Aneddoti ...

Longhi ha scritto:Bha, mi podessi contarte qualche storiela dei ani a caval tra i 70 e i 80 (Maria Vergine, che vecio che son), ma son ancora titubante. Te me spieghi perchè manca (te ga cancalà?) comunicazioni? Spieghime, te prego, anche se credo che te gavarà avù le tue ragioni.
Intanto pensa che all'epoca Lele Cassia ga deciso che no se va più in montagna perchè xe nata una question co l'alarme anti incendio de un albergo, che xe partì ale 3 de note in un bagno serà a ciave, con la ciave rota nela seradura. La leva iera ligada a una piera che iera posada su un mucio de neve che se ga squaià. El mato (Lele) ga trovà due volontari per farli fora (mai più un diploma). Li ga trovai grandi, grossi e cativi. I colpevoli ga confessà (no i voleva morir giovini). No so che fine che i ga fato. No i ga finì la scola.

Me xe stà chiesto da razzaale de cancelar alcuni post relativi alla Montagnini che mi gavevo quotà...

Pecà che go avù Cassia un solo anno come Preside....ma me ricordo che'l iera un drito.....altro che'l pimpinela che go avù el disonor de diplomarme.....

Oh bon, dopo più de un mese de assenza ritorno a scriver e a legger delle gesta de gente speciale, che gà fatto una scola speciale e che non se la gà mai dimenticada.

Me accodo con piazer a tutti quei che loda el mitico Cassia. Mi me lo ricordo in prima quando el xè vignudo a vederne in faccia, noi brutti e un fià spauridi. El saveva tutto l'appello a memoria, el ciamava el nome e el chiedeva de alzarse :" Così mi ricorderò bene della tua faccia ", el dirigeva i cori , o che iera bisogno de qualcossa el ciamava un delle quinte e lo mandava a comprar in giro per città, senza tanti problemi.
Mizzan gà fatto el facente funzioni preside durante el mio terzo anno. Sempre sulle scale quando che entravimo, el firmava e el te mollava sempre un commentin sulla tua assenza, anche la più sacrosanta. Me lo ricordo a fine maggio, zà caldo per andar Barcola, stago salindo le scale e vicin de mi Max Zerial ( che lavora nei uffici tacadi de chi che scrivi) in polo, bermuda al ginocchio tipo accademia 3° anno e timberland da barca, insomma tutto forchè starzon. Insomma , Vito lo blocca e el ghe disi :" Dove ti credi di andare così conciato ? In spiaggia ? Se vuoi entrare te ne torni a casa e ti cambi, altrimenti sarai assente ingiustificato." Ciò, no lo gà fatto entrar e ripeto che anche i cadetti de Livorno al 3° anno d'estate, vesti i bermuda.
Ma iera altri tempi, Sergetto se xè per quel no ne voleva in tuta gnanche el giorno de ginnastica.

Bon, fazo i complimenti a tutti i muloni che se gà ritrovado dopo tanto tempo. Xè un bell'esempio e continuè cussì. Con Herr Director Jampa se sentimo direttamente e preparemo le bici per la primavera.

Ciao a tutti.

Giugno '79,finissi la scola. El giorno dopo, Nigido, Filippi, Badina e altri do de lori i ne porta in gita col Borino.
Andemo a Grado e decidemo de magnar qualcossa de bon. Un de noi, che iera pescador, procura una casseta de capelonghe e se meti a cusinarle, i profi ciol de bever.
Sti maledeti ga comprà una cassa de dopi de vin, iera 12 litri, naturalmente qualcossa gavevimo za drio, e comincia a nasser casin. Passemo per la laguna e fora de Lignan butemo el fero e magnemo ste capelonghe in salata.
E bevemo TUTO.
Femo una gara de tufi, mi fazo una russa dal teto dela plancia dela maladeta barca e slavazo Nigido. El mato me varda e el disi: "Bela mulo, se savaremo dir, veramente bela." Tornemo in cità, e semo un poco commossi dela belissima giornada, se scarighemo ancora un do birete ala motonave e la de Mama, mi e el cogo, che iera za ripetente e che el saveva de gaver finì la cariera, femo un poco de acqua sule erte dela scola. Bon, lu no ga mai finì, e mi son andà a setembre. De navigazion, naturalmente.

