Aneddoti ...

SOLO CRONACA VERA

Inizio mi con una a caso fra le tante monade capitade nel quinquennio ... (ok, lo so, a qualchedun sta storia dei 5 anni che va un poco strenta ... )

Anno scolastico 1998/99, il che per el mio corso implicava esser appena diventadi maggiorenni (tranne quei appena menzionadi ) ...

el mitico Diego "Cristo" vien ciamado dalla capoclasse perchè el ga una decina fra assenze ingiustificade e ritardi ... "ok ... adesso metto tutto a posto" disi el mulo, e dopo pochi minuti presenta el libretto con una serie de fantastiche giustificazioni:

- Sono stato rapito
- Attacco Apache alla carrozza
- Incontro con alieni
- Mi sono perso
- La piaga delle locuste
- Ero sul fuso orario di Mosca

la leggenda narra che la prof abbia fatto finta di niente e abbia considerato valide le giustificazioni presentate ... altri chiamano in causa la semi-cecità della prof stessa ... altri la Divina Provvidenza, che pietosa verso il quasi tragico bilancio scolastico dell'alunno, abbia voluto evitargli la sicura condanna alla ripetizione dell'anno ...

CIAO!

Grande Sandro, bela storia, appena go un po de tempo metto anche mi qualche aneddoto.
Quoto in pieno!
Ciao a tutti!

Come promesso, ve mando i ritagli de giornal dell'epoca (ormai xe passadi 13-14 anni)...adesso semo tutti grandi, la maggior parte con una famiglia e tutti bravi ed onesti lavoratori...al tempo invece ierimo un pochetin turbolenti.
Ghe saria tante cose da raccontar e tanti "simpatici" aneddoti da dir, soprattutto sul terzo ritaglio...ma resterà "leggenda" de quei che ghe ga partecipà e che se ga tanto divertì....







Concludo con..."e sora Piazza Hortis xe sceso un dirigibile....e sora iera scritto Nautico invincibile"

per non dimenticar sempre diego "cristo" che infila el ditin nelle pale del turbocompressor in movimento...per fermarlo.
e con faccia costernata el vien là de mi (che ghe gavevo pena spiegado el principio di funzionamento) e me fa:
Sono riuscito mica a fermarla, sai?

corsi in ospedal, ditin ritacà col attak (circa)

Anno '90-'91 del paleozoico: classe 3°B

La classe è stata avvisata che sarebbe andata a vedere presso il cinema Ariston il film "JFK" di Oliver Stone, necessario portare la firma dei genitori sul libretto.
La proff.ssa Penco , matematica, è incaricata di controllare le firme in classe per poi far scendere gli studenti. Libretti aperti sul tavolo e lei che passa tra i banchi. Il nostro collega ( anche a mi "compagno" no me piasi) Paolo Cendak , plurimaggiorenne, estrae la penna e sta per firmare.
" Cendak! Cosa credi di fare?!" strepita la Penco mentre Cendak la guarda stupito e risponde tranquillamente che avendo 19 anni si sta autorizzando ad uscire da scuola perchè è stato messo a conoscenza da sè medesimo dell'uscita programmata. La prof non coglie l'ironia e la situazione assurda nella quale si è cacciata e comincia a saltellare contenta dicendo:" Eh no! Non vale, non puoi!! Dovevi firmarlo a casa! Adesso non si può più!" Proteste inutili del collega che cercava di metterla davanti alla mancanza di logica del suo comportamento.
Morale : Matematica e logica , per i nostri professori, percorreva strade divergenti!

Bhè, sandro, te se ricordi la carica contro al carducci? quanti ierimo?

ma voi save...che una volta i ga pitura el Borino de grigio per girar un film in golfo con Fabio Testi? Dimenticavo...in manovra de attracco al villaggio del Pescatore i ga urtado el molo... bon, poca roba tanto iera abitudine in quel periodo ( se non sbaglio 78 0 79)... una volta per ormeggiarse drio la pescheria i ga centra un rimorciador che fazeva gasolio nel distributor de carburante che iera drio la pescheria...

me ga fato piazer legger su questo forum l'inno del nautico...iera tanti anni che non lo sentivo o leggevo...

ciao a tutti

chi me sa dir come funziona adesso con i piani del nautico. Una volta al 2 iera le prime e le seconde, al terzo pian le terze e le quarte e sora iera le quinte...se me ricordo ben ... (xe pasadi quasi 30 anni)...quel che me ricordo ben iera che i pici de prima e seconda nianche morti i podeva andar al pian de sora. Se i provava iera cavoli sui...al minimo i lo spoiava e lo impiniva de scritte sul petto e sulla schena... solo in terza se podeva andar al pian de sora...

ociocherivo ha scritto:chi me sa dir come funziona adesso con i piani del nautico. Una volta al 2 iera le prime e le seconde, al terzo pian le terze e le quarte e sora iera le quinte...se me ricordo ben ... (xe pasadi quasi 30 anni)...quel che me ricordo ben iera che i pici de prima e seconda nianche morti i podeva andar al pian de sora. Se i provava iera cavoli sui...al minimo i lo spoiava e lo impiniva de scritte sul petto e sulla schena... solo in terza se podeva andar al pian de sora...

