RISTORANTI E RITROVI

birra ottima due dritte : Piatto Birra misto de carne alla griglia e Piatto Mahnic misto de carne rosta e apanada.

ss

Vin ottimo e carne sai ben preparada per no parlar dei salumi
ss

qua i gà un agnel al forno allevado sotto el nanos veramente bon

ss

quà i ga el famoso vin Sabelius (meno de 5000 bottiglie sto anno) e dei piatti tipici veramente boni
ss

la cucina toscana xe sempre stada speciale e in sta trattoria i se veramente bravi
Fiorentine, fetunta, dolci stupendi, bruschette, salumi , minestre ecc.

ss

Ristorante Guaiane a S. Dona di Piave vicin all'autostrada el xe un poco caro ma val tutto el prezzo, decine de antipasti ( i riva in tavola con un careto pien de iazo con dentro ostrighe de tre tipi dondoli e altro. Speciali scampi al vapore su un letto de carciofi crudi. Per no parlar dela pasta con la granzievola e del brodeto dell'adriatico.

Ristorante Balan a S. Giorgio di Nogaro ottimo per i piatti di pesce

Ristorante Gambrinus a San Polo di Piave questo credo sia il massimo visitate il sito internet ha anche l'eliporto e un torrente con storioni vivi . Specialità gamberi di fiume dalla Croazia con il pomodoro e mille altri piatti.

Allo stesso livello ma più orientato verso la carne è il ristorante da Nando a Mortegliano con delle ricette di tartufo da leccarsi le orecchie ed una cantina fornitissima.

P.S -- attenzione questi sono ristoranti dai 50 ai 130 Euri a testa.

bon dopo sta fadiga vado a zena che me xe vignù anche fame no capiso perchè.

ss

Ciao a tutti

Volevo propor all'Istituto de introdur filosofia tra le materie che magari podeva interessar ai nuovi allievi ma me par de capir che xe 'ssai gradido e apprezzado inveze una materia che verzi de più el giro vita (del body) e del buso della cintura; vol dir che la prossima volta compreremo una cintura nova in fiera de San Nicolò.....sto' giro, magari marron.
Bando ale ciance, Story te gha fato un belissimo lavor, e anche mi per lavor ricevo clienti che i me dizi "prenderò giusto una sciocchezza....'' ma se vedi nei oci che ei se presenta col bavarin.......pronti come skuali a smagnazarrrr...e el conto xe sui livelli alti de cui te parli ti....tanto paga la ditta.
Altrimenti per chi ghe gha fameia xe un discorso diverso.
Quindi a proposito de economia, suggerisso

Ristorante San Nicolò, su per la salita davanti al campeggio de Ankaran proprio a fianco della piazzetta quella che sali e che poi se gira verso sinistra; che poi se ghe xe una bella giornada xe meraviglioso sotto la pergola, come una volta...molto rilassante e popolare e birra artigianale de produzion propria veramente buona e molto leggera (alcoolicamnete parlando....)
tel. 0038656520700
pizze giganti, carne e pesce; ricordeve che i prezzi xe boni e che xe una roba de tipo familiare per cui no ste pretender....ma l'ambiente esterno me ricorda altri tempi andai....positivo.
ciao Pet

Grande Sergio per el lavoron che te gà fatto !!!
Non li conosso tutti ma quoto in pien el Toscano de via Bonomea. Gò magnado veramente ben e col vin son stado qualcossa sotto i 40 euri a testa. Se proprio devo far una nota : la fiorentina vera ( de chianina o eventualmente de maremmana ) andassi cotta alla brace e non alla piastra, meio sceglier le tagliate, 2 tipi su tutte: al tartufo e al lardo...ve digo solo che me vien ancora la bava se ghe penso. Dolci finali speciali.

Se se proprio carnivori e magari ve piasi anche i funghi ve segnalo sto altro posto :
Trattoria LA BAITA, Via Faedis,11
Frazione di Racchiuso, Attimis, Udine
0432789157 , se gavè un navigator lo trovè subito.