Nigido no ga mai parlà monade, le promesse le ga sempre mantignude.

Allora caro Longhi...la storia dell'allarme in bagno xe andada cussì...
Come ben te scrivi ti, in albergo ad Auronzo 8( doveva esser nel 77 o 78 ), alla cadena dell'allarme xe stada tacada una piera. La piera xe stada posada su un poco de neve dentro el bidè. La porta serada a ciave e la ciave messa sotto el tapedo. Sbagliadi i calcoli de scioglimento, inveze de sonar verso le 20 - 21 l'allarme xe scatta alle 2 o 3 de notte. Per dirte el vero a quell'ora dormivo ...me ga sveia el prof de teoria della nave che ghe coreva drio a 2 che no iera in stanza sua ma i se trovava in un altra camera. El giorno dopo...riunion de tutti con i prof ... el capo gita iera ...cavoli non me vien in mente el nome (ex sommergibilista che insegnava teria della nave) stago diventando vecio. I ne voleva far tornar a casa ma dopo i ga capì che no iera cattiveria ma solo uno scherzo...i ga solo volu saver chi iera sta e se ricordo se gavemo fatto solo 2 ridade e la solita ramanzina. Non preoccuparte se ricordo ben nel 80 anche lori 2 se ga diploma... Te digo solo che el iera un dei capitani, che gaveva tanta inventiva ... per matematica o chimica, el gaveva crea un sistema de leve che col tirava un spago el tabelon de disegno vegniva fora da drio l'armadio e col molava el cavo ...tutto tornava a posto...inutile dir che su quel tabelon iera scritte tutte le formule

ciao a tutti e alla prossima

Chi te son?
Mi son Italo Deponte, del '62, go finì nel '82 la 5° capitani.

Urka che bele storie...
Chi se ricorda del visitin fato alla vicina scola, quando che per motivi de ristutturazion dele scale antincendio, ghe jera le porte che comunicava?
Me ricordo ancora oggi el muso de qui de là, co i sega trovado i banchi uno su l'altro e Cassia a spiegarghe che noi no c'entravimo perchè ierimo ocupadi con la matura...

Mha, a mi me ga tocà de far longhi, de la, al Carli, perchè iera una prof. dele sue che no la voleva capir che ai riposi se podeva fumar in coridoio.
E che c...o, tuto sto casin per diese de lori che fumava toscani ....

ociocherivo ha scritto:wowwww, Monica te disi che la prof Vanello istigava... te dovevi veder la Mezzena allora... grambiul nero (sempre) parucca tipo caschetto con ciuffo bianco de cavei che dalla fronte iera gira in alto e tegnudo sulla parucca con un ciapin... denti gialli sporgenti con spudata nel pronunciar parole difficili...Una volta un o (studente) che non ga fini el nautico (strano ) mentre la parlava ...el ghe ga verto un ombrela davanti la faccia per diffenderse dalle spudade...no capiso perchè la se ga rabia.... ...

Si, e la Amabilino, quela de italiàn che la iera sposada con Orazio Bobbio? La vegniva in classe cole autoregenti a rede e la minigonna de pelle nera... Roba che fazzèva resuscitàr anca i morti! Zucchi, che iera in prima linea, parèva una pignata atomica!

Longhi ha scritto:Ed ecco emergere dalle nebbie del passato una ignota verità: "NO SO!"
Rodenogo iera Olinto. El perchè lo savarà quei che iera prima de mi.

La leggenda disi che una prof de storia (suppongo nunche-dunche Baici) la gabi scrito "Olinto" a caratteri cubitali sula lavagna (Olinto iera una cità del'antica Grecia) per farghe ricordàr ai muli el nome de 'sta cità. L'ora dopo iera Marinaresche e Rodenigo, vedendo 'sta scrita sula lavagna, el ga pensà che fussi una ciolta pel cul nei sui confronti. Rabià come non mai, dopo zighi, urli e discussioni, el stava quasi per meterghe la nota a tuta la classe cò xè rivà 'sta prof de storia che la ghe ga spiegà che la scrita la la ga fatta ela. Rodenigo, acorzendose dela figurazza che el se gavèva fatto, el xè sta zito e bon anche nele setimane sucessive, cò entrando in classe el trovava puntualmente ogni giorno la scritta "Olinto il Furioso" sula lavagna.
Mi ve la go contada come che la go sentida...

