unica parte costiera dell'Istria che mi manca) ma ho letto che c'è tranquillità ed un bel mare.
Me la cosigli?

Oltre alla "Batelina" , Banjole non esisti !
Nel senso che non esisti un paese , una bottega , el mar xè una baia con basso fondal , pien de mussati e una moltitudine de casette già finide o in costruzion .( non tanto bel !)

Fà qualche kilometro, riva a Promontore e dopo ..và a veder Banjole !

Cmnq , l'ufficio turistico xè proprio di fronte all'entrata del "Non paese" ,... pol esser che i tè convinzi !
(Attenzion che sull'incrocio , pol sbucar un matto vestì de cogo con un caziùl de legno in man .El xè pagà dal ristorante là vizzin ,... non farte convinzer !! Se te pol , buttilo sotto !)

Br1

Sei veramente eccezionale nelle descrizioni.
Allora dove mi consigli di portare la moglie tre giorni zona Pola alla fine di agosto?
Ci piace fare snorkeling, mangiare, bere bene e spendere poco.
Mi raccomando che devo fare bella figura.
Ciao

Caro Guelfo, quà stemo andando off-topic !!!
Però visto che quel lavativo de moderator ,stà pascolando in mezzo alle Incoronate , tè dirò :

Dipendi dalla Moglie ! ( Come quasi sempre !)

Vita selvaggia , bel mar con bagno fina le otto de sera e con moderata vita notturna : Promontore !
Vita da sposi , mar de merda , ottime stanze d'albergo ,con gran vita notturna e tre giorni de capriole: Medulin !
Vita stordida , mar semi accessibile , ma grandi bevude con l'ottimo vin de Peròi : Fažana !
Vita coniugale... in deciso declino : Banjole !

Vedi ,un poco tì !
(certo che tre giorni xè curti. Ma son sicuro che tè poderà bastar !)

Br1

Salve , son tornado dalla Dalmazia e condivido quanto detto dal socio qui sopra sulle bellezze della punta dell'Istria posso suggerir ancora sul tema vita spericolata , el albergo casinò Istra de Veruda con tutti i confort e tutti gli sport aquatici e non.Difronte( esisti un traghettatore credo) el ristorante Vela Nera della marina che el xe più che ottimo e con prezzi non astronomici . Pese e tutto no + de 50 Euri. e se te buta bel al tavolo verde te torni magari ricco o rovinado vedi ti.
s

Grazie ragazzi, lunedì o ve mando in mona o ve baso "virtualmente".
A parte gli scherzi spero di poter integrar ulteriormente i già preziosi consigli

Magnar pesse in mezzo alla campagna , ormai xè diventà normale!
Questo xè valido , anche el vin xè degno e de solito i xè abbastanza svelti .
Oltre al pesse , bona anche la carne e specialmente i funghi .
Vicin de casa , de sabato o domenica xè meio prenotar .
Personal gentilissimo e un grande giardin .
Senza farse mancar niente ~ 30€ - 35€
Sulla Sežana - Divača , circa a metà strada , attraversè el paese e dopo el ponte della ferrovia.







Merita una visita !

... su la 446 Sezana - Divaca, no ghe xe' nisun ponte... e la ferrovia corri parallela alla strada su la parte destra per tutta la durata del tragitto, MA

visto che giovedi vegno a casa
me fermo solo un week end
go aprezza' la precision e la puntualita' del report
e riconoso la tua fama de "Gostilna Scout"

... credo che me lancero' nell'avventura sabato... ovviamente prenotando prima!!!

cicio

P.S. 30/35... a carne o a pesse?

Bisogna esser più precisi .

Povir , xè un paesetto sulla Sežana -Divača ,ma nol xè attraversà dalla strada !
Per cui , vignindo da Sežana , vederemo el paese sulla destra .Attraversando el paese , andando verso la collina , troveremo la strada ferrata con de sora un ponte de piera . Passando el ponte , gireremo subito a sinistra e dopo circa 100 metri a destra. Altri 50 metri ed ecco el posteggio del local .
Non essendo Povir gemellada con El Cairo o Nuova Delhi, non sarà difficile trovar el punto de ristoro .
Cmnq , per farghe la punta ai stronzi : N 45° 41' 53.76'' - E 13° 55' 54.76''

Mì torno adesso proprio de là . Oggi ierimo in 6 e gavemo ciolto carne e funghi .
Antipasto , primo , secondo , doppi contorni ,dolce, caffè , doppi o tripli ammazzacaffè , acqua , cabernet ,e ancora qualche 'bianca . Totale 158€ che se i miei amici non mè gà imbroià vol dir 26,50€ a testa.( senza la mancia )
Per pesse ierimo qualche mese fà e gavevimo speso 65€ in due , sempre dall'antipasto ai svariati ammazzacaffè.
La prenotazion xè necessaria sia sabato che domenica.
Xè de provarlo , magari stando attenti ai etilometri selvaggi tra Fernetti e Povir !

Stago preparandome alle ferie e stò weekendiza son incasinà , pecà!

Br1

aspetto 7
accoglienza 7
scelta del cibo 5
vini 5
porzioni 5
qualita' 6
preparazione 5

MEDIA 5,71 bocciato!!!

me riferiso ovviamente al posto indicato da ciacio a povir....

antipasto misto composto da una capasanta, un cuciar da minestra de baccala' in bianco (molto bon) e un cuciar de minestra de salata de folpo... altro no iera...

un assaggio de tagliatelle coi scampi... in realta' fatte coi gamberetti de vaso e due scampi de numero messi sora...

due sarghetti de 200 grammi l'uno (uno iera un orada a cui i ghe ga' cava' diligentemente la bocca che gavessi dimostra' chiaramente che no iera un sargo) e 600 grammi de san piero non freschissimo

due porzioni de funghi panai e due radici

due dolci
un litro e mezzo de vin tre caffe' e una trapa.

157 neuri

quindi praticamente 40 neuri a cranio...

me vien in mente molti posti in italia dove che magno mejo e spendo meno!!!

ma almeno no i ne ga' invelena' o spolpa' el portafoglio come usa de solito a quelle latitudini.

cicio