Ve raccomando la costata de sorana, razza autoctona della Carnia, sulla brace la xè una roba strepitosa. Considerè che xè tagli da un kilo l'uno e se viaggia sui 30-35 euro a toco ma val la pena. Speciali tutti i contorni de funghi, merlot e cabernet ( anche franc) penso non sia una scoperta.
Saluti e bon appetito

Mi me sento de consigliarve do posti:

TRATTORIA "A LE ARMONICHE"
PIAZZA CESARE BATTISTI 13
LOC. ONTAGNANO
GONARS
Ottima carne, bon frico e superlativi gnocchi

AGRITURISMO MORGAN
BRACANIJA 1
LOC. BRAZZANIA - VERTENEGLIO
TEL.: +385/52/451511

Ciau

Sergio ha scritto:Ristorante Guaiane a S. Dona di Piave vicin all'autostrada el xe un poco caro ma val tutto el prezzo, decine de antipasti ( i riva in tavola con un careto pien de iazo con dentro ostrighe de tre tipi dondoli e altro. Speciali scampi al vapore su un letto de carciofi crudi. Per no parlar dela pasta con la granzievola e del brodeto dell'adriatico.

Ristorante Balan a S. Giorgio di Nogaro ottimo per i piatti di pesce

Ristorante Gambrinus a San Polo di Piave questo credo sia il massimo visitate il sito internet ha anche l'eliporto e un torrente con storioni vivi . Specialità gamberi di fiume dalla Croazia con il pomodoro e mille altri piatti.

Allo stesso livello ma più orientato verso la carne è il ristorante da Nando a Mortegliano con delle ricette di tartufo da leccarsi le orecchie ed una cantina fornitissima.

P.S -- attenzione questi sono ristoranti dai 50 ai 130 Euri a testa.

bon dopo sta fadiga vado a zena che me xe vignù anche fame no capiso perchè.

ss

Due xe le robe...o tuti sti locai xe tui o "magnar e bever " xe diventada la tua filosofia de vita.
ciaociao

per chi che vol inveze organizzar una magnada fra amici se pol ordinar una porchetta a questo indirizzo .
I te la cusina, e prima de pranzo te passi a ciorla e buon appetito

da vedere al prossimo invio

s

ecco el risultato, cusì se qualchedun credeva che prima de dar un consiglio magari no gavevo provado adeso nol gaverà dubbi.

s.

mauriP ha scritto:

Sergio ha scritto:Ristorante Guaiane a S. Dona di Piave vicin all'autostrada el xe un poco caro ma val tutto el prezzo, decine de antipasti ( i riva in tavola con un careto pien de iazo con dentro ostrighe de tre tipi dondoli e altro. Speciali scampi al vapore su un letto de carciofi crudi. Per no parlar dela pasta con la granzievola e del brodeto dell'adriatico.

Ristorante Balan a S. Giorgio di Nogaro ottimo per i piatti di pesce

Ristorante Gambrinus a San Polo di Piave questo credo sia il massimo visitate il sito internet ha anche l'eliporto e un torrente con storioni vivi . Specialità gamberi di fiume dalla Croazia con il pomodoro e mille altri piatti.

Allo stesso livello ma più orientato verso la carne è il ristorante da Nando a Mortegliano con delle ricette di tartufo da leccarsi le orecchie ed una cantina fornitissima.

P.S -- attenzione questi sono ristoranti dai 50 ai 130 Euri a testa.

bon dopo sta fadiga vado a zena che me xe vignù anche fame no capiso perchè.

ss

Due xe le robe...o tuti sti locai xe tui o "magnar e bever " xe diventada la tua filosofia de vita.
ciaociao

te ga ragion magnar e bever xe al secondo e terzo posto della mia filosofia de vita, come dir in termini olimpici medaia de argento e bronzo ,ma per l'oro xe per un altra storia.