Me par che xe cambià tuto...'deso i xe in 400 (e pensar co go finì mi nel '95 ierimo in 180).
Ai miei tempi iera come te ga descrito ti....
Poveri muli de prima e seconda...iera nonismo puro...
Me ricordo che ala mia prima asemblea de istituto in prima nautico (la fazevimo nela sala riunioni del Galilei), go tentà de mocarmela alegramente...pecà che un de quinta me ga acolto col cortel in man chiedendome dove stago pensando de andar...ahahahahaha.......me son quasì cagà indoso e zito zito son tornà a scoltar l'asemblea.....

Adesso non xè più così, l'altro anno per esempio cambiavimo classe ogni giorno, penso che questo anno xè restà cussì...

Mi confermo tutta la storia dei piani: per un primin el pensier de salir suso dale quinte iera semplicemente fora question. E ve digo anca una roba: in bona parte dei corpi speciali questo tipo de "nonnismo" bon xè giudicato assolutamente funzionale all'istruzion delle reclute. Me rendo conto che stemo parlando de una scola e non son impazzido ma questo modo de far crea e mantien alto el desiderio de diventar come quei che vien presentadi come dei modei. Ovviamente noi se mantiniva el costume per farghe le angherie a quei dei piani bassi una volta rivadi in quinta ma forse qualcossa serviva sul serio.
Oltre a questo: ma ve ricordè la prassi per portar una giustificazion dopo l'assenza? Prima delle 8 te andavi dal bidel che te accompagnava dal Preside, lui te metteva un visto sul libretto e te spediva in classe, el prof. della prima ora segnava che te son tornado sul registro ma non te giustificava e te spetavi de aver el prof capoclasse che strappassi la pagina del libretto e te fossi finalmente riammesso tra i "buoni".
Per no parlar del fatto che anche a 18 anni compiudi no te podevi scriverte la giustificazion a scola o in giardin perchè " è un chiaro gesto di sfida nei confronti dell'autorità e istiga gli altri studenti a ripeterlo" . Prof. Dott. R. MARCHIONE dixit!

Ciao.

matteo ha scritto:Mi confermo tutta la storia dei piani: per un primin el pensier de salir suso dale quinte iera semplicemente fora question. E ve digo anca una roba: in bona parte dei corpi speciali questo tipo de "nonnismo" bon xè giudicato assolutamente funzionale all'istruzion delle reclute. Me rendo conto che stemo parlando de una scola e non son impazzido ma questo modo de far crea e mantien alto el desiderio de diventar come quei che vien presentadi come dei modei. Ovviamente noi se mantiniva el costume per farghe le angherie a quei dei piani bassi una volta rivadi in quinta ma forse qualcossa serviva sul serio.
Oltre a questo: ma ve ricordè la prassi per portar una giustificazion dopo l'assenza? Prima delle 8 te andavi dal bidel che te accompagnava dal Preside, lui te metteva un visto sul libretto e te spediva in classe, el prof. della prima ora segnava che te son tornado sul registro ma non te giustificava e te spetavi de aver el prof capoclasse che strappassi la pagina del libretto e te fossi finalmente riammesso tra i "buoni".
Per no parlar del fatto che anche a 18 anni compiudi no te podevi scriverte la giustificazion a scola o in giardin perchè " è un chiaro gesto di sfida nei confronti dell'autorità e istiga gli altri studenti a ripeterlo" . Prof. Dott. R. MARCHIONE dixit!

Ciao.

Urca...questa dele asenze no me la ricordo....me ricordo ben però quel sabato del marzo 94 co me xe rivà la Digos a casa.....denuncià dal Preside (mi e altri 10) per l'ocupazion.....art. 340 codice penale "interruzione di pubblico servizio"....cocolo no????
Neanche a dir xe s'ciopà un casin infinito, con tuti (o almeno tanti) prof dala nostra.....

Altro che il SIG. Preside Prof. Cassia........altro pianeta......un che se doveva tirarte un scopeloto te lo tirava (e comunque el gaveva ragion....)