Ma fassevi cantade in coridoio?
Savè che i studenti del Nautico ga fato un disco nei primi sessanta?

Longhi ha scritto:Ma fassevi cantade in coridoio?
Savè che i studenti del Nautico ga fato un disco nei primi sessanta?

Sa che gavèvo sentì anche mi 'sta storia del disco? Bisognassi domandarghe a Paolin Stenner... se sa che lui sa TUTO, "Saaanto Dio!"!

No xe una storia, xe vero.
El disco esisti. Disco in vinile, no credo che nissun gabi mai fato el CD.
I lo vendeva in via Diaz, di fronte al Carli.

Ciao Muli, bela idea, bel sito, bravi tutti.

Ve conto mi una verta fatta penso nel 90 o 91 a
ginnastica: iera i anni che el nautico gaveva pochi soldi, el
Borino iera fermo mezzo marzo, no se usciva in barca, no
se gaveva gnente.
Gavevimo le solite do ore de ginnastica però i ne le gaveva cazzade de pomeriggio, e allora noi andavimo a pranzar in via
Diaz ai "Due Triestini" che iera una bettola sai marza e
sai spuzzolente, però i fazeva dei gnocchi col ragù bonissimi.
Anche Roby oste iera sai coccolo.
Ovviamente un giro la situazion ga degenerado e semo rivai alle
tre a ginnastica carighi de rosso col arancio, tanto che gavevo la lingua completamente nera pel vin che go bevù...insomma ierimo impresentabili.
A un certo punto dopo vari schiamazzi, zigi e urli Stera
se gaveva accorto che iera qualcosa che no andava e el me
ga ciamà in parte disendome: "fammi vedere la lingua!"
Ciapado in corner ge la go fata veder e ovviamente iera
tutta nera de vin... "- Cos'hai li sulla lingua? Avete bevuto
vero?" Ghe rispondo caga de vignir sospeso: -"No prof, è
che mi sono azzuffato con un mio amico, ho preso un pugno
sulla lingua e ho un ematoma...."
Risultato: nota sul registro e sei in condotta primo quadrimestre....

Ciao a tutti
Nautico forever !!!!!

Bellissima , e complimenti per la fantasia, certo che l'idea dell'ematoma sulla lingua xe sai forte.
Magari se te ghe disevi che te gavevi magnado mirtilli forsi iera più verosimile e inveze che 6 in condotta i te dava 7 come a mi quasi sempre.
s

Ma adesso come adesso , el Nautico gà ancora la palestra in via Della Valle?

I Due Triestini , da quel che me ricordo , iera una specie de mensa a ora de pranzo , un mortorio dopo magnà e un inferno prima de serar !!
Vè dirò , in sincerità , che preferivo el local de quel tempo , al fora per fora frequentà da tutta altra gente, compresi noi in pien revival ! E me manca anche el Cantinon de via Lazzareto Vecio !

Aimè semo nel 2009 e un calice costa come un litro de benzina , quella volta nol costava un ..zzo e iera quasi come benzina!!!

Per la lingua , ben vè stà !!
Non bisogna mai mostrar la lingua , xè segno de maleducazion !
Sè ve vien ordinà de tirarla fora , allora bisogna morsigarsela e davanti al sangue nissun vè punirà mai.
Mì gavevo sempre otto in condotta !!! (bevevo bianco con l'arancio)

Br1

Me ricordo quel 6 in condotta iera un vanto non da poco, fonte
de rispetto assoluta... un poco de meno da parte dei prof...
A proposito de baretti, chi se ricorda in via Torino quella latteria
"Guido - paghi uno porti via sei" che iera sai de voga dove se
entrava a comprar un pacchetto de Dixie e ciacolando cola vecia intanto se portava via 3 coche e 8 sacchetti de patatine
de sconto?
Me par che povero ga falido proprio perchè i ghe rubava la roba drio man...
Co' gavevimo la prima ora "buso" (geografia-tette-Vanello) che
se podeva ciacolar e farse i mazzi propri te vedevi gente con
pacchi de patatine e bibite a iosa gentilmente offerti da Guido...

Ah, che tempi...