Questo xe un bon posto, xe casin de domenica, un poco meno de sabato.
Strada : Pese-Kozina-Hrpelie- a Tublje girar a sinistra per Slope e se rivai. Propio volendo xe uno più sù, se ciama 'Pri Filetu' ma val solo per el "pelin" e per el "brignavez" veramente validi , ma per magnar ,fermeve de Damjanu.
Pollo appanà ,galletto rosto ,quattro o zinque primi, ottimi funghi , bon vin (meio el rosso ,ma anche el bianco và zò) , dò salette ,una in primo pian e una cameriera bionda de dò metri. Pasto completo dai 20 ai 25 €.

Pericolo Patente: quasi nullo.

Nova apertura local sai bel un soffito con un bellissimo disegno , carne e no so pese



Per andar con i clienti da 35 40 €

s

Questo xe caro.
Un bataglion de camerieri, carne e pesse, vin ottimo,ambiente rifatto in una costruzion assai vecia.
Più che valido , per un anniversario, per una zena de lavor o se paga qualchidun altro.
Bel giardin ,per la bona stagion, bellissime le sale interne e un servizio perfetto, con personal che parla perfetto el triestin e un mucio de altre lingue.
Due secondi (tagliata e filetto), tre contorni (patate fritte e verdure cotte) due dolci, mezzo de rosso, un'acqua de 1/2 ,caffè e una trapa tot € 62
Per el pesse, tutto dall'antipasto al dolce, 1 e 1/2 de bianco , in quattro € 223. (sfondrandose)
Un bronzo de Tito sul caminetto.


Pericolo patente : molto elevato
Parlo del ritorno, sperando, che all'andata uno no parti za carigo da casa.
Radar e etilometro ,quasi sicuri dal local fina a Sezana, chi che rientra per Lipica , grande attenzion anche sul toco della Sezana-Divaca , fina alla svolta per Lipica.
( a mi i me gà beccà , a cinquecento metri dal local , con la trapa ancora in boca!)

Questo lo frequento da 25 anni!
Sempre sulla strada da Pese verso Fiume,
Kozina - Hrpelje - Povzane - Markovscina - Gradisce.
Rivando, sulla sinistra xe la pizzeria 'Jacob', girè propio là ,50 metri fra le case e se' rivai.
Schinco de vedel , de porco, lubiansca, bistecca della casa ( xe una lubiansca nò impanada ma fatta ai ferri),
piatto inverno , veramente sempre perfetti.( el resto dipendi della giornada )
Per i primi, consiglio assaggini.
El vin, per forza refosco, mai e poi mai teran, el bianco xe quasi comestibile si' no' bira!
Bordel assoluto de domenica , meio sabato.
Le verdure ,xe de provarle, a mi le me fà impression, come anche el caffè ,che xe roba de circo!
Supremi el slivoviz e anche el brignavez (li fà el zio dei osti).
Claudio, xe el nome del vecio che xe morto. Quando che dovè ciamar el conto e ,stè za spetando da venti minuti , quel che beccherè pel collo se' ciama Tomo.
Porzioni giganti , bastanza scelta , bellissimo d'estate sotto la pergola.
Pasto completo ( mai rivà a finir ) dai 16 €
De provar assolutamente!!!
De inverno ,xe meio lassar el capoto in auto!

Pericolo patente : quasi nullo

Due granzievole, una de datteri, quattro capasante, 2 salate, 1/2 bianco (bon) e una trapa.. 69 €.
Per un marendin me par bastanza. I gà anche pasta col astise.
Difronte el local trovè un'ottima macelleria


Pericolo patente: quasi nullo

Non el massimo , cameriere cocole,macelleria tacada,tanta scelta , vin (da capirsi),lubiansca valida,contorni strani, se xe fame và ben.
Basovizza-Lokev (Cornial) -Divaca.


Pericolo patente: zero , no riverè bever più de un bicer ,de quela morchia.