...

urca muli!...me gave fatto ricordar la fila che se fazeva de Cassia per timbrar el libretto delle giustificazioni... me ricordo che una volta el me ga dito:"metti la mano sul tavolo" ...mi timidamente la go messa e lui... el me ga tira una timbrada sulla man inveze che sul libretto..."adesso puoi andare in classe" el me ga dito...
Me lo ricordo ben el preside Cassia...dopo messa dei 250 anni me ga fatto piazer darghe la man...una brava persona...almeno mi la penso cussì.
Una volta pero lo gavemo fatto quasi incazzar...
Lezion de disegno...primavera...finestre verte..."cossa te disi ghe tiremo un gaveton a quel sulla panchina"...uno va a impinir la borsa de acqua...co el torna in classe 3 de lori va con el tabelon de disegno davanti el prof Vascotto... la borsa parti e nega quel che legeva tranquillo el giornal ... dopo 10 minuti Cassia con uno tutto slavaza i entra in classe e i ne trova tutti sentadi e el prof in catedra...prima i iera sicuri che ierimo noi ma vedendo el prof tranquilo...ghe xe vegnu el dubio, anzi...i ieri quasi convinti che non centravimo...fatto sta che nesun ne ga dito niente...

ciao muli alla prossima

E si iera proprio cussi'...una volta el preside Cassia ga fatto venir mia mamma perche' el pensava che fazevo lippe e inveze stavo proprio mal(almeno quela volta).Ma voi visto che se dei putei non pode' saver cossa che me ga capita' una mattina che son andada a scola con la cotola e anche lunga......beh per farvela curta go dovu' tornar a casa a cambiarme"Non e' dignitoso e soprattutto istiga gli alunni alle distrazioni" questa xe stada la giustificazion del Preside e de tutti gli altri....Disemo che podeva anche andar ben se la legge iera uguale per TUTTE esempio Prof.Vanello de geografia ela se podeva vestir come che la voleva, ela non istigava...mah!Altro aneddoto cocolo....me ricordo che noi mule gavevimo el bagno in V pian, e iera sempre un bel viaggio soprattutto quando te trovavi quei dela V ,che te rompeva le bale.Fato sta' che un bel giorno co lori ne ga ruba' el speccio nostro, i ga' dovu' pitturarne el bagnetto de rosa su ordine de Rodenigo(Proff.marinaresche).Bei ricordi niente da dir!Besos Monica G

wowwww, Monica te disi che la prof Vanello istigava... te dovevi veder la Mezzena allora... grambiul nero (sempre) parucca tipo caschetto con ciuffo bianco de cavei che dalla fronte iera gira in alto e tegnudo sulla parucca con un ciapin... denti gialli sporgenti con spudata nel pronunciar parole difficili...Una volta un o (studente) che non ga fini el nautico (strano ) mentre la parlava ...el ghe ga verto un ombrela davanti la faccia per diffenderse dalle spudade...no capiso perchè la se ga rabia.... ...

Monica G ha scritto:E si iera proprio cussi'...una volta el preside Cassia ga fatto venir mia mamma perche' el pensava che fazevo lippe e inveze stavo proprio mal(almeno quela volta).Ma voi visto che se dei putei non pode' saver cossa che me ga capita' una mattina che son andada a scola con la cotola e anche lunga......beh per farvela curta go dovu' tornar a casa a cambiarme"Non e' dignitoso e soprattutto istiga gli alunni alle distrazioni" questa xe stada la giustificazion del Preside e de tutti gli altri....Disemo che podeva anche andar ben se la legge iera uguale per TUTTE esempio Prof.Vanello de geografia ela se podeva vestir come che la voleva, ela non istigava...mah!Altro aneddoto cocolo....me ricordo che noi mule gavevimo el bagno in V pian, e iera sempre un bel viaggio soprattutto quando te trovavi quei dela V ,che te rompeva le bale.Fato sta' che un bel giorno co lori ne ga ruba' el speccio nostro, i ga' dovu' pitturarne el bagnetto de rosa su ordine de Rodenigo(Proff.marinaresche).Bei ricordi niente da dir!Besos Monica G

Ahahahah Monica....la Vianello de geografia.....la vigniva in gona e la acavalava le gambe....altro che ragi X, te fazevi la colonscopia.........per de più la vigniva in bici!!!!

eh bon, bravi! Complimenti! Parlemo della Vanello, parlemo della Mezzena, parlemo de Rodenigo...parlemo de tutti ma della De Gasperi nessun che me dia notizie!