Co iero mi marciave el TEVERE, adesso xe dentro un grego, e la vizin iera I TIPICI che adesso xe assai fighetto, ma iera un local de sbrego, serio.
Siora Rosa: caro ma magico. Siora Rosa iera magico ......
Un giro, Renato el cogo, ne ga regalà una guantiera de polpete apena fate.
Se divento presidente dela republica lo fazzo senatore a vita.
E le pizze a metro del talian in cavana?
La prima la go magnada co iero in terza, cossa volè, i soldi me serviva per le ciche.

Ah...el Tevere...go fatto qualche lippa la dentro, i gaveva
anche bon vin, tipo se tornava a casa per la mezza con la classica frase: "mama, oggi gavemo finì un'ora prima..Sì, xe ndà tutto
ben, niente interrogazioni.." (Però son pien de sprizz... )

A proposito della pizzeria al taglio ve conto questa:
Nicola Funghetto, che iera el talian (penso anche el paron?)
drio el banco, spesso imbroiava i muletti affamadi con la bilancia
perchè arrotondava tutto alle "100 lire", ovviamente sempre in più.
Me ricordo che un etto de pizza vigniva tipo 1500 lire, e quando
te ghe lo ordinavi il mato regolarmente te taiava 1800 o 2000
lire. Indispettidi de sta storia un giro decidemo de farghe un
scherzo: entro nel local e ghe chiedo de taiarme tipo 1 etto, 1 etto e mezzo, 2 etti e mezzo e 3 etti, tutti separadi, insomma el mato ga speso 15 minuti per taiar e preparar tutto, ovviamente co la sua "pesada"... Ma che contento che l'iera !!
Appena impacchettà ghe digo: "e deso te pol anche metter via
perchè non ciogo niente..."
Dovevi veder la faccia del mato...oci sgranai, secondi de silenzio, e dopo xe corso fora (mi intanto son fugà ridendo coi compari):
"- Maledetto! Se ti prendo ti faccio vedere io!!! Più qualche imprecazion in talian che non gavevo capido...
Le ridade...

Ciò, ma no xè nissùn dela mia generaziòn, de quei che andava de Ciano ala Motonave?
Ala fine ierimo diventadi cussì amici che el ne fazzèva andàr in tel sopalco a far lipe e el ne avertiva se vegnìva dentro qualche professor (oramai li conosseva tuti anca lu!).
Un per de volte se gavèmo sconto anche in tel magazzìn che gavèva drio la scala...

Ala motonave go telefonà che xe una bomba in tela scola. "le passo il preside" de novo che xe sta cazzo de bomba, Lele disi:"Dep ... non fare il coglione, vieni a scuola e non rompere le palle." Scusi illustrissimo.
Ciò no el se ga nianche incazzà.
Iero mona za quela volta .......

mi me ricordo un confronto all'americana con nigido davanti al nautico che el zercava tracce de gesso sulle man nostre perchè pertera iera scrita una frase contro la Penco .... che no riporto .... noi quela volta no centravimo niente, e no so neanche chi che xe stado ma me ricordo che ierimo un 5 6 de noi in fila che mostravimo le man e la gente che passava se ga fermado a vardar la scenetta perchè no i capiva .... el problema xe che Nigido no ga trovado el colpevole e ne ga dovudo "rilasciar" .....

Chi iera a Siracusa al Trofeo dei Nautici nel 82 (83?)

Nel 82 go finì. Chi te son?
Casomai scrivime.
no son andà ai trofei, gavevo piconi ....

Longhi ha scritto:Ala motonave go telefonà che xe una bomba in tela scola. "le passo il preside" de novo che xe sta cazzo de bomba, Lele disi:"Dep ... non fare il coglione, vieni a scuola e non rompere le palle." Scusi illustrissimo.
Ciò no el se ga nianche incazzà.
Iero mona za quela volta .......

Noi 'ndavimo, durante el riposo, de mamma Rosa che, in persona, ne faseva 1/2 biga doppia con senape a 10 lire; e le bombe (a man) a scola le xe capitade veramente con Toni incredulo, e drio de lui gli artificieri, che se tuffava fora della presidenza al grido "xe cariga!!! xe cariga!!!" per poi scoprir che inveze iera pien de cicchini studai.
E poi, anche se de almeno un deca più veci, non semo cinici, mi veramente volessi saver chi realmente xe el mato.

Che mato?