Qua xe longhi.
Son stà tre volte ,la prima in quattro , la seconda in tre , la terza in due.
Per trovarlo , stò posto, no xe difficile,dopo la macelleria a destra e avanti per nanche 800 metri.
Due camerieri per due grandi sale. Uno giovane , uno vecio ma ssai vecio.
Risotto coi risi longhi un metro,datteri, pedoci , pesse de allevamento,vin de delirio.
La terza volta che son stà ( oggi ) ,dopo 35 minuti i me gà chiesto cossa che volemo per bever.
Dopo altri 20 minuti , senza che uno dei due camerieri se gabbi fatto veder , me son alzà e son ndà a a pagar el 1/2 de bianco e l'acqua (4.60 €).
El cogo, che penso sia anche el capetto, el gà avù una grande meraviglia ,per el fatto che andavimo via senza magnar.Risposta mia, a cotanta costernazione, xe stà : Dopo quasi un'ora se semo rotti le balle, de spetar de poder ordinar. La riposta dell'osto xe stada magica: Gavemo solo due man!
Deduco che non bisogna mai andar a magnar dove che due camerieri ghà solo che due man, inveze de quattro e che come i passato lassarghe 38€ a testa xe esagerato.
Per mi stò posto andassi sai ben come target per una esercitazion de artiglieria pesante.
Se volè magnar pesse .....Quà no.



Pericolo patente :..................................zero

Hosteria ai tre magnoni ex montedoro in via dell'Eremo no ghe son stado ma i me gà parlà assai ben se podessi provarla insieme in un prossimo futuro.

s

Un bel giretto.
Dragonja - Strada nova per Pola - Uscita Baderna, a sx verso Pazin - 10-12 km Beram sè rivai.

Local abbastanza novo, personal più che cocolo , cibo ssai ben fatto , sia primi che secondi, vin bon (almeno el rosso), bastanza scelta, quà i fà la sopa istriana , caffè come de noi , per la trapa no sò.(gavevo zà la sopa in corpo). Son stà due volte, sempre de sabato , no più de 50€ in due.( per la sopa xe meio telefonar prima).
Cmq, la gita xe valida se dopo magnà , andè a veder la Danza Macabra. A poco meno de un km dal local , trovè una cesetta del '400 , dentro xe un pochi de affreschi ,sempre dell'epoca, tra cui uno che raffigura una danza macabra,( coi scheletri che balla ). Domandeghe al Oste e lui ve ciama la signora che gà le ciave.
Lasseghe qualcossa per el disturbo.
Xe una bona alternativa , sè magari andè al bagno a Parenzo e cambia el tempo.

Pericolo patente : La strada xe longhetta, però in Croazia i sbirri sè infastidisi de più per la velocità che per el bicer de troppo. Per mia esperienza, gò sempre pagà perchè correvo ,ma no i me gà mai fatto sufiar (per fortuna) . Quindi , attenti ai limiti vizin le uscite della Pola - Salvore. Dopo xe veludo.

Quà andemo sul Collio. Paradiso dei beoni, podessi anche dir una terra quasi santa.

Ogni tanto giro per stò posto zercando de comprar un poco de vin per casa, xe tante aziende, forsi anche troppe, tutte de bona qualità, però ogni tanto se pol trovar quela con quel friz in più.
Sbagliando strada , son rivà in questa. Iera ora de pranzo e gò visto che i gaveva anche un agriturismo.
El paron xe sai cocolo, se pol pranzar con 15-18 € a testa, soliti piatti del friul in più el germano rosto
( el germano xe una papera). Bel posto, cibo più che commestibile, quel che inveze xe eccezionale xe el vin.
Merlot e Cabernet Sauvignon ( 5,20 € el 7/10) i xe come ambrosia. Un uvaggio el Bianco-Negro che , con i dolci ,xe veramente eccelso. Dopo magnà , i me gà portà in cantina per provar el sfuso, doppia magia , el iera bon quasi come le bottigliette. Sia i rossi che i bianchi de altissimo livel e ad un prezzo che và da 1,60 a 1,90 al litro.
Fora xe come uno zoo , un caval, porchi, oche , papere, galline e dò cani marremani grandi come mussi.
per rivarghe da Corno di Rosazzo verso Cividale, cinquanta metri prima del cartel che indica la fine del comun de Spessa, a destra e avanti per circa un km.