Per Monica: considera che in terza, a fine maggio, l'allora facente funzioni del Preside, Prof. Mizzan, gà mandà casa Max Zerial perchè se gaveva presentado con i pantaloni al ginocchio!!!
Ara che no intendo bragoni de playa: el sembrava un cadetto de livorno in divisa estiva (3° anno). Mizzan ghe gà ditto che cussì vestido el podeva andar solo barcola!
E se volemo parlar de Prof. che istigava, un posto d'onor per mi lo gà i gambaletti della Mara "nunche-dunche" Baici!!!

Una domanda per Antonio: ma te se gà accorto che al posto delle foto de Rodenigo te gà messo quella de Bilbo Baggins del Signore degli Anelli? Xè lui spudado!

Ciao a tutti!

Una domanda per Antonio: ma te se gà accorto che al posto delle foto de Rodenigo te gà messo quella de Bilbo Baggins del Signore degli Anelli? Xè lui spudado!

Ma non el ne ga mai fatto el scherzeto de sparir quando el se infila l'anel.
Ciao!

Ma non el ne ga mai fatto el scherzeto de sparir quando el se infila l'anel.
Ciao!

Te gà ragion, quel no ghe lo gò mai visto far però lo gavemo visto sparir zò della passerella per salir sulla barca a vela! Fa conto che iera solo un uscita per illustrar le parti della barca e el iera vestido in giacca e cravatta, valigetta e ombrella. El xè andà zò a piron come un piombo, fantastico!!! Considera che el xè uscido, calmissimo mentre noi se tinivimo la panza dal rider e el gà dito :" E sia chiaro che un professore non cade mai in acqua. SI TUFFA! ". Che stile!
Invece, durante gli allenamenti de voga ne xè cascà in acqua Filippi , detto " el terramaricolo".
Sarà stada la classe sfigada! Boh.

Ciao

Me par de aver capi' che te son collega' proprio 'desso...Allora visto che se cussì volevo chiederte quando se podessimo veder magari anche con Fabri, te fazo presente che domani mattina vado a scola e finisso alle 13.45 casomai se becchemo per un coffee

Ciao Monica, spostiamoci sulla chat, credo sia meglio.

...quella de Rodenigo casca in acqua la go sentida anche mi a quei tempi...ma non lo go visto cascar...
me xe inveze torna in mente el prof Nicoli de Geografia...iera uso, nee sue ore, tirar per la classe soldi de 10 o 20 lire...lui le ingrumava e el diseva" le daro al primo povero che incontro" ...un giorno (nn me ricordo chi...ma i lo ga fatto anche altri) prima de tirar el soldo lo ga scalda con un acendin, tegnindolo con un ciapin, e col iera sai caldo lo ga tira vizin el prof...che appena tocca el se ga scotta..."con la Mezzena non faze cussi" el ga dito. Te credo...quella iera capace de farne novi tutti!!!

Ve conto una che xè capitada a bordo, no centreria col topic ma ierimo in diversi de trieste sul ponte: Oceano Indiano, nave alla deriva per regolar l'eta, tempo splendido. El primo ufficial triestin, ora nostro stimato comandante, ciama l'allievo sul ponte per scriver el brogliaccio. L'allievo iera una mula de napoli che se vantava de aver el doppio diploma macchina/coverta, roba che mi no gò mai capido se fussi vera e possibile. Al momento de metter el verso della corrente nassi i problemi: "anna" el ghe disi, "se la nave iera in sto punto e se gà mosso per parallelo in direzion est, che direzion te vol che gabbi la corrente?" . La tipa sfoggia lo sguardo del bue che cucca i treni passar e la se scusa " Chief, io...veramente...in navigazione..il proff" , lui la interrompi: " Ma scusa, da che parte sorgi el sol?" , de novo sguardo interrogativo ma la se ricorda de quella cosa detta "EST". Alora lui,per ciorla in giro, ghe disi:" brava anna, ma questo xè vero se la nave xè ferma! Metti che procedevimo con Rv per nord? Come cambia l'amplitudine?". Pronta e spedita la ghe disi: "E chief, bisogna fare la componente!"
Morale della favola: el sol sorgi a est in caso de navi ferme altrimenti, per dar l'azimut, dovè far la media col valor della rotta!
O almeno cussì i insegna al nautico de Napoli.
Ciao

In ultimo pian iera le quinte. Quei de quarta iera ammessi. E basta. Là dele prime (primo pian) no se fumava in coridoio, solo in cesso, ai pici ghe fa mal. "Vietato fumare" iera una legenda metropolitana, Cassia se meteva sule scale ale oto de matina e el becava una cica qua e una la, e bisognava darghele! I magioreni se giustificava soli, per scrito, ma iera prassi che al compimento del 18° un se firmava tuto el libreto e po bon.
Monica quando te ga fini?