Pericolo patente : no coment ,però ve consiglio de non usar el navigator, perderse nel Collio pol esser ssai piacevole

Br1

Questo, un tempo iera soppranominà la Giovanna, me ricordo che se tocavo el muro me se bagnava la man de tanta umidità.
Darwin insegna che la specie se evolvi, questo xe un esempio palese.
El cogo xe un mago, tutti i piatti carsolini el li prepara con una cura che se pol dir estrema, i primi xe bonissimi, mi sò che par una monada ma se una zuppa xe bona ,vol dir che la xe curada. Quà i fà una zuppa alle erbe che xe una meraviglia. Canelloni, ravioi e gnocchi delicatissimi e bonissimi.
Secondi al stesso livel, coniglio e schinco de vedel sopraffini. I contorni cotti perfetti e i dolci sia la classica pasta crema che la ' bomba ' paragonabili a quei della Bomboniera. Bel posto, tutto ristrutturà, circa 80 coperti, personal perfetto e super gentile, unico neo pol esser el vin.
Quà semo vizin Dutoliano, patria de quel che i ciama Teran, purtroppo el sfuso xe propio quel Teran, magari a qualchidun el ghe piasi ,ma a mi propio no. Cmnq i gà anche bone bottigliette.
Paragonabile , se non superiore a Furlan ( distante 1 km giusto) el xe un posto de provar sicuramente.
Tutto,caffè e trapa, 52€ in due


Pericolo patente. quasi nullo

Quà iero oggi.
Xe relativamente vizin, el problema xe el dragogna , ma xe la stessa roba che ndar a Salvore.
La strada xe ben segnada sulla visit , quindi no perdo tempo a spiegarvela.
Sarà trenta anni che fazzo la strada per Pola , conosso ogni curva, ogni buso , ogni nascondiglio dei pulioti,
però no son mai stà in stò posto.
Se trovemo sora la valle del Quieto o Mirna , tutto intorno xe verde, a perdita d'occhio, par incredibile de star in un posto cussì a 40 minuti de quella merda de piazzal Rosmini.
Se tratta de un agriturismo, xe anche stanze, el paron xe Romano più due fioi e un per de aiuti.( parla tutti triestin , el vecio e un fio , lavorava de Pacorini)
La cusina xe casalinga, ma el riva a far fronte anche a 60 coperti senza pastrociar.
Ravioi, pasticcio, gnocchi,golas, carne ai ferri e fritta. Fritaia , asparagi , solito tartufo ,luganighe , dolci .
Le luganighe, xe potenti , sai speziade , particolari, se le magno mi vol dir che le xe bone.
I se distriga senza problemi , svelti , efficaci ,non xe un che gira a svodo.
Un discorso a parte per i fluidi. L'oio de oliva xe suo , de produzion, el gà vinto un casin de medaie.
El rosso , no saveria definirlo , forsi ottimo andassi ben, con un qualcosa de più. ( semo in Istria , no sul Collio).
El bianco gà un poche de marce in più , diria superbo!
Bella terrazza, due cavai , oche colla testa rossa, galline giganti a vò.

Per i prezzi non sò , iero ospite, però conosendo el nostro anfitrione diria che semo su un livel molto economico.
Anche se no vè fermè per magnar , val la pena andar là solo per el posto e per el vin.

Pericolo patente: Con le nove leggi slovene e con le vecce leggi croate, chiunque bevi un bicer de vin o de birra , xe soggetto a impiccagione. L'unico consiglio xe de rispettar i limiti de velocità sui cartei, xe meno probabilità che i ve fermi e che i ve fazzi suffiar. Ricordeve ,comunque, che esser sempre bravi non xe un pregio, xe monotono.

Br1